Yfir 300 krakkar skráðir til leiks á Jólapakkamóti Hellis

Ríflega 300skákmenn eru skráðir til leiks á Jólapakkamóti Hellis sem fram fer laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.   Margt stefnir í metþátttöku á mótinu en mest hefur þátttakan verið um 230.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Júlíus Vífill Ingvarsson, formaður menntamálaráðs og formaður Skákakademíu Reykjavíkur, setur mótið og leikur fyrsta leik þess.   

Búið er að opna fyrir skráningu á mótið á heimasíðu Hellis.  Hægt er að nálgast upplýsingar um skráða keppendur hér. 

Um 230 krakkar skráðir til leiks á Jólapakkamóti Hellis

Ríflega 230 skákmenn eru skráðir til leiks á Jólapakkamóti Hellis sem fram fer laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.   Margt stefnir í metþátttöku á mótinu en mest hefur þátttakan verið um 230.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Júlíus Vífill Ingvarsson, formaður menntamálaráðs og formaður Skákakademíu Reykjavíkur, setur mótið og leikur fyrsta leik þess.   

Búið er að opna fyrir skráningu á mótið á heimasíðu Hellis.  Hægt er að nálgast upplýsingar um skráða keppendur hér en nú þegar eru 73 keppendur skráðir til leiks. 

Fjölmenni á Jólaskákmóti Laugalækjarskóla

Jólaskákmót Laugalækjarskóla var haldið í síðustu viku. Mættir til leiks voru fjörutíu og einn keppandi í 7.-10. bekk. Þessi mikli fjöldi á mótinu sýnir hversu mikill skákáhugi er innan skólans. Í skólanum eru margir efnilegir skákmenn og meðal þeirra hefur Örn Leó Jóhannsson náð góðum árangri síðustu misseri. Örn Leó leiðir sterka skáksveit skólans sem sigraði nýverið á Jólaskákmóti ÍTR.

Í vetur hefur Skákakademían komið að skákstarfinu í skólanum og sinnir Björn Þorfinnsson kennslu úrvalshóps. Svavar Viktorsson kennari við skólann hefur svo umsjón með almennri skákkennslu við skólann. Eftir harða baráttu á mótinu stóð Eyjólfur Emil Jóhannesson uppi sem sigurvegari en skammt undan komu Franco Soto og Alexander Már Brynjarsson. Þessir þrír efstu voru ekki sáttir við að einungis væru tefldar 6 umferðir og héldu áfram taflmennsku að mótinu loknu!

Björn og Bragi Þorfinnssynir sáu um skákstjórn.

Myndaalbúm mótsins

 

Jólapakkamót Hellis fer fram á laugardag

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Búið er að opna fyrir skráningu á mótið hérna á heimasíðu Hellis.  Hægt er að nálgast upplýsingar um skráða keppendur hér.

Jólapakkamót Hellis fram 19. desember í Ráðhúsinu

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Skráning fer fram á Heimasíðu Hellis. 

Sterkar skáksveitir Laugalækjaskóla

Skáksveitir Laugalækjaskóla gerðu góða ferð á Jólamót ÍTR og TR sem fram fór í gærkvöldi. A-sveit skólans vann mótið nokkuð örugglega og b-sveitin náði bronsinu. Rétt eins og í yngri flokki komst Hólabrekkuskóli á verðlaunapall og hreppti nú silfrið eftir að hafa náð góðu jafntefli gegn sigurvegurunum þar sem Dagur Kjartansson sýndi mikla kænsku og baráttu gegn Erni Leó Jóhannssyni og barði þann síðarnefnda niður á tíma. Sveit Hólabrekkuskóla og b-sveit Laugalækjaskóla voru reyndar jafnar að vinningum en fyrrnefnda sveitin vann örugglega á stigum. Vert er að geta góðs árangurs Fellaskóla sem náði fjórða sætinu með mikilli seiglu.

Hagaskóli sendi 6 sveitir á mótið sem er afrek út af fyrir sig. Eins og Vesturbæinga er von og vísa voru Hagaskólakrakkarnir í sparidressunum sínum á skákmóti; drengir í hvítum skyrtum með hálstau og stúlkur í pilsum. Klæðnaðurinn kom þeim þó ekki nógu langt en stúlknasveit skólans hreppti þó silfrið og var ekki langt á eftir stúlknasveit Engjaskóla sem hreppti gullið meðal kvennanna.

Úrslit mótsins:

• 1.      Laugalækjaskóli                    21 vinningar af 24
• 2.      Hólabrekkuskóli                    16 v.
• 3.      Laugalækjaskóli b-sv.            16 v.
• 4.      Fellaskóli                                14 v.
• 5.      Hagaskóli c-sv.                       13.5 v.
• 6.      Hagaskóli a-sv.                       13 v.
• 7.      Hlíðaskóli                               13 v.
• 8.      Hagaskóli b-sv.                       12.5 v.
• 9.      Ölduselsskóli                           12 v.
• 10.  Engjaskóli stúlkur                    11.5 v.
• 11.  Hagaskóli d-sv.                        11.5 v.
• 12.  Hagaskóli stúlkur                      7.5 v.
• 13.  Hagaskóli e-sv.                          6.5 v.
• 14.  Skottuskóli                                 0 v.

