Ól í skák: Sterkir andstæðingar í 3. umferð - Grikkir og Víetnamar

Íslensku liðin mæta bæði sterkum sveitum í þriðju umferð Ólympíuskákmótsins sem fram fer á morgun.  Liðið í opnum flokki mætir stórmeistarasveit Grikkja og kvennasveitin mætir sterkri sveit Víetnma.  

Umferðin hefst kl. 9.   Rétt er að minna á beinar útsendingar frá öllum skákum mótsins.  

Liðsuppstillingar liðsins liggja fyrir í nótt og tengill á beinar útsendingar íslensku sveitanna verða tilbúnir í upphafi umferðar.  

Lið Grikkja:

 

Bo.		Name	Rtg
1	GM	Papaioannou Ioannis	2622
2	GM	Banikas Hristos	2590
3	GM	Mastrovasilis Dimitrios	2569
4	GM	Halkias Stelios	2577
5	GM	Mastrovasilis Athanasios	2556

 

Meðalstig Grikkjanna eru 2590 en til samanburðar eru meðalstig íslensku sveitarinnar 2489 skákstig. 

Lið Vítenama:

 

Bo.		Name	Rtg
1	WGM	Hoang Thi Bao Tram	2285
2	WIM	Pham Le Thao Nguyen	2304
3	WIM	Nguyen Thi Mai Hung	2258
4	WGM	Nguyen Thi Thanh An	2306
5	WIM	Hoang Thi Nhu Y	2214

Meðalstíig Víetnama eru 2288 skákstig en til samanburðar eru meðalstig íslenska liðsins 1968 skákstig.

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Ól í skák: Fjórði pistill

Það gekk vel og illa í fyrstu umferð Ólympíuskákmótsins.  Karlaliðið vann fremur auðveldan sigur á liði Haítíbúa 4-0 en íslenska kvennaliðið tapaði 0-4 fyrir sterku liði Pólverja.  Bæði Lenka og Hallgerður höfðu þær vænlega stöðu.  Framkvæmd mótsins hefur verið bæði FIDE og mótshöldurum til mikillar fyrirmyndar, þvert oní  ýmsar hrakspár.   Góð stemming er í íslenska hópnum og tilhlökkun fyrir komandi umferðir.

 Helgi Ólafsson, hafði sagt okkar allmargar sögur af fyrri mótshöldum í Rússlandi/Sovétríkjum þar sem gengið hafði á ýmsu. Hér er nánast allt eins og það á vera og meira að segja veðrið leikur við okkur í Síberíu.

En fyrst um umferðina og eins og vera ber er íslenska kvennaliðið í forgrunni hjá ritstjóranum, sem talar nú um „okkur stelpurnar".   Við mættum sveit Pólverja.  Lenka tefldi stórvel á móti hinni sterku Socko, sem er 20. stigahæsta skákkona heims og hafði sennilega verið komin með betra tafl en lék af sér slysalega manni.  Lenka náði samt góðu sprikli og var ekki langt frá því að vera komin með jafnteflissénsa.   Hallgerður fékk einnig mjög vænlegt tafl og hefur sennilega verið komin með töluvert betra og gat e.t.v. fórnað manni fyrir vænlegt tafl.  Hallgerður vanmat hins vegar sénsa sína og smá saman fékk verra og tapaði.  Tinna lék af sér manni fljótlega og átti ekki séns eftir það og Jóhanna tapaði þrátt fyrir skemmtilegt sprikl þegar hún var komin með lakara tafl.

Nú er það svo komið að ég fylgist betur með stelpunum.  Mér skilst á Helga að allir strákarnir hafi unnið fremur öruggra sigra.  Ekki kemur á óvart að Bjössi hafi lagt töluvert á stöðuna en samt allt undir kóntról!

Stelpurnar mæta írsku stelpunum í dag.  Írarnir koma með nokkuð breytt lið miðað við síðustu Ólympíuskákmót og vitum við lítum um þær og fáar skákir með í beisnum.     Jóhanna Björg hvílir í dag. 

Strákarnir mæta Svíum eins og svo áður.  Eins og við gerðum ráð fyrir hvíla þeir Tiger-inn.  Athyglisverð viðureign en okkur hefur oft gengið ágætlega á móti Svíum.

Hollendingar mætta Rússlandi IV en það var van Wely, fyrsta borðs maður þeirra, sem var manna reiðastur yfir fjölda rússneskra liða. 

