HM ungmenna: Mikael Jóhann sigraði í fjórðu umferð

Ágætlega gekk í fjórðu umferð HM ungmenna sem fram fór í Antalya í Tyrklandi í dag.   Mikael Jóhann Karlsson vann, Bjarni Jens Kristinsson og Kristófer Gautason gerðu jafntefli en Tinna Kristín Finnbogadóttir tapaði.  Mikael Jóhann og Kristófer hafa 2 vinninga en Bjarni Jens og Tinna Kristín hafa 1 vinning.

Úrslit 4. umferðar:

Kristófer Gautason ( 0) Íslandi - Eggınk Ryszard (1902) Pollandı : 0,5 - 0,5.
Studer Noel (1974) Svıss - Mikael J. Karlsson (1703) Íslandi : 0-1
Oknayan Razmig (  0) LIB  -  Bjarni J Kristinsson (2023) Íslandi  : 0.5 - 0.5
Olıver Tamzın (1777) AUS - Tınna Finnbogad. (1710) Íslandi : 1-0.

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

Örn Leó og Birkir Karl efstir á Torgmóti Fjölnis

Fullt var út úr dyrum á Foldatorgi í Grafarvogi þegar rúmlega 60 grunnskólanemendur settust að tafli á Torgmóti Fjölnis sem haldið var í fimmta skipti og metþátttaka. Efstir á mótinu urðu þeir Örn Leó Jóhannsson og Birkir Karl Sigurðsson sem báðir hlutu 5,5 vinninga af 6 mögulegum. Örn Leó var hærri á stigum og taldist því sigurvegari í eldri flokk. Í yngri flokk varð sigurvegari Róbert Leó Jónsson með 4 vinninga, stigahærri en þeir Friðrik Daði Smárason, Jóhann Arnar Finnsson og Davíð Kolka sem einnig fengu 4 vinninga.  Í stúlknaflokki var að skákdrottningin Hrund Hauksdóttir sem sigraði og hlaut 5 vinninga.

Kjartan Magnússon formaður ÍTR flutti ávarp við setningu mótsins og lék fyrsta leikinn. Hann fylgdist síðan af áhuga með öllu mótinu og afhenti sigurvegurunum verðlaunabikara í lokin. Eins og áður sagði varð metþátttaka og teflt út úr dyrum í orðsins fyllstu merkingu. Bæta þurfti við borðum úti við anddyri Torgsins í Grafarvogi. Flestir sterkustu grunnskólanemendur höfuðborgarsvæðisins tóku þátt í mótinu og fengu rúmlega 20 keppendur afhent verðlaun fyrir frábæran árangur frá
fyrirtækjum á Foldatorgi í Grafarvogi.

Í lokin voru sjö nammipokar dregnir út í happadrætti. Fjöldi áhorfenda fylgdist með mótinu og dáðust að góðri taflmennsku og frábærri framkomu allra keppenda. Að öðrum ólöstuðum vakti sex ára drengur frá Hafnarfirði, Vignir Stefánsson, mesta athygli. Drengurinn tefldi ótrúlega vel, notaði
lítinn tíma og var á meðal efstu manna allt mótið.
 
Úrslit efstu keppenda:
 
Örn Leó Jóhannsson Laugalækjarskóla      5, 5  vinninga
Birkir Karl Sigurðsson  Salaskóla  
Guðmundur K.  Lee    Salaskóla                5
Páll Andrason          Salaskóla
Hrund Hauksdóttir     Rimaskóla
Dagur Kjartansson    Hólabrekkuskóla
Jón Trausti Harðarson Rimaskóla
Kristinn Andri Kristinsson  Rimaskóla         4,5
Dagur Ragnarsson  Rimaskóla                   4
Tara Sóley       Hjallaskóla
Róbert Leó Jónsson  
Franko Soto  Laugalækjarskóla
Jóhann Arnar Finnsson Rimaskóla
Friðrik Daði Smárason Rimaskóla
Friðrik Gunnar Vignisson  Rimaskóla
Þröstur Smári Kristjánsson
Pétur Olgeir Gestsson
Davíð Kolka
Aldís Birta Gautadóttir Engjaskóla

Myndaalbúm frá mótinu

Barna- og unglingameistaramót TR fer fram í dag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 15. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2009. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2009. Til viðbótar verða veitt verðlaun fyrir þrjú efstu sætin í aldursflokknum 12 ára og yngri. 

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 15. nóv. frá kl. 13.30- 13.45. 

Aðgangur á mótið er ókeypis.

Stelpumót Olís og Hellis

Stelpuskákmót Olís og Hellis fer fram í höfuðstöðvum Olís, Sundagörðum 2, laugardaginn 21. nóvember og hefst kl. 13.

Öllum stelpum á öllum aldri er boðið til leiks.  Mömmur og leikskólastelpur eru velkomnir, þótt þær kunni lítið.

Fjölbreytt og aldursskipt verðlaun eru í boði.  Allir keppendur fá viðurkenningarskjal frá Olís og Hellis fyrir þátttökuna.

Skráning fer fram á heimasíðu Hellis.  Þátttakendur eru hvattir til að skrá sig til leiks sem fyrst. 

