Barna- og unglingameistaramót TR fer fram á sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 15. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2009. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2009. Til viðbótar verða veitt verðlaun fyrir þrjú efstu sætin í aldursflokknum 12 ára og yngri. 

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 15. nóv. frá kl. 13.30- 13.45. 

Aðgangur á mótið er ókeypis.

Haustmót Goðans hefst í kvöld

Haustmót Goðans 2009 verður haldið helgina 13.-15. nóvember í sal Framsýnar-stéttarfélags að Garðarsbraut 26 á Húsavík.  Tefldar verða 7 umferðir eftir monrad-kerfi, 3 atskákir og 4 kappskákir.

Mótið verður reiknað til Íslenskra skákstiga og Fide-stiga.                                  

Dagskrá:

Föstudagur 13 nóvember    kl 20:30  1-3 umferð.   (atskák 25 mín )
Laugardagur 14 nóvember kl 10:00  4. umferð.     (90 mín +30 sek á leik)
Laugardagur 14 nóvember kl 14:00  5. umferð.       -------------------
Sunnudagur 15 nóvember  kl 10:00  6. umferð.       -------------------
Sunnudagur 15 nóvember  kl 14:00  7. umferð.        ------------------ 

Hugsanlegt er að 5. og 7. umferð hefjist seinna en ráð er fyrir gert, ef einhverjar skákir dragast á langinn úr 4. eða 6. umferð.  Mögulegt verður að fresta skák í 5. umferð til kvöldsins.  Mögulegt verður að flýta skák úr 6. umferð þannig, að hún verði tefld kvöldið áður.

Frestun og/eða flýting á skák er þó háð samþykkis andstæðings og skákstjóra!

Skákum í öðrum umferðum verður ekki hægt að fresta eða flýta. 

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.

Farandbikar fyrir sigurvegarann.

Sérstök gestaverðlaun verða fyrir utanfélagsmenn. Um er að ræða lambalæri í boði Norðlenska á Húsavík.

 
Þátttökugjald er 2000 krónur fyrir fullorna, 2500 fyrir utanfélagsmenn og 1000 krónur fyrir 16 ára og yngri.  

Gunnar Björnsson forseti Skáksambands Íslands verður skákstjóri á mótinu. 

Skráning í mótið er hjá Hermanni, hér: [e-mail]  og í síma 4643187 og 8213187.
Æskilegt er að áhugasamir skrái sig til leiks sem fyrst og eigi síðar en hálftíma fyrir mót.  Húsið tekur um 30 keppendur. Stjórn hvetur sem flesta til að taka þátt í mótinu.

• Heimasíða Goðans
• Chess-Results

Helgi Brynjarsson sigraði á fimmtudagsmóti í TR

Níunda fimmtudagsmót vetrarins fór fram í TR í kvöld. Að venju voru tefldar sjö umferðir með sjö mínútna umhugsunartíma. Mótið hefst kl. 19:30 og lýkur yfirleitt um eða fyrir 21:30.  Helgi Brynjarsson hafði sigur að þessu sinni eftir harða baráttu við Stefán Þór Sigurjónsson og Jón Úlfljótsson.

•  1    Helgi Brynjarsson                        6
•  2-3  Stefán Þór Sigurjónsson                  5
•       Jón Úlfljótsson                          5
•  4-5  Eiríkur K. Björnsson                     4.5
•       Magnús Matthíasson                       4.5
•  6-9  Elsa María Kristínardóttir               4
•       Hallgerður Þorsteinsdóttir               4
•       Guðmundur Lee                            4
•       Birkir Karl Sigurðsson                   4
• 10-12 Finnur Kr. Finnsson                      3.5
•       Jóhann Bernhard                          3.5
•       Gunnar Friðrik Ingibergsson              3.5
•  13   Örn Leó Jóhannsson                       3
•  14   Björgvin Kristbergsson                   2.5
• 15-16 Pétur Jóhannesson                        2
•       Davíð Kolka                              2
• 17-18 Bjarni Magnús Erlendsson                 1
•       Margrét Rún Sverrisdótir                 1

Páll og Sóley Lind Íslandsmeistarar drengja og telpna

Páll Andrason og Sóley Lind Pálsdóttir urðu í kvöld Íslandsmeistarar drengja og telpna.    Páll varð efstur ásamt Erni Leó Jóhannssyni á Íslandsmótinu sem fram fyrr í haust á Akureyri og Sóley Lind verð efst ásamt Hildi Berglindi Jóhannsdóttur.   Í einvígum þeirra milli höfðu bæði Páll og Sóley Lind betur gegn andstæðingum sínum 2-0.  