Við upphaf fyrstu umferðar í gær setti skákstjórinn mótið, sem er rösk rússnesk kona, sem ég ekki kann deili á.  Kirsan labbaði svo á milli borða í fylgd ríkisstjórans og tók í hendur skákstjóranna.    Skákstjórinn á okkar borði kom okkur kunnuglega fyrir sjónir en er væntanlega náskyldur Alberti Einstein.    Þegar hann kom að borði íslenska karlaliðsins fór ríkisstjórinn að hlæja og sló í bakaði í Hjörvari, fannst greinilega gaman að því að finna þarna annað rauðhært eintak!

Maður hitti auðvitað ýmsa gamla kunningja.  Ali, forseti tyrkneska skáksambandsins, og forsetaframbjóðandi í ECU, heilsaði mér eins og við værum fjölskylduvinir.   Hann er sannfærður umsigur í forsetakosningunum.   Ég hitti einnig Geoffrey Borg, frá Möltu, og spjallaði ég töluvert við hann.  Á sama tíma kom þangað forseti nígeríska skáksambandsins og spurði Borg okkur hvort við hefðum hitt Kirsan.  Skömmu síðar greip hann Kirsan og lét okkur heilsa kappanum.  Ég er ekki frá því að hann hafi tekið innilegra í hendurnar á þeim nígeríska en þeim íslenska. 

Í fyrstu umferð mættust Ísrael og Jemen.  Jemenar mættu ekki, væntanlega þar sem land þeirra viðurkennir ekki Ísrael.  Mér skilst að aðeins Egyptar að Arabaþjóðunum tefli við Ísraelsmenn.   Borg fannst það klúður að raða svona upp, og taldi að skákstjórar ættu í svona tilfellum að hliðra einu liði til eða frá til að koma veg fyrir slík atvit. 

Hér á göngunum hittir maður marga gamla kunningja.  Pabbi Cori-systkinina brosir alltaf út af eyrum þegar hann sér mig en hann kann ekki stakt orð í ensku svo bros á milli okkar verður að duga. 

Ég spjallaði töluvert við Ivan Sokolov í dag sem vill ólmur koma á næsta MP Reykjavíkurskákmót.  Ivan er bjartsýnn á gengi Karpovs en ég met stöðu hans fremur slaka.  Ivan veit vonandi eitthvað meira en ég. 

Allar aðstæður eru hér til fyrirmyndar eins og áður hefur komið fram.  Eitt atriði pirrar þó íslensku skákmennina en til að fara á salernið þarf að labba í gegnum reykherbergi.    Engir Evrópustaðlar varðandi reykingar hér í Rússlandi.

Við setninguna var lifandi tafl eins og áður hefur komið fram.  Þar var tefld ódauðlega skákin sem ég held að allir skákáhugamenn kannist við.  Fyrir framan Íslendinga voru skákmenn sem voru að velta því fyrir sér hvað skák þetta væri.   Eftir smá umræður sagði einhver „some random game".    Ég spái þessu liði ekki góðu gengi hér!

Björn Þorfinnsson var í lyftuferðalagi fyrir fyrstu umferðina.   Þar heyrir hann tal enskumælandi manna.  Annar segir: 

„How is your opponent".   

„He is very solid players and rarely loses"

Og bætti svo við

„I am mostly analyzing his match against Kasparov".

Sá sem svaraði svo skemmtilega var Sam Collins, fyrsta borðs maður Íra, sem mættu Rússum.  Rússar hvíldu reyndar Kramnik en Collins gerði jafntefli við Grischuk!

Ég sé að það er óraunhæft hjá mér að koma þessum pistlum frá mér fyrir kl. 10.  Ég spái að verði frekar á milli 10:30-11:00.  Ég bendi á fjölda mynda sem ég hef tekið og finna má í myndaalbúmi á Skák.is.   Allar skákir mótsins eru nú sýndar beint og verður settur inn tengill á þær í upphafi hverrar umferðar.   Ég bendi einnig á Facebook-síðu mína, http://www.facebook.com/forzeti, þar sem ég stefni á styttri komment.   Skákir hverrar umferðar verða svo tengdar á úrslit viðkomandi umferðar.

Eins og fyrr eru allir í góðu standi og viljum við þakka fyrir allar góðu kveðjurnar sem við höfum fengið frá íslensku skákáhugamönnum.

Kveðja úr sveittu blaðamannaherbergi.

Gunnar Björnsson

 

Önnur umferð Ólympíuskákmótsins hafin

Önnur umferð Ólympíuskákmótsins er hafin, hófst kl. 9 í morgun.   Hjörvar Steinn Grétarsson hvílir í viðureigninni gegn Svíum og Jóhanna Björg Jóhannsdóttir hvílir hjá konunum gegn Írunum.   Hægt er að horfa a báðar viðureignirnar beint.

