Skákþættir Morgunblaðsins: Keppnismenn og tapskákir

Miklir keppnismenn eiga það flestir sameiginlegt að þeim leiðist að tapa. Sumir þola alls ekki að tapa. Þó eru þeir meðvitaðir um það að næsta tap bíður bak við hornið. Kasparov orðaði það svo: „Þegar ég tapa þá dey ég svolítið." Í skákum hans var oft mikið undir, jafnvel heimsmeistaratitillinn. Sem betur fer eru þeir margir sem tefla eingöngu fyrir ánægjuna. Þegar maður fylgist með áhugamönnum, t.d. í KR-klúbbnum vestur í bæ, skín ánægjan úr hverju andliti. Í góðsemi vega menn þar hver annan.

Fyrir keppnismennina miklu eru stuttar tapskákir verstar. Og það þykir hrein og klár skömm að tapa á innan við 20 leikjum. Kasparov tapaði fyrir „Dimmblárri", tölvu IBM, í aðeins 19 leikjum í lokaskák einvígisins 1997. Karpov tapaði 21. skák í einvígisins við Kortsnoj árið 1974 einnig í aðeins 19 leikjum. Tap hans fyrir Larry Christiansen árið 1993 var þó enn styttra, 12 leikir. Slík töp koma oft eftir einhvern rugling í byrjun tafls, en stundum geta ástæðurnar verið aðrar. Í tilviki Kasparovs virtist hann ekki trúa því að „Dimmblá" myndi tefla afbrigði sem gerði ráð fyrir mannsfórn i byrjun tafls.

Stysta tapskák Bobby Fischers var gegn Wolfgang Unzicker í Buenos Aires 1960, 22 leikir. Á þeim árum lagði Bobby í vana sinn að handleika taflmennina sem horfnir voru af borðinu. Alveg óvart tók hann að gæla við peð sem stóð á h7 og sannarlega var inni á taflborðinu. Reglum samkvæmt varð hann að leika peðinu - alslæmur leikur og hann tapaði án þess að fá rönd við reist.

Árið 1971 barst sú ótrúlega frétt að gamli heimsmeistarinn Tigran Petrosjan hefði unnið Hollendinginn Hans Ree í aðeins átta leikjum. Stystu tapskák sem um getur - sex leikir - á enginn annar en heimsmeistarinn Anand sem fylgdi gagnrýnislaust uppástungu úr virtu fræðiriti gegn Kólumbíumanninum Zapata í Biel frá árinu 1988. Leikir féllu þannig:

1. e4 e5 2. Rf3 Rf6 3. Rxe5 d6 4. Rf3 Rxe4 5. Rc3 Bf5 6. De2

- og þar sem 6. ... De7 er svarað með 7. Rd5! sem vinnur gafst Anand upp.

Ekki eru þó allar stuttar tapskákir „slys". Kannski náði Boris Spasskí hæstum hæðum sem heimsmeistari þegar hann hristi fram úr erminni kynngimagnaðan leik gegn Bent Larsen á 1. borði í keppninni Sovétríkin - Heimurinn í Belgrad 1970:

Sjá stöðumynd 1.

Larsen - Spasskí

14. ... Hh1!! 15. Hxh1 g2 16. Hf1 Dh4+ 17. Kd1 gxf1(D)+ - og Larsen gafst upp.

Í hinni árlegu keppni „Æskan" gegn „Reynslunni" sem lauk í Amsterdam þann 20. ágúst með sigri Æskunnar, 26:24, mátti Van Wely lúta í lægra haldi fyrir „náunganum sem lék drottningunni til h5 í öðrum leik" - Hikaru Nakamura. Van Wely, sem á það til að vera óttalegur klaufi, fór leið sem hann hafði nokkru áður varað við í skýringum! En við skákborðið þennan dag gleymdi hann því fræðilega framlagi, að ekki má leika 12. ... Rd7. Eftir þvingaða atburðarás kom rothöggið í 17. leik - eins og hann hafði sagt fyrir um:

Hiaku Nakamura - Van Wely

Sikileyjavörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Bg5 Rbd7 7. f4 Db6 8. Dd2 Dxb2 9. Hb1 Da3 10. Bxf6 Bxf6 11. e5 dxe5 12. fxe5 Rd7 13. Rd5 Dc5 14. Rb3 Dc6 15. Ra5 Dc5 16. Rxb7 Dc6

Sjá stöðumynd 2.

