Dagur og Guðmundur unnu í sjöundu umferð í Harkany

Dagur Arngrímsson (2392) og Guðmundur Kjartansson (2284) unnu báðir sínar skákir í sjöundu umferð alþjóðlega mótsins í Harkany í Ungverjalandi.  Bragi Þorfinnsson (2383) gerði jafntefli en Jón Viktor Gunnarsson (2430) tapaði.   Dagur hefur möguleika á stórmeistaraáfanga en til þess þarf allt að ganga honum í hag í lokaumferðunum tveimur.  Guðmundur hefur möguleika á að ná áfanga að alþjóðlegum meistaratitli.  

Dagur vann ungverska stórmeistarann Adam Horvath (2514) og Guðmundur sigraði franska alþjóðlega meistarann Vladimir Okhotnik (2445), Bragi gerði jafntefli við ungverska alþjóðlega meistarann Dr. Evarth Kahn (2297) og Jón Viktor tapaði fyrir alþjóðlega meistaranum Thal Abergal (2509).  

Dagur hefur 5,5 vinning og er í 2.-6. sæti, Guðmundur hefur 5 vinninga og er í 7.-19. sæti, Jón Viktor hefur 4,5 vinning og er í 20.-31. sæti og Bragi hefur 4 vinninga og er í 32.-51. sæti.  Kúverski alþjóðlegi meistarinn Fidel Corrales Jimenez (2552) er efstur með 6 vinninga.

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Jón Viktor, Dagur og Bragi unnu í sjöttu umferð

Jón Viktor Gunnarsson (2430), Dagur Arngrímsson (2392) og Bragi Þorfinnsson (2383) unnu allir sínar skákir í sjöttu umferð alþjóðlega mótsins í Harkany í Ungverjalandi.  Guðmundur Kjartansson (2284) gerði hins vegar jafntefli.  

Jón Viktor vann ungverska alþjóðlega meistarann Jevgenyij Boguszlavszkij (2264), Dagur sigraði úkraínska stórmeistarann Vadim Shishkin (2502) og Bragi lagði austurríska skákmanninn Bruno Steiner (2177) en Guðmundur gerði jafntefli við ungverska alþjóðlega meistarann Tamas Meszaros (2432).

Jón Viktor og Dagur hafa 4,5 vinning og eru í 3.-17. sæti, Guðmundur hefur 4 vinninga og er í 18.-32. sæti og Bragi hefur 3,5 vinning og er í 33.-49. sæti.  Efstir með 5 vinninga eru kúbverski alþjóðlegi meistarinn Fidel Corrales Jiminez (2552) og ungverski stórmeistarinn Viktor Erdos (2577).

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Guðmundur vann í fimmtu umferð í Harkany

Guðmundur Kjartansson (2284) vann bandaríska alþjóðlega meistarann Joseph M. Bradford (2423) í fimmtu umferð alþjóðlega mótsins í Harkany, sem fram fór í dag.  Dagur Arngrímsson (2392) og Bragi Þorfinnsson (2383) gerðu jafntefli.  Dagur við enska alþjóðlega meistarann Stephen J. Gordon (2521) og Bragi við Ungverjann Robert Vincze (2188).  Jón Viktor Gunnarsson (2430) tapaði fyrir stigahæsta keppenda mótsins, ungverska stórmeistaranum Viktor Erdos (2577).  

Jón Viktor, Dagur og Guðmundur hafa 3,5 vinning og eru í 12.-32. sæti.  Bragi hefur 2,5 vinning og er í 50.-71. sæti.  Alþjóðlegu meistararnir Fidel Corrales Jiminez (2552), Kúbu, og Thal Abargel (2509), Frakklandi, eru efstir með 4,5 vinning. 

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Jón Viktor, Dagur og Guðmundur unnu í Harkany - Jón í 1.-11. sæti

Jón Viktor Gunnarsson (2430), Dagur Arngrímsson (2392) og Guðmundur Kjartansson (2284) sigruðu allir í fjórðu umferð alþjóðlega mótsins í Harkany, sem fram fór í dag.  Bragi Þorfinnsson (2383) tapaði hins vegar.

Jón Viktor vann alþjóðlega meistarann David Berczes (2514), Dagur sigraði ungverska FIDE-meistarann Istvan Somogyi (2237) og Guðmundur lagði Ungverjann Tibor Kende Antal (2100).

Jón Viktor hefur 3,5 vinning og er í 1.-11. sæti, Dagur hefur 3 vinninga og er í 12.-24. sæti, Guðmundur hefur 2,5 vinning og er í 25.-50. sæti, og Bragi hefur 2 vinninga og er í 51.-73. sæti.

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Jón Viktor og Bragi með jafntefli í Harkany

Alþjóðlegu meistararnir Jón Viktor Gunnarsson (2430) og Bragi Þorfinnsson (2383) gerðu jafntefli í þriðju umferð alþjóðlega mótsins í Harkany í Ungverjalandi, sem fram fór í dag.  Dagur Arngrímsson (2392) og Guðmundur Kjartansson (2284) töpuðu hins vegar.  

Jón Viktor gerði jafntefli við ungverska alþjóðlega meistarann David Berczes (2514) og Bragi við ungverska stórmeistarann og stigahæsta keppenda mótsins Viktor Erdes (2577).   

Jón Viktor hefur 2,5 vinning, Dagur og Bragi hafa 2 vinninga en Guðmundur hefur 1,5 vinning.

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Gott gengi í 2. umferð í Harkany

Það gekk vel í 2. umferð  alþjóðlega mótsins í Harkany í Ungverjalandi.  Jón Viktor Gunnarsson (2430) Dagur Arngrímsson (2392) og Bragi Þorfinnsson (2383) unnu en Guðmundur Kjartansson gerði jafntefli (2284).

