Patrekur Maron sigraði á unglingameistaramóti Namibíu

Heimsmeistarar grunnskólasveita, skáksveit Salaskóla, er nú að útbreiða fagnaðarerindi skákarinnar í Namibíu eins og lesa má ítarlega um á bloggsíðu Hrannars Baldurssonar.    Þau tóku þátt í unglingameistaramóti Namibíu fyrir 20 ára og yngri. Sú keppni var æsispennandi fram á síðustu stundu. Sterkustu keppendurnir frá Namibíu voru þeir Fares Fani, Goodwill Khoa og Ralph Uri-Khob, en 17 þátttakendur voru í þessum flokki.  Patrekur Maron Magnússon stóð uppi sem sigurvegari eftir að hafa leyft tvö jafntefli, við Guðmund Kristinn Lee og Fares Fani, en Patrekur sigraði Jóhönnu í spennandi skák snemma móts. Jóhanna tapaði fyrir Fani Fares en sigraði hins vegar Goodwill Khoa, þann sem vann Patrek í sveitakeppninni. Birkir Karl Sigurðsson náði stórgóðum árangri, þar sem að hann náði 5 vinningum af 7 mögulegum. En mest spennandi skákin var í næstsíðustu umferð, þegar Páll Andrason fékk Fares Fani með hvítu.

Gummi og Patti voru búnir að gera jafntefli þannig að ef Fari næði að vinna Palla væri sigurinn í mótinu hans; en Palli tefldi enska leikinn á mjög frumlegan hátt; og tókst að finna fjöldann allan af skemmtilegum möguleikum í mjög þröngri stöðu. Loks tókst honum að ná í peð andstæðingsins og sigraði af miklu öryggi, án þess að leika nokkrum ónákvæmum leik. Þetta er besta skák sem ég hef séð Palla tefla. Fyrir vikið komst Patrekur einn í fyrsta sætið og hélt því með öruggum sigri í síðustu umferð gegn Fritz Namaseb. Þar sem að Salaskólabörnin voru gestir á mótinu fengu þau engin verðlaun, en fengu viðurkenningu þegar klappað var fyrir þeim í lok verðlaunaafhendingar.

Lokatölur mótsins voru þannig: 

• Patrekur Maron Magnússon - 6 vinningar af 7
• 2.-3.
• Fares Fani (Namibíumeistari 20 ára og yngri) - 5,5 vinningar
• Páll Andrason
• 4.-7.
• Jóhanna Björg Jóhannsdóttir - 5 vinningar
• Goodwill Khoa
• Engelhardt Nowaseb
• Birkir Karl Sigurðsson
• 8.-10
• Guðmundur Kristinn Lee - 4 vinningar
• Armin Diemer
• Ralph Uri-Khob

o.s.frv...

Skáksveitin tók einnig þátt um daginn í Namibíumeistaramóti skólasveita sem gestasveit, þar sem þátt tóku grunnskólar, gagnfræðaskólar og menntaskólar frá Namibíu.  Börnin sýndu og sönnuðu styrk sinn enn einu sinni með því að leggja alla andstæðinga sína, sjö að tölu, og hlutu 27 vinninga af 28 mögulegum. Namibíumeistarinn náði 19.5 vinningum, og 2.-3. sætið náðu 19 vinningum. 36 sveitir alls staðar að frá Namibíu tóku þátt. 

Lokastaðan: 

1. Salaskóli, 27 vinningar af 28
2. Ella Du Plessis High School A, 19,5 v.
3. Okahandja Secondary School A, 19 v.
4. Ella Du Plessis High School B, 19 v.

Vinningar Salaskóla skiptust þannig:  

• borð: Jóhanna Björg Jóhannsdóttir - 7 vinningar af 7
• borð: Patrekur Maron Magnússon - 6 vinningar af 7
• borð: Páll Snædal Andrason - 7 vinningar af 7
• borð: Guðmundur Kristinn Lee - 5 vinningar af 5
• varamaður: Birkir Karl Sigurðsson - 2 vinningar af 2

Meira má lesa um ævintýri Salaskólakrakkanna á vefsíðu Hrannars.

• Bloggsíða Hrannars
• Salaskólaskák

Bolungarvíkursaga

Í gær fór fram Stórmót Kaupþings og Sparisjóðs Bolungarvíkur - Hraðskákmót Íslands í Bolungarvík.  Ritstjóri sem var skákstjóri mótsins hefur tekið saman smá pistil um mótið.  