17. Hb6

- og Van Wely gafst upp því 17. ... Rxb6 er svarað með 18 Rf6+! og 19. Dd8 mát.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 29. ágúst 2010.

Skákþættir Morgunblaðsins

[Event "Beograd"] [Site "Beograd"] [Date "1970.??.??"] [EventDate "?"] [Round "?"] [Result "0-1"] [White "Bent Larsen"] [Black "Boris Spassky"] [ECO "A01"] [WhiteElo "?"] [BlackElo "?"] [PlyCount "34"] 1. b3 e5 2. Bb2 Nc6 3. c4 Nf6 4. Nf3 e4 5. Nd4 Bc5 6. Nxc6 dxc6 7. e3 Bf5 8. Qc2 Qe7 9. Be2 O-O-O 10. f4 Ng4 11. g3 h5 12. h3 h4 13. hxg4 hxg3 14. Rg1 Rh1 15. Rxh1 g2 16. Rf1 Qh4+ 17. Kd1 gxf1=Q+ 0-1

[Event "Rising Stars vs Experience"] [Site "Amsterdam NED"] [Date "2010.08.19"] [EventDate "2010.08.12"] [Round "7"] [Result "1-0"] [White "Hi Nakamura"] [Black "Van Wely,L"] [ECO "B94"] [WhiteElo "2729"] [BlackElo "2677"] [PlyCount "34"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Bg5 Nbd7 7. f4 Qb6 8. Qd2 Qxb2 9. Rb1 Qa3 10. Bxf6 Nxf6 11. e5 dxe5 12. fxe5 Nd7 13. Nd5 Qc5 14. Nb3 Qc6 15. Na5 Qc5 16. Nxb7 Qc6 17. Rb6 1-0

[Event "IBM Man-Machine, New York USA"] [Site "06"] [Date "1997.??.??"] [EventDate "?"] [Round "?"] [Result "1-0"] [White "Deep Blue (Computer)"] [Black "Garry Kasparov"] [ECO "B17"] [WhiteElo "?"] [BlackElo "?"] [PlyCount "37"] 1.e4 c6 2.d4 d5 3.Nc3 dxe4 4.Nxe4 Nd7 5.Ng5 Ngf6 6.Bd3 e6 7.N1f3 h6 8.Nxe6 Qe7 9.O-O fxe6 10.Bg6+ Kd8 11.Bf4 b5 12.a4 Bb7 13.Re1 Nd5 14.Bg3 Kc8 15.axb5 cxb5 16.Qd3 Bc6 17.Bf5 exf5 18.Rxe7 Bxe7 19.c4 1-0

[Event "Moscow cf ;CAND"] [Site "Moscow cf ;CAND"] [Date "1974.??.??"] [EventDate "?"] [Round "21"] [Result "1-0"] [White "Viktor Korchnoi"] [Black "Anatoli Karpov"] [ECO "E17"] [WhiteElo "?"] [BlackElo "?"] [PlyCount "37"] 1. d4 Nf6 2. Nf3 e6 3. g3 b6 4. Bg2 Bb7 5. c4 Be7 6. Nc3 O-O 7. Qc2 c5 8. d5 exd5 9. Ng5 Nc6 10. Nxd5 g6 11. Qd2 Nxd5 12. Bxd5 Rb8 13. Nxh7 Re8 14. Qh6 Ne5 15. Ng5 Bxg5 16. Bxg5 Qxg5 17. Qxg5 Bxd5 18. O-O Bxc4 19. f4 1-0