Skákstjórar voru Ólafur H. Ólafsson og Sigurlaug Regína Friðþjófsdóttir

A-sveit Laugalækjaskóla:

• 1.      Örn Leó Jóhannsson
• 2.      Emil Sigurðarson
• 3.      Eyjólfur Emil Jóhannesson
• 4.      Alexander Már Brynjarsson

Sveit Hólabrekkuskóla

• 1.      Dagur Kjartansson
• 2.      Brynjar Steingrímsson
• 3.      Guðmundur Freyr Magnússon
• 4.      Sverrir Freyr Kristjánsson

 B-sveit Laugalækjaskóla

• 1.      Jóhann Karl Hallsson
• 2.      Franco Soto
• 3.      Ragnar Pétur Jóhannsson
• 4.      Kári Jóhannesson
• v. Gunnar Ingi Harðarson

Stúlknasveit Engjaskóla

• 1. Elín Nhung Viggósdóttir
• 2. Eva Valdís Hákonardóttir
• 3. Eygló Freyja Þrastardóttir
• 4. Unnur Ósk Burknadóttir

 Fjölmargar myndir væntanlegar í myndalbúm mótsins.

Fádæma yfirburðir Rimaskóla

A-sveit Rimaskóla sýndi fádæma yfirburði á Jólamóti ÍTR og TR þegar sveitin vann allar viðureignir sínar 4-0! Rak skeleggan skákstjóra mótsins Ólaf H. Ólafsson ekki minni til að þetta afrek hafi verið leikið eftir áður og hefur Ólafur þó verið skákstjóri í sveitakeppnum grunnskóla í þrjá áratugi. Rimaskólakrakkarnir lét ekki 1. sætið nægja sér heldur lenti b-sveit skólans í 2. sæti og stúlknasveit og c-sveit skólans stóðu sig einnig vel. Frábær árangur hjá Rimaskóla og enn ein staðfesting þess hversu mikið stórveldi skólinn er í skólamótum. Ung og efnileg sveit Hólabrekkuskóla náði svo 3. sætinu. Stúlknasveit Engjaskóla varð efst stúlknasveita í mótinu.

            Keppni í eldri flokki fer fram á morgun og hefst klukkan 17. Eins og í dag verður teflt í Skákhöllinni að Faxafeni 12. Skákstjórar voru Ólafur H. Ólafsson og Sigurlaug R. Friðþjófsdóttir. Mótshald var allt með hinu besta móti og mátti greina ánægju á svip þeirra fjölmörgu foreldra sem horfðu á krakkana tefla.

 

Úrslit mótsins:

• 1.      Rimaskóli a-sv.                   24 vinningar af 24!
• 2.      Rimaskóli b-sv.                   17,5
• 3.      Hólabrekkuskóli a-sv.         14,5
• 4.      Engjaskóli b-sv.                  14
• 5.      Fellaskóli                            13
• 6.      Engjaskóli stúlkur               13
• 7.      Grandaskóli                         12,5
• 8.      Rimaskóli c-sv.                   12,5
• 9.      Melaskóli                             12,5
• 10.  Laugalækjaskóli a-sv.          12
• 11.  Fossvogsskóli a-sv.              12
• 12.  Hlíðaskóli                            11,5
• 13.  Engjaskóli a-sv.                   10,5
• 14.  Laugalækjaskóli a-sv.          10,5
• 15.  Rimaskóli stúlkur                 10
• 16.  Fossvogsskóli b-sv.               10
• 17.  Ísaksskóli                              9,5
• 18.  Fossvogsskóli c-sv.               8,5
• 19.  Landakotsskóli                      7
• 20.  Hólabrekkuskóli b-sv.            6,5  

A-sveit Rimaskóla:

• 1.      Oliver Aron Jóhannesson
• 2.      Dagur Ragnarsson
• 3.      Jón Trausti Harðarson
• 4.      Kristófer Jóel Jóhannesson

B-sveit Rimaskóla

• 1.      Andri Jökulsson
• 2.      Jóhann Andri Finnsson
• 3.      Hafþór Andri Helgason
• 4.      Kjartan Vignisson

A-sveit Hólabrekkuskóla:

• 1.      Friðrik Daði Smárason
• 2.      Donika Kolica
• 3.      Heimir Páll Ragnarsson
• 4.      Birgir Snær Baldvinsson

Stúlknasveit Engjaskóla

• 1.      Honey Grace Z. Bargamento
• 2.      Aldís Birta Gautadóttir
• 3.      Rósa Linh Róbertsdóttir
• 4.      Ástdís Eik Aðalsteinsdóttir

 

Myndaalbúm mótsins

Íslandsmót unglingasveita fer fram í dag

Í dag fer fram Íslandsmót Barna og Unglingasveita í Garðalundi (Garðaskóla) í Garðabæ.  Þangað mæta um 15-20 fjögurra manna sveitir eða um 60-80 keppendur á aldrinum 6 til 15 ára. Þar á meðal flestir bestu skákmenn landsins á grunnskólaaldri.

