Skák.is

Færsluflokkur: Íþróttir

19.6.2010 | 18:33

Henrik með fullt hús eftir 3 umferðir í Osló

Stórmeistarinn Henrik Danielsen (2514) er með fullt hús að loknum þremur umferðum á minningarmótinu um Svein Johannessen sem fram fer í Osló í Noregi. Í dag voru tefldar 2 umferðir. Í 2. umferð sigraði hann Norðmanninn Per Omvedt (2123) og í þriðju umferð vann norska FIDE-meistarann Kristian D. Trygstad (2297).

Alls taka 60 skákmenn þátt í mótinu og þar af 6 stórmeistarar. Henrik er fjórði stigahæsti þátttakandi mótsins. Mótið er níu umferðir en tekur aðeins fimm daga.

Íþróttir | Slóð | Facebook | Athugasemdir (0)

19.6.2010 | 18:21

Björn sigraði í 2. umferð í Rúmeníu

Alþjóðlegi meistarinn Björn Þorfinnsson (2390) vann rúmenska skákmeistarann (CM), Mihai-Eugen Bida (2093) í 2. umferð alþjóðlega mótsins í Eforie í Rúmeníu í dag. Birkir Karl Sigurðsson (1442) og Mikael Jóhann Karlsson (1726) töpuðu báðir en Örn Leó Jóhannsson (1825) vann í ótefldri skák.

Björn hefur 2 vinninga, Örn Leó og Birkir Karl hafa 1 vinning en Mikael Jóhann er ekki kominn á blað.

Skák Björns í þriðju umferð verður væntanlega sýnd beint á vefsíðu mótsins á morgun.

181 skákmaður tekur þátt í þessu skákmóti. Þar 17 stórmeistarar og 21 alþjóðlegur meistari. Björn er númer 34 í stigaröð keppenda.

Íþróttir | Slóð | Facebook | Athugasemdir (0)

19.6.2010 | 18:14

Carlsen efstur eftir sigur á Nisipeanu

Carlsen (2813) sigraði Nisipeanu (2672) í fimmtu umferð Medias-mótsins í Rúmeníu í dag. Gelfand sigraði Ponomariov en Wang Yue og Radjabov gerði jafntefli. Carlsen er efstur með 3,5 vinning Radjabov og Gelfand eru næstir með 3 vinninga.

Staðan:

1. Carlsen (2813) 3½ v.
2.-3. Radjabov (2740) og Gelfand (2741) 3 v.
4.-5. Nisipeanu (2672), Ponomariov (2733) 2 v.
6. Wang Yue (2752) 1½ v.

Sex skákmenn taka þátt og tefld er tvöföld umferð. Meðalstig eru 2742 skákstig sem gerir þetta eitt sterkasta skákmót ársins.

Heimasíða mótsins
Skákirnar í beinni (hefjast kl. 12:30)

Íþróttir | Slóð | Facebook | Athugasemdir (0)

19.6.2010 | 08:26

Björn sigraði í fyrstu umferð í Rúmeníu

Alþjóðlegi meistarinn Björn Þorfinnsson (2390) sigraði Rúmenann Gheorghe-Cristache Toculet (1886) í fyrstu umferð alþjóðlega mótsins í Eforie í Rúmeníu sem hófst í gær. Ásamt Birni taka þátt Örn Leó Jóhannsson (1825), Mikael Jóhann Karlsson (1726) og Birkir Karl Sigurðsson (1442). Örn og Mikael töpuðu en Birkir Karl vann í ótefldri skák.

Í 2. umferð sem fram fer í dag teflir Björn rúmenska skákmeistarann (CM), Mihai-Eugen Bida (2093).

181 skákmaður tekur þátt í þessu skákmóti. Þar 17 stórmeistarar og 21 alþjóðlegur meistari. Björn er númer 34 í stigaröð keppenda.

