Jóhann Örn sigraði Grand Prix-mótaröð öldunga

Hinni skemmtilegu mótaröð Riddarans, skákklúbbs eldri borgara á höfuðborgarsvæðinu, til heiðurs heiðurs Fjölni Stefánssyni, tónskáldi og skákmanni, fyrir áratugatryggð við listagyðjurnar tvær, er nú lokið með knöppum sigri Jóhanns Arnar Sigurjónssonar. 

Góð þátttaka var í  mótinu, um 25 keppendur að jafnaði og tæpur helmingur þeirra náði að skora stig, en stigagjöf var eins og í Formúlu 1, 10-8-6-5-4-3-2-1 stig fyrir 8 efstu sæti í hverju móti.

 

Lokastaða eftir 4 mót:   

 

Jóhann Örn Sigurjónsson       -         8      10     10    =  28

Ingimar Halldórsson               8       10       8        -     =  26

Guðfinnur R. Kjartansson       0        5        5       8     =  18

Þór Valtýsson                         0        6        4       6     =  16

Sigurður A. Herlufsen             6        3       (2)      5     =  14

Stefán Þ. Guðmundsson        5        4        3      (3)    =  12

Össur Kristinsson                   0        1        6       4      =  11

Gunnar Finnlaugsson            10        -        -       -        =  10

Páll G. Jónsson                      3        0        0       2      =   5

Kristinn Bjarnasson                0        0        4       0      =   4

Sigurður E. Kristjánsson         1        2        0       1      =   4      

Gísli Gunnlaugsson                2        0        1       0      =   3

 

Ath. Þrjú bestu mót hvers keppanda telja til vinnings.

Myndaalbúm frá Einari S. Einarssyni

FIDE-þjálfaranámskeið fyrirhugað í mars/apríl

Stjórn SÍ hefur í hyggju að halda 5-6 daga FIDE-þjálfaranámskeið á næsta ári sem lið í afreksstarfi sínu.  Námskeiðið gefur annars vegar réttindi sem "FIDE Instructor" (fyrir þá sem eru með a.m.k 1800 stig og starfað hafa að þjálfun í 2 ár) og hins vegar sem "FIDE Trainer" (fyrir þá sem eru með a.m.k. 2300 stig og starfað hafa að þjálfun í 5 ár).  Próf eru í lok námskeiðsins. 

Gert er ráð fyrir að FIDE Instructor þjálfi skákmenn upp að 1800 stigum, en FIDE Trainer þjálfi skákmenn með 2300-2450 stig.  Meiri kröfur eru einnig til verkefna, sem unnin eru af þeim sem vilja verða FIDE Trainer. Alþjóðlegar þjálfaragráður þekkjast í öðrum greinum, eins og knattspyrnu, þar sem Knattspyrnusamband Evrópu býður t.d. upp á "UEFA B" og "UEFA A" og "UEFA Pro" þjálfaragráður.

Á FIDE þjálfaranámskeiði fyrr á þessu ári var t.d. farið yfir skáksálfræði, notkun á ChessBase við stúderingar og kennslu, greiningar á miðtaflinu, hvernig eigi að byggja upp byrjanakerfi, kenna eigi taktík og bæta útreikninga.  Meðal kennara á námskeiðinu voru úkraínski/slóvenski stórmeistarinn Adrian Mikhalchishin, sem er varaformaður þjálfaranefndar FIDE, og austurþýski stórmeistarinn Uwe Bönsch, sem er skólastjóri Þjálfaraakademíu FDIE. 

