Skák.is

Færsluflokkur: Ól 2010

22.9.2010 | 09:28

Önnur umferð Ólympíuskákmótsins hafin

Önnur umferð Ólympíuskákmótsins er hafin, hófst kl. 9 í morgun. Hjörvar Steinn Grétarsson hvílir í viðureigninni gegn Svíum og Jóhanna Björg Jóhannsdóttir hvílir hjá konunum gegn Írunum. Hægt er að horfa a báðar viðureignirnar beint.

Ísland - Svíþjóð (beint)

Ísland - Írland (beint)

Ól 2010 | Slóð | Facebook | Athugasemdir (0)

21.9.2010 | 18:44

Ól í skák: Svíar og Írar á morgun

Íslensku liðin mæta liðum Svía og Íra í 2. umferð Ólympíuskákmótsins sem fram fer í fyrramálið. Liðið í opnum flokki mætir liða Svía og kvennaliðið mætir liði Íra. Umferðin hefst kl. 9. Rétt er að minna á beinar útsendingar frá öllum skákum mótsins.

Liðsuppstillingar liðsins liggja fyrir í nótt.

Lið Svía:

1 GM Berg Emanuel 2616 SWE
2 GM Agrest Evgenij 2585 SWE
3 GM Hillarp Persson Tiger 2517 SWE
4 GM Cicak Slavko 2568 SWE
5 GM Grandelius Nils 2500 SWE

Meðalstig Svíanna eru 2527 en til samanburðar eru meðalstig íslensku sveitarinnar 2489 skákstig.

Lið Íra:

1 Shaughnessy Elizabeth 0
2 Alfred Emily 0
3 Hearne Sarah-Jane 0
4 WCM O'Boyle Una 0
5 Benson Nicola 1407

Ól 2010 | Slóð | Facebook | Athugasemdir (0)

21.9.2010 | 15:00

Stórsigur á Haítí - tap gegn Pólverjum

Íslenska liðið í opnum flokki vann stórsigur á Haítibúum í fyrstu umferð Ólympíuskákmótsins í Síberíu í Rússland Hannes Hlífar Stefánsson, bræðurnir Bragi og Björn Þorfinnssynir og Hjörvar Steinn Grétarsson unnu allir fremur góða sigra. Íslenska kvennaliðið tapaði 0-4 fyrir sterku pólsku liði.

Aðstæður á skákstað og mótsstað eru allar hinar bestu og allir liðsmenn í góðu standi. Pörun fyrir aðra umferð, sem fram fer í fyrramálið og hefst kl. 9, er væntanleg um 16-17. Gera má ráð fyrir að liðið opnum flokki mæti mjög sterkri sveit.

Hægt er að horfa á allar skákir mótsins beint (sjá tenglasafn neðst).

Ritstjóri vill sérstaklega benda á myndaalbúm mótsins en þar má finna fjölda mynda frá fyrstu umferð og glæsilegri setningu sem fram fór í gær.

Úrslit 1. umferðar:

Sanon Mondoly	2120	GM	Stefansson Hannes	2585	0-1
Luxama Jacques	0	IM	Thorfinnsson Bragi	2415	0-1
Lebrun Piersont	1956	IM	Thorfinnsson Bjorn	2404	0-1
Bazil Joslin	0		Gretarsson Hjorvar Steinn	2398	0-1

GM	Socko Monika	2486	WGM	Ptacnikova Lenka	2282	1-0
WGM	Zawadzka Jolanta	2410		Thorsteinsdottir Hallgerdur	1995	1-0
WGM	Majdan-Gajewska Joanna	2333		Finnbogadottir Tinna Kristin	1781	1-0
IM	Dworakowska Joanna	2315		Johannsdottir Johanna Bjorg	1781	1-0

Ól 2010 | Breytt s.d. kl. 15:01 | Slóð | Facebook | Athugasemdir (0)

21.9.2010 | 10:30

Ólympíuskákmótið hafið - bræður tefla í fyrsta sinn fyrir Íslands hönd

39. Ólympíuskákmótið er hafið í Khanty Mansiysk í Síberíu í Rússlandi. Bræður tefla í fyrsta sinn fyrir Íslands hönd á Ólympíuskakmóti en Bragi og Björn Þorfinnssynir tefla ásamt þeim Hannesi Hlífari Stefánssyni og Hjörvari Steini Grétarssyni í opnum flokki gegn sveit Haítí. Héðinn Steingrímsson hvílir. Í kvennaflokki tefla Lenka Ptácníková, Hallgerður Helga Þorsteinsdóttir, Tinna Kristín Finnbogadóttir og Jóhanna Björg Jóhannsdóttir. Sigurlaug Regína Friðþjófsdóttir hvílir.

