Gunnar Freyr sigraði á hraðskákmóti Hróksins og Vinjar

Gunnar Freyr Rúnarsson, fyrirliði hins nýstofnaða Víkinga- og Kínaskákklúbbs, vann glæsilegan sigur í hraðskákmóti Hróksins og skákfélags Vinjar í tilefni alþjóðlegs geðheilbrigðisdags í Perlunni, sunnudaginn 7. október. Þátttökumetið var jafnað, 38 skráðu sig til leiks og var mótið bæði stórskemmtilegt og spennandi en keppendur voru á aldrinum 8-72 ára.

Þegar þátttakendur höfðu skráð sig hjá skákstjóranum honum Kristian Guttesen, hélt Guðfríður Lilja Grétarsdóttir, forseti Skáksambands Íslands, stutt ávarp og setti mótið formlega. Heiðar Ingi Svansson, markaðsstjóri Forlagsins, sem gaf glæsilega bókavinninga á mótið, lék svo fyrsta leikinn í skák Páls Andrasonar og Sveinbjörns Jónssonar.

Tefldar voru sex umferðir eftir monradkerfi, þar sem umhugsunartími var 7 mínútur. Mikil spenna var í lokaumferðinni, þar sem nokkrir höfðu möguleika á sigri en svo fór að Gunnar Freyr var í ógnarstuði og sigraði alla sína andstæðinga.

Fjórir voru með fimm vinninga en eftir stigaútreikning var ljóst að annað sætið hreppti Stefán Bergsson. Þar á eftir komu svo Vilhjálmur Pálmason, Davíð Kjartansson og Daði Ómarsson.
Fjóra vinninga hlutu: Jónas Jónasson, Hrannar Jónsson, Jóhanna Björg Jóhannsdóttir, Sigurður Ingason, Elsa María Þorfinnsdóttir og Ágúst Gíslason.

Í humátt þar á eftir, með þrjá og hálfan komu þau Guðfríður Lilja Grétarsdóttir, Bjarni Jens Kristinsson og Guðmundur Kristinn Lee.

Veitt voru verðlaun fyrir bestan árangur 12 ára og yngri og þau hlaut Guðmundur Kristinn Lee. Vilhjálmur Pálmason sem hafnaði í þriðja sæti mótsins hlaut verðlaun fyrir bestan árangur 13-18 ára, Finnur Kr. Finnsson fyrir bestan árangur 60 ára og eldri og Jóhanna Björg Jóhannsdóttir sem varð efst kvenna.

Grænn markaður gaf blóm til vinningshafa og svo var dregið í happadrætti þar sem ffjórir þátttakendur hrepptu bækur í boði Forlagsins, sem einnig gaf yngri þátttakendum og áhorfendum Andrésblöð og - syrpur.

Fjöldi manns lagði leið sína í Perluna yfir daginn því fyrir mót var glæsileg dagskrá þar sem verndari dagsins, frú Vigdís Finnbogadóttir hélt ræðu, taílenskur hljóðfæraleikari lék á framandi hljóðfæri og magadansmeyjar heilluðu viðstadda. Regnbogakórinn söng og Tríótó lék nokkur lög. Þráinn Bertelsson hélt sérlega flotta ræðu um sína sýn á geðheilbrigði og stuðboltinn Valgeir Guðjónsson hélt utan um dagskrána og kynnti af snilld.

Atkvöld hjá Helli í kvöld

Taflfélagið Hellir heldur atkvöld mánudaginn 8. ágúst og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Ljúffeng verðlaun.  Tilvalin upphitun fyrir fyrri hluta Íslandsmóts skákfélaga sem fram fer 12.-14. október!

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Guðlaug Íslandsmeistari kvenna

Guðlaug Þorsteinsdóttir sigraði í þriðju skák einvígis hennar og Hallgerðar Helgu Þorsteinsdóttur, sem fram fór í dag.  Þar með hefur Guðlaug tryggt sér sigur í einvíginu en staðan er 2,5-0,5 Guðlaugu í vil.  Í dag hafði Guðlaug hvítt og tefld var Caro-Kann vörn.  Guðlaug náði snemma yfirburðarstöðu og vann öruggan sigur í 21 leik.  Þetta er sjötti Íslandsmeistaratitill Guðlaugar en hún varð fyrst Íslandsmeistari 1975 þegar mótið var haldið í fyrsta sinn. Einnig varð Guðlaug Íslandsmeistari kvenna árin 1982, 1989, 2002 og 2005.   

