Skák.is

Færsluflokkur: Íþróttir

24.4.2010 | 16:46

Topalov vann öruggan sigur á Anand í fyrstu einvígisskák

Topalov vann öruggan sigur á heimsmeistaranum Anand í fyrstu einvígisskák þeirra sem fram fór í dag í Sofíu í Búlgaríu. Topalov hafði hvítt og tefldi heimsmeistarinn Grundfeld-vörn. Í 23. leik urðu honum á mikil mistök sem Topalov notfærði sér með snoturri mannsfórn og mátti Indverjann gefast upp sjö leikjum síðar. Skemmtileg skák sem sannarlega lofar góðu varðandi framhaldið. Önnur skák einvígisins fer fram á morgun og hefst kl. 12. Þá stjórnar Anand hvítu mönnunum.

Rétt er að benda skák- og skákáhugamönnum á fjörlegar umræður og skýringar um skákina á Skákhorninu.

Íþróttir | Slóð | Facebook | Athugasemdir (0)

24.4.2010 | 11:28

Heimsmeistaraeinvígið í skák hefst í dag kl. 14

Heimsmeistaraeinvígi Indverjans Anand og Búlgarans Topalov hefst í dag í Sofíu í Búlgaríu. Anand hefur titil að verja.

Lesendur geta spáð hvor sigrar í könnun hér á vinstri hluta síðunnar og virðist sem íslenskum skákáhugamönnum þyki Anand líklegri.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma. Dagskrá einvígisins er sem hér segir (UTC jafngildir íslenskum tíma):

April 24 – 17.00 EEST (14.00 UTC) - Game 1
April 25 – 15.00 EEST (12.00 UTC) - Game 2
April 26 – Rest Day
April 27 – 15.00 EEST (12.00 UTC) - Game 3
April 28 – 15.00 EEST (12.00 UTC) - Game 4
April 29 – Rest Day
April 30 – 15.00 EEST (12.00 UTC) - Game 5
May 1 – 15.00 EEST (12.00 UTC) - Game 6
May 2 – Rest Day
May 3 – 15.00 EEST (12.00 UTC) - Game 7
May 4 – 15.00 EEST (12.00 UTC) - Game 8
May 5 – Rest Day
May 6 – 15.00 EEST (12.00 UTC) - Game 9
May 7 – 15.00 EEST (12.00 UTC) - Game 10
May 8 – Rest Day
May 9 – 15.00 EEST (12.00 UTC) - Game 11
May 10 – Rest Day
May 11 – 15.00 EEST (12.00 UTC) - Game 12
May 12 – Rest Day
May 13 – Tie breaks

Heimasíða einvígisins

Íþróttir | Slóð | Facebook | Athugasemdir (0)

24.4.2010 | 10:36

Síðustu dagar Skáklistahátíðar

Skáklistahátíð leikskólabarna er nú í fullum gangi í Ráðhúsi Reykjavíkur. Skáklistahátíðin er haldin af Skákakademíunni sem hefur sl. 2 ár staðið fyrir kennslu í 4 leikskólum höfuðborgarinnar undir handleiðslu Róberts Lagerman. Það eru krakkar á Lindaborg, Barónsborg, Hlíðaborg og Njálsborg sem eiga heiðurinn af listaverkunum.

Við listsköpunina var skákin höfð að leiðarljósi og sýnir afraksturinn hvernig ungir krakkar hugsa um skáklistina. Sýningin hefur staðið yfir í nær tvær vikur og eru síðustu sýningardagarnir nú um helgina. Eru skákmenn á öllum aldri hvattir til að ganga í hóp þeirra hundruða sem lagt hafa leið sína í Ráðhúsið til að bera þessa skemmtilegu sýningu augu og grípa í tafl í leiðinni.

Sjón er sögu ríkari!

Íþróttir | Slóð | Facebook | Athugasemdir (0)

23.4.2010 | 23:39

Innrás Hróksins vekur athygli á Grænlandi

Innrás Hróksins í Grænlandi vekur athygli í þarlendum jölmiðlum og 16. apríl birtist grein í hinum víðlesna blaði Sermitsiaq. Ekki treystir ritstjóri sér til þýða greinina. Í meðfylgjandi mynd má sjá Sussi Josefsen, sem ku var mikil skákáhugamaður, og fylgdi Hróksverjum víða í heimsókn þeirra nýlega. Hún leikur hér g3 í fyrsta leik.