Björn, Hjörvar, Tinna og Jóhanna Björg eru öll að tefla sína fyrstu skák á Ólympíuskakmóti.

Ól 2010 | Slóð | Facebook | Athugasemdir (0)

21.9.2010 | 10:29

Ól í skák: Pistill nr. 3

Í gær var Ólympíumótið sett með pompi og prakt Mikið sjóv eins og sjá í meðfylgjandi myndum. Mikið dansað, dansandi taflmenn, og tefld var skák með lifandi mönnum. Ég ætla að sleppa því að upplýsa hvað skák sé hérna á ferðinni. Treysti því að skákáhugamenn þekki „stöðumyndina".

Í gær kom í ljós að mér yrði ekki hnikað til á milli hótela. Ég á að vera hóteli FIDE-fulltrúa. Ekkert stórmál þar sem hótelið er í 5 mínútna akstursfjarlægð og leigubílar ódýrir. Ég mun koma á aðalhótelið á morgnana, borða með liðunum og fara með til og frá mótsstað. Hótelið mitt verður fyrst og fremst svefnstaður. Krakkarnir eru á 12. hæðinni, öll á sama gangi, sem auðveldar lífið, og ég er með fínan beis hér frammi á gangi þar sem ég get skrifað pistla.

Leigubílar hér virðast ekki vera þeir skilvirkustu. Í gærkveldi var mér sagt að bíða í 5 mínútur en eftir 20 mínútur brotnaði ég og labbaði þeim. Löggur og hermenn eru hér út um allt, hreinlega á öllum gatnamótum þannig að maður fyllist öryggiskennd. Í morgun tók ég að mér að skila pörun kvennaliðsins en lenti í því að leigubílsstjórinn vissi ekki hvar hótelið var og ég slapp inn á síðustu metrunum. Er búinn að semja við Helga um að hann skili framvegis fyrir kvennaliðið.

Við nokkrir félagarnir tókum okkur til og tókum ágætan göngutúr í í gær á milli hótelanna. Þetta er um 20-25 mínútur og skemmtileg leið. Við löbbum meðal annars í gegnum stórt torg þar sem sjá ýmis minnismerki um um stríðið og m.a. skriðdreki. Nokkrar myndir frá því í myndaalbúmi.

Aðstæður á hótelinu eru til fyrirmyndar. Net á herbergjum, reyndar bara eitt net svo krakkarnir þurfa að skiptast á snúru. Maturinn og þjónusta hvorutveggja til fyrirmyndar og svo erum við með sérstaka aðstoðarkonu hana Nataliyu sem á að hjálpa okkur. Krakkarnir kvarta reyndar yfir koddum og hefur komið upp sú hugmynd að finna Rúmfatalagerinn í Khanty! Hótelið er mjög nýtt, svo nýtt að teppalykt liggur hér yfir öllu og maður getur smitast af sementi við að koma við veggi. Helsti gallinn er lyfturnar sem hafa tekið upp á ýmsu. Sigurlaug lenti í lyftuárás í gær, fékk stóran marblett en skynjarinn var bilaður. Helgi hefur ráðlagt mönnum að taka stigann niður þegar lagt er af stað í umferðir.

Það var gott að koma snemma á mótsstað. Tímamismunurinn eru sex tímar og það tekur alltaf smá tíma að aðlaga sig. Í gær var ég hlusta hádegisfréttir á RÚV í gegnum netið kl. 18:20 og kíkti á kvöldfréttirnar áður ég fór að sofa!

Liðsstjórafundur var í gær. Nokkrir athyglisverðar punktar þar. Zero-tolarance reglan gildir enn. Það þýðir að menn verða að vera mættir tímanlega á skákstað. Pörun á að vera tilbúinn um kl. 22-22:30 á kvöldin og liðsuppstillingar eiga að liggja fyrir um 10:30 á morgnana. Það gekk ekki eftir en vonandi eru þar á ferðinni byrjunarerfiðleikar. Svo eiga menn að taka rautt spjald þegar þeir fara á klósettið og skila því þegar þeir koma til baka. Á eftir að átta mig betur á því hvernig þetta virkar. Eitt fyndið atriði gerðist á fundinum. Spurt var hvað gerðist ef liðsuppstillingu væri ekki skilað í tæka tíð. Því var svarað, „then players 1-4 (vonn tú for)". Þá spurði einhver útúr sal, „What about board three?".