Ritstjóri óskar þeim báðum til hamingju með Íslandsmeistaratitlana!

Myndir væntanlegar!

 

HM ungmenna: Töp í fyrstu umferð

Allir íslensku skákmennirnir töpuðu í fyrstu umferð HM ungmenna sem fram fór í dag í Antalya í Tyrklandi í dag.  Allir tefldu þeir uppfyrir sig.  

Úrslit 1. umferðar:

 

Kristinsson Bjarni J	2023	ISL	0  -  1	Kulakov Viacheslav	2380	RUS
Finnbogadottir Tinna	1710	ISL	0  -  1	Dudas Eszter	2147	HUN
Yuan Yi	2097	AUS	1  -  0	Karlsson Mikael Johann	1703	ISL
Bilguun Sumiya	MGL	0	1  -  0	Gautason Kristofer	0	ISL

 

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

Kramnik í forystu í Moskvu

Öllum skákum sjöundu umferðar minningarmótsins um Tal sem fram fór í Moskvu í dag lauk með jafntefli nema að  Ivanchuk (2739) vann Gelfand (2758) og vann þar með sína aðra skák í röð.  Kramnik er efstur með 5 vinninga en Anand (2788) og Ivanchuk koma næstir með 4½ vinning.  Sem fyrr gerði Carlsen (2801) jafntefli, nú gegn Svidler (2754).

Í áttundu og næstsíðustu umferð, sem fram fer á morgun, mætast m.a.: Kramnik-Leko, Gelfand-Anand og Aronian-Ivanchuk. 

Úrslit 7. umferðar:

Anand, Viswanathan	- Morozevich, Alexander	½-½
Ivanchuk, Vassily	- Gelfand, Boris	1-0
Aronian, Levon	- Kramnik, Vladimir	½-½
Ponomariov, Ruslan	- Leko, Peter	½-½
Svidler, Peter	- Carlsen, Magnus	½-½

Staðan:

 

Nr.	Nafn	Land	Stig	Vinn.	Rpf.
1.	Kramnik, Vladimir	RUS	2772	5	2926
2.	Anand, Viswanathan	IND	2788	4½	2860
3.	Ivanchuk, Vassily	UKR	2739	4½	2865
4.	Carlsen, Magnus	NOR	2801	3½	2763
5.	Gelfand, Boris	ISR	2758	3½	2762
6.	Aronian, Levon	ARM	2786	3½	2760
7.	Ponomariov, Ruslan	UKR	2739	3	2714
8.	Morozevich, Alexander	RUS	2750	2½	2668
9.	Svidler, Peter	RUS	2754	2½	2666
10.	Leko, Peter	HUN	2752	2½	2657

Um er að ræða sterkasta skákmót ársins en meðal keppenda eru 10 af 13 stigahæstum skákmönnum heims.  Carlsen er stigahæstur með 2801 skákstig en næstir eru Anand (2788), Aronian (2786) og Kramnik (2772).  Meðalstig mótsins eru 2764 skákstig.

Ýmsar leiðir eru til að fylgjast með skákunum beint sem hefjast kl. 12.  Ritstjóri bendir á eftirfarandi síður. 

• Heimasíða mótsins
• Skákirnar beint á vefsíðu mótsins
• Skákirnar beint á Chessdom
• Skákirnar beint á Chessvibes
• Skákirnar beint á TWIC

TORG-mót Fjölnis fer fram á laugardag

Skákdeild Fjölnis stendur fyrir sínu árlega TORG skákmóti á Foldatorgi í Grafarvogi laugardaginn 14. nóvember.

Skákmótið hefst kl. 11.00 og því lýkur kl. 13.00. Að þessu sinni er TORG skákmót Fjölnis hluti af mikilli Torghátíð fyrirtækjanna í verslunarmiðstöðinni við Hverafold.

