Ný heimasíða SÍ

Ný heimasíða Skáksambandsins er nú komin í loftið. Hún er þó ófullgerð, en með tíð og tíma verður klárað að setja inn þær upplýsingar, sem á vantar.

Á síðunni eru í aðalatriðum þær upplýsingar, sem voru á gömlu siðunni og www.chess.is, ásamt ýmsu efni sem samið var og sett upp meðan á uppsetningu síðunnar stóð.

Nokkrar fleiri viðbótareiningar eiga eftir að koma inn, svo sem java-forrit til að sýna skákir beint á netinu, en slíkt verður tilbúið í tíma fyrir Reykjavík open.

Það er Snorri G. Bergsson sem á heiðurinn að vel útfærðri síðu.

Heimasíða SÍ

Ivanchuk kominn upp við hlið Grischuks

Úkraínski stórmeistarinn Ivanchuk (2779) komst upp við hlið Grischuks (2733) með sigri á Aronian (2750) í 13. og næstsíðustu umferð Linares-mótsins sem fram fór í dag.  Öðrum skákum lauk með jafntefli.  Carlsen (2772) er þriðji eftir að hafa klúðrað unninni stöðu í jafntefli gegn Radjabov (2761).  Lokaumferðin fer fram á morgun.

Úrslit 13. umferðar:

Ivanchuk, Vassily	- Aronian, Levon	1-0
Grischuk, Alexander	- Anand, Viswanathan	½-½
Carlsen, Magnus	- Radjabov, Teimour	½-½
Wang Yue	- Dominguez Perez, Leinier	½-½

Staðan:

 

Nr.	Nafn	Land	Stig	Vinn.	Rp.
1.	Ivanchuk, Vassily	UKR	2779	7½	2812
2.	Grischuk, Alexander	RUS	2733	7½	2816
3.	Carlsen, Magnus	NOR	2776	7	2778
4.	Anand, Viswanathan	IND	2791	6½	2748
5.	Wang Yue	CHN	2739	6	2728
6.	Radjabov, Teimour	AZE	2761	6	2727
7.	Aronian, Levon	ARM	2750	6	2729
8.	Dominguez Perez, Leinier	CUB	2717	5½	2702

 

Linares-mótið

Gunnar Finnsson sigraði á fimmtudagsmóti TR

Gunnar Finnsson var einn efstur á fimmtudagsmóti TR með 9,5 vinning úr 11 umferðum. Keppendur tefldu allir við alla (Round Robin) 7 mínútna skákir og var keppnin nokkuð jöfn allan tímann en úrslitin réðust ekki fyrr en í lokaumferðinni. Hellismaðurinn Björgvin Kristbergsson var sýnd veiði en ekki gefin og sannaði hið fornkveðna; að menn vaða ekki í vélarnar!

Strax í  fyrstu umferð byrjaði hann á því að „afgreiða" Þóri með því að drepa kóng hans snemma í skákinni. Í annarri umferð fékk Björgvin Skottu en sigraði svo Finn Kr. Finnsson og Ólaf Kjaran Árnason í næstu tveimur umferðum. Í fimmtu umferð gerði hann jafntefli við Mikael L. Gunnlaugsson og var því kominn í fyrsta sætið með 4,5 vinning eftir 5 umferðir!

Aldeilis frábær frammistaða hjá Björgvin sem ásamt Gunnari Finnssyni var afhentur gullpeningur fimmtudagsmótanna í viðurkenningarskyni í lok móts.

Lokastaðan:

 

  1   Gunnar Finnsson,                       9.5      47.5  56.5   56.0

 2-3  Jón Gunnar Jónsson,                    9        47.5  57.0   57.0

      Þórir Benediktsson,                    9        47.5  57.0   51.0

  4   Kristján Örn Elíasson,                 8.5      48.0  57.5   52.5

  5   Jon Olav Fivelstad,                    6.5      50.0  59.5   46.0

 6-7  Björgvin Kristbergsson,                4.5      52.0  61.5   41.5

      Ólafur Kjaran Árnason,                 4.5      52.0  61.5   21.0

 8-9  Dagur Kjartansson,                     4        52.5  62.0   20.0

      Mikael L. Gunnlaugsson,                4        52.5  62.0   17.0

 10   Finnur Kr. Finnsson,                   3.5      53.0  62.5   22.5

 11   Pétur Axel Pétursson,                  3        53.5  63.0   11.5

 12   Skotta,                                0        53.5  66.0    0.0

Vormót Vinjar

Mánudaginn 9. mars kl. 13:00 verður vormót haldið í Vin. Skákfélag Vinjar og Hrókurinn sameinast um skemmtilegt mót þar sem tefldar verða sex umferðir með sjö mínútna umhugsunartíma.

Þau sem fara til Akureyrar á Íslandsmótið geta litið á þetta sem aldeilis fyrirtaks æfingu.

Sem fyrr er varaforseti Hróksins, Róbert Lagerman, skákstjóri.