Flogið var snemma að morgni.  Ferðalagið var reyndar heldur flóknara en stefnt var að en ekki þótti lendingarveður á Ísafirði og var þess í stað flogið til Þingeyrar og rúta tekin til Ísafjarðar.   Það sprakk svo á rútunni í göngunum!   Eftir ferðina var aðkomumönnunum komið fyrir í þessar fínu íbúðir og ekki væsti um þá.

Þrátt fyrir tafirnar tókst að byrja mótið nánast á réttum tíma.   Forseti bæjarstjórnar, Anna G. Edvardsdóttir, setti mótið og lék fyrsta leiknum í skák Helga Áss og Ólafs Ásgrímssonar.  Tefldar voru 20 umferðir sem er mesti umferðarfjöldi sem mér er kunnugt um á móti hérlendis!   Sennilega hefði verið nóg að hafa þær 15 því pörunin var orðin nokkuð sérstök í lokaumferðunum.  Lengi leit út fyrir að Helgi Áss myndi vinna mótið en Guðmundur Halldórsson vann stórmeistarann í 18. umferð og þá náði Arnar forystunni sem hann lét ekki af hendi.  

Arnar er eitursnjall skákmaður á styttri tímamörkunum og vinnur flest hrað- og atskákmót, sem hann tekur þátt í .  Helgi og Þröstur urðu í 2.-3. sæti og höfnuðu góðu boði ritstjórans um vítakeppni í handbolta til að útkljá hvor yrði annar.  Sennilega gert sér grein fyrir því að þeir myndu ekki setja mörg mörk!

Í boði voru ýmis aukaverðlaun og m.a. verðlaun fyrir besta grunnskólanemann í Bolungarvík en mikill fjölda nemenda þar tóku þátt.   Þar urðu fimm efstir og jafnir.

Það voru þeir Ingólfur Hallgrímsson, Jakob Szuterawski, Daníel Ari Jóhannsson, Patryk Gawek, Páll Sólmundur Halldórsson.  

Bolvíkingar stóðu sig vel.  Bræðurnir Unnsteinn og Magnús Sigurjónssynir tóku sitthvor aukaverðlaunin og Halldór Grétar Einarsson fékk verðlaun sem besti Bolvíkingurinn. 

Að loknu móti var myndarleg verðlaunaafhending og svo glæsimatur í Kjallaranum.  Á Kjallaranum er ég ekki frá því að handsalað hafi verið að Hraðskákmót Íslands yrði næstu 5 ár á Bolungarvík.   

Einhver hraustmenni fóru svo í golf í morgun og hafa sjálfsagt þurft að hýrast á golfvellinum við kulda og vosbúð enda skítakuldi fyrir vestan.   Reyndar grunar mig að sumir golfarnir hafi verið fremur svefnvana og eru sjálfsagt nú í flugvél á leiðinni heim, kaldir og hraktir.   

Bolvíkingum þakka ég fyrir frábærar móttökur.  Sjáumst að ári!

Smá myndasafn frá mótinu má finna undir "myndaalbúm" ofarlega til vinstri.    

Myndir: Arnar og Jón Viktor, Guðmundur Bjarni, sem varð jafn Arnaldi að vinningum, og Áslaug Kristinsdóttir og bæjarstjórahjónin, Grímur og Helga Vala. 

Gunnar Björnsson

Arnar hraðskákmeistari Íslands

Alþjóðlegi meistarinn Arnar E. Gunnarsson sigraði á vel heppnuðu Stórmóti Kaupþings og Sparisjóðs Bolungarvíkur,  og er því hraðskákmeistari Íslands 2007.  Í 2.-3. sæti urðu stórmeistarnir Helgi Áss Grétarsson og Þröstur Þórhallsson.   Davíð Kjartansson varð fjórði og Jón Viktor Gunnarsson varð fimmti.

Aukaverðlaunahafar urðu:

• 16 ára og yngri: Svanberg Már Pálsson
• 50 ára og eldri: Magnús Sigurjónsson
• Undir 2100:  Unnsteinn Sigurjónsson
• Undir 1800:  Ólafur Ásgrímsson
• Stigalausir: Sigurður J. Hafberg
• Bolvíkingar: Halldór Grétar Einarsson
• Kvennaflokkur:  Guðfríður Lilja Grétarsdóttir

Lokastaðan:

Place Name                          Rtg  Loc Score Buch. Progr.