[Event "02, Wijk m ;CBM 34"] [Site "02, Wijk m ;CBM 34"] [Date "1993.??.??"] [EventDate "?"] [Round "1"] [Result "1-0"] [White "Larry Christiansen"] [Black "Anatoli Karpov"] [ECO "E11"] [WhiteElo "?"] [BlackElo "?"] [PlyCount "23"] 1. d4 Nf6 2. c4 e6 3. Nf3 b6 4. a3 Ba6 5. Qc2 Bb7 6. Nc3 c5 7. e4 cxd4 8. Nxd4 Nc6 9. Nxc6 Bxc6 10. Bf4 Nh5 11. Be3 Bd6 12. Qd1 1-0

[Event "Wijk aan Zee (Netherlands)"] [Site "Wijk aan Zee (Netherlands)"] [Date "1971.??.??"] [EventDate "?"] [Round "12"] [Result "1-0"] [White "Petrosian"] [Black "Hans Ree"] [ECO "A29"] [WhiteElo "?"] [BlackElo "?"] [PlyCount "15"] 1. c4 e5 2. Nc3 Nf6 3. Nf3 Nc6 4. g3 Bb4 5. Nd5 Nxd5 6. cxd5 e4 7. dxc6 exf3 8. Qb3 1-0

[Event "Biel"] [Site "Biel"] [Date "1988.??.??"] [EventDate "?"] [Round "9"] [Result "1-0"] [White "Alonso Zapata"] [Black "Viswanathan Anand"] [ECO "C42"] [WhiteElo "?"] [BlackElo "?"] [PlyCount "11"] 1.e4 e5 2.Nf3 Nf6 3.Nxe5 d6 4.Nf3 Nxe4 5.Nc3 Bf5 6.Qe2 1-0

[Event "Buenos Aires"] [Site "Buenos Aires"] [Date "1960.07.07"] [Round "11"] [White "Unzicker, Wolfgang"] [Black "Fischer, Robert James"] [Result "1-0"] [ECO "B98"] [PlyCount "43"] [EventDate "1960.06.23"] [EventType "tourn"] [EventRounds "19"] [EventCountry "ARG"] [Source "ChessBase"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Bg5 e6 7. f4 Be7 8. Qf3 Qc7 9. O-O-O O-O 10. Bd3 Nc6 11. Nxc6 bxc6 12. Qg3 h5 13. e5 dxe5 14. fxe5 Ng4 15. Bxe7 Qxe7 16. Ne4 Qc7 17. h3 Nxe5 18. Nf6+ Kh8 19. Qg5 Nxd3+ 20. Rxd3 gxf6 21. Qxh5+ Kg7 22. Qg4+ 1-0

Mót í Rauðakrosshúsinu í dag

Skákfélag Vinjar og Hrókurinn setja upp létt haustmót í Rauðakrosshúsinu á mánudaginn, þann 6. sept. kl. 13,30.

Tefldar verða sex til sjö umferðir með sjö mínútna umhugsunartíma.

Ávallt er stutt í kaffikönnuna í Borgartúninu og létt andrúmsloft þó ýmislegt sé í gangi á sama tíma.

Bókavinningar fyrir efstu þátttakendur auk þess sem dregnir verða út happadrættisvinningar.

Skákstjóri er Róbert Lagerman, hinn víðfrægi varaforseti Hróksins.

Skráning á staðnum og kostar akkúrat ekki krónu. Allir velkomnir.

Áskell sigraði á Startmótinu

Starfsár Skákfélags Akureyrar hófst í dag með hinu árlega Startmóti. Ræddur var sá möguleiki að halda mótið utandyra, enda hefur verið einmuna blíða í Eyjarfirði undanfarna daga. Niðurstaða umræðnanna varð hinsvegar sú að hitinn úti væri of mikill til þess að hægt væri að bjóða upp á slíkt. Svo sannarlega ekki hversdagslegur vandi það !