Hallgerður, sem er aðeins 14 ára, verður því að bíða eitthvað lengur eftir sínum fyrsta titli en frammistaða hennar á Íslandsmótinu vakti mikla athygli, en þar fékk hún 7,5 vinning í 8 skákum eins og Guðlaug, og sló þar við mörgum þrautreyndum landsliðskonum.    

Hægt er að nálgast skákirnar á vef Skáksambands Íslands.

Hraðskákmót í Perlunni í dag

Í tilefni alþjóðlegs geðheilbrigðisdags halda Hrókurinn og Skákfélag Vinjar hraðskákmót í Perlunni, sunnudaginn 7. október kl. 16:00.

Heilmikil dagskrá verður í Perlunni fyrir mót, tónlist, dans, ræðuhöld og myndlistarsýning og hefst hún kl. 14:30.

Þátttaka í mótinu er ókeypis og öllum heimil.
Glæsilegir vinningar i boði Forlagsins.
Veitt verða verðlaun fyrir:
bestan árangur 12 ára og yngri,
bestan árangur 13-18 ára,
bestan árangur kvenna,
bestan árangur 60 ára og eldri.
Að sjálfsögðu eru veglegir bókavinningar fyrir þrjá efstu þátttakendur í mótinu og auk þess fá allir yngri keppendur Andrésblöð eða -syrpur.

Einnig verður happadrætti þannig að allir eiga möguleika á glæsilegum vinningum.


Teflt verður eftir monrad kerfi. Skákstjóri er Kristian Guttesen. Tvö sl. ár hefur mótið verið haldið í Ráðhúsi Reykjavíkur en eins og fyrr segir er það nú í Perlunni. Tæplega 40 manns voru með í fyrra og auðvitað er stefnt að því þátttakendur verði enn fleiri í ár.

Félagar í skákfélagi Vinjar og Hróknum hvetja allt skákáhugafólk á öllum aldri til að vera með.

Guðlaug vann aðra skákina í einvíginu við Hallgerði Helgu

Guðlaug Þorsteinsdóttir sigraði aðra skákina í einvígi hennar og Hallgerðar Helgu Þorsteinsdóttur sem fram fór í dag og leiðir nú 1,5-0,5.   Hallgerður, sem er aðeins 14 ára, hafði hvítt og tefldu þær sikileyrska vörn.  Guðlaug fékk fljótlega betra og náði peði af Hallgerði.  Hallgerður varðist þó mjög vel en lék slysalega af sér manni í 49. leik og mátti gefast upp.    

Þriðja skák einvígisins fer fram á morgun og hefst kl. 14.  Hægt er að fylgjast með skákinni beint á vef Skáksambands Íslands.  Alls tefla þær fjórar skákir.   Teflt er í húsnæði Skáksambandsins, Faxafeni 12.

 

 

 

• Skákirnar í beinni
• Chess-Results

Boðsmót TR: Björn og Sverrir sigruðu í b-flokki - Jóhanna Björg fékk flest vinninga í d-flokki

Björn Þorsteinsson (2194) og Sverir Þorgeirsson (2064) urðu efstir og jafnir í b-flokki Boðsmóts Taflfélags Reykjavíkur, sem lauk í kvöld.  Á þeim er hálfrar aldar munur en Björn er 66 ára en Sverir 16 ára. Umferðin var hvítum gjöful en allar skákirnar unnust á hvítt.  Björn og Sverrir hlutu 4,5 vinning í 7 skákum sem sýnir hversu flokkurinn var jafn. Björn, sem var taplaus á mótinu, vann sér þar með rétt til þátttöku í A-flokki á næsta ári, en það verður alþjóðlegt mót.  Í d-flokki unnu Salaskólakrakkar öruggan sigur á TR en Jóhanna Björg Jóhannsdóttir fékk flesta vinninga allra.  