Ísland - Svíþjóð (beint)

Ísland - Írland (beint)

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Ný heimasíða SA

Skákfélag Akureyrar hefur í dag tekið í notkun nýja heimasíðu.

Með tilkomu nýju síðunnar opnast möguleiki á að láta skákir fylgja með fréttum. Sá möguleiki verður vel nýttur í komandi Haustmóti.

Áhersla verður áfram lögð á að þar verði að finna allar upplýsingar er varða starf félagsins ásamt nýjustu fréttum frá öllum viðburðum.

Félagsmenn og gestir sem hafa uppástungur um efni eða breytingar á síðunni eru hvattir til þess að hafa samband við umsjónarmann í veffanginu ha090199 [hjá] unak.is

Heimasíða SA

Jóhann Örn sigraði á skákdegi Ása

Æsir, skákdeild félags eldri borgara í Reykjavík hélt sinn þriðja skákdag á haustönninni í dag í Stangarhyl 4 í Reykjavík.  Til þess að samræma tímamörk hjá skákklúbbum eldri borgara á stór Reykjavíkursvæðinu hafa Æsismenn ákveðið að tefla 10 mínútna skákir á skákdögum vetrarins og tefldar veða 10 umferðir.

Það var vel mætt í dag og margir mjög sterkir skákmenn mættir til leiks.

Birgir Sigurðsson formaður klúbbsins sá um skákstjórnina í dag.

Jóhann Örn Sigurjónsson var í stuði og leifði aðeins eitt jafntefli við Gunnar Finnsson

Úrslit dagsins.

• 1            Jóhann Örn Sigurjónsson                    9.5 vinningar
• 2            Sæbjörn Guðfinnsson                          8.5
• 3-5        Össur Kristinsson                                 6.5
•              Stefán Þormar                                       6.5
•              Þorsteinn Guðlaugsson                         6.5
• 6-8        Gunnar Finnsson                                  6
•              Bragi G Bjarnarson                              6
•              Hermann Hjartarson                             6
• 9-13      Sigfús Jónsson                                     5.5
•              Haraldur Axel Sveinbjörnsson             5.5
•              Björn V Þórðarson                               5.5
•              Finnur Kr Finnsson                              5.5
•              Jón Víglundsson                                   5.5
• 14-16    Erlingur Hallsson                                 5
•              Birgir Ólafsson                                     5
•              Gísli Sigurhansson                               5
• 17-19    Kristján Guðmundsson                        4.5
•              Ásgeir Sigurðsson                                4.5
•              Friðrik Sófusson                                   4.5
•  20-22   Hákon Sófusson                                   4
•              Jón Bjarnason                                       4
•              Ingi E Árnason                                     4
• 23-25    Baldur Garðarsson                               3.5
•              Sæmundur Kjartansson                        3.5
•              Guðjón Þorkelsson                               3.5
• 26         Grímur Jónsson                                    3
• 27         Viðar Arthúrson                                   2.5
• 28         Halldór Skaftason                                0.5  var lasinn og hætti eftir 3 umferðir.

Ól í skák: Svíar og Írar á morgun

Íslensku liðin mæta liðum Svía og Íra í 2. umferð Ólympíuskákmótsins sem fram fer í fyrramálið.   Liðið í opnum flokki mætir liða Svía og kvennaliðið mætir liði Íra.   Umferðin hefst kl. 9.   Rétt er að minna á beinar útsendingar frá öllum skákum mótsins.  

Liðsuppstillingar liðsins liggja fyrir í nótt.

Lið Svía:

1 GM Berg Emanuel 2616 SWE
2 GM Agrest Evgenij 2585 SWE
3 GM Hillarp Persson Tiger 2517 SWE
4 GM Cicak Slavko 2568 SWE
5 GM Grandelius Nils 2500 SWE 

Meðalstig Svíanna eru 2527 en til samanburðar eru meðalstig íslensku sveitarinnar 2489 skákstig. 

