Aronian og Mamedyarov efstir á minningarmóti um Tal

Aserinn Mamedyarov (2763) sigraði Úkraínumanninn Eljanov (2742) í sjöttu umferð minningarmótsins um Tal sem fram fór í Moskvu í dag.  Öðrum skákum lauk með jafntefli. Mamedyarov er efstur ásamt Aronian (2801).  

Staðan:

• 1. Aronian (2801) og Mamedyarov (2763) 4 v.
• 3.-6. Karjakin (2760), Wang Hao (2727), , Nakamura (2741) og Grischuk (2771) 3½ v.
• 7. Kramnik (2791) 3 v.
• 8. Gelfand (2741) 2 v.
• 9.-10. Eljanov(2742) og Shirov (2735) 1½ v.

• Heimasíða mótsins
• Beinar útsendingar (hefjast kl. 12)
  

 

Strandbergsmótið - Æskan og ellin fer fram á laugardag

Strandbergsmótið í skák  "Æskan og Ellin", verður haldið í sjöunda sinn,  laugardaginn 13. nóvember  nk. í Strandbergi, safnaðarheimili Hafnarfjarðarkirkju og hefst kl. 13.  Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.    

Að mótinu standa auk Hafnarfjarðarkirkju, RIDDARINN, skákklúbbur  eldri borgara,  í samvinnu við  Skákdeild Hauka, Hafnarfirði. Á síðasta ári var 80 árs  aldursmunur milli yngsta og elsta keppandans.

Vegleg peningaverðlaun í öllum flokkum, auk  verðlaunagripa  og  vinningahappdrættis!

100.000  kr.  verðlaunasjóður

• Aðalverðlaun :  25.000;  15.000;  10.000,
• Aldursflokkaverðlaun:  5.000; 3.000, 2.000

Þátttaka á Strandbergsmótum er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Sigurvegarar undanfarinna móta hafa verið þessir:

2009: Jóhann Örn Sigurjónsson; (2. Dagur Andri Friðgeirsson)

2008 og 2007 : Hjörvar Steinn Grétarsson;

2006: Jónas Þorvaldsson ( 2. Ingvar Ásbjörnsson)

2005: Gunnar Kr. Gunnarsson; 2004 Ingvar Ásumundsson

Strandbergmótið hefst kl. 13 laugardaginn 13. nóvember nk. í Hásölum Strandbergs  og stendur til  kl 17.     Tefldar verða 9 umferðir eftir svissneska kerfinu með 7 mínútna umhugsunartíma á skákina.  

Mótinu lýkur síðan  með veglegu kaffisamsæti  og verðlaunaafhendingu.

Einar S. Einarsson er formaður mótsnefndar og Páll Sigurðsson, skákstjóri.

sjá má skráningu hér
https://spreadsheets.google.com/ccc?key=0AphEeJmswOI4dFg2TWtGR1VTQ0pSaEsydkRjSVpWcWc&hl=en&authkey=CIr68tYP

og  á chess results.
http://chess-results.com/Tnr39985.aspx?lan=1 

 

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Afmælismót til heiðurs Hrafni Jökulssyni í Rauðakrosshúsinu

Í tilefni þess að skákfrömuðurinn Hrafn Jökulsson átti hálft stórafmæli nýlega, heldur Skákfélag Vinjar afmælismót piltinum til heiðurs.

Mótið verður haldið á mánudaginn, 15. nóv. í Rauðakrosshúsinu, Borgartúni 25 og hefst kl. 13:30.

Hrafn var upptekinn á afmæli sínu þann 1. nóvember en nú er komið að því semsagt.

Hrafn Jökulsson- ásamt liðsmönnum Hróksins- setti upp mót með gestum Vinjar auk nokkurra erlendra meistara árið 2003. Þó skákborð hafi lengi verið til á svæðinu varð ekki aftur snúið eftir viðburðinn sem var upphafið að mánudagsæfingum í athvarfinu sem síðar varð að stofnum alvöru félags. Nú er Skákfélag Vinjar með tvö lið á Íslandsmótinu. Já, og yfir fjörutíu félagsmenn.

Fyrr á árinu gekk þessi ungi maður einmitt til liðs við Skákfélag Vinjar og teflir með A liði félagsins í þriðju deild.

Frændi Hrafns, Bragi Kristjónsson bóksali kemur að afmælismótinu með skemmtilegum hætti, en hann og fólkið hans í Bókinni.ehf hefur tekið til bækur "með sál" þar sem svæði sem eiga stað í hjarta afmælisbarnsins eru í öndvegi: vesturbærinn, Strandir og Grænland. Fá allir þátttakendur bók í afmælisgjöf.