 

 

 

 

B-flokkur:

Úrslit 7. umferðar:

 

1	4	Thorsteinsson Bjorn	1 - 0	Ingvason Johann	8
2	5	Baldursson Hrannar	1 - 0	Olafsson Thorvardur	3
3	6	Asbjornsson Ingvar	1 - 0	Petursson Gudni	2
4	7	Thorgeirsson Sverrir	1 - 0	Palmason Vilhjalmur	1

Lokastaðan (stigabreyting í aftasta dálki):

 

Rk.	Name	FED	Rtg	Club/City	Pts.	rtg+/-
1	Thorsteinsson Bjorn	ISL	2194	TR	4,5	-3,0
2	Thorgeirsson Sverrir	ISL	2064	Haukar	4,5	17,7
3	Ingvason Johann	ISL	2064	SR	4,0	10,2
4	Palmason Vilhjalmur	ISL	1904	TR	3,5	26,5
5	Petursson Gudni	ISL	2107	TR	3,0	-11,9
6	Olafsson Thorvardur	ISL	2156	Haukar	3,0	-19,8
7	Baldursson Hrannar	ISL	2112	KR	3,0	-13,1
8	Asbjornsson Ingvar	ISL	2028	Fjolnir	2,5	-6,8

D-flokkur:

Lið Salaskólakrakka bar sigur úr býtum í d-flokki Boðsmótsins, en sveitin sigraði hið blandaða lið TR 3,5-0,5 í síðustu umferð og samtals því 11,5-4,5.

Jóhanna Björg Jóhannsdóttir fékk flesta vinninga, eða 3,5.  Geirþrúður Anna Guðmundsdóttir stóð sig best í TR-liðinu og fékk 3 vinninga.

Úrslit 4. umferðar:

• Jóhanna Björg Jóhannsdóttir - Geirþrúður Anna Guðmundsdóttir 0,5-0,5
• Páll Andrason - Kristján Heiðar Pálsson 1-0
• Ragnar Eyþórsson - Hjálmar Sigurvaldason 1-0
• Birkir Karl Sigurðsson - "Skotta" 1-0*

• Heimasíða TR
• Chess-Results
• Fréttir Skák.is um Boðsmótið

Jafntefli í fyrstu skák Guðlaugar og Hallgerðar

Jafntefli varð í 49 leikjum í fyrstu skák Guðlaugar Þorsteinsdóttur og Hallgerðar Helgu Þorsteinsdótturí einvígi þeirra á milli um titilinn Íslandsmeistari kvenna.  Á morgun tefla þær aðra skák einvígisins en alls tefla þær fjórar skák.   Skákin á morgun hefst kl. 14 en hægt að fylgjast með skákunum í beinni á vef SÍ.     

Teflt er í Faxafeni 12. Tímamörk þau sömu og áður. 90. mín + 30 mín eftir 40. leik. auk þess bætast 30 sekúndur við hvern leik frá upphafi skákar.

1. skák verður kl. 17 næstkomandi föstudag. 5. október. Guðlaug - Hallgerður
2. skák. kl. 14. Laugardaginn 6. október. Hallgerður - Guðlaug
3. skák kl. 14. Sunnudaginn 7. október. Guðlaug - Hallgerður
4. skák kl. 17. Mánudaginn 8. október. (ef þarf) Hallgerður - Guðlaug.

• Skákirnar í beinni
• Chess-Results
  

 

Davíð sigraði á öðru Grand Prix-móti TR og Fjölnis

Vel heppnuðu Grand Prix móti lauk með öruggum sigri Davíðs Kjartanssonar.  Félagarnir Vilhjálmur Pálmason og Daði Ómarsson urðu jafnir í 2.-3. sæti.  Unglingaverðlaun hlaut Hjörvar Steinn Grétarsson og kvennaverðlaununum skiptu þær Elsa María Þorfinnsdóttir, Jóhanna Björg Jóhannsdóttir og Tinna Kristín Finnbogadóttir.