HM ungmenna: Tinna, Mikael og Kristófer sigruðu í 3. umferð

Það gekk vel í 3. umferð Heimsmeistaramóts ungmenna sem fram fór í dag í Antalya í Tyrklandi.  Tinna Kristín Finnbogadóttir, Mikael Jóhann Karlsson og Kristófer Gautason sigruðu öll en Bjarni Jens Kristinsson tapaði.  Kristófer hefur 1,5 vinning, Tinna og Mikael hafa 1 vinning og Bjarni Jens 0,5 vinning.

Úrslit 3. umferðar:

Aydemir Deniz (1807) Tyrklandı - Kristofer Gautason ( 0) Islandi : 0 - 1
Kamanu Dennis ( 0)  Kenya     -  Mikael Karlsson  (1703) Islandi :   0 - 1
Yilmazyerli Mert (2295) Tyrkl.  - Bjarni J Kristinsson (2023) Islandi : 1 - 0
Tınna Finnbogad. (1710) Islandi - Hamza Amira (1883) ALG : 1 - 0.

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

TORG-mót Fjölnis hefst kl. 11

Allt stefnir í góða þátttöku á Torgmóti Fjölnis sem fram fer á morgun laugardag á Foldatorgi í Grafarvogi.

Skákmótið hefst kl. 11.00 með því að Kjartan Magnússon formaður ÍTR leikur fyrsta leikinn og því lýkur kl. 13.00. Að þessu sinni er TORG skákmót Fjölnis hluti af mikilli Torghátíð fyrirtækjanna í verslunarmiðstöðinni við Hverafold.Nú þegar hafa allir sterkustu skákmenn Fjölnis, Hellis og TR á grunnskólaldri tilkynnt um þátttöku auk þess sem reiknað er með hópi barna úr grunnskólunum í Grafarvogi. Á annan tug vinninga er í boði og keppt um þrjá eignabikara. NETTÓ Hverafold býður öllum þátttakendum upp á ókeypis veitingar í skákhléi.

Tefldar verða sex umferðir og tímamörk eru 7 mínútur. Verðlaunaafhending verður strax að loknu skákmóti. Þátttaka er ókeypis og heimil öllum krökkum á grunnskólaaldri. Að móti loknu verða jólasveinar, blöðrufólkið, spákona og veltibíll mætt á svæðið.

Þátttökuskráning á staðnum og eru keppendur beðnir um að mæta tímanlega.

Barna- og unglingameistaramót TR fer fram á sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 15. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2009. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2009. Til viðbótar verða veitt verðlaun fyrir þrjú efstu sætin í aldursflokknum 12 ára og yngri. 

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 15. nóv. frá kl. 13.30- 13.45. 

Aðgangur á mótið er ókeypis.

Páll og Sóley Lind Íslandsmeistarar drengja og telpna

Páll Andrason og Sóley Lind Pálsdóttir urðu í kvöld Íslandsmeistarar drengja og telpna.    Páll varð efstur ásamt Erni Leó Jóhannssyni á Íslandsmótinu sem fram fyrr í haust á Akureyri og Sóley Lind verð efst ásamt Hildi Berglindi Jóhannsdóttur.   Í einvígum þeirra milli höfðu bæði Páll og Sóley Lind betur gegn andstæðingum sínum 2-0.  

Ritstjóri óskar þeim báðum til hamingju með Íslandsmeistaratitlana!

Myndir væntanlegar!

 

HM ungmenna: Töp í fyrstu umferð

Allir íslensku skákmennirnir töpuðu í fyrstu umferð HM ungmenna sem fram fór í dag í Antalya í Tyrklandi í dag.  Allir tefldu þeir uppfyrir sig.  

Úrslit 1. umferðar:

 

Kristinsson Bjarni J	2023	ISL	0  -  1	Kulakov Viacheslav	2380	RUS
Finnbogadottir Tinna	1710	ISL	0  -  1	Dudas Eszter	2147	HUN
Yuan Yi	2097	AUS	1  -  0	Karlsson Mikael Johann	1703	ISL
Bilguun Sumiya	MGL	0	1  -  0	Gautason Kristofer	0	ISL

 

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV

TORG-mót Fjölnis fer fram á laugardag

Skákdeild Fjölnis stendur fyrir sínu árlega TORG skákmóti á Foldatorgi í Grafarvogi laugardaginn 14. nóvember.

Skákmótið hefst kl. 11.00 og því lýkur kl. 13.00. Að þessu sinni er TORG skákmót Fjölnis hluti af mikilli Torghátíð fyrirtækjanna í verslunarmiðstöðinni við Hverafold.

Frábærir vinningar eru í boði sem fyrirtækin á Foldatorgi; Nýja Kaupþing, Bókabúðin, Höfuðlausnir, Runni Stúdíblóm og Smíðabær gefa til mótsins. Pizzan gefur pítsur í happadrættisvinninga og NETTÓ býður öllum þátttakendum upp á veitingar í skákhléi. Þrír efstu þátttakendur mótsins fá verðlaunabikara til eignar. Alls eru vinningar um 20 talsins. Tefldar verða sex umferðir og tímamörk eru 7 mínútur. Verðlaunaafhending verður strax að loknu skákmóti. Þátttaka er ókeypis öllum krökkum á grunnskólaaldri. Að móti loknu verða jólasveinar, blöðrufólkið, spákona og veltibíll mætt á svæðið í tilefni Torghátíðarinnar í Grafarvogi.Þátttökuskráning á staðnum og eru keppendur beðnir um að mæta tímanlega til skráningar.