Níu manns á hraðskákmóti í Vin, til heiðurs Sveini Jóhannssyni, næstum níu!

Rífandi mæting var á skákæfingu hjá Skáfélagi Vinjar í dag, mánudag, klukkan 13. Róbert Harðarson frá Hróknum kom og hélt utan um æfinguna sem breyttist í hraðskákmót. Ekki höfðu þó allir sem komu tíma til að vera svo lengi en þrátt fyrir það tóku níu manns þátt.

Sveinsmótið, til heiðurs yngsta þátttakandanum, Sveini Jóhannssyni, sem er alveg að verða níu ára, núna í júní... tókst auðvitað glimrandi vel. 

Létt var yfir fólki þó að leikar æstust inn á milli. Borið var í keppnisfólkið kaffi og meðlæti meðan á móti stóð, enda átta umferðir og ekkert slakað á.

Það kom þó ekki mikið á óvart að Róbert skákstjóri yrði efstur á palli með 7,5 vinninga. Næstir voru þeir Guðmundur Valdimar Guðmundsson með 7 og Friðrik Friðriksson með 5. Aðrir í humátt á eftir.

Litið var á mótið sem upphitun fyrir stórmót nk. mánudag, þegar Guðfríður Lilja Grétarsdóttir, fyrrum forseti Skáksambandsins verður heiðruð. Verður það mót auglýst betur síðar en þau sem geta ættu að taka mánudaginn 9. júní frá, en mótið hefst kl. 13:00.

Vin er að Hverfisgötu 47 í Reykjavík og er athvarf rekið af Rauða krossinum. Æfingar eru á mánudögum kl. 13 og síminn þar er 561-2612.

Hraðkvöld hjá Helli í kvöld

Hraðkvöld hjá Helli verður haldið mánudaginn 2. júní í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði!   Sigurvegarinn fær pizzu fyrir tvo frá Dominos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra.

Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Guðmundur skákmeistari Skákskóla Íslands

Guðmundur Kjartansson varð í dag skákmeistari Skákskóla Íslands eftir harða keppni.  Guðmundur fékk 6½ vinning, leyfði aðeins jafntefli við Patrek Maron Magnússon en vann aðrar skákir.  Hjörvar Steinn Grétarsson varð annar með 6 vinninga og í 3.-4 sæti urðu Ingvar Ásbjörnsson og Patrekur Maron.  Elsa María Kristínardóttir varð efst stúlkna, Dagur Andri Friðgeirsson í flokki skákmanna yngri 14 ára og Friðrik Þjálfi Stefánsson í flokki 12 ára og yngri. 

Skákstjóri var Helgi Ólafsson.   

• Heimasíða Skákskóla Íslands
• Chess-Results
  
• Myndaalbúm mótsins

Guðmundur efstur með fullt hús

Guðmundur Kjartansson vann Hjörvar Stein Grétarsson í aðeins 19 leikjum í 4. umferð Meistaramóts Skákskóla Íslands. Í 5. umferð vann Guðmundur svo Daða Ómarsson er og er einn efstur með fullt hús, 5 vinninga. 

Hjörvar Steinn Grétarsson og Ingvar Ásbjörnsson koma næstir með 4 vinninga. Í 4. - 8. sæti eru svo Sverrir Þorgeirsson, Daði Ómarsson, Bjarni Jens Kristinsson, Matthías Pétursson og Patrekur Maron Magnússon allir með 3 ½ vinning. Sjötta og næst síðasta umferð hófst í morgun.

• Heimasíða Skákskóla Íslands
• Chess-Results 

 

 

Fjórir efstir á meistaramóti Skákskólans

Guðmundur Kjartansson, Hjörvar Steinn Grétarsson og Daði Ómarsson eru efstir eftir þrjar umferðir á meistaramoti Skákskóla Íslands sem hófst á föstudag.

Keppendur eru 30 talsins og eru langflestir með íslensk skákstig. Fyrstu þrjár umferðirnar voru tefldar með at-skáka fyrirkomulagi en á morgun, laugardag verða tefldar tvær kappskákir og einnig á sunnudag. Alls verða tefldar sjö umferðir.  

Í þriðju umferð vann Guðmundur Kjartansson Ingvar Ásbjörnsson, Hjörvar Steinn vann Bjarna Jens Kristinsson, Daði Ómarsson vann Elsu Maríu Kristínardóttur g Sverri Þorgeirsson vann Paterk Maron Magnússon. Í fjórðu umferð hefur Hjörvar Steinn Grétarsson hvítt á Guðmund Kjartansson og Daði ómarsson hefur hvítt á Sverri Þorgeirsson. 