Greinin fylgir með sem viðhengi í fréttinni.

Skrár tengdar þessari bloggfærslu:

skak_artikel.pdf

Íþróttir | Breytt s.d. kl. 23:52 | Slóð | Facebook | Athugasemdir (0)

23.4.2010 | 16:34

Heimsmeistaraeinvígi Anand og Topalov hefst á morgun

Heimsmeistaraeinvígi Indverjans Anand og Búlgarans Topalov hefst á morgun í Sofíu í Búlgaríu. Anand hefur titil að verja. Einvígið átti að hefjast í dag en Eyjafjallajökull hafði þar áhrif á og var einvíginu frestað um einn dag en Anand þurfti að leggja á sig 40 klukkustunda akstur frá Þýskalandi til Búlgaríu þar sem ekki var hægt að fljúga.

Lesendur geta spáð hvor sigrar í könnun hér á vinstri hluta síðunnar og virðist sem íslenskum skákáhugamönnum þyki Anand líklegri.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma. Dagskrá einvígisins er sem hér segir (UTC jafngildir íslenskum tíma):

April 24 – 17.00 EEST (14.00 UTC) - Game 1
April 25 – 15.00 EEST (12.00 UTC) - Game 2
April 26 – Rest Day
April 27 – 15.00 EEST (12.00 UTC) - Game 3
April 28 – 15.00 EEST (12.00 UTC) - Game 4
April 29 – Rest Day
April 30 – 15.00 EEST (12.00 UTC) - Game 5
May 1 – 15.00 EEST (12.00 UTC) - Game 6
May 2 – Rest Day
May 3 – 15.00 EEST (12.00 UTC) - Game 7
May 4 – 15.00 EEST (12.00 UTC) - Game 8
May 5 – Rest Day
May 6 – 15.00 EEST (12.00 UTC) - Game 9
May 7 – 15.00 EEST (12.00 UTC) - Game 10
May 8 – Rest Day
May 9 – 15.00 EEST (12.00 UTC) - Game 11
May 10 – Rest Day
May 11 – 15.00 EEST (12.00 UTC) - Game 12
May 12 – Rest Day
May 13 – Tie breaks

Heimasíða einvígisins

Íþróttir | Slóð | Facebook | Athugasemdir (0)

23.4.2010 | 10:11

Skólaskákmót Reykjavíkur hefst á mánudag

Skólaskákmót Reykjavíkur í yngri flokki (1.-7. bekkur) og eldri flokki (8.-10. bekkur) fer fram mánudaginn 26. apríl og þriðjudaginn 27. apríl. Taflið hefst báða dagana klukkan 17:00. Á mánudeginum verða tefldar 4 umferðir en 3 á þriðjudeginum.

Athygli skal vakin á því að mótið er ekki opið að þessu sinni. Þeir einir hafa rétt til þátttöku sem hafa unnið skólamót síns skóla. Einstaka skólum verða gefin fleiri en eitt sæti ef tilefni er til þess. Í þeim tilvikum verður einkum litið til íslenskra skákstiga. Mælst er til þess að strax eftir páska fari fram skólaskákmót í þeim skólum sem hafa ekki þegar haldið þau. Tilkynna skal keppendur og skóla á netfangið stebbibergs@gmail.com í síðasta lagi föstudaginn 23. apríl.

Tefldar verða 7 umferðir á mótinu með 15 mínútna umhugsunartíma. Teflt verður í Taflfélagi Reykjavíkur að Faxafeni 12. Þrjú efstu sætin í eldri flokki gefa sæti á landsmót og tvö efstu sætin í yngri flokki gefa sæti á landsmó

Íþróttir | Slóð | Facebook | Athugasemdir (0)

23.4.2010 | 08:02

Mikael Jóhann og Jón Kristinn kjördæmismeistarar Norðurlands eystra

Mikael Jóhann Karlsson, Brekkuskóla, Akureyri, og Jón Kristinn Þorgeirsson, Lundarskóla, Akureyri, urðu kjördæmismeistarar í skólaskák á Norðurlandi eystra.