Stjórn SÍ hefur þegar sent erindi vegna námskeiðsins til Þjálfaraakademíu FIDE og hefur hún tekið því mjög vel. Stefnt er að halda námskeiðið í mars eða apríl á næsta ári, en endanleg dagsetning fer eftir samkomulagi við FIDE og íslenska skákdagatalinu.  Það er ljóst að þátttakendur á námskeiðinu þurfa að taka frí frá vinnu í 2-3 daga.  SÍ hefur að hyggju að greiða fastan kostnað að mestu leyti (flug, gisting, uppihald og laun kennara) en annar kostnaður mun að lenda á þátttakendum nemendum.  Það getur þýtt kostnað upp á 75.000 kr. á mann miðað við 20 skákkennarar taki þátt.  Sjálfsagt geta menn fundið ýmsar leiðir til að ná upp í þann kostnað.  Margir geta sótt til verkalýðsfélaga og svo gætu menn sótt um styrki til félaganna og jafnvel unnið af sér gagnvart félaginu, með kennslu/taflmennsku o.þ.h. 

Áður en endanleg ákvörðun vill stjórn SÍ kanna undirtektir.  Þetta námskeið gæti einnig hentað metnaðarfullum skákmönnum sem vilja bæta fagleg vinnubrögð sín við stúderingar til að ná betri árangri í greininni. Þeir sem telja líklegt að þeir taki þátt eru vinsamlegast beðnir um að hafa samband við Gunnar Björnsson í netfangið [e-mail].

Mikilvægt er að menn svari heiðarlega því Skáksambandið þarf að hafa býsna góðar hugmyndir um þátttöku áður en það verður farið farið út í jafn dýra framkvæmd.

Björn Ívar efstur fyrir lokaumferð Haustmóts TV

Björn Ívar Karlsson (2170) er efstur með 5½ vinning að lokinni sjöttu umferð Haustmóts Taflfélags Vestmannaeyja.  Annar með 5 vinninga er Einar Guðlaugsson (1810) og þriðji með 4½ vinning er Sverrir Unnarsson (1875).    Haustmótinu lýkur á morgun með lokaumferðinni.

 

Úrslit 6. umferðar:

Name	Pts.	Result	Pts.	Name
Karlsson Bjorn Ivar	4½	1 - 0	3	Olafsson Olafur Freyr
Gudlaugsson Einar	4	1 - 0	4	Sverrisson Nokkvi
Unnarsson Sverrir	3½	1 - 0	2½	Gislason Stefan
Jonsson Dadi Steinn	3	½ - ½	3	Gautason Kristofer
Hjaltason Karl Gauti	2½	1 - 0	2½	Sigurdsson Johannes T
Eysteinsson Robert A	2½		2	Ellidason Nokkvi Dan
Magnusson Sigurdur A	1½	- - +	1½	Palsson Valur Marvin
Long Larus Gardar	1	+ - -	1	Johannesson David Mar

Staðan:

1. Björn Ívar Karlsson 5,5 vinn.
2. Einar Guðlaugsson  5 vinn.
3. Sverrir Unnarsson  4,5 vinn.
4. Nökkvi Sverrisson  4 vinn.
5-7. Kristófer, Karl Gauti og Daði Steinn 3,5 vinn.
8. Ólafur Freyr Ólafsson 3 vinn.
9. Róbert Aron Eysteinsson 2,5 vinn + 1 ólokin skák
10-12. Stefán Gíslas., Jóhannes Þór og Valur Marvin 2,5 vinn.
13. Nökkvi Dan Elliðason 2 vinn + 1 ólokin skák
14. Lárus Garðar Long 2 vinn.
15. Sigurður A Magnússon 1,5 vinn.
16. Davíð Már Jóhannesson 1 vinn.

 

• Heimasíða TV
• Chess-Results

 

Minningarmótið um Magnús Ólafsson - Íslandsmótið í Víkingaskák 2009 fer fram í kvöld í Vin

Minningarmótið um Magnús Ólafsson - Íslandsmótið í Víkingaskák 2009 fer fram í húsnæði Vinjar, Hverfisgötu 47 í Reykjavík miðvikudaginn 28 október kl. 19.30. Tefldar verða 7 umferðir með 15 mínútna umhugsunartíma. Mótið eru öllum opið og það kostar ekkert að vera með. Boðið verður upp á kaffi ásamt léttum veitingum án endurgjalds. Nauðsynlegt er að skrá sig til leiks til að tryggja þáttöku. Þátttakendur eru hvattir til að skrá sig í tölvupósti á netfangið Víkingaklubburinn(hjá)gmail.com.

