Skákmót í Rauðakrosshúsinu, Borgartúni 25, í dag

Mánudaginn 7. september, klukkan 13:30, heldur Skákfélag Vinjar hraðskákmót í Rauðakrosshúsinu þar sem ávallt eitthvað er um að vera. Það er staðsett að Borgartúni 25.  Tefldar verða sex umferðir með sjö mínútna umhugsunartíma eftir Monradkerfi.

Verðlaun verða veitt fyrir efstu sætin og dregnir verða út happadrættisvinningar.  Allt skákáhugafólk er hjartanlega velkomið.

Skákstjóri: Hrannar Jónsson, skákkennari.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 7. september og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Frétt um Íslandsmótið og skákhátíðina í Bolungarvík á RÚV

Í sjónvarpsfréttum í kvöld var fín frétt um Íslandsmótið í skák og skákhátíðina í Bolungarvík.  Meðal annars er tekið við viðtal við Magnús Pálma Örnólfsson sem gaf sér tíma til að tala við fréttamann í miðri skák!

Fréttin í heild sinni

 

Arnar er meistari Máta

Uppskeruhátíð Taflfélagsins Máta fór fram um verslunarmannahelgina og var Arnar Þorsteinsson krýndur meistari Máta 2009. Þó svo að hljótt hafi verið um Mátana á þessari síðu hefur starfið verið með miklum ágætum. Mátar hafa hist svo til vikulega í húsnæði Rauða krossins við Garðatorg í Garðabæ, hreyft menn og rætt landsins gagn og nauðsynjar. Á þessum mótum hefur Arnar verið sigursælastur, þó svo að Rúnar Sigurpálsson hafi velgt honum undir uggum, þegar hann hefur átt heimangengt. Einnig hefur Jakob Þór Kristjánsson komið sterkur inn í hléum með stjórnmálaskýringar líðandi stundar.

Á myndinni hampar Arnar sigurlaununum, forláta eignarbikar þar sem stakkur og umgjörð eru sniðin eftir vexti og viðgangi í þjóðfélaginu. Við hlið hans er Pálmi R. Pétursson, formaður Mátanna, sem gárungarnir vilja nefna Yfirmáta af þeim sökum.

Mátar hittast áfram í vetur á fimmtudögum kl. 20:00 við Garðatorg. Stefnt er að því að opna húsið með reglulegum hætti en annars eru allir velkomnir. Netfang Mátanna er: [e-mail].

Bilbao: Grishcuk sigraði Aronian

Rússinn Alexander Grishchuk (2733) sigraði Armenann Levon Aronian (2773) í fyrstu umferð ofurmótsins í Bilbao á Spáni sem hófst í dag.  Úkraíninn Sergei Karjakin (2722) gerði jafntefli við heimamanninn Alexei Shirov (2730). Gefin eru 3 stig fyrir sigur og eitt fyrir jafntefli.

Á mótið er boðið sigurvegurum 4 stórmóta.  Það er Nanching Pearl Spring í Kína, Corus-mótsins í Wijk aan Zee, Linares-mótsins og Mtel-Masters mótsins í Sofíu.  Stigahæsti skákmaður heims Topalov forfallaðist og sæti hans tók Aronian.

Teflt er í glæsilegu glerhýsi í Bilbao og geta áhorfendur fylgst með fyrir utan glerið.

Staðan eftir 1. umferð:

• 1. Grischuk 3 stig
• 2.-3. Karjakin og Shirov 1 stig
• 4. Aronian 0 stig.

Heimasíða mótsins

 

Henrik með vinningsforskot á Íslandsmótinu í skák

Stórmeistarinn Henrik Danielsen (2473) vann Dag Arngrímsson (2396) í sjöttu umferð landsliðsflokks Íslandsmótsins í skák sem fram fór í dag.  Henrik hefur nú eins vinnings forskot á næstu menn sem eru Guðmundur Gíslason (2348) sem gerði jafntefli við nafna sinn, Kjartansson (2413) í 134 leikja skák, Bragi Þorfinnsson (2360), sem vann Róbert Lagerman (2351), Jón Viktor Gunnarsson (2462) sem lagði Davíð Ólafsson (2327), Þröstur Þórhallsson (2433), sem gerði jafntefli við heimamanninn Magnús Pálma Örnólfsson (2214). Næstu menn eru á vinningi á eftir svo baráttan virðist ætla að vera á milli þessara fimm.  

Sjöunda umferð fer fram á morgun og hefst kl. 16.  Þá mætast m.a.:   Róbert - Henrik, Jón Viktor - Bragi og Þröstur - Guðmundur Gíslason.  

Úrslit 6. umferðar:

Ornolfsson Magnus P	½ - ½	Thorhallsson Throstur
Gislason Gudmundur	½ - ½	Kjartansson Gudmundur
Johannesson Ingvar Thor	½ - ½	Bjornsson Sigurbjorn
Olafsson David	0 - 1	Gunnarsson Jon Viktor
Thorfinnsson Bragi	1 - 0	Lagerman Robert
Danielsen Henrik	1 - 0	Arngrimsson Dagur

Staðan:

Rk.		Name	Rtg	Club/City	Pts.	Rp	n	rtg+/-
1	GM	Danielsen Henrik	2473	Haukar	5	2601	11	8,5
2		Gislason Gudmundur	2348	Bol	4	2522	11	21,2
3	IM	Gunnarsson Jon Viktor	2462	Bol	4	2480	11	1,3
4	IM	Thorfinnsson Bragi	2360	Bol	4	2472	11	8,9
5	GM	Thorhallsson Throstur	2433	Bol	4	2479	11	3,7
6	FM	Olafsson David	2327	Hellir	3	2376	11	6,2
7	FM	Bjornsson Sigurbjorn	2287	Hellir	3	2366	11	9,5
8	IM	Arngrimsson Dagur	2396	Bol	2,5	2320	11	-6,6
9	FM	Lagerman Robert	2351	Hellir	2	2242	11	-12,9
10	FM	Johannesson Ingvar Thor	2323	Hellir	1,5	2195	11	-14,6
11	FM	Kjartansson Gudmundur	2413	TR	1,5	2156	11	-20,1
		Ornolfsson Magnus P	2214	Bol	1,5	2189	11	-2,9

Röðun 7. umferðar (mánudagur kl. 16):

1	Arngrimsson Dagur		Ornolfsson Magnus P
2	Lagerman Robert		Danielsen Henrik
3	Gunnarsson Jon Viktor		Thorfinnsson Bragi
4	Bjornsson Sigurbjorn		Olafsson David
5	Kjartansson Gudmundur		Johannesson Ingvar Thor
6	Thorhallsson Throstur		Gislason Gudmundur

Teflt er í Ráðhússalnum.  Umferðir hefjast kl. 16 á virkum dögum en kl. 13 um helgar.  Skákir mótsins eru sýndar beint á vef Skáksambands Íslands.    Það er Taflfélag Bolungarvíkur sem heldur mótið.  

 

• Heimasíða SÍ
• Chess-Results
• Skákirnar í beinni
• Víkari.is (umfjöllun um mótið)
  

 

EM ungmenna: Jón Kristinn, Hallgerður og Sigríður unnu í sjöttu umferð - Jón í 11.-25. sæti

Jón Kristinn Þorgeirsson, Hallgerður Helga Þorsteinsdóttir og Sigríður Björg Helgadóttir unnu öll í sjöttu umferð EM ungmenna sem fram fór í dag.  Hrund Hauksdóttir og Jóhanna Björg Jóhannsdóttir gerðu jafntefli.   Jón Kristinn Þorgeirsson hefur 4 vinninga og er í 11.-25. sæti en 81 keppandi tekur þátt í flokknum.  Hallgerður Helga hefur 3 vinninga. 

Úrslit 6. umferðar:

Name	Rtg	Result	Name	Rtg	Group
Massoni Michael	2291	1 - 0	Omarsson Dadi	2091	Boys U18
Fridgeirsson Dagur Andri	1775	0 - 1	Pirverdiyev Aqil	1905	Boys U14
Moroni Luca	1576	0 - 1	Thorgeirsson Jon Kristinn	0	Boys U10
Sucikova Katarina	0	½ - ½	Hauksdottir Hrund	0	Girls U14
Messina Roberta	1900	½ - ½	Johannsdottir Johanna Bjorg	1721	Girls U16
Thorsteinsdottir Hallgerdur	1941	1 - 0	Babei Angelica	2015	Girls U18
Helgadottir Sigridur Bjorg	1712	1 - 0	Kosturska Yoana	1849	Girls U18

Jón Kristinn hefur 4 vinninga, Hallgerður hefur 3 vinninga, Daði og Jóhanna hafa 2½ vinning, Dagur Andri og Sigríður Björg hafa 2 vinninga og Hrund hefur 1½ vinning.

Daði Ómarsson teflir í flokki drengja 18 ára og yngri, Dagur Andri Friðgeirsson í flokki 14 ára og yngri og Jón Kristinn Þorgeirsson í flokki 10 ára og yngri.  Hallgerður Helga Þorsteinsdóttir og Sigríður Björg Helgadóttir tefla í flokki stúlkna 18 ára og yngri, Jóhanna Björg Jóhannsdóttir í flokki 16 ára og yngri og Hrund Hauksdóttir í flokki 14 ára og yngri.

• Heimasíða mótsins
• Chess-Results

Hrannar hafnaði í 3.-4. sæti í Osló

Hrannar Baldursson (2081) endaði í 3.-4. sæti í September-stigamóti skákklúbbsins í Osló.  Hrannar gerði jafntefli við Tarak Spreeman (1756) og Johannes Kvisla (2155) í 4. og 5. umferð sem fram fóru í dag og endaði með 3,5 vinning.

Kvisla sigraði á mótinu, hlaut 4,5 vinning.  Annar varð alþjóðlegi meistarinn Atli Grönn (2416) með 4 vinninga. 

Heimasíða mótsins 

Startmót SA fer fram í dag

Vetrastarf Skákfélags Akureyrar hefst á sunnudag 6. september kl.  14.00 með "startmóti" sem er hraðskákmót.

Skákmót í Rauðakrosshúsinu, BORGARTÚNI 25, á mánudag.

Mánudaginn 7. september, klukkan 13:30, heldur Skákfélag Vinjar hraðskákmót í Rauðakrosshúsinu þar sem ávallt eitthvað er um að vera. Það er staðsett að Borgartúni 25.  Tefldar verða sex umferðir með sjö mínútna umhugsunartíma eftir Monradkerfi.

Verðlaun verða veitt fyrir efstu sætin og dregnir verða út happadrættisvinningar.  Allt skákáhugafólk er hjartanlega velkomið.

Skákstjóri: Hrannar Jónsson, skákkennari.