EM öldungasveita: Jafntefli gegn Austurríki

Íslenska liðið á EM öldungasveitagerði 2-2 jafntefli við austurrísku sveitina Steiermark í áttundu og næstsíðustu umferð EM öldungasveita sem fram fór í dag í Dresden.   Ingimar Halldórsson vann, Gunnar Finnlaugsson og Magnús Gunnarsson gerðu jafntefli en Ingimar Jónsson tapaði.  Góður árangur því austurríska sveitin er töluvert stigahærri en sú íslenska.  Íslenska sveitin er nú í 35. sæti með 9 stig og 15½ vinning. 

Í lokaumferðinni sem fram fer á morgun teflir íslenska sveitin við þýsku sveitina Sachsen-Anhalt.

 

 Úrslit 7. umferðar:

		13		38	KR Reykjavik	8		19	Steiermark	8			2 - 2
		1		170	Finnlaugsson,Gunnar	2		84	Watzka,Horst	4½			½ - ½
		2		171	Gunnarsson,Magnus	3½		85	Nickl,Klaus	3			½ - ½
		3		172	Jonsson,Ingimar	3		86	Kratschmer,Heinz	4			0 - 1
		4		173	Halldorsson,Ingimar	2½		87	Pitzl,Konstantinos	4			1 - 0

Sveit Sachsen-Anhalt (Þýskalandi):

		21	21	Sachsen-Anhalt		2177		GER
		1	37	Liebert,Heinz	IM	2255
		2	11	Csulits,Anton	FM	2222
		3	34	Hamm,Georg,Dr.		2124
		4	38	Liebscher,Helmar		2107

Meðalstig íslensku sveitarinnar eru 2094 skákstig og er hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231) 2½ v. af 6
2. Gunnar Finnlaugsson (2121) 2½ v. af 7
3. Magnús Gunnarsson (2107) 4 v. af 7
4. Ingimar Jónsson (1915) 3 v. af 6
5. Ingimar Halldórsson (2040) 3½ v. af6

Heimasíða mótsins

Henrik með vinning og tap í dag Köben

Stórmeistarinn Henrik Danielsen (2495) vann bæði og tapaði í 2. og 3. umferð afmælismóts  Brönshöj skákklúbbsins sem fram fór í dag.  Í 2. umferð sigraði hann Danann Peter Skovgaard (2279) en í 3. umferð tapaði hann fyrir franska FIDE-meistaranum Romain Picard (2365).  Henrik hefur 2 vinning og er í 6.-14. sæti.  

Á morgun verða einnig tefldar tvær umferðir.  Í fyrramálið teflir Henrik við danska FIDE-meistarann Lars Aaes Nielsen (2248).  Skákin hefst kl.10 og er sýnd beint á vefsíðu mótsins. 

Efstir með fullt hús eru sænsku stórmeistararnir Tiger Hillarp-Persson (2581) og Jonny Hector (2572). 

Í mótinu taka þátt 36 skákmenn og þarf af 5 stórmeistarar og Henrik fjórði stigahæsti keppandinn.

• Heimasíða mótsins
• Skákirnar í beinni

 

 

Þröstur með jafntefli í fimmtu umferð

Stórmeistarinn Þröstur Þórhallsson (2426) gerði jafntefli við þýsku skákkonuna Judith Fuchs (2193) sem er alþjóðlegur meistari kvenna í fimmtu umferð Cappelle La Grande sem fram fór í dag.   Þröstur hefur 2½ vinning.   Efstur með 4½ vinning er stórmeistarinn Mikhail Gurevich (2597) frá Túrkmenistan. 

Í sjöttu umferð, sem fram fer á morgun, teflir Þröstur við franska skákmanninn Carl Strugnell (2265).  

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

Sautján manns í Rauðakrosshúsinu

Skákfélag Vinjar og Hrókurinn héldu mót í Rauðakrosshúsinu, Borgartúni 25 í gær. Þrátt fyrir að mótið hæfist kl. 13:30 voru 17 skráðir til leiks og nokkrir áhorfendur kíktu. Enn aðrir sem sóttu þarna námskeið litu á kempurnar í ham.