  1   Arnar Gunnarsson              2439     17.5  244.0  177.5
 2-3  Þröstur Þórhallsson           2461     17    245.0  171.0
      Helgi Áss Grétarsson          2462     17    244.5  176.0
  4   Davíð Kjartansson             2325     16.5  237.5  163.0
  5   Jón Viktor Gunnarsson         2427     16    236.0  159.0
  6   Ingvar Þór Jóhannesson        2344     13.5  248.5  150.0
 7-8  Sigurbjörn Björnsson          2290     12.5  248.5  134.0
      Róbert Harðarson              2315     12.5  241.5  129.5
9-10  Halldór Grétar Einarsson      2272     12    249.5  132.0
      Dagur Arngrímsson             2316     12    240.0  137.0
 11   Unnsteinn Sigurjónsson        1950     11.5  230.0  120.5
12-15 Guðmundur Gíslason            2331     11    247.5  130.0
      Magnús Pálmi Örnólfsson       2208     11    245.0  123.5
      Guðmundur Halldórsson         2264     11    243.5  126.5
      Stefán Bergsson               2106     11    237.0  119.5
16-21 Stefán Freyr Guðmundsson      2110     10.5  236.5  118.5
      Árni Ármann Árnason           2139     10.5  233.0  116.5
      Páll Sigurðsson               1893     10.5  218.0  112.5
      Sigurður Áss Grétarsson       1880     10.5  209.5  109.5
      Stefán Arnalds                1935     10.5  201.0  110.5
      Kristján Örn Elíasson         1912     10.5  198.5  107.5
22-37 Einar K Einarsson             2067     10    240.5  120.0
      Arnaldur Loftsson             2105     10    237.0  118.0
      Magnús Sigurjónsson           1885     10    234.0  117.5
      Guðfríður Lilja Grétarsdóttir 1992     10    222.0  113.5
      Svanberg Már Pálsson          1817     10    222.0  113.0
      Sverrir Gestsson              2049     10    216.0  110.0
      Sigurður Ólafsson             1965     10    212.5  111.0
      Ólafur S. Ásgrímsson          1655     10    199.5   99.5
      Sigurður J Hafberg                     10    196.5  103.0
      Ingólfur Hallgrímsson                  10    187.0   97.0
      Guðmundur Bjarni Harðarson             10    179.0  100.0
      Jakob Szuterawski                      10    175.0   96.0
      Daníel Ari Jóhannsson                  10    167.5   97.0
      Patryk Gawek                           10    163.5   92.0
      Páll Sólmundur Halldórsson             10    158.0   91.0
      Ingólfur Daði Guðvarðarson             10    157.0   91.0
38-43 Guðmundur Magnús Daðason      1980     9.5   201.5  107.5
      Magnús Kristinsson            1430     9.5   197.0   98.5
      Áslaug Kristinsdóttir         1610     9.5   188.0   99.0
      Valdimar Jónsson                       9.5   182.0   95.0
      Jakob Thorarensen                      9.5   181.0  101.5
      Daði Arnarsson                         9.5   160.0   87.5
44-45 Wannawat Khiansanthia                  9     157.0   85.0
      Grímur Atlason                         9     152.5   87.5
 46   Brynja Dagmar Jakobsdóttir             8.5   152.0   81.0
47-48 Pálína Vagnsdóttir                     8     165.5   82.0
      Björgúlfur Egill Pálsson               8     154.5   75.0
 49   Soffía Vagnsdóttir                     7.5   155.5   75.0
 50   Hermann Andri Smelt                    7     157.0   69.0
 51   Anna Þuríður Sigurðardóttir            6.5   153.5   71.0
 52   Helga Vala Helgadóttir                 4.5    78.5   26.0
 53   Steinunn María Eydal                   3.5   156.5   39.0
 54   Erna Kristín Elíasdóttir               3     158.5   32.0
 55   Mateusz                                2     161.5   23.0
 56   Lovísa Lýðsdóttir                      1.5   163.0   16.0

Heimasíða mótsins

 

 

 

Skákþing Garðabæjar: Sigurjón og Jóhann efstir

Sigurjón Haraldsson (1880) og Jóhann H. Ragnarsson (2037) eru efstir og jafnir með 1,5 vinning, eftir innbyrðisjafntefli í 2. umferð Skákþings Garðabæjar, sem tefld var í kvöld.  Mótið er jafnt en þrír keppendur koma næstir með 1 vinning.   Þriðja umferð fer fram á mánudagskvöld.