Lið Íra:

1 Shaughnessy Elizabeth 0
2 Alfred Emily 0
3 Hearne Sarah-Jane 0
4 WCM O'Boyle Una 0
5 Benson Nicola 1407 

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Ólympíuskákmótið hafið - bræður tefla í fyrsta sinn fyrir Íslands hönd

39. Ólympíuskákmótið er hafið í Khanty Mansiysk í Síberíu í Rússlandi.  Bræður tefla í fyrsta sinn fyrir Íslands hönd á Ólympíuskakmóti en Bragi og Björn Þorfinnssynir tefla ásamt þeim Hannesi Hlífari Stefánssyni og Hjörvari Steini Grétarssyni í opnum flokki gegn sveit Haítí.  Héðinn Steingrímsson hvílir.   Í kvennaflokki tefla Lenka Ptácníková, Hallgerður Helga Þorsteinsdóttir, Tinna Kristín Finnbogadóttir og Jóhanna Björg Jóhannsdóttir.  Sigurlaug Regína Friðþjófsdóttir hvílir.

Björn, Hjörvar, Tinna og Jóhanna Björg eru öll að tefla sína fyrstu skák á Ólympíuskakmóti. 

• Heimasíða mótsins
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Ól í skák: Haíti og Pólland í 1. umferð

Pörun fyrstu umferðar Ólympíuskákmótsins liggur fyrir.  Andstæðingar í opna flokknum verður lið Haíti og en stelpurnar mæta sterku liði Pólverja.

Lið Haíti:

 

Bo.		Name	Rtg
1		Sanon Mondoly	2120
2		Luxama Jacques	0
3		Lebrun Piersont	1956
4		Bazil Joslin	0
5		Lamothe Pierre Marie Jean	0

 

Lið Pólverja:

 

Bo.		Name	Rtg
1	GM	Socko Monika	2486
2	WGM	Zawadzka Jolanta	2410
3	WGM	Majdan-Gajewska Joanna	2333
4	IM	Dworakowska Joanna	2315
5	WGM	Kadziolka Beata	2295

 

• Heimasíða mótsins
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Haustmót SA hefst á sunnudag

Haustmót Skákfélags Akureyrar 2010 hefst sunnudaginn 26. september kl. 14:00. Mótið er um leið meistaramót Skákfélags Akureyrar.   Teflt verður í félagsheimili skákfélagsins í Íþróttahöllinni við Skólastíg. Tefldar verða sjö umferðir eftir Monrad kerfi. Mótið verður reiknað til alþjóðlegra stiga og íslenskra skákstiga.

Mótið er öllum opið.

Hægt er að skrá sig með því að senda póst á netfangið [e-mail].

Athygli er vakin á því að hlé verður gert á mótinu helgina 8.-10. október vegna Íslandsmóts skákfélaga sem fram fer þá helgi í Reykjavík.

Dagskrá:

• 1.      umferð.           Sunnudagur    26. september kl.14:00
• 2.      umferð            Þriðjudagur     28. september kl. 19:30
• 3.      umferð            Sunnudagur    03. október kl. 14:00
• 4.      umferð            Þriðjudagur     05. október kl. 19:30
• Hlé vegna Íslandsmóts skákfélaga.
• 5.      umferð             Þriðjudagur     12.október kl. 19:30
• 6.      umferð             Sunnudagur    17. október kl. 14:00
• 7.      umferð             Þriðjudagur     19. október kl. 19:30

Tímamörk:

1 klst. og 30 mín. + 30 sek. á leik.

Þátttökugjald:

2.000 krónur.

Verðlaun:

Veitt verða verðlaun fyrir þrjú efstu sætin.
Dregið verður út gjafabréf frá veitingastaðnum Krua Siam.

Haustmót Skákfélags Akureyrar var fyrst haldið árið 1939 og hefur farið fram árlega allar götur síðan ef frá eru talin árin 1944, 1945 og 1952. Júlíus Bogason hefur oftast orðið skákmeistari Skákfélags Akureyrar eða 14 sinnum.

Opið hús verður alla fimmtudaga kl. 20 í vetur, þ.m.t. á meðan Haustmótið stendur yfir.

Barna- og unglingaæfingar eru á mánudögum og miðvikudögum kl. 17:00 til 18:30 Æfingagjald fram að áramótum er kr. 5000 og eru keppnisgjöld í mótum félagsins innifalin í því.

Geðveikir dagar í Reykjanesbæ

Skákmót verður haldið í Reykjanesbæ í tilefni Geðveikra daga.  Telfdar verða hraðskákir með 7 mínútna umhugsunartíma og er stefnt að 8-10. umferðum. Þegar mótið er hálfnað verður gerð kaffipása og veitingarnar eru gefnar af Nýja bakarí í Keflavík.

Mótið stendur frá kl 12.30 - 16.00.

Þeir sem hafa áhuga endilega að hafa samband við Emil Ólafsson formann Hressu Hrókanna á emaili [e-mail].

Munið að stærsti sigurinn er að vera með !