Bolvíkingar og Eyjamenn berjast um gullið

Ritstjóraforsetinn hefur venju samkvæmt skrifað pistil um Íslandsmót skákfélaga á bloggsíðu sinni.  Ritstjórinn spáir spennandi móti en að Bolvíkingar hafi sigur eftir harða baráttu við Eyjamenn.

Pistilinn má lesa á bloggsíðu ritstjórans.

Heimasíða mótsins

Síðari hluti Íslandsmót skákfélaga hefst í kvöld

Dagana 5. og 6.  mars nk. fer fram seinni hluti Íslandsmóts skákfélaga 2009-2010. Teflt verður í Rimaskóla í Reykjavík.

Dagskrá:

 

•    Föstudagur 5. mars                 kl. 20.00          5. umferð
•    Laugardagur 6. mars              kl. 11.00          6. umferð
•    Laugardagur 6. mars              kl. 17.00          7. umferð

Upplýsingar um pörun má nálgast á Chess-Results.

Öruggur sigur Þóris Benediktssonar á fimmtudagsmóti

Á annan tug skákmanna hitaði upp fyrir Íslandsmót skákfélaga á fimmtudagsmóti í gærkvöldi. Þórir Benediktsson vann í fyrstu sex umferðunum og var búinn að tryggja sér sigurinn áður en hann gerði jafntefli í síðustu umferð. Jóhann Bernhard laut í gras fyrir Þóri í fyrstu umferð en tapaði ekki upp frá því og lenti ásamt Stefáni Péturssyni í öðru til þriðja sæti. Úrslit urðu annars sem hér segir:  

• 1   Þórir Benediktsson            6.5     
• 2-3  Jóhann Bernhard              5
•      Stefán Pétursson,            5       
• 4-6  Elsa María Kristínardóttir   4.5
•      Örn Leó Jóhannsson           4.5
•      Kristófer Jóel Jóhannesson   4.5
• 7-8  Emil Sigurðarson             4
•      Vignir Vatnar Stefánsson     4
• 9-11  Birkir Karl Sigurðsson      3.5
•       Gunnar Friðrik Ingibergsson 3.5
•       Oliver Aron Jóhannesson     3.5
• 12-13 Jón Trausti Harðarsson      3
•       Björgvin Kristbergsson      3
•  14   Heimir Páll Ragnarsson      2.5
• 15-16 Kristinn Andri Kristinsson  2
•       Gauti Páll Jónsson          2
• 17-18 Vébjörn Fivelstad           1
•       Guðmundur Garðar Árnason    1

Myndbönd frá MP Reykjavíkurskákmótinu

Tvö síðustu myndböndin frá Vijay Kumar eru nú aðgengileg.  Annað er um lokaumferðina og hitt um lokahófið.  Bent er á sérstaklega skemmtilegt viðtal við Ivan Sokolov.

Myndband 9. umferðar:

 

Myndband lokahófs:

 

 

Hannes og Henrik tefla á EM einstaklinga

Hannes Hlífar Stefánsson og Henrik Danielsen verða fulltrúar Íslands á EM einstaklinga sem hefst á laugardag í Rijeka í Króatíu.   Fyrir löngu var ákveðið að senda Henrik sem Íslandsmeistarann skák en í  kjölfar árangurs Hannesar Hlífars Stefánssonar á Reykjavíkurskákmótinu þar sem hann sigraði á mótinu í fimmta sinn ákvað MP banki að styrkja Hannes til þátttöku.  

Var það tilkynnt á lokahófi Reykjavíkurskákmótsins í gær og uppskar sú tilkynning dúndrandi lófaklapp þeirra sem þar voru.  

Á myndinni má sjá Margeir Pétursson, stjórnarformann MP banka og stórmeistara í skák og sigurvegarann Hannes Hlífar Stefánsson handsala stuðning bankans við þátttöku Hannesar á Evrópumótinu

Síðari hluti Íslandsmóts skákfélaga hefst á morgun

Dagana 5. og 6.  mars nk. fer fram seinni hluti Íslandsmóts skákfélaga 2009-2010. Teflt verður í Rimaskóla í Reykjavík.

Dagskrá:

 

•    Föstudagur 5. mars                 kl. 20.00          5. umferð
•    Laugardagur 6. mars              kl. 11.00          6. umferð
•    Laugardagur 6. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.

Vakin er athygli á bókun frá síðasta fundi stjórnar SÍ.:

„Umræða var um tillögu að fjölgun liða í 3. deild. Málinu vísað til afgreiðslu á næsta aðalfundi SÍ í maí en þar má búast við tillögum um breytt fyrirkomulag." 