Úrslit 2. umferðar:

 

1	6	Sigurdsson Pall	1 - 0	Fridgeirsson Dagur Andri	4
2	5	Palsson Svanberg Mar	1 - 0	Benediktsson Thorir	3
3	1	Haraldsson Sigurjon	½ - ½	Ragnarsson Johann	2

Staðan:

 

Rk.	Name	FED	RtgN	RtgI	Club/City	Pts.
1	Haraldsson Sigurjon	ISL	1880	0	TG	1,5
	Ragnarsson Johann	ISL	1985	2037	TG	1,5
3	Palsson Svanberg Mar	ISL	1715	1817	TG	1,0
4	Benediktsson Thorir	ISL	1845	1956	TR	1,0
	Sigurdsson Pall	ISL	1830	1893	TG	1,0
6	Fridgeirsson Dagur Andri	ISL	1650	1799	Fjolnir	0,0

• Heimasíða TG
• Chess-Results 

Skákþing Garðabæjar hafið

Fyrsta umferð Skákþings Garðabæjar var tefld í kvöld. Fáir þátttakendur eru með en þrátt fyrir allt eru fjórir TG-ingar sem verður að teljast ágætt miðað við þátttöku í fyrra.

Úrslit urðu eftirfarandi:

Jóhann H Ragnarsson vann Svanberg Pálsson í aðeins 15 leikjum þegar kall fór í hafið. Þórir Benediktsson sigraði Dag Andra Friðgeirsson og Garðabæjarmeistarinn Páll Sigurðsson tapaði fyrir Sigurjóni Haraldssyni.

Á morgun mætast Sigurjón og Jóhann, Svanberg og Þórir og Páll og Dagur Andri.

• Heimasíða TG
• Chess-Results 

Fjör á félagaskiptamarkaði

Nokkuð mikið hefur verið um félagaskipti síðustu daga og vikur og má í neðangreindri töflu finna upplýsingar um þau félagaskipti sem áður hafa ekki birtar fréttir um hér á Skák.is.  Má þar nefna að Jónas Þorvaldsson er genginn í Helli og Jóhann Örn Sigurjónsson og Hilmar Viggósson hafa gengið til liðs við KR.   Einnig hafa þrír skákmenn og þar á meðal Gunnar Freyr Rúnarsson tilkynnt félagaskipti yfir í nýtt félag sem væntanlega mun taka þátt í sinni fyrstu keppni í haust. 

Sjá nánar í meðfylgjandi töflu:

 

Nafn	FIDE	Stig	Úr	Í
Jónas Þorvaldsson	2299	2110	Selfoss	Taflfélagið Hellir
Jóhann Örn Sigurjónsson	2197	2065	Taflfélag Reykjavíkur	Skákdeild KR
Gunnar Freyr Rúnarsson	2141	1995	Taflfélag Akraness	Víkinga & Kínaskákklúbburinn
Lárus Knútsson	2113	2015	Kátu biskupunum	Skákdeild Hauka
Halldór Garðarsson	1960	1895	Taflfélag Reykjavíkur
Óskar Haraldsson	1919	1745	Taflfélag Vestmannaeyja	Víkinga & Kínaskákklúbburinn
Kristján Örn Elíasson	1912	1825	Taflfélag Reykjavíkur
Hilmar Viggósson		2015	Taflfélag Garðabæjar	Skákdeild KR
Adolf Petersen		1880	Taflfélag Reykjavíkur	Skákfélag Selfoss
Ellert Berndsen		1840	Skákdeild KR	Taflfélag Dalvíkur
Stefán Bjarnason		1520	Taflfélag Vestmannaeyja	Víkinga & Kínaskákklúbburinn

 

  

Skákþing Garðabæjar hefst í kvöld

Skákþing Garðabæjar fer fram 13.-21. september nk.  Mótið er 7 umferðir og er reiknað til íslenskra og alþjóðlegra stiga. Teflt verður í Garðabergi (Garðatorgi 7)  í Garðabæ.

Umferðir:

• 1. umf. Fimmtudag 13. sept kl. 19.30
• 2. umf. Föstudag 14. sept. kl. 19.30
• 3. umf. Mánudag 17. sept. kl. 19.30
• 4. umf  Þriðjudag 18. sept. kl. 19.30
• 5. umf. Miðvikudag 19. sept. kl. 19.30
• 6. umf. Fimmtudag 20. sept. kl. 19.30
• 7. umf. Föstudag 21. sept. kl. 19.30

Keppt er eftir svissnesku kerfi eða allir við alla eftir þátttöku.  Tímamörk eru 90 mínútur og 30 sek sem bætist við hvern leik. 

