Hraðskákmeistaramót SSON fer fram í kvöld

Hraðskákmeistaramót SSON fer fram á miðvikudag 9.des kl 19:30 í Selinu á
Selfossi.  Mótið er öllum opið og verða tefldar 5 mínútna skákir.

Jólamót Vinjar & Víkingaklúbbsins í Víkingaskák fer fram í kvöld í Vin

Jólamót Vinjar & Víkingaklúbbsins í Víkingaskák, verður miðvikudaginn 9. desember kl. 19.00 í húsnæði Vinajar Hverfisgötu 47 í Reykjavík.  Tefldar verða 5 umferðir og umhugsunartími er 12 mínútur á skák.

Jólapakkamót Hellis fram 19. desember í Ráðhúsinu

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Skráning fer fram á Heimasíðu Hellis. 

Róbert vann í fyrstu umferð

FIDE-meistarinn Róbert Lagerman (2358) er meðal keppenda á opnum flokki á London Chess Classic-mótinu sem hófst í dag.  Í fyrstu umferð sigraði Róbert en því er ekki aðgengilegt á vefnum við hvern Róbert tefldi.   Jorge Fonseca (2032) er einnig meðal keppenda en hann tapaði í dag.   Um tugur stórmeistara tekur þátt í flokknum og þeirra stigahæstur er Norðmaðurinn Jon Ludwig Hammer (2588).  

Í 2. umferð, sem fram fer á morgun tefla þeir félagarnir báðir við stigalægri andstæðinga.

 

• London Chess Classic
• Skákirnar í beinni
• ChessBomb Arena

Deild 14 sigraði á jólamóti Hróksins og Skákfélags Vinjar

Jólamót var haldið í hátíðarsalnum, Landsspítala að Kleppi, í gær mánudag eftir hádegi. Fyrir tæpum tveimur áratugum var þetta árlegur viðburður milli geðdeilda en lá niðri í mörg ár áður en Hrókurinn og Skákfélagið í Vin tóku sig saman og endurvöktu keppnina.  Með breyttum aðstæðum í geðheilbrigðismálum er mótið nú opið athvörfum, sambýlum og klúbbum sem koma að málefninu.

Forseti Skáksambands Íslands, Gunnar Björnsson, hélt stutta tölu og  setti svo mótið. Gunnar  var geðdeildarstarfsmaður á sínum yngri  árum, einmitt að Kleppsspítala, í þrjú ár og væntanlega er ekki hægt að hugsa sér betri þjálfun í mannlegum samskiptum og að takast á við krefjandi verkefni fyrir bankastarfsmanninn.

Þá lék Gunnar fyrsta leikinn í skák Gunnars og Gunnars, þar sem Gunnar Freyr Rúnarson sem keppti fyrir Búsetukjarna Reykjavíkurborgar á móti Gunnari Gestssyni sem var á fyrsta borði fyrir áfangastaðinn að Flókagötu 29-31.  Að sjálfsögðu lék Gunnar, Gunnar 3, enda Gunnarnir þrír. 

Metþátttaka var að þessu sinni, sjö þriggja manna lið. Reglur eru að ekki má meira en einn starfsmaður vera í hverju liði. Tefldar voru fimm umferðir með sjö mínútna umhugsunartíma  og það var líf og fjör í salnum.

Bóka- og tónlistarútgáfan  SÖGUR  gaf glæsilega bókavinninga  og nýr bikar fer á nýja hillu en deild 12 hefur verið ósigrandi á mótinu  undanfarin ár og var svo sannarlega liðið sem allir vildu vinna.

Deild 14 sigraði glæsilega og var liðið skipað þeim Birni Sölva Sigurjónssyni, afmælisbarni dagsins honum Hauki Halldórssyni og Vésteini Valgarðssyni.

Í öðru sæti kom sterkt lið Búsetukjarna Reykjavíkurborgar,  Vin og Deild 12 deildu með sér bronsinu, þá kom Sambýlið að Byggðarenda, Iðjuþjálfun og heiðurssætið skipaði skemmtilegt lið frá Flókagötunni.

Hrannar Jónsson var skákstjóri og leysti það verkefni algjörlega óaðfinnanlega, sem svo oft áður.

Sterkar skáksveitir Laugalækjaskóla

Skáksveitir Laugalækjaskóla gerðu góða ferð á Jólamót ÍTR og TR sem fram fór í gærkvöldi. A-sveit skólans vann mótið nokkuð örugglega og b-sveitin náði bronsinu. Rétt eins og í yngri flokki komst Hólabrekkuskóli á verðlaunapall og hreppti nú silfrið eftir að hafa náð góðu jafntefli gegn sigurvegurunum þar sem Dagur Kjartansson sýndi mikla kænsku og baráttu gegn Erni Leó Jóhannssyni og barði þann síðarnefnda niður á tíma. Sveit Hólabrekkuskóla og b-sveit Laugalækjaskóla voru reyndar jafnar að vinningum en fyrrnefnda sveitin vann örugglega á stigum. Vert er að geta góðs árangurs Fellaskóla sem náði fjórða sætinu með mikilli seiglu.

Hagaskóli sendi 6 sveitir á mótið sem er afrek út af fyrir sig. Eins og Vesturbæinga er von og vísa voru Hagaskólakrakkarnir í sparidressunum sínum á skákmóti; drengir í hvítum skyrtum með hálstau og stúlkur í pilsum. Klæðnaðurinn kom þeim þó ekki nógu langt en stúlknasveit skólans hreppti þó silfrið og var ekki langt á eftir stúlknasveit Engjaskóla sem hreppti gullið meðal kvennanna.

Úrslit mótsins:

• 1.      Laugalækjaskóli                    21 vinningar af 24
• 2.      Hólabrekkuskóli                    16 v.
• 3.      Laugalækjaskóli b-sv.            16 v.
• 4.      Fellaskóli                                14 v.
• 5.      Hagaskóli c-sv.                       13.5 v.
• 6.      Hagaskóli a-sv.                       13 v.
• 7.      Hlíðaskóli                               13 v.
• 8.      Hagaskóli b-sv.                       12.5 v.
• 9.      Ölduselsskóli                           12 v.
• 10.  Engjaskóli stúlkur                    11.5 v.
• 11.  Hagaskóli d-sv.                        11.5 v.
• 12.  Hagaskóli stúlkur                      7.5 v.
• 13.  Hagaskóli e-sv.                          6.5 v.
• 14.  Skottuskóli                                 0 v.

Skákstjórar voru Ólafur H. Ólafsson og Sigurlaug Regína Friðþjófsdóttir

A-sveit Laugalækjaskóla:

• 1.      Örn Leó Jóhannsson
• 2.      Emil Sigurðarson
• 3.      Eyjólfur Emil Jóhannesson
• 4.      Alexander Már Brynjarsson

Sveit Hólabrekkuskóla

• 1.      Dagur Kjartansson
• 2.      Brynjar Steingrímsson
• 3.      Guðmundur Freyr Magnússon
• 4.      Sverrir Freyr Kristjánsson

 B-sveit Laugalækjaskóla

• 1.      Jóhann Karl Hallsson
• 2.      Franco Soto
• 3.      Ragnar Pétur Jóhannsson
• 4.      Kári Jóhannesson
• v. Gunnar Ingi Harðarson

Stúlknasveit Engjaskóla

• 1. Elín Nhung Viggósdóttir
• 2. Eva Valdís Hákonardóttir
• 3. Eygló Freyja Þrastardóttir
• 4. Unnur Ósk Burknadóttir

 Fjölmargar myndir væntanlegar í myndalbúm mótsins.

Jólamót Vinjar & Víkingaklúbbsins í Víkingaskák

Jólamót Vinjar & Víkingaklúbbsins í Víkingaskák, verður miðvikudaginn 9. desember kl. 19.00 í húsnæði Vinajar Hverfisgötu 47 í Reykjavík.  Tefldar verða 5 umferðir og umhugsunartími er 12 mínútur á skák.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 7. desember og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Fádæma yfirburðir Rimaskóla

A-sveit Rimaskóla sýndi fádæma yfirburði á Jólamóti ÍTR og TR þegar sveitin vann allar viðureignir sínar 4-0! Rak skeleggan skákstjóra mótsins Ólaf H. Ólafsson ekki minni til að þetta afrek hafi verið leikið eftir áður og hefur Ólafur þó verið skákstjóri í sveitakeppnum grunnskóla í þrjá áratugi. Rimaskólakrakkarnir lét ekki 1. sætið nægja sér heldur lenti b-sveit skólans í 2. sæti og stúlknasveit og c-sveit skólans stóðu sig einnig vel. Frábær árangur hjá Rimaskóla og enn ein staðfesting þess hversu mikið stórveldi skólinn er í skólamótum. Ung og efnileg sveit Hólabrekkuskóla náði svo 3. sætinu. Stúlknasveit Engjaskóla varð efst stúlknasveita í mótinu.

            Keppni í eldri flokki fer fram á morgun og hefst klukkan 17. Eins og í dag verður teflt í Skákhöllinni að Faxafeni 12. Skákstjórar voru Ólafur H. Ólafsson og Sigurlaug R. Friðþjófsdóttir. Mótshald var allt með hinu besta móti og mátti greina ánægju á svip þeirra fjölmörgu foreldra sem horfðu á krakkana tefla.

 

Úrslit mótsins:

• 1.      Rimaskóli a-sv.                   24 vinningar af 24!
• 2.      Rimaskóli b-sv.                   17,5
• 3.      Hólabrekkuskóli a-sv.         14,5
• 4.      Engjaskóli b-sv.                  14
• 5.      Fellaskóli                            13
• 6.      Engjaskóli stúlkur               13
• 7.      Grandaskóli                         12,5
• 8.      Rimaskóli c-sv.                   12,5
• 9.      Melaskóli                             12,5
• 10.  Laugalækjaskóli a-sv.          12
• 11.  Fossvogsskóli a-sv.              12
• 12.  Hlíðaskóli                            11,5
• 13.  Engjaskóli a-sv.                   10,5
• 14.  Laugalækjaskóli a-sv.          10,5
• 15.  Rimaskóli stúlkur                 10
• 16.  Fossvogsskóli b-sv.               10
• 17.  Ísaksskóli                              9,5
• 18.  Fossvogsskóli c-sv.               8,5
• 19.  Landakotsskóli                      7
• 20.  Hólabrekkuskóli b-sv.            6,5  

A-sveit Rimaskóla:

• 1.      Oliver Aron Jóhannesson
• 2.      Dagur Ragnarsson
• 3.      Jón Trausti Harðarson
• 4.      Kristófer Jóel Jóhannesson

B-sveit Rimaskóla

• 1.      Andri Jökulsson
• 2.      Jóhann Andri Finnsson
• 3.      Hafþór Andri Helgason
• 4.      Kjartan Vignisson

A-sveit Hólabrekkuskóla:

• 1.      Friðrik Daði Smárason
• 2.      Donika Kolica
• 3.      Heimir Páll Ragnarsson
• 4.      Birgir Snær Baldvinsson

Stúlknasveit Engjaskóla

• 1.      Honey Grace Z. Bargamento
• 2.      Aldís Birta Gautadóttir
• 3.      Rósa Linh Róbertsdóttir
• 4.      Ástdís Eik Aðalsteinsdóttir

 

Myndaalbúm mótsins

Skákþáttur Morgunblaðsins: Friðrik liðsstjóri gömlu meistaranna

Friðrik Ólafsson er liðsstjóri „Reynslunnar" sem þessa dagana etur kappi við úrvalslið kvenna í Marianske Lazne í Tékklandi, smábæ sem er rómaður fyrir heilsulindir.

Friðrik Ólafsson er liðsstjóri „Reynslunnar" sem þessa dagana etur kappi við úrvalslið kvenna í Marianske Lazne í Tékklandi, smábæ sem er rómaður fyrir heilsulindir. Friðrik er að þessu sinni í hlutverki liðsstjóra en Viktor Kortsnoj, Vlastimil Hort, Robert Hubner og Jan Timman heyja keppni á fjórum borðum gegn indversku skákdrottningunni Humpy Koneru, Katerinu Lahno frá Úkraínu og tékknesku skákkonunni Jönu Jackovu og Önnu Muzychuku frá Slóvakíu. Heiðursgestur er fyrrverandi heimsmeistari, Boris Spasskí.

