Sóknarsigur Friðriks í Arnhem

Friðrik Ólafsson sigraði hinn unga Hollending, Vincent Rothuis (2441), sem er aðeins 17 ára, í mikilli sóknarskák í sjöundu umferð Euwe Stimulans skákmótinu sem tefld var í dag í Arnhem í Hollandi.  Friðrik hafði svart og blés Hollendingurinn ungi strax til mikillar sóknar.   Friðrik tók hraustlega á móti og eftir miklar flækjur mátaði Friðrik Hollendinn í 26 leik!  Friðrik hefur 3 vinninga.   

Öðrum skákum sjöundu umferðar er enn ólokið en staðan efstu manna fyrir umferðina var sem hér segir:

1. AM Amon Simutome (2421), Sambía, 5,5 v.
2. KSM  Dibyendru Barua (2462), Indlandi  5 v.
3. KSM Nona Gaprindasvili (2364), Georgíu, 4,5 v.

• Heimasíða mótsins
• Skákirnar í beinni (virkar í Explorer en ekki í Firefox)

Reyknesingar unnu Fjölnismenn

Skákfélag Reykjanesbæjar sigraði Skákdeild Fjölni í 1. umferð Hraðskákkeppni taflfélaga, 39.5 - 32.5,  Viðureignin fór fram í Keflavík síðastliðinn mánudag.

Guðmundur Sigurjónsson stóð sig best heimamanna með 9 vinninga og Jóhann Ingvason fékk 8 vinninga.

Tómas Björnsson Fjölni stóð sig þó best allra og fékk 12 v af 12 mögulegum.  Jón Árni Halldórsson kom næstur Fjölnismanna með 7 vinninga.

Reyknesingar eru því komnir í 8 liða úrslit þar sem þeir mæta Akureyringum.    

Smári Rafn stóð sig vel á Spáni

Félagar úr Skákfélagi Akureyrar voru iðnir að tefla erlendis í júlí, níu voru í Danmörku, tveir í Tekklandi og

Smári Rafn Teitsson tók þátt í alþjóðlegu móti í Valensíu á Spáni og honum gekk mjög vel hlaut 5,5 vinning af 9 mögulegum og hafnaði í 17.-28 sæti af 100 keppendum. Vann hann m.a. Olgu Gerasimovitch stórmeistara kvenna frá Hvíta-Rússlandi, en hún hafnaði í 3.-8. sæti með 6,5 v. Sigurvegari varð alþjóðlegi meistarinn Kovacevic Slobodan með 7 vinninga.

 

Í dag hófst alþjóðlegt mót í Barcelona og keppir þar Sigurður Eiríksson í a -flokki en 306 keppendur eru í flokknum.

KR-ingar unnu Austfirðinga

Skákdeild KR vann öruggan sigur, 57-15, á Skáksambandi Austurlands í fyrstu umferð hraðskákkeppni taflfélaga.  Hrannar Baldursson og Jóhann Örn Sigurjónsson voru bestir KR-inga, var með fullt hús en Bjarni Jens Kristinsson var bestur gestanna. 

KR-ingar mæta Íslandsmeisturum Hellis í 2. umferð (8 liða úrslitum).

Árangur KR-inga:

• Hrannar Baldursson 12 v. af 12
• Jóhann Örn Sigurjónsson 12 v. af 12
• Gunnar Gunnarsson 10,5 v. af 12
• Sigurður Herlufsen 10 v. af 12
• Vilhjálmur Guðjónsson 4 v. af 8
• Kristján Stefánsson 5 v. af 8
• Guðfinnur Kjartansson 2 v. af 3
• Jón G. Briem 1,5 v. af 6
  

Árangur SA-manna:

• Bjarni Jens Kristinsson 5 v.
• Björn Jónsson 3 v.
• Helgi Egilsson 2 v.
• Gunnar Finnsson 1,5 v.
• Kjartan Másson 1,5 v.
  
• Gísli B. Bogason 1.
  

 

 

 

Akureyringar og Bolvíkingar komnir áfram

Skákfélag Akureyrar vann öruggan sigur á Taflfélagi Akraness í 1. umferð (13 liða úrslitum), hraðskákkeppni taflfélaga, 65-7, en viðureign félaganna fór fram í Akranesi í gær.   Halldór Brynjar Halldórsson stóð sig best gestanna, hafði fullt hús vinninga.  Bolvíkingar unnu Selfyssinga, 51,55-21,5, í viðureign félaganna, sem fram fór í fyrradag. Sæbjörn Guðfinnsson var bestur Bolvíkinga en Páll Leó Jónsson var bestur Selfyssinga.  

Árangur SA-manna:

• Halldór B. Halldórsson 12 v. af 12
• Arnar Þorsteinsson 11,5 v.
• Rúnar Sigurpálsson 11 v.
• Björn Ívar Karlsson 11 v.
• Þórleifur Karlsson 10,5 v.
• Stefán Bergsson

Árangur TA-manna:

• Pétur Atli Lárusson 2 v.
  
• Viðar Másson 2 v.
  
