Töfluröð Íslandsmóts skákfélaga

Í morgun var dregið um töfluröð Íslandsmóts skákfélaga, 1.-3. deild.  Hún er sem hér segir:

1. deild:

1.      Hellir b
2.      Fjölnir a
3.      TR a
4.      Haukar b
5.      Haukar a
6.      TV a
7.      Bolungarvík a
8.      Hellir a

2. deild:

1.      SA a
2.      Tf. Akraness
3.      KR a
4.      Bolungarvík b
5.      TG a
6.      TR b
7.      SR a
8.      Hellir  c

3. deild:

1.      TG b
2.      Hellir d
3.      Selfoss a
4.      SA b
5.      Haukar c
6.      Bolungarvík c
7.      Mátar
8.      TR c

Umferðartafla:

Round Robin for 8 players
==========================
Round #1 : 2-7 3-6 4-5 1-8 
Round #2 : 1-2 7-3 6-4 8-5 
Round #3 : 3-1 4-7 5-6 2-8 
Round #4 : 1-4 2-3 7-5 8-6 

 

NM barnskólasveita hefst í dag í Vestmannaeyjum

Norðurlandamót barnaskólasveita hefst í dag í Vestamannaeyjum.  Tvær sveitir taka þátt, annars vegar Íslandsmeistarar Rimaskóla og sveit Grunnskóla Vestmannaeyja.   Auk þess taka þátt lið frá Danmörku, Finnlandi, Noregi og Svíþjóð.   Teflt er í Akóges og hefst fyrsta umferð kl. 10.

Hægt verður að fylgjast með gangi mál á Chess-Results og heimasíða Eyjamanna.  Einnig mun Skák.is birta úrslit og stöðu eftir hverja umferð.  Skákirnar verða birtar eins snemma og hægt er.

• Heimasíða TV 
• Chess-Results

Ólafur B. hraðskákmeistari Víkingaklúbbsins

Víkingaklúbburinn gerði innrás í fimmtudagsæfingu TR í gær, en Meistaramót félagsins var haldið samhliða æfingunni. Svo skemmtilega vildi til að af fyrstu fjörum mönnum mótisins voru þrír Víkingar. Ólafur B. Þórsson sigraði glæsilega á mótinu, en annar var Tómas Björnsson. Í þriðja til fjórða sæti voru svo Gunnar Freyr og Stefán Þór Sigurjónsson. Nánar úrslit koma síðar. Ólafur B. Þórsson er því Meistari Víkingaklúbbsins í skák árið 2009.

Heimasíða Víkingaklúbbins

 

Þorsteinn og Þorvarður byrja vel í aukakeppni áskorendaflokks

Þorsteinn Þorsteinsson (2286) og Þorvarður F. Ólafsson (2211) unnu í sínum skákum í fyrstu umferð aukakeppni áskorendaflokks sem fram fór í kvöld.   Þorsteinn vann Jorge Fonseca (2018) en Þorvarður sigraði Sævar Bjarnason (2171).

Úrslit 1. umferðar:

 

Jorge Rodriguez Fonseca	2018	0  -  1	Thorsteinn Thorsteinsson
Saevar Bjarnason	2171	0  -  1	Thorvardur Olafsson
Stefan Bergsson	2070		Bye

Röðun 2. umferðar (fimmtudaginn, 1. október kl. 18):

 

Thorsteinn Thorsteinsson	2286	-	Saevar Bjarnason
Stefan Bergsson	2070	-	Jorge Rodriguez Fonseca
Thorvardur Olafsson	2211		Bye

 

Chess-Results

Fimmtudagsmót hjá TR í kvöld

Hin vinsælu fimmtudagsmót T.R. hefjast á ný annaðkvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10.  Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Síðastliðinn vetur mættu alls um 100 skákmenn á mótin og myndaðist oft fjörug stemning í Faxafeninu.  Áhugasamir eru hvattir til að mæta og taka þátt í klukkubarningnum.

ATH!  Þetta fyrsta fimmtudagsmót vetrarins er kjörin upphitun fyrir komandi Haustmót og Íslandsmót Skákfélaga.

Haustmót TR hefst á sunnudag

Sunnudaginn 20. september hefst Haustmót Taflfélags Reykjavíkur 2009. Mótið er eitt af aðalmótum vetrarins í reykvísku skáklífi og er jafnframt meistaramót T.R. Það er áratuga gömul hefð fyrir hinu vinsæla Haustmóti T.R. og er það flokkaskipt. Mótið er öllum opið. Skráning fer fram á heimasíðu TR.

Teflt verður í húsakynnum Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum og eru góð verðlaun í boði í öllum flokkum. Alls verða tefldar 9 skákir í hverjum flokki. Í efstu flokkunum verður teflt í lokuðum 10 manna flokkum, en í neðsta flokki verður teflt eftir svissnesku kerfi.

Skráning fer fram á [e-mail] eða í síma 895-5860 (Ólafur Ásgrímsson).

Skráningu í A-flokk lýkur laugardaginn 19. september kl. 18.

Skákstjóri er hinn gamalreyndi og síungi Ólafur S. Ásgrímsson og hin eina og sanna Birna sér um veitingar.


Valið verður í A-flokk eftir alþjóðlegum FIDE stigum.

Núverandi meistari T.R. er Hrafn Loftsson.