Jón Viktor vann Ungverjann Adam Feher (2229), Dagur sigraði ungverska alþjóðlega meistarann Miklos Kaposztas (2228) og Bragi lagði Ungverjann Lszlo Bodrogi (2122).   Guðmundur gerði jafntefli við ungverska alþjóðlega meistarann Gyula Pap (2467).

Jón Viktor og Dagur hafa tvo vinninga en Bragi og Guðmundur hafa 1½ vinning.

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

 

 

Góð byrjun í Harkany

Jón Viktor Gunnarsson, Dagur Arngrímsson og Guðmundur Kjartansson unnu allir í fyrstu umferð alþjóðlegs móts sem hófst í Harkany í Ungverjalandi í dag.  Bragi Þorfinnsson gerði jafntefli.

Heimasíða mótsins

 

 

Ól 2008: Mæta Bandaríkjamönnum og Japan í fyrstu umferð

Íslenska liðið mætir mjög sterku liði Bandaríkjamanna í fyrstu umferð opins flokks sem fram fer í dag í Dresden í Þýskalandi.  Á fyrsta borði í liði Bandaríkjamanna teflir Gata Kamsky.   Íslenska liðið hefur hvítt á fyrsta borði. 

Kvennaliðið mætir liði Japan í fyrstu umferð.

Opinn flokkur:

 

Lið Íslands:

Bo.		Name	Rtg	FED
45. ISL (RtgAvg:2520, Captain:Bjornsson, Sigurbjorn)
1	GM	Stefansson Hannes	2575	ISL
2	GM	Steingrimsson Hedinn	2540	ISL
3	GM	Danielsen Henrik	2492	ISL
4	IM	Kristjansson Stefan	2474	ISL
5	GM	Thorhallsson Throstur	2455	ISL

Lið Bandaríkjanna:

Bo.		Name	Rtg	FED
10. USA (RtgAvg:2673, Captain:Donaldson, John W)
1	GM	Kamsky Gata	2729	USA
2	GM	Nakamura Hikaru	2704	USA
3	GM	Onischuk Alexander	2644	USA
4	GM	Shulman Yuri	2616	USA
5	GM	Akobian Varuzhan	2606	USA

 

Kvennaflokkur:

 

Lið Íslands:

 

64. ISL (RtgAvg:2029, Captain:Kristjansson, Bragi)
1	WGM	Ptacnikova Lenka	2237	ISL
2	WFM	Thorsteinsdottir Gudlaug	2156	ISL
3		Thorsteinsdottir Hallgerdur	1915	ISL
4		Fridthjofsdottir Sigurl Regin	1806	ISL
5		Kristinardottir Elsa Maria	1776	ISL

Lið Japan:

 

 

92. JPN (RtgAvg:1621, Captain:Watai, Miyoko)
1	Nakagawa Emiko	1860	JPN
2	Uchida Narumi	1822	JPN
3	Iwaki Rie	0	JPN
4	Wakabayashi Hisako	0	JPN

 

 

 

• Heimasíða mótsins
• Chess-Results
• Færsluflokkur Skák.is um Ól 2008

Guðmundur sigraði í lokaumferðinni

Guðmundur Kjartansson (2284) vann sína þriðju skák í röð í elleftu og síðustu umferð AM-flokks First Saturdays-mótsins, sem fram fór í dag. Guðmundur fékk 8 vinninga og var aðeins hálfum vinningi frá áfanga að alþjóðlegum meistaratitli.  Jón Viktor Gunnarsson (2430), Dagur Arngrímsson (2392) og Bragi Þorfinnsson (2383), sem tefldu í SM-flokki, gerðu allir jafntefli.  

Guðmundur endaði í öðru sæti í AM-flokki.  Árangur hans samsvaraði 2441 skákstigum og hækkar hann um 33 skákstig fyrir frammistöðu sína.  Ungverjinn Jonos Konnyo (2316) varð langefstur með 10 vinninga. 

Jón Viktor fékk 6 vinninga i SM-flokki og var sjötti en frammistaða hans samsvaraði 2464 skákstigum, Dagur fékk 4 vinninga og varð tíundi og Bragi 3½ vinning og varð ellefti. 

Jón Viktor hækkar um 5 stig en frammistaða hans samsvaraði 2464 skákstigum, Dagur lækkar um 9 stig en Bragi um 13 stig.  Frammistaða Dags samsvaraði 2330 skákstigum en Braga 2299 skákstigum.  Ungverski stórmeistarinn Zoltan Varga (2494) varð efstur með 8 vinninga.

First Saturday

Jón Viktor gerði jafntefli í áttundu umferð

Jón Viktor Gunnarsson (2430), sem teflir í SM-flokki First Saturday-mótsins í Búdapest í Ungverjalandi, gerði jafntefli við makedónska stórmeistarann Dragan Kosnic (2511) í áttundu umferð, sem fram fór í gær.  Allir hinir íslensku skákmennirnir töpuðu.

Jón Viktor hefur 4,5 vinning og er í 6. sæti, Dagur Arngrímsson (2392) og Bragi Þorfinnsson (2383) hafa 3 vinninga og eru í 9.-10. sæti en þremenningarnir tefla í SM-flokki.  Guðmundur Kjartansson (2294) hefur 5 vinninga í AM-flokki og er í 2.-3. sæti.   

Jón Viktor, Bragi og Dagur tefla allir í SM-flokki. Meðalstig í flokknum eru 2428 skákstig og þarf 8 vinning í 11 skákum til að ná áfanga að stórmeistaratitli.

Guðmundur teflir í AM-flokki. Þar eru meðalstigin 2268 skákstig og þar þarf 7,5 vinning í 11 skákum í áfanga að alþjóðlegum meistaratitli.First Saturday

First Saturday