Gunnar og Sigurður með jafntefli - Gunnar endaði í 5.-6. sæti

Gunnar Finnlaugsson (2104) og Sigurður E. Kristjánsson (1935) gerðu báðir jafntefli í níundu og síðustu umferð NM öldunga sem fram fór í Fredriksstad í Noregi í dag.  Gunnar við Svíann Leif Svensson (2192) og Sigurður við Danann Ernst J. Essen (1777).  Gunnar hlaut 6 vinninga og endar í 5.-6. sæti.  Sigurður hlaut 4,5 vinning og endar í 18.-22. sæti.   Norðurlandameistari varð finnski stórmeistarinn Heikki Westerinen (2315) en hann hlaut 8 vinninga.

Alls tóku 40 skákmenn þátt í mótinu. 

• Heimasíða mótsins
• Tournament Service
• Skákirnar í beinni

Gunnar með jafntefli og er í 4.-5. sæti fyrir lokaumferðina

Gunnar Finnlaugsson (2104) gerði jafntefli við Svíann Per Johansson (2025) í áttundu og næstsíðustu umferð NM öldunga sem fram fór í Fredriksstad í Noregi í dag.  Gunnar hefur 5 vinning og er í 4.-5. sæti.  Sigurður Kristjánsson (1935) tapaði fyrir Norðmanninn Tor-Egil Solberg (1634) og hefur 4 vinninga og er í 17.-24. sæti.  Efstur er finnski stórmeistarinn Heikki Westerinen (2315) með 7 vinninga.  

Í níundu og síðustu umferð sem fram fer á morgun teflir Gunnar við Svíann Leif Svensson (2192).  Skákin verður sýnd beint á vef mótsins og hefst útsending kl. 8 í fyrramálið

Alls taka 40 skákmenn þátt í mótinu. 

• Heimasíða mótsins
• Tournament Service
• Skákirnar í beinni

Hrannar teflir í Osló

Hrannar Baldursson (2110) tekur þessa dagana þátt í Meistaramóti Oslóskákklúbbsins.  Eftir 2 umferðir hefur Hrannar ½ vinning og er í 10.-13. sæti en hann teflir í a-flokki.  Í fyrstu umferð gerði hann jafntefli við Viggo Guddahl (2073) og í 2. umferð tapaði hann fyrir FIDE-meistaranum Björnar Byklum (2292).  Í þriðju umferð, sem fram fer á föstudag, teflir Hrannar við Tormod Claussen (1651). 

Alls taka 14 skákmenn þátt í a-flokki og þar á meðal stórmeistararnir Leif Erlend Johannessen (2532) og Leif Ögaard (2417).  Hrannar er áttundi stigahæstur keppenda.

• Heimasíða mótsins
  
• TurneringsService (ekki ósvipað forrit og Chess-Results)

 

 

Sigurður sigraði í 3. umferð - Gunnar með jafntefli

Sigurður Kristjánsson (1935) vann norska skákmanninn Tormod Rangoy (1592) í 3. umferð NM öldunga sem fram fór í Fredriksstad í dag.  Gunnar Finnlaugsson (2104) gerði jafntefli við danska skákmanninum Poulsten Holm Grabow (2204).  Gunnar hefur 2½ vinning og er í 3.-6. sæti en Sigurður hefur 2 vinninga og er í 7.-16. sæti.

Efstir með fullt hús eru finnski stórmeistarinn Heikki Westerinen (2315) og Svíinn Nils-Ake Malmdin (2282).

Fjórða umferð fer fram á morgun.

Alls taka 40 skákmenn þátt í mótinu. 

Heimasíða mótsins

Gunnar vann í 2. umferð

Gunnar Finnlaugsson (2104) vann norska skákmanninn Jon Arne Bjorgvik (1925) í 2. umferð Norðurlandamóts öldunga sem fram fór í Fredriksstad í Noregi í dag.  Sigurður E. Kristjánsson (1935) tapaði fyrir danska skákmanninum Poulsten Holm Grabow (2204).  Gunnar hefur 2 vinninga en Sigurður hefur 1 vinning.

Þriðja umferð fer fram á morgun. 

Heimasíða mótsins

Gunnar og Sigurður unnu í fyrstu umferð á NM öldunga

Gunnar Finnlaugsson (2104) og Sigurður E. Kristjánsson (1935) unnu báðir í fyrstu umferð Norðurlandamóts öldunga sem hófst í gær í Fredriksstad í Noregi.  Alls taka 40 keppendur þátt í mótinu en meðal keppenda er finnski stórmeistarinn Heikki Westerinen (2315).

Önnur umferð fer fram í dag.

Heimasíða mótsins

Skáksveit MR norðurlandameistari framhaldsskólasveita!

Skáksveit Menntaskólans í Reykjavík er norðurlandameistari framhaldsskólasveita en keppnin fór fram í Osló um helgina.  Sveitin sigraði norsku sveitina 3-1, sem þjálfuð er af Simen Agdestein, í lokaumferðinni þrátt fyrir að vera stigalægri á öllum borðum og náði þar með efsta sætinu af gestgjöfunum.  Sverrir Þorgeirsson og Hallgerður Helga Þorsteinsdóttir unnu og Bjarni Jens Kristinsson og Paul Frigge gerðu jafntefli.

Úrslit 3. umferðar:

 

Iceland3-1Norway

Þorgeirsson (2142)	1-0	Gandrud (2170)
Kristinsson (2018)	½-½	Thingstad (2105)
Þorsteinsdóttir (1941)	1-0	Nilsen (2082)
Frigge (1828)	½-½	Mikalsen (1932)

 

Lokastaðan:

1. MR 9 v.
2. Noregur 8 v.
3. Svíþjóð 5,5 v.
4. Finnland 1,5v.

Skáksveit MR:

1. Sverrir Þorgeirsson 2,5 v.
2. Bjarni Jens Kristinsson 1,5 v.
3. Hallgerður Helga Þorsteinsdóttir 2,5 v.
4. Paul Frigge 2,5 v.

 

Heimasíða mótsins

 

NM framhaldsskólasveita hefst í dag

Norðurlandamót framhaldsskólasveita hefst í dag í Osló í Noregi.  Skáksveit MR tekur þátt en sveitina skipa Sverrir Þorgeirsson, Ingvar Ásbjörnsson, Bjarni Jens Kristinsson, Hallgerður Helga Þorsteinsdóttir og Paul Frigge.

Sveitirnar:

Finland
Matematiikkalukio
Bord Navn Elo
1. Alexey Sofiev 2137
2. Henri Niva - (finsk 1528)
3. Sakke Suomalainen - (finsk 1436)
4. Joel Nummelin - (finsk 1354)
lagleder Alexey Sofiev

Island
Menntaskólinn í Reykjavík
Bord Navn Elo
1. Sverrir Þorgeirsson 2142
2. Ingvar Ásbjörnsson 2030
3. Bjarni Jens Kristinsson 2018
4. Hallgerður Helga Þorsteinsdóttir 1941
res. Paul Joseph Frigge 1828
lagleder Bjarni Jens Kristinsson

Norge
Norges Toppidrettsgymnas
Bord Navn Elo
1. Vegar Koi Gandrud 2170
2. Even Thingstad 2105
3. Joachim B. Nilsen 2082
4. Erlend Mikalsen 1932
lagleder Simen Agdestein

Sverige
Gymnasieskolan Metapontum
Bord Navn Elo
1. Simon Rosberg 2221
2. Anders Pettersson 2049
3. Daniel Larsson 1996
4. Robert Thollin 1968
res. Sigge Reichard 1890
lagleder Simon Rosberg

Heimasíða mótsins

NM kvenna aflýst

Norðurlandamóti kvenna sem átti að hafa 19. september nk. í Fredrikstad í Noregi hefur verið frestað vegna lítillar þátttöku.  Ritstjóra er ekki kunnugt um hvar og þá hvort mótið fari fram síðar í ár.  NM öldunga mun hins vegar fara fram á sama stað á sama tíma en þar eru Gunnar Finnlaugsson og Sigurður E. Kristjánsson skráðir til leiks.

• Heimasíða mótsins (sem ekki fer fram)
• Umfjöllun á Bergensjakk

 

Hrannar hafnaði í 3.-4. sæti í Osló

Hrannar Baldursson (2081) endaði í 3.-4. sæti í September-stigamóti skákklúbbsins í Osló.  Hrannar gerði jafntefli við Tarak Spreeman (1756) og Johannes Kvisla (2155) í 4. og 5. umferð sem fram fóru í dag og endaði með 3,5 vinning.

Kvisla sigraði á mótinu, hlaut 4,5 vinning.  Annar varð alþjóðlegi meistarinn Atli Grönn (2416) með 4 vinninga. 

Heimasíða mótsins