Að sjálfsögðu tekur varaforseti Hróksins, Róbert Lagerman að sér skákstjórn í móti þar sem tefldar verða sjö umferðir með sjö mínútna umhugsunartíma. Svo er alltaf heitt á könnunni í Rauðakrosshúsinu.

Skákáhugafólk hvatt til að mæta á fyrsta afmælismótið sem fram fer í Rauðakrosshúsinu, Borgartúni 25 og taka þátt í litlu og skemmtilegu ævintýri Hrafni til heiðurs.

Kappteflið um Skákseglið

Nú stendur yfir hjá Riddaranum Kappteflið um Skákseglið,  GP-mótaröð til minningar um Grím heitin Ársælsson, sem hefði orðið 70 þann 17. nóvember nk. hefði hann lifað. Þátttakendur eru nær 30 talsins og hart barist fyrir hverjum vinningi því lokastaðan í hverju móti gefur stig sem úrslitin ráðast af.  Fylgt er stífustu reglum FIDE, enda gamalreyndir skákmenn að leik, misjafnlega tapsárir og engin annars bróðir.

Sjá nánar á www.galleryskak.net (Riddarinn) og myndaalbúm mótsins (Einar S. Einarsson).

     Staðan eftir 2 mót af 4:

•       Jóhann Örn Sigurjónsson       8         10       =18
•       Þór Valtýsson                            6           6        =12
•       Sigurður A. Herlufsen             10          -        =10
•       Guðfinnur R. Kjartansson        -            8        =  8
•       Friðgeir K. Hólm                        -            5        =  5
•        Ingimar Halldórsson                5                    =  5
•       Páll G. Jónsson                         4                     =  4
•       Ingimar Jónsson                                     4       =  4
•       Sigurður E. Kristjánsson         3           -         =  3
•       Össur Kristinsson                      2           1        =  3
•       Gísli Gunnlaugsson                  -            3        =  3
•       Stefán Þ. Guðmundsson         -            2        =  2
•       Björn Víkingur Þórðarson        1            -        =  1

Helgi og Davíð ráðnir landsliðsþjálfarar fram yfir Ól 2012

Skáksamband Íslands hefur ákveðið að endurnýja ráðningarsamninga við Helga Ólafsson sem landsliðsþjálfara karla og Davíð Ólafsson sem landsliðsþjálfara kvenna.  Bæði lið stóðu sig mjög vel á síðasta Ólympíuskákmóti sem fram fór í Síberíu í september-október.  Þeir eru ráðnir fram yfir Ólympíuskákmótið í Tyrklandi haustið 2012. Á næstunni munu landsliðsþjálfararnir kalla saman afrekshópa sem æfa undir þeirra handleiðslu næstu misseri.  

Byggt verður áfram á góðu starfi undangengins árs þar sem tókst að skapa fasta umgjörð um landsliðshópana með reglulegum æfingum. Með markvissum hætti er ætlunin að styrkja landslið Íslands í skák enn frekar og bæta árangur í mikilvægustu sveitakeppnum landsliða.

Barna- og unglingameistaramót T.R. fer fram nk. sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 14. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2010. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2010. Til viðbótar verða veitt verðlaun fyrir þrjú efstu sætin í aldursflokknum 12 ára og yngri.  

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 14. nóv. frá kl. 13.30- 13.45. 

Aðgangur á mótið er ókeypis.

Strandbergsmótið - Æskan og ellin fer fram á laugardag

Strandbergsmótið í skák  "Æskan og Ellin", verður haldið í sjöunda sinn,  laugardaginn 13. nóvember  nk. í Strandbergi, safnaðarheimili Hafnarfjarðarkirkju og hefst kl. 13.  Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.    

Að mótinu standa auk Hafnarfjarðarkirkju, RIDDARINN, skákklúbbur  eldri borgara,  í samvinnu við  Skákdeild Hauka, Hafnarfirði. Á síðasta ári var 80 árs  aldursmunur milli yngsta og elsta keppandans.

Vegleg peningaverðlaun í öllum flokkum, auk  verðlaunagripa  og  vinningahappdrættis!