Verðlaun eru sem hér segir:

• 1) 20.000 kr.


• 2) 15.000 kr.


• 3) 10.000 kr.


• 4) 5.000 kr.


• 5) 4.000 kr.

Aukaverðlaun:

• Efsti unglingurinn 16 ára og yngri: 5.000 kr.


• Efsta konan: 5.000 kr.


• Efsti öldungurinn 50 ára og eldri : 5.000 kr.

Heimasíða Víkingaklúbbsins

Lenka efst á Íslandsmóti kvenna

Lenka Ptácníková (2258) er efst með fullt hús að lokinni 2. umferð Íslandsmóts kvenna sem fram fór í Hellisheimilinu í kvöld.  Lenka vann Elsu Maríu Kristínardóttur (1766). Hallgerður Helga Þorsteinsdóttir (1941) sigraði Tinnu Kristínu Finnbogadóttur (1710) og Harpa Ingólfsdóttir (2016) lagði Jóhönnu Björg Jóhannsdóttur (1721).  Fjórir keppendur eru í 2.-5. sæti með 1 vinning en það eru Hallgerður, Tinna, Elsa og Harpa. 

Þriðja umferð fer fram á föstudagskvöld.  Þá mætast: Harpa - Lenka, Elsa - Hallgerður og Tinna - Jóhanna.

Í b-flokki eru Hrund Hauksdóttir (1465), Elín Nhung og Sóley Lind Pálsdóttir efstar með fullt hús. 

A-flokkur:

Úrslit 2. umferðar:

 

Thorsteinsdottir Hallgerdur	1 - 0	Finnbogadottir Tinna Kristin
Johannsdottir Johanna Bjorg	0 - 1	Ingolfsdottir Harpa
Ptacnikova Lenka	1 - 0	Kristinardottir Elsa Maria

Staðan:

 

Rk.		Name	RtgI	Club/City	Pts.	rtg+/-
1	WGM	Ptacnikova Lenka	2258	Hellir	2	3,2
2		Thorsteinsdottir Hallgerdur	1941	Hellir	1	1,2
3		Finnbogadottir Tinna Kristin	1710	UMSB	1	9,8
4		Kristinardottir Elsa Maria	1766	Hellir	1	5,4
		Ingolfsdottir Harpa	2016	Hellir	1	-10,6
6		Johannsdottir Johanna Bjorg	1721	Hellir	0	-8,9

 

B-flokkur:

Úrslit 2. umferðar:

Name	Pts.	Result	Pts.	Name
Sverrisdottir Margret Run	1	0 - 1	1	Hauksdottir Hrund
Finnbogadottir Hulda Run	1	0 - 1	1	Bui Elin Nhung Hong
Kolica Donika	0	0 - 1	1	Palsdottir Soley Lind
Johannsdottir Hildur Berglind	0	1 - 0	0	Kristjansdottir Karen Eva
Mobee Tara Soley	0	0 - 1	0	Juliusdottir Asta Soley
Johnsen Emilia	0	1		bye

Staðan:

Rk.	Name	RtgN	Club/City	Pts.
1	Hauksdottir Hrund	1465	Fjolnir	2
	Bui Elin Nhung Hong	0		2
	Palsdottir Soley Lind	0	TG	2
4	Sverrisdottir Margret Run	0	Hellir	1
5	Johnsen Emilia	0	TR	1
6	Finnbogadottir Hulda Run	1265	UMSB	1
	Johannsdottir Hildur Berglind	0	Hellir	1
8	Juliusdottir Asta Soley	0	Hellir	1
9	Kolica Donika	0	TR	0
10	Mobee Tara Soley	0	Hellir	0
11	Kristjansdottir Karen Eva	0		0