Ellefu galvaskir skákmenn létu sig hafa það að njóta veðurblíðunnar innandyra, og tefldu einfalda umferð, allir við alla.

Áskell Örn Kárason gerði sér lítið fyrir og vann allar sínar skákir !, og hlaut þar með 10 vinninga af 10 mögulegum. Í öðru sæti var Tómas Veigar með sjö vinninga, og jafnir í 3.-5. sæti voru Gylfi Þórhallsson, Mikael Jóhann Karlsson og Haki Jóhannesson. Þeir félagar drógu um hver hreppti 3. sætið, en það kom í hlut Haka Jóhannessonar.

Úrslit:

1.      Áskell Örn Kárason 10 vinningar af 10!
2.       Tómas Veigar Sigurðarson 7.
3.      Haki Jóhannesson 6,5
4.      Mikael Jóhann Karlsson 6,5
5.      Gylfi Þórhallsson 6,5
6.      Jón Kristinn Þorgeirsson 5,5
7.      Sigurður Eiríksson 4,5

 Næst á dagskrá hjá félaginu er aðalfundurinn, en hann fer fram nk. fimmtudag (9. sept) kl. 20.

Barna- og unglinga æfingar hefjast á þriðjudag 7. september kl. 17.00 og verða einnig á miðvikudögum frá kl. 17.00 - 18.30.

Æfingagjald fram að áramótum er kr. 5000 og eru keppnisgjöld í mótum félagsins innifalið í því.

 

 

Ný íslensk skákstig

Ný íslensk skákstig eru komin út.  Litlar breytingar eru meðal efstu manna enda aðeins fjögur mót reiknuð enda lítið teflt hérlendis yfir sumarmánuðina.   Hannes Hlífar Stefánsson er sem fyrr stigahæstur.  Þrír nýliðar eru á listanum og þeirra stigahæstur er Kristinn Andri Kristinsson. Jóhanna Björg Jóhannsdóttir hækkaði mest á milli lista eða um 80 skákstig.

Stigahæstu skákmenn landsins:

NrNafn
Félag
Stig

1	Hannes H Stefánsson	Hellir	2645	1026	IS2010
2	Jóhann Hjartarson	Bol	2620	745	AISSKF10
3	Margeir Pétursson	TR	2600	669	ÍS2004
4	Héðinn Steingrímsson	Fjölni	2545	312	AISSKF10
5	Helgi Ólafsson	TV	2540	810	AISSKF10
6	Henrik Danielsen	Haukar	2525	158	REYKOP10
7	Friðrik Ólafsson	TR	2510	147	1DEILD07
8	Jón Loftur Árnason	Bolung	2505	609	AISSKF10
9	Helgi Áss Grétarsson	TR	2500	585	1DMAR08
10	Karl Þorsteins	Hellir	2485	560	1ISSK08
11	Stefán Kristjánsson	Bol	2485	732	IS2010
12	Jón Viktor Gunnarsson	Bolung	2460	1004	AISSKF10
13	Bragi Þorfinnsson	Bolung	2445	886	IS2010
14	Guðmundur Sigurjónsson	TR	2445	251	IS2002
15	Björn Þorfinnsson	Hellir	2435	975	IS2010
16	Hjörvar Grétarsson	Hellir	2435	449	MMSKSK10
17	Þröstur Þórhallsson	Bol	2410	1153	IS2010
18	Arnar Gunnarsson	TR	2410	813	ISASEP09
19	Magnús Örn Úlfarsson	Hellir	2380	536	AISSKF10
20	Guðmundur Stefán Gíslason	Bol	2380	646	STHELL10

 
Nýliðar

 

 

Hildur B Jóhannsdóttir	1255
Kristinn Andri Kristinsson	1330
Vignir Vatnar Stefánsson	1140

 
Mestu hækkanir

 