100.000  kr.  verðlaunasjóður

• Aðalverðlaun :  25.000;  15.000;  10.000,
• Aldursflokkaverðlaun:  5.000; 3.000, 2.000

Þátttaka á Strandbergsmótum er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Sigurvegarar undanfarinna móta hafa verið þessir:

2009: Jóhann Örn Sigurjónsson; (2. Dagur Andri Friðgeirsson)

2008 og 2007 : Hjörvar Steinn Grétarsson;

2006: Jónas Þorvaldsson ( 2. Ingvar Ásbjörnsson)

2005: Gunnar Kr. Gunnarsson; 2004 Ingvar Ásumundsson

Strandbergmótið hefst kl. 13 laugardaginn 13. nóvember nk. í Hásölum Strandbergs  og stendur til  kl 17.     Tefldar verða 9 umferðir eftir svissneska kerfinu með 7 mínútna umhugsunartíma á skákina.  

Mótinu lýkur síðan  með veglegu kaffisamsæti  og verðlaunaafhendingu.

Einar S. Einarsson er formaður mótsnefndar og Páll Sigurðsson, skákstjóri.

 

Framsýnarmótið í skák

Framsýnarmótið í skák 2010 verður haldið helgina 12.-14. nóvember nk. í fundarsal stéttarfélagsins Framsýnar að Garðarsbraut 26 Húsavík.  Það er skákfélagið Goðinn í Þingeyjarsýslu og Framsýn-stéttarfélag, sem sjá um mótshaldið.

Mótið er öllum áhugasömum opið, en einungis félagar í Framsýn-stéttarfélagi, öðrum stéttarfélögum í Þingeyjarsýslu eða í skákfélaginu Goðanum geta unnið til verðlauna.  Sérstök verðlaun verða veitt fyrir efsta utanfélagskeppandann.

Dagskrá.

1. umf. föstudaginn 12 nóvember kl 20:00      Tímamörk 25 mín á mann (atskák)
2. umf. föstudaginn 12 nóvember kl 21:00      Tímamörk 25 mín á mann (atskák)
3. umf. föstudaginn 12 nóvember kl 22:00      Tímamörk 25 mín á mann (atskák)

4. umf. laugardaginn 13 nóvember kl 10:00    Tímamörk 90 mín + 30 sek á leik (kappskák)
5. umf. laugardaginn 13 nóvember kl 16:00    Tímamörk 90 mín + 30 sek á leik (kappskák)
6. umf. sunnudaginn 14 nóvember kl 10:00    Tímamörk  90 mín + 30 sek á leik (kappskák)

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem stéttarfélagið Framsýn gefur í tilefni af samvinnu Framsýnar og skákfélagsins Goðans í þingeyjarsýslu.
Einnig verða verðlaun veitt fyrir þrjá efstu í flokki 16 ára og yngri.

Mótið verður reiknað til íslenskra skákstiga og til fide skákstiga.
Ekkert þátttökugjald er í mótið.

Upplýsingar.

Allar nánari upplýsingar um framsýnarskákmótið verða aðgengilegar á heimasíðu skákfélagins Goðans, ásamt skráningu, stöðu, skákir og svo loka-úrslit, verða birt á http://www.godinn.blog.is/  og á http://www.framsyn.is/

Skráning.

Skráning í mótið er hér efst á heimasíðu Goðans á sérstöku skráningarformi. (væntanlegt). Einnig er hægt að skrái sig hjá Hermanni Aðalsteinssyni, formanni skákfélagins Goðans, í síma 4643187 og 8213187 og á [e-mail] 

Listi yfir skráða keppendur er hér:
https://spreadsheets.google.com/ccc?key=0Arg3nCphWhFydHJESWwwTlh5bTljTHFMaG5EV3llOGc&hl=en&authkey=CIS7g8oE#gid=0
Svo er hægt að skrá sig til keppni á skrifstofu Framsýnar-stéttarfélags Garðarsbraut 26 Húsavík.

Atskákmót öðlinga hefst 17. nóvember

Atskákmót öðlinga, 40 ára og eldri, hefst miðvikudaginn 17. nóvember kl. 19:30 í félagsheimili T.R. að Faxafeni 12.   Tefldar verða 9 umferðir eftir svissneska kerfinu, þrjár skákir á kvöldi með umhugsunartímanum 25 mínútum á skák.

Mótinu er svo framhaldið miðvikudagana 24. nóv og 1. des á sama tíma.

Veitt eru verðlaun fyrir þrjú efstu sætin.

Þátttökugjald er kr. 2.000 (ljúffengt kaffi innifalið).

Núverandi atskákmeistari er Þorsteinn Þorsteinsson.

Skráningarform á heimasíðu TR.