• Heimasíða Hellis
• Chess-Results
• Myndaalbúm mótsins
• Skákir a-flokks eru á Skákhorninu

Tómas og Sveinn efstir á Haustmóti SA

Tómas Veigar Sigurðarson (2034) og Sveinn Arnarsson (1961) eru efstir og jafnir með 5 vinninga að lokinni sjöttu umferð Haustmóts Skákfélags Akureyrar sem fram fór í kvöld.  Þriðji er Hjörleifur Halldórsson (2005) með 4,5 vinning.  Sjöunda umferð fer fram á fimmtudag. 

Úrslit 6. umferðar:

Olafsson Smari	1 - 0	Jonsson Hjortur Snaer
Bjorgvinsson Andri Freyr	0 - 1	Arnarsson Sveinn
Arnarson Sigurdur	1 - 0	Jonsson Haukur H
Halldorsson Hjorleifur	½ - ½	Sigurdarson Tomas Veigar
Karlsson Mikael Johann	1 - 0	Thorgeirsson Jon Kristinn

Staðan:

 

Rk.	Name	RtgI	RtgN	Club/City	Pts.	Rp	rtg+/-
1	Sigurdarson Tomas Veigar	2034	1825	SA	5	1922	6
2	Arnarsson Sveinn	1961	1775	Haukar	5	1847	6,5
3	Halldorsson Hjorleifur	2005	1870	SA	4,5	1944	5,4
4	Karlsson Mikael Johann	1702	1665	SA	4	1787	16,8
5	Arnarson Sigurdur	2066	1930	SA	3,5	1856	0
6	Thorgeirsson Jon Kristinn	0	1470	SA	3	1682
7	Olafsson Smari	2078	1870	SA	3	1740	-42,3
8	Jonsson Hjortur Snaer	0	0	SA	1	1519
	Bjorgvinsson Andri Freyr	0	1155	SA	1	1507
10	Jonsson Haukur H	0	1505	SA	0	949

• Heimasíða SA
• Chess-Results

Pistill frá EM landsliða

Neðangreindur pistill ritaður af Birni Þorfinnssyni, einum keppenda Íslands á EM landsliða, var birtur fyrr í kvöld á spjallþræði skákmanna, Skákhorninu, og er endurbirtur hér skákahugamönnum sem ekki lesa Hornið til upplýsingar.

Sælir félagar,

Þessi orð eru skrifuð úr íbúð okkar félaganna í Novi Sad, Acenter Birotel. Hér fer ágætlega um okkur að mörgu leyti, rúmgott, ódýrt og snyrtilegt. Hinsvegar erum við víst eina liðið sem að tók sér það bessaleyfi að gista ekki á opinberu hótelunum (enda voru þau tvöfalt dýrari) og það gerir það reyndar að verkum að við erum ekki í neinu sambandi við önnur lið (og í raun og veru mótið). Eftir á þá hefði ég sennilega kosið að punga út meira fé fyrir gott hótel og lifa og hrærast þannig meira í stemmingunni sem fylgir óneitanlega þátttöku í móti sem þessu.

Við vorum að koma heim eftir sárt tap gegn stórmeistarasveit frá Makedóníu - enn og aftur með minnsta mun. Ég reif mig loksins upp eftir ömurlega frammistöðu hingað til og vann stórmeistarann Stojanovski með hvítu í Benkö-inum. Jón Viktor gerði jafntefli í hörkuskák þar sem Makedóníumaðurinn sá sér leik á borði og þráskákaði til að tryggja tvö matchpoint í hús. Bragi tefldi hinsvegar því miður sína verstu skák hingað til og Dagur lenti í einhverju afbrigði í skoska leiknum sem að andstæðingurinn kunni upp á sína tíu fingur (enda teflir hann eingöngu skoska leikinn með hvítu).