Nafn	Stig	Br.
Jóhanna Björg Jóhannsdóttir	1865	80
Heimir Páll Ragnarsson	1175	50
Birkir Karl Sigurðsson	1480	40
Mikael Jóhann Karlsson	1825	40
Dagur Ragnarsson	1575	35
Atli Jóhann Leósson	1495	30
Róbert Leó Þormar Jónsson	1150	30
Dagur Kjartansson	1620	20
Guðmundur Kristinn Lee	1595	20
Ingvar Ásbjörnsson	2005	20

 

Reiknuð mót:

 

• Íslandsmót kvenna
• Meistaramót Skákskóla Íslands
• Stigamót Hellis
• Minningarmót um Margeir Steingrímsson
•  

Skrár tengdar þessari bloggfærslu:

• Íslensk skákstig
• Skákmenn með 2000+
• Skákmenn u-21

Henrik vann í fjórðu umferð

Stórmeistarinn Henrik Danielsen (2528) vann Danann Jesper Ham Larsen (2004) í fjórðu umferð Xtracon-mótsins, sem fram fór í dag.  Henrik hefur 2,5 vinning og er í 16-31. sæti.  Hlé er nú á mótinu fram á fimmtudag en þá teflir Henrik við Danann Lars Wilton (2136).

Efstir með 3,5 vinning eru stórmeistararnir Normunds Miezis (2518), Lettlandi, Yuri Drozdovskij (2608), Úkraínu, Sarunas Sulkis (2544), Litháen, Kaido Külaots (2592), Eistlandi, og Carsten Høi (2419), Danmörku. 

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Rimaskóli Norðurlandameistari barnaskólasveita

 

Skáksveit Rimaskóla sigraði á Norðurlandamóti barnaskólasveita sem fram fór um helgina í Osló í Noregi.  Svein sigraði finnsku sveitina 3,5-0,5 í lokaumferðinni og hlaut 15 vinninga, 1,5 vinningi meira en Danir sem urðu aðrir.  Oliver Aron Jóhannesson, Jón Trausti Harðarson og Kristinn Andri Kristinsson unnu í lokaumferðinni en Dagur Ragnarsson gerði jafntefli á fyrsta borði.     

 

Jón Trausti og Oliver unnu allar sínar skákir, 5 af tölu og Kristinn Andri fékk 3 vinninga í þremur skákum. 

Myndir af Norðurlandameisturum eru væntanlegar.

Lokastaðan:

• 1. Rimaskóli 15½ v.
• 2. Danmörk 14 v.
• 3. Noregur I 9½ v.
• 4. Svíþjóð 9 v.
• 5. Noregur II 8½ v.
• 6. Finnland 3½ v.

Sveit Rimaskóla skipa:

• 1. Dagur Ragnarsson 1½ v. af 5
• 2. Oliver Aron Jóhannesson 5 v. af 5
• 3. Jón Trausti Harðarson 5 v. af 5
• 4. Kristófer Jóel Jóhannesson 1 v. af 2
• 5. Kristinn Andri Kristinsson 3 v. af 3

Liðsstjóri var Hjörvar Steinn Grétarsson en fararstjóri var Helgi Árnason, skólastjóri.

• Heimasíða mótsins
• Myndaalbúm mótsins (myndir fengnar af heimasíðu mótsins)
• Tournament Services

110 ára afmælismót Taflfélags Reykjavíkur - Haustmótið 2010

110 ára afmælismót Taflfélags Reykjavíkur - Haustmótið 2010 hefst sunnudaginn 26. september kl.14.  Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.

Mótið er öllum opið.

Teflt er í húsakynnum Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum og eru góð verðlaun í boði í öllum flokkum. Alls verða tefldar 9 skákir í hverjum flokki.  Lokuðu flokkarnir eru skipaðir tíu keppendum hver þar sem allir tefla við alla, en í opna  flokknum er tefldar níu umferðir eftir svissnesku kerfi.