Mikið var deilt á FIDE fyrir fjölda rússneskra liða. Í reglum FIDE mun víst standa að heimaliðið fái 2 lið og 3 lið ef stendur á stöku. FIDE var þegar búið að bæta við fjórða liðinu og svo kemur fimmta liðið inn þar sem stendur á stöku! Þetta féll í grýttan jarðveg. Sum lið fá greitt í samræmi við lokasæti á mótinu og þau lið eru eðli málsins ekki ánægð með þetta. Van Wely var mjög illur út í Stubbenwoll, sem er einn aðalkallinn, og sagði „you are cheatin". Stubbenwoll varði sig með „FIDE decision" en Van Wely minnti þá jafnóðum á „FIDE-rules". Mig grunar að reglurnar hafi verið „sveigðar" eins og svo oft áður í skákinni og Rússarnir styðji enn frekar við mótshaldið.

Nánar um opnunarhátíðina. Hún var einkar glæsileg. Eftir öllum dansatriðum kom sjálfur Dmitry Medvedev, forseti Rússlands, og hélt ræðu, reyndar í gegnum netbúnað. Arkady Dvorkovich forseti rússneska skáksambandsins sagði einnig nokkur orð sem og Kirsan og bæjarstjórinn í Khanty. Virkilega flott setning og Rússunum til sóma. Hápunkturinn var lifandi taflið sem var mjög vel gert.

Þessir pistlar mínir eru skrifaðir í nokkrum áföngum. Yfirleitt byrja ég á kvöldin, skrifa svo aftur að morgni til og fínpússa og klára eftir að umferð hefst. Ég á almennt von á því að pistlarnir verði aðgengilegir fyrir kl. 10 á morgana. Ég reyni að hafa „í dag" og „í gær" rétt en lofa engu! Ef til vantar því einhverja samfellu í textann en ég bið menn um virða það.

Í dag tefla liðin við lið Haítí og Póllands. Liðum í báðum flokkum hefur fækkað. Í opnum flokki eru 148 lið og eru strákunum raðað nr. 58. Haítí er nr. 128 svo vonandi byrja þeir vel. Héðinn hvílir og því nýliðarnir strax að spreyta sig.

Í kvennaflokki taka 114 lið þátt. Íslandi er raðað nr. 67 og tefla við Pólland sem er 10. Sterkasta sveitin. Sveitin teflir því í svokölluð minni sal þar sem efstu sveitirnar tefla. Liðsstjórinn ákvað að skella nýliðunum Tinnu og Jóhönnu strax í djúpu laugina og reynsluboltinn Sigurlaug hvílir í dag. Erfitt verkefni hjá stelpunum þar sem pólsku stelpurnar eru að meðaltali 400 stigum hærri.

Mótið hófst á réttum. Kirsan var hér við upphaf mótsins, labbaði fram hjá öllum borðum í fylgd ríkisstjórans. Allmargar myndir bætast við bæði frá setningunni og umferðinni. Ég náði því miður ekki að flokka þær og setja inn í textann eins og ætlaði. Stefni að því síðar.

Allir eru hressir og kátir!

Meira á morgun,

Gunnar

Ól 2010 | Breytt 22.9.2010 kl. 15:07 | Slóð | Facebook | Athugasemdir (0)

20.9.2010 | 19:45

Ól í skák: Haíti og Pólland í 1. umferð

Pörun fyrstu umferðar Ólympíuskákmótsins liggur fyrir. Andstæðingar í opna flokknum verður lið Haíti og en stelpurnar mæta sterku liði Pólverja.