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin
fara fram í félagsheimili T.R., skákhöllinni að Faxafeni 12, og opnar
húsið kl. 19.10.  Glæsilegur verðlaunapeningur er í boði fyrir
sigurvegarann.Mótin
eru öllum opin og er aðgangseyrir kr. 500 fyrir 16 ára og eldri en
frítt er fyrir 15 ára og yngri.  Boðið er upp á kaffi ásamt léttum
veitingum án endurgjalds.

Ingimundur sigraði á Vinamóti SSON og Laugdæla

Í gærkvöldi lauk vel heppnuðu Vinamóti SSON og UMF Laugdæla.  14 keppendur tefldu atskákir allir við alla, mótið tók 3 miðvikudagskvöld.

Fyrir kvöldið í kvöld voru 5 keppendur efstir og jafnir með 6 vinninga af 8, þar á eftir komu tveir með 5,5 vinninga.  Þannig að ljóst var að hart yrði barist um sigur á mótinu.

Það fór síðan svo að Ingimundur Sigurmundsson hafði sigur eftir að hafa náð 4,5 vinningum af 5 í kvöld, hann lagði m.a. bróður sinn Úlfhéðinn sem einnig var í toppbaráttu. 

Magnús Matthíasson sem var einn keppenda með 5,5 fyrir kvöldið náði einnig 4,5 v í kvöld og náði að skjótast upp í annað sætið. 

Jafnir í þriðja sæti urðu síðan Úlfhéðinn, Grantas og Ingvar Örn skákmeistari SSON, þeir tefldu hraðskákir um þriðja sætið þar sem Úlfhéðinn lagði andstæðinga sína báða nokkuð öruglega og tryggði sér þriðja sæti.

 

Lokastaðan:

Rank	SNo.	Name	Pts	SB.
1	5	Ingimundur Sigurmundsson	10½	61,75
2	12	Magnús Matthíasson	10	53,00
3	8	Úlfhéðinn Sigurmundsson	9½	54,75
4	10	Ingvar Örn Birgisson	9½	47,50
5	1	Grantas Grigorianas	9½	47,00
6	11	Erlingur Jensson	9	48,00
7	14	Guðmundur Óli Ingimundarson	6½	34,00
8	2	Magnús Garðarsson	6½	28,75
9	4	Sigurjón Mýrdal	5	25,00
10	3	Erlingur Atli Pálmarsson	5	19,00
11	7	Gunnar Vilmundarson	4½	16,00
12	9	Hilmar Bragason	3½	10,25
13	6	Sigurjón Njarðarson	2	5,00
14	13	Atli Rafn Kristinsson	0	0,00

Jón sigraði á atkvöldi

Jón Úlfljótsson sigraði öruggleg á atkvöldi Hellis sem fram fór 1. mars sl. Jón fékk fullt hús 6v í jafn mörgum skákum og var í raun búinn að tryggja sér sigur eftir fjórðu umferð þegar hann var búinn að leggja alla helstu andstæðinga sína að velli. Í öðru sæti kom Örn Stefánsson með 5v og þriðja sætinu náði svo Vigfús Ó. Vigfússon með 4v.

Lokastaðan á atkvöldinu:

• 1.   Jón Úlfljótsson                         6v/6
• 2.   Örn Stefánsson                        5v
• 3.   Vigfús Ó. Vigfússon                  4v
• 4.   Davíð Kolka                              3,5v
• 5.   Brynjar Guðlaugsson                3v
• 6.   Pétur Jóhannesson                  2,5v
• 7.   Björgvin Kristbergsson             2v
• 8.    Atli Guðjónsson                       2v
• 9.   Róbert Leó Jónsson                 1v
• 10. Jóhann Bernhard Jóhannsson  1v

Reykjavík Blitz fer fram í kvöld!

 Reykjavík Blitz 2010 fer fram í kvöld. Teflt verður á Gallery Bar á Hverfisgötu. Taflið hefst klukkan 21:30 eða að loknu lokahófi Reykjavíkurmótsins. Búast má við að sterkir erlendir keppendur láti sjá sig. Aðgangseyrir er 1000 krónur sem rennur óskiptur í verðlaunasjóð. Létt stemning og gleði munu svífa yfir vötnum og munu eflaust margar frábærar sóknarskákir líta dagsins ljós.

• 1. verðlaun 30.000 kr.
• 2. verðlaun 20.000 kr.
• 3. verðlaun 10.000 kr.

 Umhugsunartími er 5 mínútur og umferðir verða í kringum 10 talsins.