• Gunnar Magnússon 1 v.
• Magnús Gíslason 1 v.
• Hörður Garðarsson 1 v.
• Magnús Magnússon 0 v.  
  

Árangur Bolvíkinga:

• Sæbjörn Guðfinnsson 10 v. af 12
• Halldór Grétar Einarsson 9,5 v.
• Magnús Pálmi Örnólfsson 9 v.
• Unnsteinn Sigurjónsson 9 v.
• Stefán Arnalds 7 v.
• Guðmundur Daðasvon 5 v.

Árangur Selfyssinga:

• Páll Leó Jónsson 5,5 v. af 12
• Ingimundur Sigurmundsson 5 v.
• Magnús Gunnarsson 3 v.
• Úlfhéðinn Sigurmundsson 2,5 v.
• Vilhjálmur Pálsson 2,5 v.
• Guðbjörn Sigurmundsson 2 v.
  

Ekki hafa borist í úrslit í viðureignum KR og Austurlands né Reyknesinga og Fjölnis.  

Bolvíkingar mæta Haukum í átta liða úrslitum og Akureyringar mæta sigurvegaranum í viðureign Reyknesinga og Austfirðinga.

 

Lið TR á EM taflfélaga

Taflfélag Reykjavíkur sendir sterkt lið til keppni á Evrópumót taflfélag, sem fram fer í Kemer í október, en í liðinu er 3 stórmeistarar skráðir til leiks.   Liðið er það 20. stigahæsta en til samanburðar er lið Íslandsmeistara Hellis það 35. stigahæsta.

Lið TR:

 

Bo.		Name	IRtg	FED
1	GM	Stefansson Hannes	2568	ISL
2	GM	Nataf Igor-Alexandre	2588	FRA
3	GM	Thorhallsson Throstur	2461	ISL
4	IM	Kristjansson Stefan	2458	ISL
5	IM	Gunnarsson Arnar	2439	ISL
6	IM	Gunnarsson Jon Viktor	2427	ISL
	FM	Bergsson Snorri	2301	ISL

Lið Hellis:

 

Bo.		Name	IRtg	FED
1	IM	Thorfinnsson Bragi	2389	ISL
2	FM	Johannesson Ingvar Thor	2344	ISL
3	FM	Sigfusson Sigurdur	2320	ISL
4	FM	Thorfinnsson Bjorn	2318	ISL
5	FM	Lagerman Robert	2315	ISL
6		Edvardsson Kristjan	2266	ISL

 

Björn Þorfinnsson Grænlandsmeistari í skák

Björn Þorfinnsson er Grænlandsmeistarinn 2007. Þátttökumet. Jóhanna Björg með gull í tveimur flokkum. Sigurvegararnir gáfu verðlaunin sín. 

Björn Þorfinnsson sigraði á 5. alþjóðamóti Hróksins á Grænlandi, Flugfélagsmótinu 2007, sem lauk í Tasiilaq á sunnudag. Gríðarlega góð þátttaka var á mótinu og keppendur alls 84, sem er met. Róbert Harðarson varð í 2. sæti og Hrannar Jónsson hreppti bronsið.

Alls voru veitt verðlaun í fjórum flokkum. Dines Ignatiussen hlaut gullið í flokki heimamanna, Gabe Taunajik hlaut silfrið og Karl Peter Ale brons.

Jóhanna Björg Jóhannsdóttir, sem í sumar varð heimsmeistari með sveit Salaskóla, sigraði bæði í kvennaflokki og ungmennaflokki. Í öðru sæti í ungmennaflokki varð Patrekur Maron Magnússon og Birkir Karl Sigurðsson varð þriðji. Embla Dís Ásgeirsdóttir hlaut silfrið í kvennaflokki og grænlenska stúlkan Fina Maratse varð þriðja.

Flugfélagsmótið fór fram í glæsilegri íþróttahöll í Tasiilaq og voru aðstæður einsog best gerist á alþjóðlegum skákmótum. Við verðlaunaafhendingu var mikill fögnuður, enda voru allir keppendur leystir út með glaðningi.

Sigurvegararnir voru í hátíðarskapi og vakti mikinn fögnuð þegar Jóhanna Björg gaf verðlaunin sem hún hlaut, forláta skáktölvu frá Pennanum, til eins af grænlensku keppendunum. Björn Þorfinnsson lét heldur ekki sitt eftir liggja, og gaf sigurlaunin, glæsilegan bikar frá Árna Höskuldssyni, til ungs og efnilegs grænlensks skákmanns.

Óhætt er að segja að skákhátíð Hróksins og félaga á Grænlandi 2007 hafi heppnast frábærlega. Grænlensk ungmenni hafa tekið skákinni tveim höndum og starf síðustu fimm ára er farið að skila verulegum árangri.

Alls tóku rúmlega 40 Íslendingar þátt í skákhátíðinni, sem náði til Tasiilaq, Kuummiit og Kulusuk.

Frábærri hátíð er lokið en skáklandnámið heldur áfram!