Skráning fer fram á heimasíðu T.R., http://taflfelag.is/

Hægt er að fylgjast með skráningu hér.

Athygli er vakin á því að skráningu í alla lokaða flokka lýkur laugardaginn 25. september kl. 18.

Núverandi skákmeistari Taflfélags Reykjavíkur er Sigurður Daði Sigfússon.

Dagskrá:

1. umferð: Sunnudag 26. september kl.14.00
2. umferð: Miðvikudag 29. september kl.19.30

3. umferð: Föstudag 1. október kl.19.30
4. umferð: Sunnudag 3. október kl.14.00

5. umferð: Mánudag 4. október kl.19.30
---Hlé vegna afmælisboðs T.R. og íslandsmóts skákfélaga---

6. umferð: Miðvikudag 13. október kl.19.30
7. umferð: Föstudag 15. október kl.19.30
8. umferð: Sunnudag 17. október kl. 14.00
9. umferð: Miðvikudag 20. október. kl.19.30

Verðlaun í A-flokki:
1. sæti kr. 180.000
2. sæti kr.   90.000
3. sæti kr.   40.000
4. og 5. sæti ókeypis í Skákþing Reykjavíkur 2011

Verðlaun í B-flokki:
1. sæti kr. 25.000
2. sæti kr. 10.000
3. sæti  kr.  5.000
4. sæti ókeypis í Skákþing Reykjavíkur 2011

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2011

Verðlaun í opnum flokki:
1. sæti  kr. 10.000
2. og 3. sæti ókeypis í Skákþing Reykjavíkur 2011

Bætist við fleiri flokkar verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Tímamörk:

1 klst. og 30 mín. + 30 sek. á leik.

Þátttökugjöld:

3.000 kr. fyrir félagsmenn T.R. 16 ára og eldri (3.500 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

Rimaskóli með 1½ vinnings forskot fyrir lokaumferðiina

Skáksveit Rimaskóla gerði 2-2 jafntefli við Noreg I í fjórðu og næstsíðustu umferð NM barnaskólasveita sem fram fór í morgun í Osló.  Oliver Aron Jóhannesson og Jón Trausti Harðarson unnu en Dagur Ragnarsson og Kristófer Jóel Jóhannesson töpuðu.  Rimaskóli hefur 12 vinninga og hefur 1½ vinnings forskot fyrir lokaumferðina sem fram fer í dag en þá mætir Rimaskóli finnsku sveitinni.  

Staðan:

• 1. Rimaskóli 12 v.
• 2. Danmörk 10½ v.
• 3. Noregur II 8 v.
• 4. Noregur I 7½ v.
• 5. Svíþjóð 7 v.
• 6. Finnland 3 v.

Sveit Rimaskóla skipa:

• 1. Dagur Ragnarsson 1 v. af 4
• 2. Oliver Aron Jóhannesson 4 v. af 4
• 3. Jón Trausti Harðarson 4 v. af 4
• 4. Kristófer Jóel Jóhannesson 1 v. af 2
• 5. Kristinn Andri Kristinsson 2 v. af 2

Liðsstjóri er Hjörvar Steinn Grétarsson en fararstjóri er Helgi Árnason, skólastjóri.

• Heimasíða mótsins
• Myndaalbúm mótsins (myndir fengnar af heimasíðu mótsins)
• Tournament Services

Þorsteinn sigraði á Vinnslustöðvarmótinu

Nú er Vinnslustöðvarmótinu lokið og hafa aldrei verið jafn margir keppendur og í ár eða 26.  Það var gaman að sjá hve vel var mætt ofan af landi.  Þorsteinn Þorsteinsson TV leiddi mótið allt frá upphafi og stóð að lokum uppi sem sigurvegari með 6 vinninga af 7 mögulegum. 

Í öðru sæti kom hinn gamalkunni TV maður Ægir Páll Friðbertsson em sannaði það enn og aftur að hann er sífellt í formi með 5,5 vinninga.  Í þriðja sæti varð hinn bráðefnilegi meðlimur Skákfélags Íslands, Örn Leó Jóhannsson með 5 vinninga.

