Elsa María sigraði á fimmtudagsmóti

Elsa María Kristínardóttir sigraði nokkuð örugglega á fimmtudagsmótinu í TR í gær. Elsa vann fyrstu fimm skákirnar en tap fyrir Gunnari Finnssyni í 6. umferð setti strik í reikninginn. Svo merkilega fór að þeir fjórir sem áttu möguleika á að ná Elsu, gerðu allir jafntefli í síðustu umferð en Elsa vann skjótan sigur.  Hún varð því heilum vinningi fyrir ofan næstu menn.

Úrslit urðu því sem hér segir:  

 

• 1   Elsa María Kristínardóttir                 6       
• 2-3  Stefán Pétursson                          5       
•      Gunnar Finnsson                           5       
• 4-5  Jón Úlfjótsson                            4.5     
•      Jon Olav Fivelstad                        4.5     
• 6-8  Örn Stefánsson                            4       
•       Björgvin Kristbergsson                   4       
•       Jóhann Bernhard                          4       
• 9     Gunnar Friðrik Ingibergsson              3.5     
• 10-11 Friðrik Daði Smárason                    3       
•       Ingvar Vignisson                         3       
• 12-14 Finnur Kr. Finnsson                      2.5     
•       Vignir Vatnar Stefánsson                 2.5     
•       Pétur Jóhannesson                        2.5     
• 15   Óskar Long Einarsson                      2       
• 16   Matthías Magnússon                        0      

Firmakeppni í Akureyri í kvöld

Úrslitakeppni í firmakeppni Skákfélags Akureyrar fer
fram í kvöld og hefst kl. 20.00. Á fimmtatug fyrirtækja hafa verið skráð í
keppnina og hafa verið haldinn tveir undan riðlar fyrr í þessum mánuði og er
reiknað með að eigi færri en 16 fyrirtæki keppi í úrslitum í kvöld. Ekkert
þátttökugjald er fyrir keppendur og allir eru velkomnir að tefla hraðskákir í
kvöld.

Henrik sigraði í þriðju umferð

Stórmeistarinn Henrik Danielsen (2494) sigraði danska FIDE-meistarann Peter Nicolai Skovgaard (2307) í þriðju umferð Copenhagen Chess Challange sem fram fór í dag.  Henrik hefur 2,5 vinning og er í 4.-11. sæti.

Þýski alþjóðlegi meistarinn Thorsten Michael Haub (2508), danski alþjóðlegi meistarinn Nikolaj Mikkelsen (2388) og danski FIDE-meistarinn Nikolai Skousen (2317) eru efstir með fullt hús.

Í fjórðu umferð teflir Henrik Skousen, fjórða danska FIDE-meistarann í jafn mörgum skákum. 

Umferðin hefst kl. 8 í fyrramálið og verður skák Henriks sýnd beint á vefsíðu mótsins.

Alls taka 58 skákmenn og þar af 5 stórmeistarar.  Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

• Heimasíða mótsins
• Skákir mótsins í beinni

Russel og Lawrence kjördæmismeistarar Vestfjarða

Vestfjarðamótið í skólaskák fór fram í Grunnskólanum á Ísafirði í gær en þar kepptu nemendur frá grunnskólum á svæðinu. Russel Sayon frá Flateyri sigraði í flokki eldri nemenda en í öðru sæti var Jakub Kozlowski og John Wayne lenti í því þriðja. Í yngri flokki sigraði Lawrence SiF Malagar frá Flateyri en Marcin Lipiec frá Flateyri varð í öðru sæti og Sturla Snorrason frá Suðureyri hafnaði í þriðja sæti. Sigurvegar á mótinu keppa fyrir hönd Vestfjarða á landsmóti í skólaskák sem fram fer í byrjum maí.

Sjá nánar á vef BB.

 

 

Henrik með jafntefli í 2. umferð í Kaupmannahöfn

Stórmeistarinn Henrik Danielsen (2494) gerði jafntefli við danska FIDE-meistararann Kåre Kristensen (2258) í 2. umferð Copenhagen Chess Challenge sem fram fór í morgun.  Henrik hefur 1½ vinning.

Í þriðju umferð teflir Henrik við Peter Nicolai Skovgaard (2307), þriðja danska FIDE-meistarann í jafn mörgum skákum. 

Umferðin hefst kl. 13 og verður skák Henriks sýnd beint á vefsíðu mótsins.

Alls taka 58 skákmenn og þar af 5 stórmeistarar.  Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

• Heimasíða mótsins
• Skákir mótsins í beinni

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Henrik vann í fyrstu umferð í Köben

Stórmeistarinn Henrik Danielsen (2494) sigraði danska FIDE-meistarann Eric Brøndum (2135) í fyrstu umferð Copenhagen Chess Challenge sem fram fór í kvöld. 

Í 2. umferð, sem fram fer í fyrramálið, teflir Henrik við danska FIDE-meistararann Kåre Kristensen (2258).

Umferðin hefst kl. 8 í fyrramálið og verður skák Henrik sýnd beint á vefsíðu mótsins.

Alls taka 58 skákmenn og þar af 5 stórmeistarar.  Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

• Heimasíða mótsins
• Skákir mótsins í beinni

Anand sigraði Topalov í glæsilegri skák

Indverjinn Anand sigraði Topalov á glæsilegan hátt í fjórðu skák heimsmeistaraeinvígis þeirra sem fram fór í dag í Sofíu í Búlgaríu.   Anand leiðir nú í einvíginu 2,5-1,5 en alls tefla þeir 12 skákir.  

Anand hafði hvítt og tefld var Catalan-byrjun eins og í annarri skákinni.  Anand fékk fljótlega betra og með glæsilegri mannsfórn í 23. leik, sem sterkar skáktölvur fundu ekki einu sinni, fékk hann fljótlega auðunnið tafl og mátti Búlgarinn viðurkenna sig sigraðan níu leikjum síðar.  

Frídagur er á morgun en fimmta skákin fer fram á föstudag og hefst kl. 12.  Topalov hefur þá hvítt.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu þar sem FIDE-meistarinn Ingvar Þór Jóhannesson fer mikinn í skýringum sínum.   

• Heimasíða einvígisins
• Chessdom (bein útsending með skýringum)
• Skákhornið (íslenskir skákmenn skýra skákirnar)

Henrik í beinni frá Kaupmannahöfn

Stórmeistarinn Henrik Danielsen (2494) situr nú að tafli gegn FIDE-meistaranum Eric Bröndum (2135) í fyrstu umferð skákmótsins Copenhagen Chess Challenge sem hófst í dag.  Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð til að taka þátt vegna erfiðleika í flugsamgöngum.

• Heimasíða mótsins
• Skákir mótsins í beinni

Barna-og unglingameistaramót Reykjavíkur sem og Stúlknameistaramót Reykjavíkur

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 2. maí  í félagsheimili T.R. Faxafeni 12. Taflið hefst kl.14 og stendur til ca. kl. 18.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2010, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2010, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri.  

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 2. maí. frá kl. 13.30- 13.45. 

Aðgangur á mótið er ókeypis.