Ég get ekki sagt að við séum stoltir af stöðu okkar í mótinu hingað til og þrátt fyrir að ég greini ákveðna bölsýni í ákveðnum pennum á okkar ágæta skákhorni þá get ég fullvissað skákáhugamenn um að við erum hvergi nærri hættir þá staðan sé slæm eins og er. Við erum harðákveðnir í því að klára þetta mót með sæmd og tryggja okkur sæti ofar en upphaflegu stigin sögðu til um. Sú staðreynd að við erum með talsverðan fjölda af vinningum býður upp á ákveðna möguleika ef að matchpointin fara að detta okkur í vil á lokasprettinum.

Eins og fram hefur komið þá höfum við tapað þremur viðureignum með minnsta mun - 2,5-1,5 (gegn Tékkum, Norðmönnum og Makedónum). Þær viðureignir hafa verið gríðarlega spennandi - enda hafa úrslitin verið að ráðast oft í tímahraki í síðustu skák. Við vorum eiginlega mest svekktir yfir því að ná ekki matchpointi í hús gegn Tékkum enda var sú viðureign alveg rosaleg að mörgu leyti.

Í gær töpuðum við svo fyrir Litháen, 3-1. Þau úrslit líta engan veginn nógu vel út en eftir sem áður þá áttum við samt góða möguleika. Bragi var með gjörunnið tafl á fjórða borði og Jón Viktor var einnig með unnið tafl eftir að hafa barist á hæl og hnakka í ögn strembinni byrjun. Dagur var svo með mun betra tafl eftir byrjunina en missteig sig því miður í miðtaflinu og lenti í vonlausri stöðu. Ég brást hinsvegar algjörlega með því gefa peð í byrjun sem ég taldi vera jafnteflisvaríant en svo byggðist það á algjörum misskilningi.

Talsvert hefur verið talað um Tyrkjaviðureignin og að mörgu leyti er hún náttúrulega óafsakanleg. Ég og Jón Viktor tefldum einfaldlega hrikalega illa en Bragi og Dagur virtust vera að bæta okkur það upp með vænlegum stöðum. Á tímabili var ég orðinn bara nokkuð bjartsýnn á að ná jafntefli en í viðureigninni en þá misstíga þeir félagar sig báðir og fáránlega stórt tap var staðreynd.

Viðureignina gegn Mónakó þarf ekki að ræða - þar áttu eðlilegir hlutir sér stað og við unnum stóran sigur.

Eins og áður segir er mótið hinsvegar hvergi nærri búið og við félagarnir óskum einfaldlega eftir því að menn ræði niðurstöðuna eftir umferðirnar níu því ýmislegt getur breyst. Það sem við erum að fara í gegnum á þessu móti er gríðarlegur skóli og ég er viss um að við verðum sterkari skákmenn fyrir vikið. Okkur finnst einnig að mörgu leyti ósanngjarnt að menn séu að tala um að við séum að eyðileggja heiður skáklandsins Íslands (kannski sterk túlkun hjá mér!). Skáksambandið ákvað einfaldlega að gera þetta með þessum hætti - að óska eftir stigahæstu mönnunum sem væru til í að taka þátt í mótinu því sem næst algjörlega á eigin kostnað. Eðlilega hafði það þær afleiðingar að atvinnumennirnir okkar gáfu ekki kost á sér en mennirnir sem vilja ná auknum vegsemdum voru óðir og uppvægir að taka þátt. Persónulega fannst mér (og finnst mér) að þetta sé ágætis tilraun þótt að hún sé ef til vill að mistakast (eins og er!). Frændþjóðir okkar hafa sent "veikari lið" til leiks, meira að segja á ÓL-móti til að gefa nýjum mönnum tækifæri og til lengri tíma skilaði það sér ríflega.

Menn virðast gjörsamlega gleyma hjákátlegri frammistöðu íslenska Ólympíuliðsins á síðasta Ólympíumóti þar sem atvinnumennirnir okkar lentu fyrir neðan Færeyjar í mótinu og töpuðu fyrir liðum sem voru mun slakari en þau sem við erum að tapa fyrir hérna. Eftir þann árangur var orgað á breytingar en núna þykir algjörlega fáránlegt að sama lið sé ekki hérna á staðnum og allur kostnaður greiddur (sem væri ekki undir 2 milljónum fyrir Skáksambandið).