• Heimasíða Skákskóla Íslands
• Chess-Results 

28 skákmenn skráðir til leiks á Meistaramót Skákskólans

28 skákmenn eru skráðir til leiks á Meistaramót Skákskóla Íslands sem hefst í kvöld.  Það eru:

1. Hjörvar Steinn Grétarsson
2. Hallgerður Helga Þorsteinsdóttir
3. Bjarni Jens Kristinsson
4. Matthías Pétursson
5. Guðmundur Kjartansson
6. Jóhanna Björg Jóhannsdóttir
7. Hörður Aron Hauksson
8. Ingvar Ásbjörnsson
9. Aron Ingi Óskarsson
10. Sverrir Þorgeirsson
11. Tinna Kristín Finnbogadóttir
12. Elsa María Kristínardóttir
13. Sigríður Helgadóttir
14. Svanberg Már Pálsson
15. Hulda rún Finnbogadóttir
16. Nökkvi Sverrisson
17. Daði Ómarsson
18. Friðrik Þjálfi Stefánsson
29. Stefanía Bergljót Stefánsdóttir
20. Hrund Hauksdóttir
21. Dagur Andri Friðgeirsson
22. Patrekur Maron Magnússon
23. Geirþrúður Anna Guðmundsdóttir
24. Agnar Darri Lárusson
25. Mikhael Jóhann Karlsson
26. Hans Adolf Linnet
27. Jón Hákon Richter
28. Vilhjálmur Pálmason

 

 

Meistaramót Skákskólans hefst í kvöld

Meistaramót Skákskóla Íslands 2008 verður haldið í sextánda skipti dagana 30. maí -1. júní.  Móti fer fram í húsakynnum skólans að Faxafeni 12.  Skráning stendur nú yfir.

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Skráning: [e-mail] eða [e-mail].

Tímamörk: Atskákir ½ klst. á hvorn keppenda til að ljúka skákinni.

Kappskákir: 1 ½ klst. á 35 leiki fyrir hvorn keppenda, ½ klst. á hvorn keppenda til að ljúka skákinni.

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2007/2008 og farandbikar. Einnig  flugfar m/Flugleiðum hf. á Ameríku eða Evrópuleið og uppihalds kostnaði kr. 25 þús.

2. verðlaun: Flugfarmiði á leiðum Flugleiða til áfangastaðar í Bandaríkjunum eða Evrópu.

3. verðlaun: Flugfarmiði á leiðum Flugleiða til áfangastaðar í Evrópu.

Gert er ráð fyrir að ferðaverðalaun verði notuð til ferða á skákmót erlendis.

4. - 5. verðlaun: Vandaðar skákbækur.

Sérstök verðlaun fyrir keppendur 12 ára og yngri.

1. Flugfarmiði á leiðum Flugleiða til áfangastaðar í Evrópu.

B:

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

 

Dagskrá:

• 1. umferð: Föstudagurinn 30.maí kl. 18   
• 2. umferð: Föstudagurinn 30.maí kl. 19
• 3. umferð. Föstudagurinn 30.maí kl. 20. 
• 4. umferð: Laugardagurinn 31. maí kl. 10-14   
• 5. umferð: Laugardagurinn 31. maí 15 - 19 
• 6. umferð: Sunnudagurinn 1. júní kl. 10.-14.
• 7. umferð: Sunnudagurinn 1. júní kl. 15-19. 

Verðlaunaafhending fer fram strax að móti loknu.

Mótsnefnd áskilur rétt til að gera breytingar á fyrirfram boðaðri dagskrá.

Hraðkvöld hjá Helli

Hraðkvöld hjá Helli verður haldið mánudaginn 2. júní í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði!   Sigurvegarinn fær pizzu fyrir tvo frá Dominos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra.

Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Guðmundur Arason látinn

Guðmundur Arason, fyrrverandi forstjóri og forseti Skáksambands Íslands, lést í gær 89 ára að aldri.

Guðmundur var forseti Skáksambands Íslands árin 1966 til 1969.  Árið 1981 var hann gerður að heiðursfélaga Skáksambandsins. 

Guðmundur var skákhreyfingunni mjög dýrmætur og sem sem þetta ritar minnist Guðmundar ekki síst fyrir þau mót sem haldin var í Hafnarfirði og kennd voru við hann og gáfu mörgum ungum skákmanninum tækifæri á að tefla við erlenda meistara.   

Sjá nánar grein í Morgunblaðinu.  

 

Lokaveisla Grand Prix mótaraðarinnar í kvöld

 kvöld verður veisla í Faxafeninu. Lokamót Grand Prix mótaraðarinnar sem Skákdeild Fjölnis og Taflfélag Reykjavíkur hafa sameiginlega satðið fyrir í vetur fer fram auk þess sem boðið verður upp á úrvals kaffiveitingar að hætti Birnu. Fjöldi verðlauna verður í boði. Sérstök verðlaun verð afhent fyrir besta heildarárangurinn. Það eru vegleg ferðaverðlaun á Politiken Cup í boði Fjölnis og TR. Grand Prix kannann góða fer að að sjálfsögðu til sigurvegara kvöldsins. Einnig verður fjöldi aukaverðlauna á boðstólnum. Allir sem hafa tekið þátt í 5 Grand Prix mótum eða meira fá bíómiða á Indiana Jones eða aðra skemmtilega mynd. Tónlistarverðlaun verða veitt  fyrir efstu sætin einnig kvenna- og unglingaverðlaun og þátttökuverðlaun. Arnar E. Gunnarsson er efstur í heildarárangri mótaraðarinnar.

Röð efstu manna á síðasta móti var eftirfarandi: 1. Arnar E. Gunnarsson 7 vinn. af 7 mögulegum2. Helgi Brynjarsson      63.-5. Dagur Andri Friðgeirsson, Óttar Felix Hauksson og Sigurjón Haraldsson 4 Mótið hefst kl. 19:30 í kvöld og er öllum opið