Hinir nafntoguðu jaxlar af gamla skólanum eiga við ramman reip að draga; eftir fimm umferðir af átta höfðu konurnar náð öruggri forystu: 11½ : 8½.

Margvísleg vopnaviðskipti hafa átt sér stað millum sexmenninganna um áratuga skeið. Sumir hafa háð fleiri en eitt einvígi sín í milli. Þar ber hæst tvö mögnuð einvígi sem Spasskí og Kortsnoj háðu með tíu ára millibili en sigurvegarinn vann sér þá inn rétt til skora á heimsmeistarann. Spasskí vann í Kænugarði árið 1968 6½ : 3½ en í Belgrad í ársbyrjun 1978 snerist dæmið við og Kortsnoj vann 10½ : 7½.

16 ára Filippseyingur sló út Ivantsjúk og Kamsky

Fyrir daga Anand og kínversku skákbyltingarinnar voru Filippseyingar herraþjóðin á skáksviðinu í Asíu. Eftir mikinn uppgang á áttunda áratug síðustu aldar var eins og einhver stöðnun tæki við og lítil endurnýjun átti sér þar til nú að 16 ára Filippseyingur Wesley So kveður sér hljóðs á heimsbikarmóti FIDE sem stendur yfir í Khanty Mansiysk í Siberíu. Slær úr keppni tvo af sigurstranglegustu keppendunum, þá Vasilí Ivantsjúk og Gata Kamsky. Ekki vakti minni athygli hvernig nýjar reglur FIDE um mætingu urðu Kínverjunum Wang Yue og Li Chao að fótakefli í 3. umferð; rétt fyrir umferð virðist Wang Yue hafa „slakað jurt" til landa síns Li Chao en þar sem þeir stóðu í hvíldarherberginu og svældu hvor sína rettuna var skáklukkan sett í gang. Engin viðvera þýðir tap: þeir féllu báðir úr keppni.

Yfir 130 skákmenn hófu keppni á heimsbikarmótinu sem fram fer með útsláttarfyrirkomulagi. Gaman var að sjá Judit Polgar mætta til leiks. Hún sigraði Rúmenann í Nisipeanu í 2. umferð 4½ : 3½. Svo mætti hún Boris Gelfand. Fyrri kappskákinni af tveimur tapaði hún svo ekkert nema sigur dugði.

Baráttukraftur hennar í þessari mikilvægu skák er athyglisverður. Kraftmiklir leikir eru 19. g4 og 21. Rf5 en 21. Hxf7 virðist sterkara með hugmyndinni 21. ... Rxd2 22. Rf5! Gelfand er með dágóð færi en flækjurnar eiga illa við hann og þegar hann opnar allt upp á gátt með 27. f5 lifna biskuparnir við, 32. Hg6 er skemmtilegur lokahnykkur.

Heimsbikarmót FIDE:

Judit Polgar - Boris Gelfand

Vínartafl

1. e4 e5 2. Bc4 Rf6 3. d3 c6 4. De2 Be7 5. Rf3 0-0 6. Bb3 d6 7. 0-0 Rbd7 8. c3 a5 9. a4 b5 10. Bc2 Ba6 11. axb5 cxb5 12. Rbd2 Dc7 13. d4 a4 14. Bd3 Hfb8 15. Rh4 g6 16. f4 exf4 17. Rdf3 Rh5 18. Bd2 Rb6 19. g4 fxg3 20. Rg5 Rc4 21. Rf5 Bxg5 22. Bxg5 f6 23. Bh4 gxh2+ 24. Dxh2 Hf8 25. Be2 gxf5 26. Bxh5 fxe4 27. Df4 f5? 28. Kh1! Kh8 29. Hg1 Hf7 30. Bxf7 Dxf7 31. Dh6 Hf8

32. Hg6 - og svartur gafst upp.

Eftir þetta var gripið til skáka með styttri umhugsunartíma og þar varð Ísraelsmaðurinn hlutskarpari. Lokatölur urðu 3½ : 1½ .

Helgi Ólafsson [e-mail]