Og sem fyrr eru kaffiveitingar. Nú eftir fjórðu umferð fyrir þá sem eru að missa dampinn og þurfa orku.
Bókavinningar fyrir efstu sætin.

Mótið er að Hverfisgötu 47 og allir eru hjartanlega velkomnir. Vin er athvarf fyrir fólk með geðraskanir þar sem öllum er frjálst að mæta á æfingar á mánudögum kl. 13 og ekki síst á mót. Síminn er 561-2612

Skákmót á Árnamessu

Í tilefni af Árnamessu, ráðstefnu Lýðheilsustöðvar um forvarnarmál, í Stykkishólmi laugardaginn 14. mars, stendur stofnunin fyrir veglegu skákmóti fyrir grunnskólanemendur alls staðar af landinu.

Stefnt er að því að fá alla efnilegustu skákkrakka landsins til þátttöku á mótinu. Áhugasömum krökkum af Snæfellsnesi er sérstaklega boðið til mótsins.

• Keppt er um veglega eignarbikara og fjöldi verðlauna verður í boði.
• Teflt í þremur flokkum; fæddir 1993 - 1996, fæddir 1997 - 2002 og flokki Snæfellinga.
• Teflt verður í Grunnskólanum Stykkishólmi. Sex umferðir með 10 mínútna umhugsunarfresti. Mótstjórar verða þeir Helgi Árnason, form. Skákdeildar Fjölnis, og Páll Sigurðsson, form. Taflfélags Garðabæjar.

Skákmótið er, líkt og forvarnaráðstefnan, haldið í minningu um Árna Helgason heiðursborgara og bindindisfrömuð í Stykkishólmi, sem hefði orðið 95 ára þennan dag, en Árni lést 27. febrúar 2008.                                                           

Innifalið í þátttöku á skákmótinu:

• Rútuferð frá Reykjavík kl. 9:00 og til baka frá Stykkishólmi kl. 17:30
• Hádegisverður á Hótel Stykkishólmi
• Veitingar á skákmótinu í boði Sæfells hf.
• Fjöldi verðlauna og happdrætti
• Áritað þátttökuskjal frá Lýðheilsustöð                                              

Vinsamlegast tilkynnið þátttakendur til Skáksambands Íslands s. 568 9141 eða í tölvupósti [e-mail], í síðasta lagi föstudaginn 6. mars n.k. Allar frekari upplýsingar veitir Helgi Árnason s. 664 8320.

Sjá auglýsingu í viðhengi.

Skrár tengdar þessari bloggfærslu:

• skakmot_arnamessa_0_0.doc

TV vann stúlknalið Skákskólans

Skáksveit TV eingöngu skipuð skákmönnum búsettum í Eyjum vann stúlknalið Skákskóla Íslands 7:5 sl. fimmtudagskvöld. Viðureignin fór fram á ICC - vefnum en teflt var á 6 borðum, tvöföld umferð. Í liði TV voru margir þrautreyndir meistarar. Tímamörkin voru 15 10. 

Nýbakaður Vestmannaeyjameistari Björn Ívar Karlsson vann Íslandsmeistara kvenna Hallgerði Helgu Þorsteinsdóttur á 1. borði, 1 ½ : ½. Hallgerður var  með yfirburðastöðu í fyrri skákinni og missti gjörunnið tafl niðurt í jafntefli í þeirri seinni. 

Á 2. borði vann Elsa María Kristínardóttir Sigurjón Þorkelsson 2:0 en Sigurjón er margfaldur  Vestmannaeyjameistara og var taflmennska Elsu María þróttmikil og örugg.

Á 3. borði vann Sverrir Unnarsson Geirþrúði Önnu Guðmundsdóttur 1 ½ : ½ v og á 4. borði vann Ólafur Týr Guðjónsson Tinnu Kristínu Finnbogadóttur 1 ½ : ½. Tinna var með unnið tafl í fyrri skákinni og gat mátað Ólaf sem fyrr hafði þó misst af öflugum hróksleik. Seinni skákinni lauk með jafntefli eftir harða baráttu.

Á 5. borði skildu þau jöfn Stefán Gíslason og Sigríður Björg Helgadóttir 1:1. Sigríður gat tryggt sér nær unnið tafl eftir byrjunina í fyrri skákinni en eftir að hafa misst tækifærið vann Stefán úr stöðuyfirburðum sínum af miklu öryggi. Seinni skákina vann Sigríður hinsvegar örugglega.

Á 6. borði gerði Hrund Hauksdóttir og Daði Steinn Jónsson jafntefli í fyrri skákinni en seinni skákina tefldi Kristófer Gautason og vann sannfærandi sigur með svörtu. Samanlagt unnu Eyjamenn því 7:5.  Stúlkurnar virtust í það heila betur  að sér í byrjunum en mikil reynsla og góð barátta Eyjamanna reyndist þung á metunum.

Forföll voru hjá báðum liðum. Nökkvi Sverrisson gat ekki teflt vegna veikinda  og Jóhanna Björg Jóhannsdóttir var í skíðaferðalagi á Akureyri. 