Lið Haíti:

Bo.	Name	Rtg
1	Sanon Mondoly	2120
2	Luxama Jacques	0
3	Lebrun Piersont	1956
4	Bazil Joslin	0
5	Lamothe Pierre Marie Jean	0

Lið Pólverja:

Bo.		Name	Rtg
1	GM	Socko Monika	2486
2	WGM	Zawadzka Jolanta	2410
3	WGM	Majdan-Gajewska Joanna	2333
4	IM	Dworakowska Joanna	2315
5	WGM	Kadziolka Beata	2295

Ól 2010 | Slóð | Facebook | Athugasemdir (0)

20.9.2010 | 03:30

Ól í skák: Fararstjórapistill nr. 2

Þessi pistill er að mestu skrifaður í flugvél frá Munchen frá Khanty en kláraður í hótelherbergi í Khanty að morgni. Á flugleiðinni i til Khanty var flogið yfir Tékkland, Pólland og Hvíta Rússland. Liðið í gærkvöldi (laugardagskvöld) var nokkuð þreytt eðlilega enda höfðu flestir fengið lítinn svefn nóttina áður. Mannskapurinn fór snemma af sofa og lét eitthvað Október-fest algjörlega framhjá sér fara. Nokkuð sérstakt að vera í Munchen á 200 afmæli festivalsins og kneyfa ekki einasta bjór!

Hótelið okkar var í úthverfi Munchen og þegar við báðum um leigubíl kom í ljós að það var nú ekki auðvelt því allir leigubílarnir væru í miðbænum. Við myndum því þurfa að borga hátt gjald. Var því tölt á lestarstöðina sem tók heldur lengri tíma þar sem Tinna lenti í því að eitt hjólið brotnaði af töskunni. Ákveðið var að drífa sig strax á flugvöllinn og ákveðið að hanga þar fremur en að kíkja á einhver hátíðarhöld og var því mætt á völlinn í góðum tíma.

Ferðalagið gekk vel og var aldeilis munur að láta mann í brúnum bæverskum leðurbuxum (tengist hátíðinni!) afgreiða sig. Á flugvellinum kynntist maður annars konar vegabréfsskoðun en vanalega en vörðinn skipti a.m.k. þrisvar sínum á milli myndarinnar áður en hann komst að þeirri niðurstöðu að hér væri á ferðinni einn og sami myndarlegi maðurinn.

Eins og skákáhugamenn kunna að hafa lesið um hefur verið allskonar hringl á flugi. Upphaflega völdum við að fara í gegnum Munchen þar sem þá væri hægt að fljúga samdægurs. Með hringlinu fór það og því vörum við aukanótt eins og fram hefur komið. Það jákvæða við það eru auðvitað að allir eru mun betur hvíldir en annars við komuna til Khanty. Einnig frestuðu þeir fluginu til baka um 1 dag sem þýðir heilmikil aukaútgjöld væntanlega, nema að mótshaldarar borgi það, sem ég er ekki bjartsýnn á. Við förum til baka aðfaranótt þess fimmta en höfum bara vegabréfsáritun til fjórða! En þetta á ekki bara við okkur heldur auðvitað nánast alla í þessu flugivo það verður ekki vandamál

Allir íslensku skákmennirnir voru látnir setja saman nema ég „lenti í því“ að fá sæti við neyðaraðgang. Og meira að segja lentu í því að sitja á aftasta bekk og gátu því ekki hallað sér aftur (sjá myndaalbúm). Af ókunnum ástæðum vildi enginn hinna íslendingana taka mynd af minni aðstöðu. Ég sit hérna hliðina á Þjóðverja sem heitir Oliver og teflir á þriðja borði fyrir lið blindra og sjónskerta og hefur verið fróðlegt að ræða við kappann. Borðinu þar við hliðina er fyrsta borðs maður Pólverja. Í flugvélinni eru býsna mörg elóstig en hollenska liðið með Anish Giri og Loek Van Wely eru hér meðal annars og Georgíumenn og Pólverjar sem virðast ekki hafa svipaðar agareglur og við!

Ég ræddi við sessunautin um valið á þýska liðinu en enginn af sterkustu Þjóðverjunum teflir með þeim. Fjórir efstu mennirnir vildu ekki tefla og snérist sú deila um peninga Mér skyldist á Oliveri að málið snérist í heild um 10.000 evrur. Fimmti sterkasti maðurinn var tilbúinn að tefla en var ekki valinn, enda fóru Þjóðverjar þá leið að stilla upp ungu liði og eru aðeins nr. 42 á stigum. Rúmenska liðið teflir ekki heldur eins og lesa má á Chessdom og snýst það mál einnig um peninga, þó held ég miklu lægri upphæðir en hjá Þjóðverjum.

