Riddarinn: Öldungar heiðraðir

Í tengslum við nýársmót Riddarans, skákklúbbs eldri borgara á höfuðborgarsvæðinu, var ákveðið með fulltingi allra  klúbbfélaga sem eru yfir 30 að tölu að heiðra þá: Bjarna Linnet (82), Hauk Sveinsson( 86) og Sigurberg H. Elentínusson (82) með því að sæma þá stór- & heiðursriddaranafnbót í virðingar- og þakklætisskyni fyrir störf þeirra og þátttöku í klúbbnum allt frá stofnun hans fyrir meir en áratug síðan.

Þeir eru allir  í hópi stofnfélaga klúbbsins og hafa teflt í honum frá upphafi  sjálfum sér og öðrum til yndisauka og verið virkir í skákhreyfingunni um áratugaskeið.  Allir eru þeir öflugir og slyngir skákmenn og harðsnúnir á hvítum reitum og svörtum,  jafnframt því að vera traustir félagar og hvers manns hugljúfar í góðum skákvinahópi. Því voru þeir félagar með viðeigandi seramoníu að viðstöddum Sr. Gunnþór Ingasyni, verndara klúbbsins, slegnir til stór- og heiðursriddara af  virðingu og þakklæti fyrir:                        

> framlag þeirra  til klúbbsins

> drengskap þeirra og fórnfýsi

> hugkvæmni þeirra  og háttvísi

> og snilli þeirra   á skákborðinu

Því  til staðfestu var þeim síðan afhent riddarastytta með áletruðu nafni sínu, klúbbsins og ártali, ásamt  viðurkenningarskjali og ósk um að þeim megi ævinlega velfarnast innan og utan skákborðsins enn um langa hríð.

Því miður gat Bjarni ekki verið viðstaddur athöfnina en úr því verður bætt fljótlega.

Myndaalbúm

Atkvöld hjá Helli

Taflfélagið Hellir heldur atkvöld mánudaginn  4. janúar 2010 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

KORNAX mótið 2010 - Skákþing Reykjavíkur hefst 10. janúar

KORNAX mótið 2010 - Skákþing Reykjavíkur hefst sunnudaginn 10. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12. 

Skráning fer fram á heimasíðu TR og upplýsingar um þegar skráða keppendur má nálgast hér.  

Verðlaun:

• 1. sæti kr. 50.000
• 2. sæti kr. 30.000
• 3. sæti kr. 20.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)

Sigurvegarinn hlýtur auk þess nafnbótina Skákmeistari Reykjavíkur 2010 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson.

Þátttökugjöld:

• kr. 3.500 fyrir 16 ára og eldri
• kr. 2.000 fyrir 15 ára og yngri

 
Dagskrá:

 

• 1. umferð sunnudag   10. janúar  kl. 14
• 2. umferð miðvikudag 13. janúar  kl. 19.30
• 3. umferð föstudag     15. janúar  kl. 19.30
• 4. umferð sunnudag   17. janúar  kl. 14
• 5. umferð miðvikudag 20. janúar  kl. 19.30
• 6. umferð föstudag      22. janúar  kl. 19.30
• 7. umferð sunnudag    24. janúar  kl. 14
• 8. umferð miðvikudag 27. janúar  kl. 19.30
• 9. umferð föstudag      29. janúar  kl. 19.30

Skákþingið er reiknað til alþjóðlegra skákstiga.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Hraðskákmót Reykjavíkur verður haldið sunnudaginn 31. janúar og hefst það kl. 14.00. Tefldar verða 2x7 umferðir eftir Monradkerfi.

Gleðilegt ár!

Ritstjóraforsetinn óskar skák- og skákáhugamönnum nær og fjær gleðilegs ár og þakkar fyrir samstarfið á liðnum árum.

 

Henrik skákmaður Hauka 2009

Skákmaður Hauka er stórmeistarinn Henrik Danielsen.  Henrik er núverandi Íslandsmeistari í skák og einnig fastamaður í landsliði Íslands.

Henrik hefur staðið sig vel fyrir Hauka í keppnum og verið góð fyrimynd fyrir skákmenn Hauka.
Hann er einnig góður vinur og félagi og er vel að titlinum kominn.   Henrik Danielsen er skákmaður Hauka árið 2009.
 

Björn Ívar sigraði á Volcano Open

Í dag, gamlársdag fór fram hið árlega Volcano Open skákmót í Vestmannaeyjum.  Einsi Kaldi bauð upp á heita súpu í hléinu og rann hún ljúflega niður á milli umferða.  Keppendur voru 15 talsins og voru tefldar 9 umferðir.

  Björn Ívar sigraði mótið í heild og vann allar sínar skákir.