Sjá einnig umfjöllun á heimasíðu TV.

Myndaalbúm frá Helga Árnasyni.

Grischuk efstur þrátt fyrir tap gegn Carlsen

Rússneski stórmeistarinn Grischuk (2733) er efstur á Linares-mótinu þrátt fyrir tap gegn Magnusi Carlsen (2776) í 12. umferð, sem fram fór í gær.  Carlsen og Ivanchuk eru í 2.-3. sæti hálfum vinningi á eftir Rússanum.  Þrettánda og næstsíðasta umferð fer fram í dag.

Úrslit 12. umferðar:

 

Carlsen, Magnus	- Grischuk, Alexander	1-0
Aronian, Levon	- Wang Yue	½-½
Anand, Viswanathan	- Ivanchuk, Vassily	½-½
Radjabov, Teimour	- Dominguez Perez, Leinier	½-½

 

Staðan:

 

Nr.	Nafn	Land	Stig	Vinn.	Rp.
1.	Grischuk, Alexander	RUS	2733	7	2814
2.	Ivanchuk, Vassily	UKR	2779	6½	2784
3.	Carlsen, Magnus	NOR	2776	6½	2778
4.	Aronian, Levon	ARM	2750	6	2756
5.	Anand, Viswanathan	IND	2791	6	2750
6.	Wang Yue	CHN	2739	5½	2732
7.	Radjabov, Teimour	AZE	2761	5½	2725
8.	Dominguez Perez, Leinier	CUB	2717	5	2704

Linares-mótið

Ný atskákstig

Ný atskákstig eru komin út.  Jóhann Hjartarson er sem fyrr stigahæstur.  Helgi Ólafsson er næststigahæstur og Hannes Hlífar Stefánsson er þriðji í stigaröðinni.  Fimm nýliðar eru á listanum og þeirra stigahæst er Daði Magnússon.  Dagur Kjartansson hækkar mest á milli lista og Hjörvar Steinn Grétarsson og Patrekur Maron Magnússon voru virkastir allra. 

10 stigahæstu menn:

• 1.       Jóhann Hjartarson 2605
• 2.       Helgi Ólafsson 2595
• 3.       Hannes Hlífar Stefánsson 2575
• 4.       Margeir Pétursson 2570
• 5.       Helgi Áss Grétarsson 2540
• 6.       Henrik Danielsen 2525
• 7.       Friðrik Ólafsson 2480
• 8.       Jón L. Árnason 2465
• 9.       Arnar E. Gunnarsson 2460
• 10.   Þröstur Þórhallsson 2440
• 11.   Jón Viktor Gunnarsson 2440
• 12.   Stefán kristjánsson 2440

Nýliðar:

• 1.       Daði Magnússon 1760
• 2.       Ulker Gasanova 1570
• 3.       Siigurður A. Magnússon 1385
• 4.       Ómar Páll Axelsson 1300
• 5.       Brynjar Steingrímsson 1240

Mestu hækkanir:

• 1.       Dagur Kjartansson 125
• 2.       Stefanía Bergljóst Stefánsdóttir 120
• 3.       Kristján Örn Elíasson 115
• 4.       Birkir Karl Sigurðsson 110
• 5.       Geirþrúður Anna Guðmunsdóttir 110
• 6.       Mikael Jóhann Karlsson 110
• 7.       Rúnar Berg 90
• 8.       Albert Ómar Geirsson 85
• 9.       Daði Steinn Jónsson 85
• 10.   Magnús Valgeirsson 85

Flestar skákir:

• Hjörvar Steinn Grétarsson og Patrekur Maron Magnússon 31
• Birkir Karl Sigurðsson 30
• Jóhanna Björg Jóhannsdóttir 24
• Mikael Jóhann Karlsson og Dagur Andri Friðgeirsson 22

Listmenn leikskólanna og leiðsögn á Kjarvalsstöðum

Skákakademía Reykjavíkur hefur unnið að skemmtilegu tilraunaverkefni með fjórum leikskólum á höfuðborgarsvæðinu ásamt barnaspítala Hringsins en skákfélagið Hrókurinn hefur verið með reglulegar kennsluheimsóknir þangað síðastliðin fjögur ár. Verkefnið gengur út á að kynna skák á frumlegan hátt gegnum skákkennslu og listsköpun. Verkefnið vakti mikla lukku og verður afrakstur margra mánaða vinnu nú sýndur í fundarsal Kjarvalsstaða sunnudaginn 8. mars kl. 13. Samkvæmt forsvarsmönnum verkefnisins hafa börnin fengið betri innsýn inn í hugmyndafræði skáklistarinnar og útrás fyrir sköpunargleðina og ímyndunaraflið með því að vinna sameiginlega að gerð skákborða í anda sýningarinnar Skáklist.

Leikskólarnir sem taka þátt í sýningunni eru Hlíðaborg, Lindarborg, Barónsborg og Njálsborg.

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Þetta er fyrsta mót mars mánaðar og því verða aukaverðlaun í boði fyrir sigurvegarann.