 

  Í flokki þeirra sem eru fæddir 1995 og yngri varð Daði Steinn Jónsson Taflfélagi Vestmannaeyja hlutskarpastur með 4,5 vinninga og í öðru sæti Kristófer Gautason einnig í Taflfélagi Vestmannaeyja með 4 vinninga og er greinilegt að þessir bráðungu strákar eru í góðum gír eftir sumarið.  Í þriðja sæti varð svo félagi í Skákfélagi Íslands, Guðmundur Kristinn Lee með 4 vinninga.  Þegar reiknað var hverjir væru efstir í flokki með 1800 stig og minna voru það ofantaldir drengir allir og er átti að fara að veita verðlaun fyrir flokk þeirra sem eru með undir 1600 stig komu enn upp sömu nöfn.  Þótti mörgum fullmiklu af góðmálmum ausið í strákana, en svona er þetta nú einu sinni og þeir fór hlaðnir medalíum til síns heima.

Þegar mótinu var lokið kom í ljós að Herjólfur sigldi ekki í gærkvöldi og urðu keppendur aofan að landi ð taka aukanótt í Eyjum.

Lokastaðan
Sæti	Nafn	Stig	Félag	Vinn	BH.
1	Þorsteinn Þorsteinsson	2235	TV	6	29½
2	Ægir Páll Friðbertsson	2045	TV	5½	30½
3	Örn Leó Jóhannsson	1945	Skákfélag Ísl	5	23½
4	Sverrir Ö Björnsson	2140	Haukar	4½	32
5	Sverrir Unnarsson	1885	TV	4½	28
6	Daði Steinn Jónsson	1580	TV	4½	24½
7	Einar K Einarsson	1985	TV	4	31½
8	Björn Freyr Björnsson	2135	TV	4	28
9	Magnús Magnússon	1985	TA	4	27½
10	Kristófer Gautason	1585	TV	4	23½
11	Guðmundur K Lee	1575	Skákfélag Ísl	4	22
12	Nökkvi Sverrisson	1745	TV	3½	26
13	Kjartan Guðmundsson	1840	TV	3½	26
14	Birkir K Sigurðsson	1440	Skákfélag Ísl	3½	24½
15	Jón Svavar Úlfljótsson	1775	Víkingaklúbb	3	27
16	Einar Guðlaugsson	1820	TV	3	25½
17	Stefán Gíslason	1675	TV	3	25
18	Þórarinn I Ólafsson	1625	TV	3	24
19	Róbert A Eysteinsson	1330	TV	3	21½
20	Charles Pole	0		3	20
21	Ágúst Örn Gíslason	1640	Víkingaklúbb	3	20
22	Karl Gauti Hjaltason	1555	TV	2	19½
23	Sigurður A Magnússon	1340	TV	2	18½
24	Jörgen Freyr Ólafsson	1215	TV	1½	20
25	Jón Ragnarsson	0	TV	1	21
26	Rosalyn Katz	0		1	18

 

 

• Heimasíða TV
• Chess-Results

Henrik með 1,5 vinning eftir 3 umferðir

Stórmeistarinn Henrik Danielsen (2528) fékk 1 vinning í tveimur umferðum Xtracon-mótsins sem fram voru í gær.  Henrik tapaði fyrir danska FIDE-meistaranum Rasmus Skytte (2400) í 2. umferð og vann Danann Bernhard Bintzik (1932) í 3. umferð.  Í 4. umferð, sem fram fer í dag, teflir Henrik við Jesper Ham Larsen (2004)

Henrik hefur 1,5 vinning.  Efstir með fullt hús eru stórmeistararnir Yuri Drozdovskij (2608), Úkraínu, Normunds Miezis (2518), Lettlandi, og sænski alþjóðlegi meistarinn Hans Tikkanen (2507).

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins