Viðtal við Magnús Pálma á Rás tvö

Gísli Einarsson fréttamaður á Rás tvö tók viðtal við Magnús Pálma Örnólfsson, keppenda í landsliðfloki og stjórnarmann í Taflfélagi Bolungarvík á föstudag.

Viðtalið má finna á hér.   Er að finna ca. undir "st" í "Austurland".

 

 

Einar Kr. efstur á Vinnslustöðvarmótinu

Einar K. Einarsson (1980) er efstur með fullt hús að loknum þremur umferð á Vinnslustöðvarmótinu sem fram fer í Vestamannaeyjum um helgina.  Keppendureru 15 og voru tefldar atskákir í fyrstu þremur umferðun.  Í dag verða tefldar 3 kappskákir.

Breyttur keppnistími:

  4. umf. kl. 10:00 (óbreytt)
  5. umf. kl. 13:30
  6. umf. kl. 17:00
 

Verðlaunaafhending upp úr klukkan 19 annað kvöld.

  Staðan:

Rank	Name	Rtg	FED	Pts	BH.
1	Einar K Einarsson	1980	ISL	3	3½
2	Sverrir Unnarsson	1875	ISL	2½	5½
3	Bjorn Ivar Karlsson	2170	ISL	2½	5
4	Kjartan Gudmundsson	1840	ISL	2	3½
5	Kristofer Gautason	1480	ISL	2	2½
6	Aegir Pall Fridbertsson	2035	ISL	1½	7
7	Olafur Tyr Gudjonsson	1665	ISL	1½	5
	Olafur Freyr Olafsson	1330	ISL	1½	5
9	Einar Gudlaugsson	1810	ISL	1½	4½
10	Sigurdur A Magnusson	0	ISL	1½	4
11	Dadi Steinn Jonsson	1455	ISL	1½	4
12	Valur Marvin Palsson	0	ISL	1	5½
13	Robert Aron Eysteinsson	1250	ISL	1	4½
14	Karl Gauti Hjaltason	1615	ISL	1	4
15	Johann Helgi Gislason	0	ISL	0	4

Heimasíða TV

Hraðkvöld hjá Helli

Taflfélagið Hellir heldur hraðkvöld mánudaginn 7. september og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Hannes Hlífar í Helli

blank_page

Íslandsmeistarinn í skák, stórmeistarinn, Hannes Hlífar Stefánsson er genginn til liðs við Taflfélagið Helli eftir tveggja ára veru í Taflfélagi Reykjavíkur. 

Hannes er stigahæstur virkra íslenskra skákmanna með 2577 skákstig og hefur oftar en ekki teflt á fyrsta borði í landsliði Íslands.   Hannes er tífaldur Íslandsmeistari í skák og er sá skákmaður sem oftast hefur hampað Íslandsmeistaratitli. 

Hannes Hlífar hefur í öll þau fjögur skipti sem Hellir hefur hampað Íslandsmeistaratitlinum leitt sveit félagsins og náði yfirleitt afar góðum árangri.  

 

Sigurður Páll í TR

Sigurður Páll Steindórsson (2216) hefur gengið í Taflfélag Reykjavíkur eftir eins árs veru í Skákdeild KR en Sigurður var þar áður í TR. 

Henrik, Guðmundur og Bragi efstir á Íslandsmótinu

Miklar sviptingar áttu sér stað í fjórðu umferð Íslandsmótsins í skák sem fram fór í Bolungarvík í kvöld.  Tveir efstu keppendur mótsins, eftir 3 umferðir, þeir Henrik Danielsen og Jón Viktor Gunnarsson töpuðu báðir.  Henrik fyrir Braga Þorfinnssyni í snarpri skák og Jón Viktor fyrir Guðmundi Gíslasyni.  Henrik, Guðmundur og Bragi eru nú efstir með 3 vinninga.  Davíð Ólafsson, Þröstur Þórhallsson og Jón Viktor koma næstir með 2,5 vinning svo búast má afar harðri baráttu um Íslandsmeistaratitilinn.

Fimmta umferð fer fram á morgun og hefst kl. 13.  Þá mætast m.a.: Henrik - Magnús Pálmi, Dagur - Bragi og Sigurbjörn - Guðmundur.

Úrslit 4. umferðar:

Ornolfsson Magnus P	½ - ½	Kjartansson Gudmundur
Thorhallsson Throstur	½ - ½	Bjornsson Sigurbjorn
Gislason Gudmundur	1 - 0	Gunnarsson Jon Viktor
Johannesson Ingvar Thor	½ - ½	Lagerman Robert
Olafsson David	1 - 0	Arngrimsson Dagur
Thorfinnsson Bragi	1 - 0	Danielsen Henrik

Staðan:

 

Rk.		Name	Rtg	Club/City	Pts.	Rp	rtg+/-
1	GM	Danielsen Henrik	2473	Haukar	3	2533	2,8
2		Gislason Gudmundur	2348	Bol	3	2614	21,0
3	IM	Thorfinnsson Bragi	2360	Bol	3	2527	8,5
4	FM	Olafsson David	2327	Hellir	2,5	2456	10,5
5	GM	Thorhallsson Throstur	2433	Bol	2,5	2469	1,8
6	IM	Gunnarsson Jon Viktor	2462	Bol	2,5	2465	0,0
7	FM	Bjornsson Sigurbjorn	2287	Hellir	2	2381	7,5
8	IM	Arngrimsson Dagur	2396	Bol	1,5	2271	-7,2
9	FM	Lagerman Robert	2351	Hellir	1,5	2292	-5,1
10		Ornolfsson Magnus P	2214	Bol	1	2154	-4,4
11	FM	Kjartansson Gudmundur	2413	TR	1	2136	-14,5
12	FM	Johannesson Ingvar Thor	2323	Hellir	0,5	2073	-16,7

 

Röðun 5. umferðar (laugardagur kl. 13):

Danielsen Henrik		Ornolfsson Magnus P
Arngrimsson Dagur		Thorfinnsson Bragi
Lagerman Robert		Olafsson David
Gunnarsson Jon Viktor		Johannesson Ingvar Thor
Bjornsson Sigurbjorn		Gislason Gudmundur
Kjartansson Gudmundur		Thorhallsson Throstur

Teflt er í Ráðhússalnum.  Umferðir hefjast kl. 16 á virkum dögum en kl. 13 um helgar.  Skákir mótsins eru sýndar beint á vef Skáksambands Íslands.    Það er Taflfélag Bolungarvíkur sem heldur mótið.  

 

• Heimasíða SÍ
• Chess-Results
• Skákirnar í beinni
• Víkari.is (umfjöllun um mótið)
  

 

Erlingur gerist Goði

Erlingur Þorsteinsson (2040) (2124 FIDE) er genginn í Goðann úr skálkdeild Fjölnis.  Erlingur mun tefla á fyrsta borði í A-sveit Goðans í 4. deild 25.-27. september nk. í Reykjavík.
Ekki þarf að fjölyrða um hve mikill fengur það er fyrir félagið að fá hann til liðs við sig. Erlingur hefur teflt 536 kappskákir á ferlinum. Hann er því sannkallaður reynslubolti.

Erlingur flutti í Lauga í Reykjadal nú í ágúst og kennir við framhaldsskólann á Laugum í vetur.

A-sveit Goðans styrkist því til muna með tilkomu Erlings í Goðann og Sindra Guðjónssonar sem gekk til liðs við félagið fyrr í vikunni. Eins munar mikið um endurkomu Sigurðar Jóns Gunnarssonar (1880) að skákborðinu. Þessir þrír skákmenn skipa væntanlega þrjú efstu borðin í A-sveitinni.

EM ungmenna: Dagur Andri, Jón Kristinn og Jóhanna Björg sigruðu í fimmtu umferð

Dagur Andri Friðgeirsson, Jón Kristinn Þorgeirsson og Jóhanna Björg Jóhannsdóttir sigruðu öll í fimmtu umferð EM ungmenna sem fram fer í Fermo á Ítalíu.  Daði Ómarsson og Hallgerður Helga Þorsteinsdóttir gerðu jafntefli.  Jón Kristinn hefur flesta vinninga íslensku skákmannanna eða 3 talsins.  Daði Ómarsson hefur 2,5 vinning.  Frídagur er á morgun og sjöttu umferð fer fram á sunnudag. 