Kjördæmismótið á Norðurlandi eystra í skólaskák fór fram sl. mánudag í Valsárskóla á Svalbarðseyri við Eyjafjörð. Alls voru 16 keppendur, 7 í eldri flokki og 9 keppendur í yngri. Mikael Jóhann Karlsson vann örugglega í flokki, 8. - 10. bekk, vann allar sínar sex skákir og Hjörtur Snær Jónsson, Glerárskóla, Akureyri, varð annar með fimm vinninga. Þetta var fimmta árið í röð sem Mikael sigrar á kjördæmismóti, tvö síðustu ár í eldri flokki en þar á undan í yngri flokki.

Jón Kristinn Þorgeirsson sigraði einnig örugglega í yngri flokknum (1. - 7. bekk), fékk fullt hús, 8 vinninga af 8 mögulegum. Andri Freyr Björgvinsson, Brekkuskóla, varð annar með 7 vinninga. Þetta var annað árið í röð sem Jón sigrar á Kjördæmismóti.

Lokastaðan:

	8. - 10. bekkur.
			vinn.
1.	Mikael Jóhann Karlsson	Brekkuskóla	6	af 6!
2.	Hjörtur Snær Jónsson	Glerárskóla	5
3.	Benedikt Þór Jóhannsson	Borgahólsskóla	4
4.	Hersteinn Heiðarsson	Glerárskóla	3
5.	Samuel Chaen	Valsárskóla	1
6.	Aron Fannar Skarphéðinsson	Hlíðaskóla	1
7.	Svavar Jónsson	Valsárskóla	1
	Tefldar voru 15.	mínútna skákir.
	1. - 7. bekkur.		vinn.
1.	Jón Kristinn Þorgeirsson	Lundarskóla	8
2.	Andri Freyr Björgvinsson	Brekkuskóla	7
3.	Snorri Hallgrímsson	Borgahólsskóla	5 +	15 stig.
4.	Hlynur Snær Viðarsson	Borgahólsskóla	5 +	11 st.
5.	Sigtryggur Vagnsson	Stórutjarnarskóla	4
6.	Tinna Ósk Rúnarsdóttir	Hrafnagilsskóla	3
7.	Gunnar Arason	Lundarskóla	2
8.	Jóhanna Þorgilsdóttir	Valsárskóla	1
9.	Sævar Gylfason	Valsárskóla	1

Tefldar voru 12 mínútna skákir, allir við alla. Skákstjórar voru Gylfi Þórhallsson og Hjörleifur Halldórsson.

Landsmót í skólaskák fer fram í næsta mánuði og keppa minnsta kosti þrír keppendur að norðan á mótinu, en það eru Mikael Jóhann Karlsson í eldri flokki og úr þeim yngri þeir Jón Kristinn Þorgeirsson og Andri Freyr Björgvinsson.

Íþróttir | Slóð | Facebook | Athugasemdir (0)

23.4.2010 | 07:51

Örn Leó sigraði á fimmtudagsmóti TR

Örn Leó Jóhannsson sigraði á fimmtudagsmótinu í gær. Stefán Pétursson var efstur í kaffihléinu eftir 4. umferð en Örn Leó, sem hafði gert jafntefli í fyrstu tveimur umferðunum, vann allar sem eftir voru (þ.á.m. Jón Úlfljótsson í síðustu umferð en tap fyrir honum í síðustu umferð kostaði Örn efsta sætið fyrir viku) og stóð uppi sem öruggur sigurvegari. Mótin á fimmtudögum í T.R. verða út maí og jafnvel lengur ef áhugi reynist fyrir hendi.

Úrslit urðu annars sem hér segir:

1 Örn Leó Jóhannsson 6
2-3 Stefán Pétursson 5
Jóhanna Björg Jóhannsdóttir 5
4-5 Eiríkur K. Björnsson 4.5
Hallgerður Þorsteinsdóttir 4.5
6-9 Jón Úlfljótsson 4
Gunnar Friðrik Ingibergsson 4
Gunnar Randversson 4
Elsa María Kristínardóttir 4
10-11 Vignir Vatnar Stefánsson 3
Björgvin Kristbergsson 3
12-13 Davíð Sigurðsson 1
Ingvar Vignisson 1
14 Pétur Jóhannesson 0

Íþróttir | Slóð | Facebook | Athugasemdir (0)

22.4.2010 | 22:23

Skákir öðlingamóts

Ólafur S. Ásgrímsson hefur slegið inn skákir öðlingamótsins og má nú finna skákir 1.-4. umferðar í meðfylgjandi viðhengi.