Hinsvegar er það ljóst að mikill metnaður verður lagður í Ólympíumótið á næsta ári og ljóst að þar verður hart barist um sætin. Eftir upplifun okkar félaganna hérna í Novi Sad þá er alveg ljóst að erlendur þjálfari fyrir ÓL-liðið er skref sem Skáksambandið þyrfti að stíga. Á þessu móti eru nánast öll lið með sterkan erlendan þjálfara - t.a.m. eru meira að segja Lúxemborgarar með Jansa sem þjálfara. Liðsfélagar mínir ræddu þessi mál við Kiril Georgiev, Búlgarann snjalla, og hann tjáði okkur að fyrirkomulag slíkrar þjálfunar væri það að liðsmenn hugsuðu um að hvílast og nærast en hann ynni bróðurpart næturinnar við undirbúning. Að morgni væri hver og einn liðsmaður svo tekinn í massífan undirbúning af honum fyrir viðureign dagsins. Slík þjónusta kostar víst 200 evrur á dag hjá Kiril - talsverðir peningar í dag en var klink árið 2007

Allar sveitirnar sem við höfum teflt við hingað til hafa verið með massífa umgjörð í kringum sig. Til dæmis er Peter Heine Nielsen liðstjóri Norðmanna og ég get alveg sagt ykkur að það er ekkert þægilegt að vera að þjösnast í einhverju afbrigði (eins og sérstaklega Jón Viktor lenti í) með aðstoðarmann Carlsens og Anands að horfa á og jafnvel brosandi til liðsmanna. Ákveðið óöryggi sem fer að blossa upp! Tyrkirnir eru síðan með massíft prógram í gangi og m.a. fylgist forseti tyrkneska skáksambandsins með bróðurparti umferðarinnar. Algjör áfellisdómur yfir Gunnari Björnssyni - HVAR ER FORSETI VOR

Sumsé það er hægt að draga gríðarlega lærdóm af þessu móti. Að mörgu leyti finnst mér sárast að Gummi Kjartans og Hjörvar séu ekki hérna með liðinu því eins og komið hefur fram þá munu þeir pottþétt skipa þetta lið í framtíðinni og mót sem þetta jafnast á við svona tíu alþjóðleg mót að mínu mati.

En að öðru! Margt skondið hefur átt sér stað í mótinu, eins og t.d. sigur Conquest gegn Delchev þar sem gsm-sími þess síðastnefnda hringdi eftir fyrsta leik hans. Hann lét hinsvegar eins og ekkert hefði í skorist og endaði þetta fíaskó með því að skákstjórar þurftu að leita á manninum, fundu þar símann og dæmdu þá umsvifalaust tap. Annað fíaskó átti sér stað útaf "zero tolerance" stefnu Evrópska Skáksambandsins. Reglurnar hérna eru einfaldlega þær að ef rassinn er ekki á stólnum þegar skákstjórinn tilkynnir að umferðin byrji þá tapa menn skákinni umsvifalaust. Tékkinn Laznicka hélt t.d. upp á tapið gegn Degi Arngrímssyni með því að gleyma sér í örstutta stund og var án gríns svona fimm sekúndum of seinn að setjast gegn Pons Vallejo frá Spáni í 2.umferð. Umsvifalaust tap og Spánverjar 1-0 yfir!

Við félagarnir löbbum yfirleitt á skákstað sem tekur rúmlega 20 mín. Þótt að við leggjum af stað rúmlega 30 mín. fyrir umferð þá erum við alltaf á tauginni - erum við að labba of hægt? Voru klukkurnar vitlausar o.s.frv. Gjörsamlega óþolandi regla!