• Góður granni
• Heimasíða Hróksins

Daði sigraði á stórmóti Árbæjarsafns

Stórmót Árbæjarsafns fór fram í gær í Kornhlöðunni.  19 keppendur mættu til leiks og tefldar voru 7 umferðir eftir Monradkerfi og var umhugsunartíminn 7 mínútur á skák fyrir hvorn keppenda.

Úrslit mótsins urðu þau að Daði Ómarsson bar sigur úr býtum hlaut 6 vinninga af 7 mögulegum. Í öðru sæti varð Magnús Magnússon með 5,5 vinning og í 3.-6. sæti urðu Sverrir Þorgeirsson, Paul J.Frigge, Baldur Kristinsson og Hallgerður H.Þorsteinsdóttir með 4,5 vinning.

 

 

Lokastaðan:

• 1 ….Daði Ómarsson…………6.0  v  af 7
• 2….Magnús Magnússon…….5.5  v
• 3-6..Sverrir Þorgeirsson.…….4.5  v
• 3-6..Paul J.Frigge……………4.5  v
• 3-6..Baldur Kristinsson………4.5  v
• 3-6..Hallgerður H.Þorsteinsd…4.5  v
• 7-9..Svanberg M.Pálsson…….4.0  v
• 7-9..Bjarni J.Kristinsson……..4.0  v
• 7-9..Vilhjálmur Pálmason……4.0  v
• 10-12.Guðfinnur R.Kjartansson.3.5  v
• 10-12.Halldór Garðarsson……..3.5  v
• 10-12.Sigríður B.Helgadóttir…..3.5  v
• 13-17.Elsa M.Þorfinnsdóttir……3.0  v
• 13-17.Dagur A.Friðgeirsson……3.0  v
• 13-17.Páll Sigurðsson…………..3.0  v
• 13-17.Sverrir Gunnarsson………3.0  v
• 13-17.Örn Stefánsson…………...3.0  v
• 18….Sveinn G.Einarsson……….2.0  v
• 19….Pétur Jóhannesson…………1.0  v
  

Mótsstjóri var Dagný Guðmundsdóttir  frá Árbæjarsafni.   Skákstjóri var Ólafur S.Ásgrímsson frá Taflfélagi Reykjavíkur.

Guðmundur í landsliðsflokk

Guðmundur Kjartansson (2305) tekur sæti í landsliðsflokki Skákþings Íslands en Sigurður Daði Sigfússon afboðaði sig fyrr í dag.   Engu breytir það um áfangamöguleika en sem fyrr er þarf 7 vinninga til þess að ná áfanga að alþjóðlegum meistaratitli.   Meðalstigin flokksins 2367 skákstig.

 

 

 

 

 

 

 

Keppendalistinn:
 

Nr.	Skákmaður	Titill	Stig	Félag
1	Hannes Hlífar Stefánsson	SM	2568	TR
2	Þröstur Þórhallsson	SM	2461	TR
3	Stefán Kristjánsson	AM	2458	TR
4	Jón Viktor Gunnarsson	AM	2427	TR
5	Bragi Þorfinnsson	AM	2389	Hellir
6	Ingvar Þór Jóhannesson	FM	2344	Hellir
7	Davíð Kjartansson	FM	2324	Fjölnir
8	Dagur Arngrímsson	FM	2316	TR
9	Róbert Harðarson	FM	2315	Hellir
10	Guðmundur Kjartansson	FM	2305	TR
11	Lenka Ptácníková	KSM	2239	Hellir
12	Hjörvar Steinn Grétarsson		2168	Hellir

 

 

Metþáttaka á Grænlandsmótinu - Pétur efstur

Metþátttaka er á V. Alþjóðlega Grænlandsmótinu, Flugfélagsmótinu, og eru keppendur yfir 80. Tugir grænlenskra barna setja mestan svip á mótið, sem fer fram í glæsilegri íþróttahöll Tasiilaq-bæjar á Austur-Grænlandi. 

Pétur Jónasson er einn efstur með 5 vinninga eftir fyrri daginn. Í öðru til fimmta sæti eru Róbert Harðarson, Hrafn Jökulsson, Björn Þorfinnsson og Pétur Atli Lárusson með 4,5 vinninga. Á morgun, sunnudag, verða tefldar 5 umferðir til viðbótar og þá kemur í ljós hver verður fimmti Grænlandsmeistarinn í skák.

Flugfélagsmótið er hápunktur skákviku Hróksins og félaga á Grænlandi og er óhætt að segja að vel hafi tekist til. Kátu biskuparnir úr Hafnarfirði héldu hátíð fyrir börnin í Kuummiit, liðsmenn Skákíþróttafélags stúdenta við HR sáu um fjörið í Kulusuk, og hér í Tasiilaq voru heimsmeistararnir úr Salaskóla í fararbroddi, ásamt Henrik Danielsen og öðrum vöskum skáktrúboðum.

Fjölmenn barnaskákmót voru haldin í þorpunum þremur í vikunni. Hér í Tasiilaq tóku 44 börn þátt í Toyota-mótinu á fimmtudag og á föstudag tóku 66 þátt í Glitnis-mótinu, sem haldið var í Skákhöll Hróksins í bænum.

Sjá nánar:

• Góður granni
  
• Heimasíða Hróksins