Veljið skák (79 alls):

Íþróttir | Slóð | Facebook | Athugasemdir (0)

22.4.2010 | 19:33

Sigurður A. Herlufsen “einna snjallastur að jafnaði”

Mikil gróska er í starfsemi Riddarans, skákklúbbs eldri borgara á höfuðborgarsvæðinu, með aðsetri að Strandbergi, félagsheimili Hafnarfjarðarkirkju, en þar er teflt alla miðvikudaga kl. 13-17, 11 umferðir með 10 mín. umhugsunartíma.

Til marks um það má nefna að 29 öldungar mættu þar til tafls nú í vikunni í "Vonarhöfn",

í von um vinning, en svo heitir salurinn sem nú er teflt í, helmingi stærri en "Oddi", fundarstofan sem áður var notuð.

Alls lögðu 57 skákmenn þangað leið sína á sl. ári, mismunandi oft eins og gengur, en Guðfinnur R. Kjartansson átti sóknarmetið, sótti staðinn 51 sinni af 52 mótum og hafði 392.5 vinninga upp úr krafsinu af 561 mögulegum, var með 7.7 v. að meðaltali af 11.

Einna snjallastur yfir árið að jafnaði var þó Sigurður A. Herlufsen með 8.01 v. að vegnu meðaltali en hann tók þátt í 44 mótum; 3. Stefán Þ. Guðmundsson með 7.44 v. (44) ; 4. Össur Kristinsson með 6.89 v. (45); 5. Sigurður E. Kristjánsson með 6.47 v. (43); 6. Björn Víkingur Þórðarson með 6.32 v. (44) og 7. Páll G. Jónsson með 6.31 v. (49) o.s.frv.

Meðaltalsárangur þessi er miðaður við þá sem tók þátt í 26 mótum eða fleiri, þ.e. helmingi þeirra móta sem haldin voru á árinu 2009, sem ákveðið hafði verð að leggja til grundvallar útnefningu skákmeistara klúbbsins. Fenginn hafði verið nýr verðlauna- og farandgripur í þessu sambandi, tréstyttan "Bjarni Riddari", sem Sigurður fékk fyrstur manna nafn sitt skráð á gullnu letri og honum var afhentur með pomp og prakt á aðalfundi klúbbsins í gær af Einari S. Einarssyni, formanni, sem var endurkjörinn með lófaklappi. Með honum eru í stjórn: Guðfinnur R. Kjartansson, varaform.; Eiríkur Viggósson, gjaldkeri; Sigurberg H. Elentínusson og Össur Kristinsson, meðstj., Varamenn eru þeir: Bjarni Linnet og Sverrir Gunnarsson og endurskoðandi Gísli Gunnlaugsson.

Á mótinu í gær var Jóhann Örn Sigurjónsson, hlutskarpastur með 8.5 v.; Þór Valtýsson var jafn honum að vinningum í 2. sæti og þriðji Sigurður E. Kristjánsson með 7.5.v. en hart er barist fyrir hverjum punkti og því hafa skákreglur nýlegar verið hertar til samræmisvið reglur FIDE. Engin mildi né miskunn þó um vináttuskákmót sé að ræða.

Fyrirhugað er að efna til "Viðeyjarmóts að vori", miðvikudaginn 26. maí nk. kl. 13-17 sem haldið er í samvinnu við Ása og er opið öllum skákmönnum 60 ára og eldri. Stefnt er að því

að þetta verði árlegur viðburður og hluti af sumardagskrá eyjunnar.

Mótið verður nánar kynnt þegar nær dregur.

Myndir frá Einari S. Einarssyni

Heimasíða riddarans

Íþróttir | Breytt s.d. kl. 21:03 | Slóð | Facebook | Athugasemdir (0)

« Fyrri síða | Næsta síða »