Dagskrá Haustmótsins er þessi:

1. umferð: Sunnudag 20. september kl.14.00
2. umferð: Miðvikudag 23. september kl.19.30

------Hlé vegna Íslandsmóts skákfélaga-------
3. umferð: Miðvikudag 30. september kl.19.30
4. umferð: Föstudag 2. október kl.19.30
5. umferð: Sunnudag 4. október kl.14.00
6. umferð: Miðvikudag 7. október kl.19.30
7. umferð: Föstudag 9. október kl.19.30
8. umferð: Sunnudag 11. október kl.14.00
9. umferð: Miðvikudag 14. október. kl.19.30

Verðlaun í A-flokki:
1. verðlaun kr. 100.000
2. verðlaun kr. 30.000
3. verðlaun kr. 20.000
4. og 5. sæti ókeypis í Skákþing Reykjavíkur 2010

Verðlaun í B-flokki:
1. verðlaun kr. 20.000
2. og 3. sæti ókeypis í Skákþing Reykjavíkur 2010

Verðlaun í C-flokki:
1. verðlaun kr. 15.000
2. og 3. sæti ókeypis í Skákþing Reykjavíkur 2010

Verðlaun í D-flokki:

1. verðlaun kr. 10.000
2. og 3. sæti ókeypis í Skákþing Reykjavíkur 2010

 

Bætist við fleiri flokkar verða verðlaun í þeim þau sömu og í D-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Fyrirkomulag: Flokkar A-D eru lokaðir 10 manna flokkar þar sem allir tefla við alla. E-flokkur er opinn þar sem tefldar eru 9 umferðir eftir Svissnesku kerfi. Ef þátttaka fer yfir 70 verður E-flokkur lokaður og opnum F-flokki bætt við.

Tímamörk: 1 klst. og 30 mín. + 30 sek. á leik.

Þátttökugjöld:
3.000 kr. fyrir félagsmenn T.R. 16 ára og eldri (3.500 kr. fyrir aðra).
1.500 kr. fyrir félagsmenn TR 15 ára og yngri (2.000 kr. fyrir aðra).

Aukakeppni áskorendaflokks hefst í kvöld

Aukakeppni áskorendaflokks Íslandsmótsins í skák hefst í kvöld.  Fimm skákmenn keppa um eitt sæti í landsliðsflokki að ári.  Það eru þeir Þorsteinn Þorsteinsson (2286), Þorvarður F. Ólafsson (2211), Sævar Bjarnason (2171), Stefán Bergsson (2070) og Jorge Fonseca (2018) sem tefla en þeir urðu í 2.-6. sæti í áskorendaflokki.  

Í fyrstu umferð mætast: Jorge-Þorsteinn og Sævar-Þorvarður.  Stefán situr yfir.  

Chess-Results

Aðalfundur SA fer fram í kvöld

Aðalfundur Skákfélags Akureyrar fer fram í kvöld, fimmtudag 17. september og hefst kl. 20.00 Venjuleg aðalfunadarstörf.

Heimasíða SA

Skákeyjan komin út

Í dag kemur út 3. tbl. SKÁKEYJUNNAR og í þetta sinn er það Norðurlandamót barnaskólasveita sem er tilefni útgáfunnar.

Útlit blaðsins er eilítið breytt frá því áður, blaðið er í stærra broti, þ.e. sama broti og FRÉTTIR og einnig er dreifing blaðsins breytt, því blaðið fylgir fréttum sem borið verður út í kvöld.  Blaðið er 4 síður, þ.e. ein opna.

    Meðal efnis í blaðinu er:
*  Grein Björns Ívars Karlssonar um kynni hans af skák.
*  Dagskrá NM barnaskólasveita 2009.
*  Ávarp Forseta Skáksambands Íslands, Gunnars Björnssonar.
*  Ávarp skólastjóra Grunnskóla Vestmannaeyja, Fanney Ásgeirsdóttir.
*  Smásaga um tapsára skákmenn.
*  Myndir af öllum þátttakendum á NM á baksíðu.

Nokkur aukaeintök verða prentuð fyrir gesti mótsins, en þeir sem óska eftir eintaki vinsamlegast hafið samband við stjórn TV.

Heimasíða TV

Me and Bobby Fischer

Í tilefni útgáfu mynddisks með kvikmyndinni Me and Bobby Fischer, með íslenskum, enskum og umfram allt pólskum textum verður haldið útgáfupartí á ölveitingahúsinu Bakkus, við hliðina á gamla Gauki á stöng, miðvikudaginn 16 september klukkan 20:00.

Sýnd verða myndbrot sem leikstjórar myndarinnar hafa tekið saman, en það er efni sem hefur ekki sést áður og mun ekki verða sýnt aftur, aldrei!

Einar Arnaldur Melax og Guðlaugur Kristinn Óttarsson flytja tónverk sem þeir sköpuðu úr þriðju skák Bobby við Boris Spasský í einvígi Aldarinnar, ásamt öðrum meistaraverkum, en þeir sömdu megnið af tónlistinni í myndinni.

Heyrst hefur að önnur aðalstjarna myndarinnar ætli að láta sjá sig umrætt kvöld, en myndin fjallar um baráttu Sæma rokk fyrir frelsun Bobby Fisher úr fangelsi í Japan og hvernig honum tókst að útvega vini sínum íslenskan ríkisborgararétt og samband þeirra eftir að Bobby slapp úr fangelsi.

Þar er að finna einstök viðtöl við Bobby eftir að hann settist að hér á landi.  Myndin fékk mjög góða dóma eftir sýningu í kvikmyndahúsum og hefur útgáfu þessa disks verið beðið með óþreyju margra aðdáenda Sæma og Bobby.  Þannig er að sú stund er loks runnin upp.

Það verða ýmsar skemmtilegar og óskemmtilegar uppákomur þarna.