Frábærir vinningar eru í boði sem fyrirtækin á Foldatorgi; Nýja Kaupþing, Bókabúðin, Höfuðlausnir, Runni Stúdíblóm og Smíðabær gefa til mótsins. Pizzan gefur pítsur í happadrættisvinninga og NETTÓ býður öllum þátttakendum upp á veitingar í skákhléi. Þrír efstu þátttakendur mótsins fá verðlaunabikara til eignar. Alls eru vinningar um 20 talsins. Tefldar verða sex umferðir og tímamörk eru 7 mínútur. Verðlaunaafhending verður strax að loknu skákmóti. Þátttaka er ókeypis öllum krökkum á grunnskólaaldri. Að móti loknu verða jólasveinar, blöðrufólkið, spákona og veltibíll mætt á svæðið í tilefni Torghátíðarinnar í Grafarvogi.Þátttökuskráning á staðnum og eru keppendur beðnir um að mæta tímanlega til skráningar.

Teflt á degi íslenskrar tungu

Skákmót verður haldið í Vin, athvarfi Rauða kross Íslands að Hverfisgötu 47 í Reykjavík, mánudaginn 16. nóvember kl. 13:00. Með uppátæki þessu halda Skákfélag Vinjar og Hrókurinn upp á dag íslenskrar tungu. Bragi Kristjónsson og félagar í Bókinni ehf. færa öllum þátttakendum rammíslenska bók ,með bæði sögu og sál, eftir mót.

Sérstakur heiðursgestur mótsins verður spænski undrapilturinn hann Jorge Rodriguez Fonseca sem er illviðráðanlegur hvort heldur sem er í skák, víkingaskák eða kotru. Einnig sýndi hann magnaða takta og batt vörnina saman er hann keppti fyrir Íslands hönd í knattspyrnu á móti úrvalsliði í Tasiilaq, eða Ammassalik, í naumum sigri Íslands í framlengdum leik í fyrrasumar. Leikur þessi er árlegur viðburður í ferðum Hróksins til austurstrandar Grænlands.

Jorge mun ekki segja eitt einasta orð á útlensku á mánudaginn.

Fyrir mótið munu þeir Ari Gísli Bragason Kristjónssonar og Eiríkur Ágúst Guðjónsson flytja örstutta tölu og lesa upp úr íslenskri fyndni. Að afloknu móti velja þeir bók handa hverjum þátttakanda, sem þeim finnst við hæfi.

Fyrstaborðsmaður Skákf. Vinjar, Hrannar Jónsson og skákljónið Don Roberto Lagerman Hardarson, sem eftir mótið leggur land undir fót í stigasöfnun, stjórna og dæma. Sjö mínútur á mann, sex til sjö umferðir.

Allir velkomnir, kostar ekkert og kaffi og meðlæti að sjálfsögðu á boðstólnum

HM ungmenna hefst í dag í Tyrklandi

Heimsmeistaramót ungmenna hefst í Antalya í Tyrklandi í dag.  Fjórir íslenskir fulltrúar taka þátt og svo skemmtilega vill til að allir þeir keppendur koma af landsbyggðinni og hver úr sínum landsfjórðungi!   Það eru þau Bjarni Jens Kristinsson, frá Hallormsstað á Austurlandi, sem teflir í flokki drengja 18 ára og yngri, Tinna Kristín Finnbogadóttir, frá Borgarnesi, sem teflir í flokki stúlkna 18 ára og yngri, Mikael Jóhann Karlsson, frá Akureyri, sem teflir í flokki drengja 15 ára og yngri, og Kristófer Gautason, frá Vestmannaeyjum, sem teflir í flokki drengja 12 ára og yngri.   Þátt taka í mótinu 1375 skákmenn frá 88 löndum. 

Helgi Ólafsson er fararstjóri krakkanna og með í för er einnig Karl Gauti Hjaltason, faðir Kristófers.

Umferðin í dag hefst kl. 13.  Ritstjóra er ekki kunnugt um hvort einhverjar skákir krakkanna verði sýndar beint í fyrstu umferð en mun að sjálfsögðu segja frá ef svo verður.

Heimasíða mótsins 

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.