Liðin sem nú eru skráð eru 4-5 lið frá Taflfélaginu Helli í Mjódd, 1-2 Lið frá Skákdeild Hauka, 3-4 lið frá Taflfélagi Reykjavíkur, 3-4 lið frá Fjölni, 2 lið frá Skákfélagi Akureyrar og 1-2 lið frá Taflfélagi Garðabæjar. Eyjamenn eru að hugsa sinn gang.

Páll sigurvegari unglingameistaramóts Hellis - Dagur og Hildur unglingameistarar félagsins

Páll Andrason sigraði á unglingameistarmóti Hellis 2009 með 6,5v í 7 skákum. Páll var vel sigrinum kominn og tefldi í það heila vel á mótinu, þótt hann verið nokkuð gæfusamur í skákunum í fimmtu og sjöttu umferð gegn Erni Leó og Guðmundi Kristni, enda er það yfirleitt nauðsynlegt til að sigra í jöfnu móti eins og unglingameistaramót Hellis var að þessu sinni. Jafnir í öðru til þriðja sæti voru Oliver Aron Jóhannesson og Dagur Kjartansson með 5,5 en Oliver hafði annað sætið á stigum.

Frammistaða Olivers kom nokkuð á óvert en hann virðist vera í töluverðri framför um þessar mundir. Með þriðja sætinu varð Dagur unglingameistari Hellis í fyrsta sinn sem efsti Hellismaðurinn á mótinu. Dagur landaði titlinum með öruggu jafntefli við sinn helsta keppinaut Guðmund Kristinn í lokaumferðinni.

Efstir 12 ára og yngri voru Þröstur Smári Kristjánsson og Róbert Leó Jónsson með 4 en Þröstur var ofar á stigum. Þriðji varð svo Gauti Páll Jónsson með 3,5v. Stúlknameisti Hellis varð Hildur Berglind Jóhannsdóttir með hálfum vinningi meira en Ásta Sonja Ólafsdóttir.

Lokastaðan á unglingameistaramóti Hellis:

• 1.   Páll Andrason                            6,5v/7
• 2.   Oliver Aron Jóhannesson           5,5v (32 stig)
• 3.   Dagur Kjartansson                     5,5v    (29,5 stig)
• 4.   Guðmundur Kristinn Lee             5v
• 5.   Jóhann Bernhard Jóhannsson    5v
• 6.   Birkir Karl Sigurðsson                  4,5v
• 7.   Örn Leó Jóhannsson                   4,5v
• 8.   Emil Sigurðarson                         4v
• 9.   Þröstur Smári Kristjánsson         4v  (27,5 stig)
• 10. Brynjar Steingrímsson                4v
• 11. Róbert Leó Jónsson                    4v  (24 stig)
• 12. Pétur Olgeir Gestsson                 4v
• 13. Franco Soto                                 3,5v
• 14. Gauti Páll Jónsson                       3,5v
• 15. Björn Leví Óskarsson                  3v
• 16. Dawid Kolka                                3v
• 17. Heimir Páll Ragnarsson                3v
• 18. Elías Lúðvíksson                           3v
• 19. Jóhannes Guðmundsson              3v
• 20. Hildur Berglind Jóhannsdóttir       2,5v
• 21. Donika Kolica                               2v
• 22. Ásta Sonja Ólafsdóttir                  2v
• 23. Veronika Steinunn Magnúsdóttir  2v
• 24. Kristens Andri Hjálmarsson          1v
• 25. Ragnar Kristinsson                       1v

Sæbjörn sigraði á atkvöldi

Sæbjörn Guðfinnsson lagði alla andstæðinga sína á atkvöldi Hellis sem fram fór 23. nóvember sl. og sigraði með 6v. Annar varð Vigfús Ó. Vigfússon með 5v og jafnir í 3. og 4. sæti voru Magnús Sigurjónsson og Örn Stefánsson með 4v. Þátttakendur frá skákfélaginu Vin fjölmenntu og settu svip sinn á mótið. Einn þeirra Stefán Gauti Bjarnason hreppti svo gjafabréf frá Dominos í happadrættinu í lokin.

Lokastaðan:

• 1.  Sæbjörn Guðfinnsson      6v
• 2.  Vigfús Ó. Vigfússon         5v
• 3.  Magnús Sigurjónsson      4v
• 4.  Örn Stefánsson               4v
• 5.  Björgvin Kristbergsson    3v
• 6.  Jón Birgir Einarsson         3v
• 7.  Róbert Leó Jónsson        3v
• 8.  Arnar Valgeirsson            3v
• 9.  Pétur Jóhannesson          3v
• 10. Embla Dís Ásgeirsdóttir   3v
• 11. Tara Sóley Mobee          2v
• 12.  Stefán Gauti Bjarnason  2v
• 13.  Ásdís Sóley Jónsdóttir    1v