Keppendur voru 20 talsins og urðu úrslit eftirfarandi:

1. Davíð Kjartansson 6,5

2.-3. Vilhjálmur Pálmason og Daði Ómarsson 5,5

4. Jóhann H. Ragnarsson 5

5.-6. Hjörvar Steinn Grétarsson og Torfi Leósson 4,5

7.-8. Óttar Felix Hauksson og Dagur Andri Friðgeirsson 4

9.-10. Helgi Brynjarsson og Vigfús Óðinn Vigfússon 3,5

11.-15. Elsa María Þorfinnsdóttir, Jóhanna Björg Jóhannsdóttir, Tinna Kristín Finnbogadóttir, Friðþjófur Max Karlsson og Friðrik Þjálfi Stefánsson 3

16.-17. Matthías Pétursson og Eggert Ísólfsson 2,5

18. Sigurlaug Regína Friðþjófsdóttir 2

19. Geirþrúður Anna Guðmundsdóttir 1

20. Stefanía Bergljót Stefánsdóttir 0,5

Næsta Grand Prix fimmtudagsmót verður haldið fimmtudaginn 11. október kl.19.30 í Skákhöllinni Faxafeni 12.

Hraðskákmót í Perlunni sunnudaginn 7. október

Í tilefni alþjóðlegs geðheilbrigðisdags halda Hrókurinn og Skákfélag Vinjar hraðskákmót í Perlunni, sunnudaginn 7. október kl. 16:00.

Heilmikil dagskrá verður í Perlunni fyrir mót, tónlist, dans, ræðuhöld og myndlistarsýning og hefst hún kl. 14:30.

Þátttaka í mótinu er ókeypis og öllum heimil.
Glæsilegir vinningar i boði Forlagsins.
Veitt verða verðlaun fyrir:
bestan árangur 12 ára og yngri,
bestan árangur 13-18 ára,
bestan árangur kvenna,
bestan árangur 60 ára og eldri.
Að sjálfsögðu eru veglegir bókavinningar fyrir þrjá efstu þátttakendur í mótinu og auk þess fá allir yngri keppendur Andrésblöð eða -syrpur.

Einnig verður happadrætti þannig að allir eiga möguleika á glæsilegum vinningum.


Teflt verður eftir monrad kerfi. Skákstjóri er Kristian Guttesen. Tvö sl. ár hefur mótið verið haldið í Ráðhúsi Reykjavíkur en eins og fyrr segir er það nú í Perlunni. Tæplega 40 manns voru með í fyrra og auðvitað er stefnt að því þátttakendur verði enn fleiri í ár.

Félagar í skákfélagi Vinjar og Hróknum hvetja allt skákáhugafólk á öllum aldri til að vera með.

Íslandsmót skákfélaga: Töfludráttur í 1.-3. deild

Í hádeginu dró Ólafur S. Ásgrímsson um töfluröð í 1.-3. deild Íslandsmóts skákfélaga en fyrri hluti keppninnar fer fram 12.-14. október nk. í Rimaskóla.   Í lokaumferðinni mætast Íslandsmeistarar Hellis og Taflfélag Reykjavíkur og mögulega verður því úrslitaviðureign í lokaumferðinni annað árið í röð.

Töfluröð Íslandsmóts skákfélaga:

 

1. deild:

1.      Tf. Hellir - b

2.      Sd. Hauka - a

3.      Sf. Akureyrar - b

4.      TR - a

5.      Sd. Fjölnis - a

6.      Sf. Akureyrar - a

7.      Tf. Vestmannaeyja - a

8.      Tf. Hellir - a

2. deild

1.      Tf. Akranes

2.      Sf. Selfoss og nágr. - a

3.      Sd. Hauka - b

4.      Tf. Garðabæjar - a

5.      Tf. Bolungarvíkur - a

6.      Sf. Reykjanesbæjar - a

7.      TR - b

8.      Kátu biskuparnir - a

3. deild:

1.      Sf. Reykjanesbæjar - b

2.      KR - a

3.      Tf. Dalvíkur

4.      TR - c

5.      TR - d

6.      Tf. Garðabæjar - b

7.      Tf. Vestmannaeyjar - b

8.      Tf. Hellir - c

Hægt er að nálgast upplýsingar um umferðartöflu hér.