Skákstjórarnir Róbert Lagerman og Hrannar Jónsson græjuðu þetta létt, enda orðnir þvílíkt vanir. Róbert bar sigur úr býtum með 5 og hálfan af sex mögulegum, en 7 mínútna umhugsunartími var á mann. Má segja að Róbert hafi náð jafntefli við Kjartan Guðmundsson, flísalagningaspesíalista.

Boðið var upp á kaffi og meðlæti í Rauðakrosshúsinu að venju svo allir þátttakendur voru bara nokkuð góðir. Fimm efstu fengu bókaverðlaun og hann Kristinn Andri, Fjölnismaður, sem krækti í þrjá vinninga fékk unglingaverðlaunin.

En röð efstu manna:

1.       Róbert Lagerman            5,5

2.       Jorge Fonseca                  4,5

3.       Siguringi Sigurjónsson    4

4.       Bjarni Hjartarson             4

5.       Hrafn Jökulsson               4

6.       Jón Úlfljótsson                 3,5

7.       Finnur Kr. Finnsson         3,5

Sex þátttakendur fengu þrjá vinninga og aðrir minna.

Metrómót Fjölnis á laugardag

Skákdeild Fjölnis býður grunnskólanemendum upp á að taka þátt í Metrómótinu nk. laugardag, 20. febrúar kl. 11.00 - 12:30.  Þátttaka er ókeypis. Lyst hf gefur alla vinninga á mótið, gjafabréf á
hamborgarastaðinn Metró (áður McDonalds).  Skráning á staðnum. Keppendur eru beðnir um að koma tímanlega á mótsstað til skráningar en teflt verður í Rimaskóla, gengið inn um íþróttahús.

Öllum skákkrökkum á grunnskólaaldri er velkomið að taka þátt í stuttu en skemmtilegu skákmóti. Sex umferðir, sex mínútur í umhugsun.

EM öldungasveita: Tap gegn Finnum

Íslenska liðið á EM öldungasveita tapaði fyrir finnsku sveitinni ½-3½ í fjórðu umferð mótsins sem fram fór í dag.  Magnús Gunnarsson gerði jafntefli en aðrir töpuðu.  Sveitin er í 36. sæti með 8 stig og 13½ vinning.   Í áttundu og næstsíðustu umferð, sem fram fer á morgun, teflir íslenska sveitin við þýsku sveitina Steiermark.  

 

Úrslit 7. umferðar:

		8		7	Finnland	8		38	KR Reykjavik	8			3½ - ½
		1		29	Westerinen,Heikki	4½		169	Gunnarsson,Gunnar K	2½			1 - 0
		2		30	Hurme,Harri M	3		170	Finnlaugsson,Gunnar	2			1 - 0
		3		31	Havansi,Erkki E T.	3½		171	Gunnarsson,Magnus	3			½ - ½
		4		32	Saren,Ilkka J	3½		173	Halldorsson,Ingimar	2½			1 - 0

Sveit Steiermark (Austurríki):

		19	19	Steiermark		2187		AUT
		1		Watzka,Horst	FM	2296		AUT
		2		Nickl,Klaus		2183		AUT
		3	161	Kratschmer,Heinz		2160		AUT
		4		Pitzl,Konstantinos		2108		AUT

Meðalstig íslensku sveitarinnar eru 2094 skákstig og er hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231) 2½ v. af 6
2. Gunnar Finnlaugsson (2121) 2 v. af 6
3. Magnús Gunnarsson (2107) 3½ v. af 6
4. Ingimar Jónsson (1915) 3 v. af 5
5. Ingimar Halldórsson (2040) 2½ v. af 5

Heimasíða mótsins

Linares: Öllum skákum fjórðu umferðar lauk með jafntefli

Öllum skákum fjórðu umferðar Linares-mótsins lauk með jafntefli rétt eins og í þriðju umferð.  Topalov (2805) og Grischuk (2736) eru því sem fyrr efstir og reyndar einu keppendurnir sem unnið hafa skák.   Frídagur er á morgun.