Íþróttir | Breytt s.d. kl. 08:32 | Slóð | Facebook | Athugasemdir (0)

19.6.2010 | 01:43

Skákhátíðin í Arneshreppi hófst í kvöld

Skákatíðin í Árneshreppi hófst í kvöld með tvískákmóti. Friðrik Ólafsson, lék fyrsta leik mótsins er hann lék sinn fyrsta tvískákleik frá upphafi fyrir Hrafn Jökulsson. Lið Hrafns, forsetaliðið sigraði á mótinu en með honum í liði var Gunnar Björnsson auk þess sem varaforseti Hróksins, Róbert Lagerman, leysti Hrafn af liði í einstaka viðureignum.

Í öðru sæti urðu Hlíðar Þór Hreinsson og Skarphéðinn (vantar föðurnafn) og í þriðja sæti urðu Arnar Guðlaugsson og Guðmundur Kjartansson.

Hápunktur mótsins, afmælismóts Friðriks Ólafssonar fer fram á morgun og hefst kl. 13. Þar taka þátt m.a. Friðrik sjálfur, Jóhann Hjartarson, Helgi Ólafsson og Guðmundur Kjartansson.

Myndaalbúm mótsins

Íþróttir | Breytt s.d. kl. 01:45 | Slóð | Facebook | Athugasemdir (0)

19.6.2010 | 01:34

Henrik vann í fyrstu umferð í Ósló

Stórmeistarinn Henrik Danielsen (2514) sigraði norska skákmanninn Timmie Nygaard (1963) í fyrstu umferð í minningarmóti um Svein Johannessen sem hófst í Osló í Noregi í dag. Í 2. umferð, sem fram fer á morgun, teflir Henrik við annan Norðmann, að þessu sinni Per Omvedt (2123).

Alls taka 60 skákmenn þátt í mótinu og þar af 6 stórmeistarar. Henrik er fjórði stigahæsti þátttakandi mótsins. Mótið er níu umferðir en tekur aðeins fimm daga.

Íþróttir | Breytt s.d. kl. 08:41 | Slóð | Facebook | Athugasemdir (0)

18.6.2010 | 08:44

Afmælismót Friðriks fer fram á morgun á Ströndum - Skákhátíðin hefst í kvöld

Vegleg verðlaun eru í boði á Afmælismóti Friðriks Ólafssonar, sem fram fer í Djúpavík í Árneshreppi laugardaginn 19. júní. Meðal keppenda verða skákmeistararnir Jóhann Hjartarson, Helgi Ólafsson, Guðfríður Lilja Grétarsdóttir og heiðursgesturinn Friðrik Ólafsson, en verðlaun eru veitt í mörgum flokkum, enda mótið opið og áhugafólk á öllum aldri hvatt til taka þátt í einstakri hátíð.

1. verðlaun: 50.000
2. verðlaun: 25.000
3. verðlaun: 15.000

Kvennaverðlaun: 20.000
Efstur stigalausra: 20.000
Efstur skákmanna með allt að 2200 stig: 20.000
Efsta ungmenni fætt 1992 eða síðar: 20.000
Efstur Strandamanna: 20.000

Þá mun dómnefnd að vanda velja best klædda keppandann í Djúpavík, háttvísasti keppandinn fær ljúffeng verðlaun og fleiri eiga von á glaðningi. Fjölmörg önnur verðlaun eru veitt, meðal annars útsýnissigling fyrir tvo á Hornstrandir, gisting í Árneshreppi, bækur, hannyrðir og fleira.

Skákhátíðin í Árneshreppi hefst föstudagskvöldið 18. júní klukkan 20 með tvískákmóti í Djúpavík. Þetta er mjög skemmtilegt keppnisform þar sem tveir eru saman í liði, og handagangur í öskjunni. Á laugardaginn klukkan 13 hefst Afmælismót Friðriks Ólafssonar í Djúpavík, sem lýkur með verðlaunaafhendingu síðdegis. Teflt er í gömlu síldarverksmiðjunni og er stemmningin ævintýraleg á skákstað. Hátíðinni lýkur á sunnudag með hraðskákmóti í Kaffi Norðurfirði frá kl. 13-15.