Úrslit 5. umferðar:

Name	Rtg	Result	Name	Rtg	Group
Omarsson Dadi	2091	½ - ½	Pomaro Alberto	2284	Boys U18
Scott Jonathan	0	0 - 1	Fridgeirsson Dagur Andri	1775	Boys U14
Thorgeirsson Jon Kristinn	0	1 - 0	Gesyan Suren	0	Boys U10
Hauksdottir Hrund	0	0 - 1	Kholova Elena	0	Girls U14
Johannsdottir Johanna Bjorg	1721	1 - 0	Cavalli Benedetta	0	Girls U16
Sargsyan Shushanna	1916	1 - 0	Helgadottir Sigridur Bjorg	1712	Girls U18
Thilaganathan Jessica	1899	½ - ½	Thorsteinsdottir Hallgerdur	1941	Girls U18

Jón Kristinn hefur 3 vinninga, Daði 2,5 vinning, Dagur Andri, Jóhanna Björg og Hallgerður Helga hafa 2 vinninga og Hrund og Sigríður Björg hafa 1 vinning.

Daði Ómarsson teflir í flokki drengja 18 ára og yngri, Dagur Andri Friðgeirsson í flokki 14 ára og yngri og Jón Kristinn Þorgeirsson í flokki 10 ára og yngri.  Hallgerður Helga Þorsteinsdóttir og Sigríður Björg Helgadóttir tefla í flokki stúlkna 18 ára og yngri, Jóhanna Björg Jóhannsdóttir í flokki 16 ára og yngri og Hrund Hauksdóttir í flokki 14 ára og yngri.

• Heimasíða mótsins
• Chess-Results

Skákmót í Rauðakrosshúsinu á mánudag.

Mánudaginn 7. september, klukkan 13:30, heldur Skákfélag Vinjar hraðskákmót.  Tefldar verða sex umferðir með sjö mínútna umhugsunartíma eftir Monradkerfi.

Verðlaun verða veitt fyrir efstu sætin og dregnir verða út happadrættisvinningar.  Allt skákáhugafólk er hjartanlega velkomið.

Skákstjóri: Hrannar Jónsson, skákkennari.

Vinnslustöðvarmótið hefst í dag

Í kvöld hefst Vinnslustöðvarmótið í Eyjum og eru nú skráðir 14 keppendur á mótið og hver að verða síðastur að skrá sig.  Skráning fer fram hjá Sverri í síma 858 8866 og Gauta í síma 898 1067.

Keppendur eru nú þessir í stafrófsröð :

Nafn . . . . . . . . . . . . Ísl stig. -  FIDE
  Björn Freyr Björnsson 2140 -
  Björn Ívar Karlsson  2170  -  2200
  Daði Steinn Jónsson  1415
  Einar Guðlaugsson  1810
  Einar K. Einarsson   1995  -  2038
  Nökkvi Sverrisson  1700  -  1769
  Karl Gauti Hjaltason  1615
  Kjartan Guðmundsson 1840  -  1988
  Kristófer Gautason    1470
  Nökkvi Dan Elliðason  1165
  Ólafur Freyr Ólafsson  1330
  Sigurður Arnar Magnússon 1380 *
  Sverrir Unnarsson   1875  -  1980
  Ægir Páll Friðbertsson  2035  -  2192
  * Forstig. 

Taflfélag Vestmannaeyja stendur fyrir þessu árlega móti með tilstyrk Vinnslustöðvarinnar eins og síðustu tvö ár.  Verðlaun verða að venju bikar og verðlaunapeningar fyrir efstu sæti en sérstök verðlaun eftir atvikum m.v. aldur og e.a. stigum.

Mótið er með hefðbundnu sniði, 7 umferðir alls, fyrst 3 atskákir á föstudagskvöldinu, svo þrjár kappskákir á laugardeginum og síðan síðasta skákin á sunnudeginum.

  DAGSKRÁ:
  Föstudagur kl. 20 1. umf. atskák (25 mín)
  Föstudagur kl. 21, 2. umf. atskák
  Föstudagur kl. 22, 3. umf. atskák
  Laugardagur kl. 10, 4. umf. kappskák (60 mín +30 sek)
  Laugardagur kl. 14, 5. umf. kappskák
  Laugardagur kl. 18, 6. umf. kappskák
  Sunnudagur kl. 11, 7. umferð kappskák

Keppt er eftir svissneska kerfinu og er mótið opið gestum.    Mótshaldarar áskilja sér rétt til breytinga á dagskrá og keppnisfyrirkomulagi fram að móti.