En þá er best að fara að lúlla enda ætlum við okkur epískan lokasprett. Óska eftir góðum straumum frá Íslandi - it aint over till its over.

Bestu kveðjur,
Bjössi

EM: Skotar í sjöundu umferð

Íslenska liðið mætir sveit Skota í sjöundu umferð  EM landsliða sem fram fer á morgun.  

Aserar eru efstir með 11 stig.  Í næstum sætum með 9 stig eru Rússar, Armenar og Georgíumenn.  Danir eru efstir norðurlandabúa með 6 stig.  Það hafa einnig Norðmenn en þar hefur frammistaða Jon Ludwig Hammer (2585) vakið mikla athygli en hann hefur 5 vinninga þrátt fyrir að meðalstig andstæðinga hans séu 2600 skákstig.  Hann hefur því leyst Carlsen af með miklum sóma.  Rússar eru efstir í kvennaflokki með 10 stig en Georgíumenn eru aðrir einnig með 10 stig.

Skáksveit Skota:

Bo.		Name	Rtg
1	FM	Morrison Graham	2353
2	IM	Muir Andrew J	2327
3		Tate Alan	2175
4		Stevenson James	2089

Alls taka 38 lið í keppninni.  Íslenska liðið er það 33. sterkasta þannig að búast má við erfiðum róðri að þessu sinni. Sterkustu lið keppninnar eru Rússland (2740) Azerbaijan (2721), Armenía (2703) og Búlgaría (2673) en með Búlgörum teflir stigahæsti skákmaður heims Veselin Topalov (2813).  Fjögur norðurlandalið taka þátt og vekur fjarvera Svía þar nokkra athygli.  Öll eru þau í stiglægri helmingi mótsins en auk Íslands taka Danmörk (2541) - nr. 23, Noregur (2477) - nr. 29, og Finnland (2453) - nr. 31 þátt. 

• Heimasíða mótsins
• Chess-Results 

Skákdeild KR 10 ára - blásið til sóknar með flugeldasýningu.

26.10.1999-2009 markar söguleg tímamót í starfi Skákklúbbs KR, sem nú starfar sem sjálfstæð deild innan KR, undir hinni stóru regnhlíf og fána Knattspyrnufélags Reykjavíkur, sem jafnan setur markið hátt. Hann hefur fjölmarga valinkunna og öfluga skákmenn innan sinna raða. Af þessu tilefni hefur forysta skákdeildarinnar mótað henni nýja framtíðarstefnu. Þar er rík áhersla er lögð á einbeittan sigurvilja og glæstan árangur á hvítum reitum og svörtum í anda hins gamalgróna og  metnaðarfulla móðurfélags. 

Auk vikulegra skákkvölda/æfinga verður nú aukin áhersla lögð á að efla keppnissveitir klúbbsins og gróskumikið unglingastarf undir merkjum hans.  Á Íslandsmóti skákfélaga í september sl. mátti sjá þess merki en þar mætti KR  tvíelt til leiks með 5 sveitir, eina í 2. deild og fjórar í 4. deild, þar af eina unglingasveit. Góðar horfur er á því að í vetur muni tvær sveitir fara upp um deild, ein upp í 1. deild og önnur upp í 3. deild.

Í framtíðinni er ein sveit í hverri deild markmiðið enda á skákdeildin ýmis leynivopn upp í erminni í samstarfi við vinaklúbba sína erlendis. Áður hafði verið efnt til samvinnu við Örebro skákklúbbinn í Kaupmannahöfn og liðsmenn þaðan teflt með KR. Nú hefur einnig verið efnt til samstarfs við Marshall Chess Club í New York og vera má að 2 ungir bandarískir stórmeistarar tefli undir merkjum  KR áður en langt um líður.  Áformað er að heimsækja NY vorið 2012 þegar Skák(her)deildin, (KR Chess Artillery) mun etja þar kappi á 20 borðum eða svo. 