Keppendur eru hvattir til að skrá sig sem fyrst hjá Róbert (chesslion@hotmail.com) eða Hrafni (hrafnjokuls@hotmail.com). Allar upplýsingar um Skákhátíðina í Árneshreppi má finna á heimasíðu mótsins og Facebook-síðunni Skákhátíð í Árneshreppi.

Íþróttir | Slóð | Facebook | Athugasemdir (1)

17.6.2010 | 17:29

Carlsen vann Wang Yue - efstur ásamt Radjabov

Það urðu hrein úrslitu í öllum viðureignum fjórðu umferð alþjóðlega mótsins í Medias sem fram fór í Rúmeníu dag. Carlsen (2813) vann loks skák er hann lagði Wang Yue (2713). Radjabov (2740) er efstur ásamt Carlsen eftir sigur á Gelfand (2741). Ponomariov (2733) lagði svo heimamanninn Nisipeanu (2672).

Staðan:

1.-2. Radjabov (2740) og Carlsen (2813) 2½ v.
3.-5. Nisipeanu (2672), Ponomariov (2733) og Gelfand (2741) 2 v.
6. Wang Yue (2752) 1 v.

Sex skákmenn taka þátt og tefld er tvöföld umferð. Meðalstig eru 2742 skákstig sem gerir þetta eitt sterkasta skákmót ársins.

Heimasíða mótsins
Skákirnar í beinni (hefjast kl. 12:30)

Íþróttir | Slóð | Facebook | Athugasemdir (0)

16.6.2010 | 20:32

Lenka og Jóhanna Björg efstar og jafnar á Íslandsmóti kvenna - tefla einvígi

Lenka Ptácníková (2267) og Jóhanna Björg Jóhannsdóttir (1738) urðu efstar og jafnar með 4 vinninga á Íslandsmóti kvenna sem lauk í kvöld. Lenka sigraði Jóhönnu í lokaumferðinni. Hallgerður Helga Þorsteinsdóttir (1990) varð í þriðja sæti með 3,5 vinning eftir sigur á Hrund Hauksdóttur (1605). Sigurlaug R. Friðþjófsdóttir (1828) vann Elsu Maríu Kristínardóttur (1709).

Lenka og Jóhanna tefla tveggja skáka einvígi á sunnu- og mánudagskvöld. Jóhanna hefur hvítt í fyrri skák.

Lokastaðan:

Rk.		Name	RtgI	Club/City	Pts.	Rp	rtg+/-
1	WGM	Ptacnikova Lenka	2267	Hellir	4	2014	-7,7
2		Johannsdottir Johanna Bjorg	1738	Hellir	4	2120	32
3		Thorsteinsdottir Hallgerdur	1990	Hellir	3,5	1978	0,9
4		Fridthjofsdottir Sigurl Regin	1828	TR	2	1790	-6,4
5		Hauksdottir Hrund	1605	Fjölnir	1	1666	-1,8
6		Kristinardottir Elsa Maria	1709	Hellir	0,5	1520	-17,7

Allar skákir mótsins fylgja með fréttinni.

Veljið skák (15 alls):

Íþróttir | Slóð | Facebook | Athugasemdir (1)

16.6.2010 | 18:18

Medias: Carlsen enn með jafntefli - Gelfand og Nisipeanu efstir

Radjabov (2740) sigraði Ponomariov (2733) í þriðju umferð alþjóðlega mótsins í Medias í Rúmeníu. Öðrum skákum lauk með jafntefli. Carlsen (2813) gerði jafntefli við Gelfand (2741) og heimamaðurinn Nisipeanu (2672) gerði jafntefli við Wang Yue (2752).

Staðan: