Skák.is

Færsluflokkur: Íþróttir

24.9.2010 | 16:20

Ól. í skák: Bæði íslensku liðin sigruðu í fjórðu umferð

Íslensku liðin sigruðu bæði í fjórðu umferð Ólympíuskákmótsins sem fram fór í dag. Í opnum flokki vann íslenska sveitin öruggan 4-0 sigur gegn Bólivíu, en þeir Hannes Hlífar Stefánsson, Héðinn Steingrímsson, Björn Þorfinnsson og Hjörvar Steinn Grétarsson skipuðu liðið.

Kvennaliðið vann einnig góðan sigur, 3½-½, gegn Írökum. Lenka Ptácníková, Tinna Kristín Finnbogadóttir og Jóhanna Björg Jóhannsdóttir unnu sínar skákir, en Hallgerður Helga Þorsteinsdóttir gerði jafntefli.

Fimmta umferð Ólympíuskákmótsins hefst kl. 9 í fyrramálið, en ekki verður teflt á sunnudag.

Íþróttir | Slóð | Facebook | Athugasemdir (0)

24.9.2010 | 10:03

Fjórða umferð Ólympíuskákmótsins hafin

Fjórða umferð Ólympíuskákmótsins hófst kl. 9. Strákarnir tefla við Bólivíu en stelpurnar við Íraka. Hægt er að horfa á viðureignirnar beint.

Ísland - Bólívía (beint)

Ísland - Írak (beint)

Íþróttir | Breytt s.d. kl. 10:35 | Slóð | Facebook | Athugasemdir (0)

24.9.2010 | 09:49

Sigurjón Haraldsson sigraði á fimmtudagsmóti

Örn Leó Jóhannsson var lengst af í forystu á fimmtudagsmóti hjá Taflfélagi Reykjavíkur í gær en á meðan Örn tapaði fyrir Inga Tandra í 6. umferð og gerði jafntefli við Pál Snædal Andrason í síðustu umferð, vann Sigurjón Haraldsson báðar sínar skákir og náði þannig óskiptu fyrsta sæti. Úrslit í gærkvöldi urðu annars sem hér segir:

1 Sigurjón Haraldsson 6
2 Örn Leó Jóhannsson 5,5
3 Ingi Tandri Traustason 5
4 - 6. Páll Snædal Andrason 4,5
Guðmundur Kristinn Lee
Birkir Karl Sigurðsson
7 - 11 Rafn Jónsson 4
Jón Úlfljótsson
Jón Trausti Harðarson
Eiríkur Örn Brynjarsson
Atli Jóhann Leósson
12 - 14 Vignir Vatnar Stefánsson 3,5
Stefán Már Pétursson
Csaba Daday
15 - 17 Unnar Bachmann 3
Gauti Páll Jónsson
Björgvin Kristbergsson
18 - 19 Óskar Long Einarsson 2,5
Kristinn Andri Kristinsson
20 Pétur Jóhannesson 2
21 Óttar Atli Ottóson
22 Hnikarr Bjarmi Franklinsson 0

Íþróttir | Slóð | Facebook | Athugasemdir (0)

23.9.2010 | 21:32

Ól í skák: Bólívía og Írak í fjórðu umferð - Kasparov mættur

Íslenska liðið í opnum flokki mætir liði Bólivíu í fjórðu umferð. Kvennaliðið mætir liði Írak. Bæði íslensku liðin eru sterkari á pappírnum en andstæðingarnir. Samkvæmt áreiðanlegum heimildum ritstjórans er Garry Kasparov mættur á skákstað.

Umferðin hefst kl. 9 í fyrramálið Rétt er að minna á beinar útsendingar frá öllum skákum mótsins.

Liðsuppstillingar liðsins liggja fyrir í nótt og tenglar á beinar útsendingar íslensku sveitanna verða tilbúnir í upphafi umferðar.

Íþróttir | Breytt s.d. kl. 21:35 | Slóð | Facebook | Athugasemdir (1)

23.9.2010 | 21:24

110 ára afmælismót Taflfélags Reykjavíkur - Haustmótið 2010 hefst á sunnudag

110 ára afmælismót Taflfélags Reykjavíkur - Haustmótið 2010 hefst sunnudaginn 26. september kl.14. Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.

Mótið er öllum opið.

Teflt er í húsakynnum Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum og eru góð verðlaun í boði í öllum flokkum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R., http://taflfelag.is/

Hægt er að fylgjast með skráningu hér.

Athygli er vakin á því að skráningu í alla lokaða flokka lýkur laugardaginn 25. september kl. 18.

Núverandi skákmeistari Taflfélags Reykjavíkur er Sigurður Daði Sigfússon.

Dagskrá:

1. umferð: Sunnudag 26. september kl.14.00
2. umferð: Miðvikudag 29. september kl.19.30

3. umferð: Föstudag 1. október kl.19.30
4. umferð: Sunnudag 3. október kl.14.00

5. umferð: Mánudag 4. október kl.19.30
---Hlé vegna afmælisboðs T.R. og íslandsmóts skákfélaga---

6. umferð: Miðvikudag 13. október kl.19.30
7. umferð: Föstudag 15. október kl.19.30
8. umferð: Sunnudag 17. október kl. 14.00
9. umferð: Miðvikudag 20. október. kl.19.30

Verðlaun í A-flokki:
1. sæti kr. 180.000
2. sæti kr. 90.000
3. sæti kr. 40.000
4. og 5. sæti ókeypis í Skákþing Reykjavíkur 2011

Verðlaun í B-flokki:
1. sæti kr. 25.000
2. sæti kr. 10.000
3. sæti kr. 5.000
4. sæti ókeypis í Skákþing Reykjavíkur 2011

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2011

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2011

Bætist við fleiri flokkar verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Tímamörk:

1 klst. og 30 mín. + 30 sek. á leik.

Þátttökugjöld:

3.000 kr. fyrir félagsmenn T.R. 16 ára og eldri (3.500 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

Íþróttir | Slóð | Facebook | Athugasemdir (1)

23.9.2010 | 21:22

Haustmót SA hefst á sunnudag

Haustmót Skákfélags Akureyrar 2010 hefst sunnudaginn 26. september kl. 14:00. Mótið er um leið meistaramót Skákfélags Akureyrar. Teflt verður í félagsheimili skákfélagsins í Íþróttahöllinni við Skólastíg. Tefldar verða sjö umferðir eftir Monrad kerfi. Mótið verður reiknað til alþjóðlegra stiga og íslenskra skákstiga.

Mótið er öllum opið.

Hægt er að skrá sig með því að senda póst á netfangið ha090199@unak.is.

Athygli er vakin á því að hlé verður gert á mótinu helgina 8.-10. október vegna Íslandsmóts skákfélaga sem fram fer þá helgi í Reykjavík.

Dagskrá:

1. umferð. Sunnudagur 26. september kl.14:00
2. umferð Þriðjudagur 28. september kl. 19:30
3. umferð Sunnudagur 03. október kl. 14:00
4. umferð Þriðjudagur 05. október kl. 19:30
Hlé vegna Íslandsmóts skákfélaga.
5. umferð Þriðjudagur 12.október kl. 19:30
6. umferð Sunnudagur 17. október kl. 14:00
7. umferð Þriðjudagur 19. október kl. 19:30

Tímamörk:

1 klst. og 30 mín. + 30 sek. á leik.

Þátttökugjald:

2.000 krónur.

Verðlaun:

Veitt verða verðlaun fyrir þrjú efstu sætin.
Dregið verður út gjafabréf frá veitingastaðnum Krua Siam.

Haustmót Skákfélags Akureyrar var fyrst haldið árið 1939 og hefur farið fram árlega allar götur síðan ef frá eru talin árin 1944, 1945 og 1952. Júlíus Bogason hefur oftast orðið skákmeistari Skákfélags Akureyrar eða 14 sinnum.

Opið hús verður alla fimmtudaga kl. 20 í vetur, þ.m.t. á meðan Haustmótið stendur yfir.

Barna- og unglingaæfingar eru á mánudögum og miðvikudögum kl. 17:00 til 18:30 Æfingagjald fram að áramótum er kr. 5000 og eru keppnisgjöld í mótum félagsins innifalin í því.

Íþróttir | Slóð | Facebook | Athugasemdir (0)

23.9.2010 | 21:21

Ingimundur og Erlingur efstir

Ingimundur Sigurmundsson (1775) og Erlingur Jensson (1690) eru efstir með fullt hús að lokinni 2. og 3. umferð Meistaramóts Selfoss og nágrennis sem fram fóru í gærkveldi.

Staðan:

SNo.	Name	Rtg	Pts	SB.
3	Ingimundur Sigurmundsson	1775	3	4,00
6	Erlingur Jensson	1690	3	2,50
8	Grantas Grigorianas	1740	2	1,50
4	Magnús Matthíasson	1670	1½	1,75
7	Magnús Gunnarsson	1990	1½	0,75
1	Úlfhéðinn Sigurmundsson	1785	1	0,00
9	Ingvar Örn Birgisson	1820	1	0,00
10	Emil Sigurðsson	1790	1	0,00
2	Erlingur Atli Pálmarsson	1425	0	0,00
5	Magnús Garðarsson	1465	0	0,00

Íþróttir | Slóð | Facebook | Athugasemdir (0)

23.9.2010 | 14:45

Tap gegn Grikkjum og Víetnömum

Íslensku liðin töpuðu bæði í 3. umferð Ólympíuskákmótsins sem fram fór í dag. Liðið í opnum flokki tapaði fyrir stórmeistarasveit Grikkja 1-3, þar sem Hannes Hlífar Stefánsson og Héðinn Steingrímsson gerðu jafntefli. Kvennaliðið náði góðum úrslitum gegn mjög sterkri sveit Víetnama en, tapaði með minnsta mun. Lenka Ptácníková vann mjög laglegan sigur á fyrstu borði og Jóhanna Björg Jóhannsdóttir gerði jafntefli í hörkuskák. Góð úrslit gegn sterkri sveit.

Fjórða umferð Ólympíuskákmótsins hefst kl. 9 í fyrramálið.

Íþróttir | Breytt s.d. kl. 21:12 | Slóð | Facebook | Athugasemdir (0)

23.9.2010 | 09:45

Þriðja umferð Ólympíuskákmótsins hafin

Þriðja umferð Ólympíuskákmótsins er hafin, hófst kl. 9 í morgun. Liðið í opna flokknum teflir við sterka sveit Grikkja en stelpurnar tefla við Víetnama.

Hægt er að horfa a báðar viðureignirnar beint.

Ísland - Grikkland (beint)

Ísland - Víetnam (beint)

Íþróttir | Breytt s.d. kl. 09:52 | Slóð | Facebook | Athugasemdir (0)

23.9.2010 | 09:37

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30. Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri. Boðið er upp á kaffi ásamt léttum veitingum án endurgjalds.