Í maí næsta vor er hins vegar á dagskrá að herja á Sambandslýðveldið Þýskaland og tefla við lið Kreuzenberg Schachklub í Berlin í framhaldi af góðum sigrum gegn Dönum 2008,  Skotum 2006 og Færeyingum, en keppnislið klúbbsins hefur farið utan í víking annað hvert ár.  Í skákæfingu í gærkvöldi var afmæli klúbbsins fagnað með viðeigandi hætti, veisluhöldum og flugeldasýningu á hvítum reitum og svörtum.  Innan tíðar  er fyrirhugað að halda skákhátíð þar sem Unglingamót Vesturbæjar og Opið á Hvatskákmót með góðum gestum verður á dagskrá. Þar verður m.a.keppt um "Knattspyrnuhrókinn", gamlan farandgrip sem gefin var til KR, endur fyrir löngu af merkismanninum Bergi Bergssyni, markmanni.

Dagskráin verður nánar kynnt síðar.

Forystumaður að stofnun klúbbsins og formaður hans frá upphafi er Kristján Stefánsson, hrl.

Úrslitin á afmælisæfingu KR:

1. Gunnar Skarphéðinsson 10.5. v. af 13
2. Sigurður A. Herlufsen     10.5 
3. Dr. Ingimar Jónsson       10
4. Guðfinnur R. Kjartansson 9
5. Ingólfur Hjaltalín              8
6. Pétur Viðarsson               8
7. Jón Steinn Elíasson         7.5
8. Viðhjálmur Guðjónsson    7.5
9. Árni Þór Árnason             7.0
10. Atli Jóhann Leósson        7.0

11 -20 með minna.

Myndaalbúm frá Einari S. Einarssyni

Björn með yfirburði á Haustmóti Ása

Björn Þorsteinsson gaf engin grið á Haustmóti Ása sem lauk í dag en Björn fékk 13 vinninga af 13 mögulegum! Jóhann Örn Sigurjónsson varð í öðru sæti með 11.5 vinning og í þriðja sæti varð Þór Valtýsson með 10.5 vinning.

Í hópnum 75 ára og eldri varð Haraldur Axel Sveinbjörnsson efstur með 8.5 vinning.  Í 2.-4. sæti urðu jafnir Björn V Þórðarson, Magnús V Pétursson og Birgir Ólafsson allir með 7 vinninga en stig voru látin ráða þannig að Björn fékk silfrið og Magnús fékk bronsið.

Lokastaðan:

• 1         Björn Þorsteinsson                           13 vinninga
• 2         Jóhann Örn Sigurjónsson                 11.5       -
• 3         Þór Valtýsson                                   10.5       -
• 4         Haraldur Axel Sigurbjörnsson           8.5       -
• 5         Þorsteinn Guðlaugsson                      8          -
• 6-7      Sigfús Jónsson                                  7.5       -
•            Einar S Einarsson                               7.5      -
• 8-11    Björn V Þórðarson                             7        -
•            Jón Víglundsson                                 7        -
•            Magnús V Pétursson                          7        -
•            Birgir Ólafsson                                   7        -
• 12-18  Bragi G Bjarnason                              6.5     -
•             Jónas Ástráðsson                                6.5     -
•             Jón E Guðfinnsson                             6.5     -
•             Baldur Garðarsson                              6.5     -
•             Egill Sigurðsson                                  6,5     -
•             Óli Árni Vilhjálmsson                         6.5     -
•              Finnur Kr Finnsson                            6.5     -
• 19-21    Ásgeir Sigurðsson                              6        -
•              Sæmundur Kjartansson                       6        -
•              Hreinn Bjarnason                                6        -
• 22-23    Halldór Skaftason                               5.5     -
•              Viðar Arthúrsson                               5.5      -
• 24          Friðrik Sófusson                               5         -
• 25          Guðmundur Jóhannsson                   3.5      -
• 26          Ingi E Árnason                                  3         -
• 27          Hrafnkell Guðjónsson                       1.5      -