Úrslit 4. umferðar:

 

B. Gelfand	1/2	V. Topalov
V. Gashimov	1/2	L. Aronian
A. Grischuk	1/2	F. Vallejo

 

Staðan:

• 1.-2. Topalov (2805) og Grischuk (2736) 2½ v.
• 3.-4. Vallejo (2705) og Aronian (2781) 2 v.
• 5.-6. Gashimov (2759) og Gelfand (2761) 1½ v.

 

Heimasíða mótsins

Páll sigurvegari - Einar skákmeistari Reykjanesbæjar

Í kvöld lauk Skákþingi Reykjanesbæjar og var það spennandi allt fram í síðustu skákirnar. Fyrir seinustu umferðina stóð baráttan milli Einars S. Guðmundssonar og Páls Sigurðssonar um það hver yrði efstur en Páll gat ekki orðið skákmeistari Reykjanesbæjar þar sem hann er ekki með lögheimili í Reykjanesbæ. Páll hafði sigur en Einar hampaði titlinum skákmeistari Reykjanesbæjar.  Einnig var barátta milli Lofts H. Jónssonar og Pálmars Breiðfjörð um 3 sætið þar sem Pálmar hafði betur.  

 

Úrslit 7. umferðar:

 

Sigurdsson Pall	1 - 0	Einarsson Thorleifur
Jonsson Sigurdur H	- - +	Olafsson Emil
Jonsson Loftur H	0 - 1	Breidfjord Palmar
Gudmundsson Einar S	1 - 0	Ingvason Arnthor Ingi

Lokastaðan:

Sigurður H. Jónsson þurfti að hætta á mótinu eftir eina umferð.  Hann tefldi aðeins gegn Páli en aðrar skákir voru ótefldar.  

 

Rk.	Name	RtgI	RtgN	Club/City	Pts.	Rp	rtg+/-
1	Sigurdsson Pall	1854	1880	TG	6,5	1964	18,3
2	Gudmundsson Einar S	1700	1715	SR	6	1784	7,8
3	Breidfjord Palmar	1771	1790	SR	5	1624	-24,8
4	Olafsson Emil	0	0	SR	4	1594
5	Jonsson Loftur H	0	1510	SR	3,5	1462
6	Einarsson Thorleifur	0	1530	SR	2	1266
7	Ingvason Arnthor Ingi	0	0	SR	1	811
8	Jonsson Sigurdur H	1886	1815	SR	0	0	-8,1

• Heimasíða SR
• Chess-Results

Þröstur sigraði í fjórðu umferð í Cappelle - mætir enn einni skákkonunni á morgun

Stórmeistarinn Þröstur Þórhallsson (2426) sigraði skákkonuna Sonia Zepeda (2117), sem er alþjóðlegur meistari kvenna frá El Salvador í fjórðu umferð opna mótsins í Cappelle La Grande sem fram fór í dag.  Þröstur hefur 2 vinninga.  Úkraínski stórmeistarinn Yuri Vovk (2546) er efstur með fullt hús.   

Í fimmtu umferð, sem fram fer á morgun, teflir Þröstur við enn eina skákkonuna, þá fjórðu í fimm umferðum.  Að þessu við þýsku skákkonuna Judith Fuchs (2193) sem er alþjóðlegur meistari kvenna. 

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

Henrik vann í fyrstu umferð

Enginn íslenskur skákmaður teflir meira um en Íslandsmeistarinn Henrik Danielsen (2495) um þessar mundir.  Henrik tekur nú þátt í afmælismóti Brönshöj skákklúbbsins sem jafnframt er Skákþing Kaupmannahafnar.  Í fyrstu umferð, sem fram fór í dag, sigraði Henrik danska FIDE-meistarann Mads Andersen (2310).

Á morgun verða tefldar tvær umferðir og hefst sú fyrri kl. 10.    Henrik mætir þá Dananum Peter Skovgaard (2279).

Gera má ráð fyrir að skák Henriks verði sýnd beint á vefsíðu mótsins.

Í mótinu taka þátt 36 skákmenn og þarf af 5 stórmeistarar og Henrik fjórði stigahæsti keppandinn.

• Heimasíða mótsins
• Skákirnar í beinni