Ég komst að því að fótbolti er mikið mál fyrir Hjörvar Stein. Ég er því sérstaklega ánægður fyrir hönd liðsins að Manjú skuli hafa unnið. Íslenska skáklandsliðið er miklu mun mikilvægara en norður-enskt fótboltalið.

Ég mun taka að mér liðsstjórn kvennaliðsins, hlutverk sem ég hefði aldrei fyrirfram trúað að ég myndi sinna. Skáklegi þátturinn lendir eðlilega málsins á Helga en á það hefur bent hér að Gunnar Björnsson sé býsna sterkur skákmaður og hafi m.a. unnið Jón L! Fjarvera Davíðs þýðir auðvitað aukið álag á mig og Helga sem við tökumst á við með bros á vör! E.t.v. kann þetta að bitna eitthvað á skrifum en engu að síður stefni ég á daglega pistla.

Viðbót í Khanty:

Við fengum góðar viðtökur. Hún Nataliya sá okkur um frá því að lentum og komum inn á hótel Hótelin vera í fínu lagi. Internet-tenging á öllum herberjum sem er mjög mikilvægt. Sjálfur var ég settur á annað hótel, sem FIDE-fulltrúi, sem kom okkur í opna skjöldu, en ekki væsir um mig. Ég ætla að vinna í því að fá mig fluttan sem gæti þó verið þrautin þyngri þar sem aðalhótelið kann að vera fullbókað. Tímamismunur virðist svo vera sex tímar en ekki fimm og umferðirnar ættu því að byrja kl. 9 morgnana, sú fyrsta í fyrramálið.

Í kvöld fer fer svo fram liðsstjórafundur kl. 20. Uppúr því ætti pörun fyrstu umferðar að vera tilbúin. Setning hefst kl. 21:30 (verður sýnd beint á Chessdom) eða kl. 15:30 á íslenskum tíma.

Semsagt, allt lýtur vel út, góð stemming í hópnum (og hjá mér í einverunni!), mikið hlegið og mikil tilhlökkun fyrir taflið sjálft!

Ég er búinn að setja inn myndaalbúm en lítið af myndum, só far. Stefni á að vera duglegur að taka myndir.

Nóg í bili, meira síðar.

Gunnar Björnsson

Ól 2010 | Breytt s.d. kl. 12:28 | Slóð | Facebook | Athugasemdir (1)

18.9.2010 | 20:01

Ól í skák - Fararstjórapistill nr. 1

Ritstjóri stefnir á daglega pistla frá Ólympíuskákmótin og ferðalaginu í kringum það. Ferðalagið hófst í dag og því miður bar strax til tíðinda. Davíð Ólafsson, liðsstjóri kvennaliðsins, þurfti að persónulegum ástæðum að draga sig úr hópnum með skömmum fyrirvara. Hlutverk Davíðs mun væntanlega lenda á mér og Helga.

Lagt var snemma af stað í morgun, mæting upp í 4:45 upp í SÍ. Flogið var til Kaupmannahafnar og þaðan til Munchen. Seinkun var á flugi til Kaupmannahafnar sem þýddi að aðeins klukkutími var á milli fluga sem þýddi að menn þurftu að vera býsna sprettharðir á milli hliða. Það gekk upp þó tæpt væri.

Við gistum á hóteli í úthverfi Munchen. Í kvöld borðaði hópurinn saman á veitingastað sem bauð upp á ekta þýskan mat. Á morgun verður flogið til Khanty um 17:30 á þýskum tíma. Væntanlega förum við snemma á flugvöllinn og notum örugglega tækifærið til að horfa á stórleik Liverpool og Manjú. Hjörvar hefur harðan skráp og ætti að þola stríðnina.

Til Khanty er um 5,5 tíma flug og munum við lenda þar um miðja nótt en tímamismunur á milli Munchen og Khanty er 3 tímar, samtals fimm tímar miðað við Ísland. Hvað okkur bíður þar verður spennandi að sjá. Verður hótelið tilbúið?

Bendi á skemmtilega niðurtalningu á Chessdom en þar kemur m.a. fram að Pútín verður viðstaddur setninguna og að Norðmenn hafa með sér sérkokk.

Nóg í bili, meira síðar.