Vinsamlega sendið tölvupóst til: [e-mail]

Verðlaun auk verðlaunagripa:

• 1. verðlaun. 10 þús.
• 2. verðlaun 7 þús.
• 3. verðlaun 5 þús

Aukaverðlaun:

• Efstur U1800 (með 1800 skákstig og minna) 5. þús.
• Efstur 16 ára og yngri.(1992=< x): 3 þús .
  

Til að aukaverðlaun greiðist út þurfa að vera amk. 3 í hverjum flokki.

TH. Ekki er hægt að vinna til fleiri en einna aukaverðlauna. Betri verðlaunin eru valin. 1-3 verðlaunum eru skipt séu menn með jafn marga vinninga. Aukaverðlaunum verður ekki skipt.

Sæmdartitilinn Skákmeistari Garðabæjar getur aðeins félagsmaður borið.

Þátttökugjöld

	Félagsmenn	Utanfélagsmenn
Fullorðnir	2000	3000
Unglingar 17 ára og yngri	0	2000

Skákstjóri er Páll Sigurðsson s 861 9656
Skákmeistari Garðabæjar 2006 var Páll Sigurðsson

Bjarni Jens í Helli

Bjarni Jens Kristinsson (1798), nýkrýndur unglingameistari Íslands, 20 ára og yngri, er genginn til liðs við Íslandsmeistara Hellis, en Bjarni Jens hefur síðstu ár verið í Skáksambandi Austurlands en er nú fluttur í bæinn.  Bjarni var um tíma í Hróknum og Fjölni. 

 

 

Árni Ármann í Taflfélag Bolungarvíkur

Árni Ármann Árnason (2139), er genginn til liðs við Taflfélag Bolungarvíkur.   Árni Ármann hefur alla tíð verið í Taflfélagi Reykjavíkur og var m.a. formaður félagsins á árunum 1991-94 og átti mikinn þátt í því að snúa við erfiðum fjárhag félagsins til betri vegar á sínum formannsferli.  

Árni mun án efa styrkja Bolvíkinga í baráttu þeirra um fyrstu deildarsæti að ári.  

 

 

Þrítugur hamar að baki......hjá honum Þórði Sveinssyni.

Þórði til heiðurs héldu Hrókurinn og skákfélag Vinjar, afmælisskákmót í Vin, mánudaginn 10. september kl. 13:00.

Átta þátttakendur skráðu sig til leiks, en nokkrir fulltrúar skákfélags Vinjar forfölluðust og allmargir gátu ekki verið með vegna vinnu og skóla. Nokkrir félagar afmælisbarnsins kíktu þó við og heilsuðu upp á nýþrítugan piltinn. 

Katrín Júlíusdóttir, alþingismaður, var heiðursgestur og lék fyrsta leikinn í skák þeirra Róberts Harðarsonar og Elsu Maríu Þorfinnsdóttur.

Heiðraði hún þar afmælisdrenginn sem er jú formaður ungra jafnaðarmanna í Hafnarfirði, lögfræðingur persónuverndar og gjaldkeri skákfélagsins Kátu biskuparnir. Katrín vildi meina að framfarir hennar í skáklistinni væru hægar svo hún var að sjálfsögðu leyst út með bókinni "skákþjálfun" auk ljóðabókar eftir mótsstjóra, Kristian Guttesen.

Tefldar voru fimm umferðir eftir monradkerfi þar sem umhugsunartími var 7 mínútur.

Eftir harða keppni stóð Róbert Harðarson uppi sem sigurvegari með 4,5. vinninga. Annar varð Gunnar Freyr Rúnarsson með 3,5, þriðji Marteinn Harðarson, kátur biskup, með þrjá og þar á eftir komu hin unga og efnilega skákkona, Elsa María Þorfinnsdóttir og afmælisbarnið sjálft.

Að móti loknu voru veglegar kaffiveitingar eins og venjan er og allir fengu vinning, í bóka- eða geisladiskaformi. 

Vin er athvarf Rauða krossins fyrir fólk með geðraskanir, Hverfisgötu 47 í Reykjavík og teflt er á mánudögum kl. 13:00.

Allir velkomnir að vera með og mót eru haldin að meðaltali einu sinni í mánuði.

Myndir: Afmælisbarnið Þórður, Róbert, Marteinn og Gunnar Freyr.   Katrín Júlíusdóttir, þingmaður, leikur fyrsta leik mótsins fyrir Elsu Maríu gegn Róberti.