Helstu úrslit:

Volcano Open.
1. Björn Ívar Karlsson  9 vinn.
2. Sverrir Unnarsson  7,5 vinn.
3. Nökkvi Sverrisson  7 vinn.

15 ára og yngri.
1. Nökkvi Sverrisson  7 vinn.
2. Kristófer Gautason  5. vinn.
3. Daði Steinn Jónsson  5. vinn.

10 ára og yngri.
1. Róbert Aron Eysteinsson 4,5 vinn.
2.  Jörgen Freyr Ólafsson  4 vinn.
3.  Lárus Garðar Long   2 vinn.

Sæti	Name	stig	vin	BH.
1	Björn Ívar Karlsson	2175	9	46½
2	Sverrir Unnarsson	1880	7½	43½
3	Nökkvi Sverrisson	1750	7	44½
4	Sigurjón Þorkelsson	1885	5	47½
5	Karl Gauti Hjaltason	1560	5	47
6	Ólafur Týr Guðjónsson	1650	5	47
7	Kristófer Gautason	1530	5	41½
8	Daði Steinn Jónsson	1540	5	38
9	Stefán Gíslason	1625	4½	49½
10	Ólafur Freyr Ólafsson	1305	4½	38½
11	Róbert Eysteinsson	1315	4½	33½
12	Jörgen Freyr Ólafsson	1110	4	33½
13	Einar Sigurðsson	1685	3	33
14	Lárus G Long	1125	2	30½
15	Hafdís Magnúsdóttir	0	1	33½

Volcano Open fer fram í Eyjum í dag

Hið árlega Volcano Open skákmót fer fram á Volcano Café kl. 13:00 í dag, Gamlársdag. Tefldar verða hraðskákir með 5 mínútna umhugsunartíma.  Boðið er upp á glæsileg verðlaun og það ekki af verri endanum :

1. Verðlaun: 10.000 kr.
2. Verðlaun: 5.000 kr gjafabréf á Volcano Café
3. Verðlaun: 2.500 kr. gjafabréf á Volcano Café

Að auki verða veittir verðlaunapeningar í eftirfarandi flokkum:
Mótinu í heild,
Yngri en 15 ára og
Yngri en 10 ára.

Að loknu móti fer fram verðlaunaafhending fyrir mót á haustönn félagsins.

Allir velkomnir, kostar ekkert að taka þátt.  Frést hefur að nokkrir skáksjúkir áhugamenn af höfuðborgarsvæðinu ætli sér að taka þátt og vera með í áramótagleði Eyjamanna um kvöldið.

Athugið að þetta er eina skákmótið sem er í boði á gamlársdag á landinu !

Skráning í KORNAX mótið 2010 - Skákþing Reykjavíkur

Búið  er að setja upp skráningarform fyrir KORNAX mótið 2010 - Skákþing Reykjavíkur á heimasíðu TR en mótið hefst 10. janúar nk.   

Skákmenn eru hvattir til að skrá sig sem fyrst til leiks.  

Heimasíða TR

Björn Ívar jólaatskákmeistari TV

Björn Ívar varð efstur með á Jólaatskákmóti TV sem fór fram í gærkvöldi. Tefldar voru 5 umferðir með 15 mínútna umhugsunartíma. Björn Ívar sigraði alla andstæðinga sína. Jafnir í 2-3 sæti komu feðgarnir Nökkvi og Sverrir með 3,5 vinninga.

 

Lokastaða Jólaatskákmóts TV

 

sæti	Nafn	atst	vi	BH.
1	Björn Ívar Karlsson	2225	5	11½
2	Nökkvi Sverrisson	1725	3½	14½
	Sverrir Unnarsson	1960	3½	14½
4	Ólafur Týr Guðjónsson	1610	3	10½
5	Stefán Gíslason	1715	2½	13
6	Karl Gauti Hjaltason	1585	2½	11½
7	Róbert Aron Eysteinsson	0	2½	11½
8	Sigurður A Magnússon	1365	1½	13
9	Daði Steinn Jónsson	1535	1	12½

 

Næsta mót Taflfélagsins er Volcano open sem fer fram á Gamlársdag kl. 13 á Volcano Café.

Helgi og Davíð landsliðsþjálfarar

Helgi Ólafsson og Davíð Ólafsson hafa verið ráðnir landsliðsþjálfarar íslensku liðina fyrir ólympíuskákmótið sem fram fer í Khanty-Mansiysk í Rússlandi í september-október 2010.  Helgi verður þjálfari og liðsstjóri liðsins í opnum flokki og Davíð gegnir sama hlutverki fyrir kvennaliðið.  Liðsval beggja liða mun liggja fyrir í fyrri hluta maí-mánaðar.