Gunnar Björnsson

Ól 2010 | Breytt s.d. kl. 20:02 | Slóð | Facebook | Athugasemdir (2)

17.9.2010 | 23:57

Ólympíuliðin hituðu upp í Kringlunni í dag

Íslensku ólympíuliðin hituðu upp í Kringlunni í dag en þar fór fram Boðsmót í tilefni mótsins sem hefst á þriðjudag í Síberíu. Allir meðlimirnir ólympíusveitanna létu sjá sig auk "gamalla" ólympíukempa eins og Jóhanns Hjartarsonar, Jón L. Árnasonar, Þrastar Þórhallssonar og Hörpu Ingólfsdóttur. Léttur andi sveif yfir mannskapnum. Landsliðsmaðurinn Bragi Þorfinnsson, sem tefldi fyrir N1, kom sá og sigraði eftir að hafa sigrað bróður sinn í úrslitaskák í lokaumferðinni.

Í meðfylgjandi myndaalbúmi má finna allmargar myndir frá mótinu. Íslenska liðið leggur af stað eldsnemma í fyrramálið.

Lokastaða mótsins:


1	N1, Bragi Þorfinnsson	5.5
2-7	HS Orka, Björn Þorfinnsson	4.5
	Landsbankinn, Héðinn Steingrímsson	4.5
	Actavis, Hannes Hlífar Stefánsson	4.5
	Valitor, Jóhann Hjartarson	4.5
	Sverrir Þorgeirsson,	4.5
	STRAX, Þröstur Þórhallsson	4.5
8-11	Gunnar Björnsson,	4
	Actavis, Lenka Ptácníková	4
	Vigfús Ó. Vigfússon,	4
	Þorsteinn Þorsteinsson,	4
12.-16.	Ingvar Þór,	3.5
	Róbert Lagerman,	3.5
	Arion banki, Jón L. Árnason	3.5
	Stefán Bergsson,	3.5
	G.M. Einarsson, Guðmundur Kjartansson	3.5
17-23	Kristján Örn Elíasson,	3
	Páll Sigurðsson,	3
	Morgunblaðið, Hjörvar Steinn	3
	Andri Áss,	3
	Þorvarður F. Ólafsson,	3
	Eiríkur Örn Brynjarsson,	3
	Bjarni Jens,	3
24-30	Halldór Grétar Einarsson,	2.5
	Birkir Karl Sigurðsson,	2.5
	Eiríkur Björnsson,	2.5
	Dagur Ragnarsson,	2.5
	Páll Andrason,	2.5
	Örn Leó Jóhannsson,	2.5
	Theriak, Sigurlaug	2.5
31-35	Góa Linda, Tinna Kristín	2
	Jón Gunnar,	2
	Heildverslunin Berg, Jóhanna Björg	2
	Olís, Hallgerður	2
	Oliver Aron,	2
36-37	Guðmundur Kristinn Lee,	1.5
	Kristófer Jóel,	1.5
38-39	Harpa Ingólfsdóttir,	1
	Óskar Heppni,	1
40	Kristinn Andri Kristinsso,	0.5

Ritstjóri mun skrifa reglulega pistla um gang mála á Skák.is.

Skáksambandið þakkar eftirtöldum fyrir veittan stuðning við þátttöku Íslands:



			THERIAK
G.M Einarson múrarameistari Heildverslunin Berg Suðurlandsbraut Olís HS Orka Morgunblaðið Suzuki bílar hf Þorbjörn hf Reykjanesbær Garðabær Gistihúsið Ísafold			N1 Happdrætti Háskólans Efling Stéttarfélag Grand Hotel Reykjavík Kaufélag Skagfirðinga Sorpa Íslensk Erfðageining Kópavogsbær Opin Kerfi ehf Tannlæknastofa Einars Magnúss Verkís

Ól 2010 | Breytt 18.9.2010 kl. 15:55 | Slóð | Facebook | Athugasemdir (1)

10.9.2010 | 16:29

Larsen látinn

Danski stórmeistarinn Bent Larsen er látinn. Hann lést í gær í Buenos Aires í Argentínu þar sem hann hefur verið búsettur um árabil. Larsen fæddist 4. mars 1935 og varð því 75 ára.

Larsen var reglulegur gestur hér en kom hingað síðast 2003 þegar hann tefldi atskákeinvígi við Friðrik Ólafsson.

Umfjöllun um Larsen má finna á heimasíðu danska skáksambandsins.

Sjá einnig frétt Morgunblaðsins.

Ól 2010 | Breytt s.d. kl. 17:00 | Slóð | Facebook | Athugasemdir (0)

« Fyrri síða | Næsta síða »