Henrik vann í fyrstu umferð

Enginn íslenskur skákmaður teflir meira um en Íslandsmeistarinn Henrik Danielsen (2495) um þessar mundir.  Henrik tekur nú þátt í afmælismóti Brönshöj skákklúbbsins sem jafnframt er Skákþing Kaupmannahafnar.  Í fyrstu umferð, sem fram fór í dag, sigraði Henrik danska FIDE-meistarann Mads Andersen (2310).

Á morgun verða tefldar tvær umferðir og hefst sú fyrri kl. 10.    Henrik mætir þá Dananum Peter Skovgaard (2279).

Gera má ráð fyrir að skák Henriks verði sýnd beint á vefsíðu mótsins.

Í mótinu taka þátt 36 skákmenn og þarf af 5 stórmeistarar og Henrik fjórði stigahæsti keppandinn.

• Heimasíða mótsins
• Skákirnar í beinni

 

 

EM öldungasveita: Sigur gegn enskri sveit

Íslenska liðið á EM öldungasveita er komið á siglingu og lagði enska sveit 2½-1½ í fimmtu umferð sem fram fór í dag í Dresden.  Góð úrslit þar sem enska sveitin er töluvert stigahærri.  Ingimar Halldórsson sigraði en Gunnar Gunnarsson, Magnús Gunnarsson og Ingimar Jónsson gerðu jafntefli.  Íslenska sveitin er í 19. sæti með 8 stig og 13 vinninga.   Á morgun teflir íslenska sveitin við finnsku sveitin sem er sú sjöunda sterkasta.  Þar teflir Íslandsvinurinn Heikki Westerinen (2333) á fyrsta borði.

Úrslit 5. umferðar:

		15		38	KR Reykjavik	6		25	England 1	5			2½ - 1½
		1		169	Gunnarsson,Gunnar K	2		109	James,Geoffrey H	2			½ - ½
		2		171	Gunnarsson,Magnus	2½		111	Norman,Kenneth I	2			½ - ½
		3		172	Jonsson,Ingimar	2½		112	Scholes,James E	2			½ - ½
		4		173	Halldorsson,Ingimar	1½		113	Wheeler,John F	2			1 - 0

 

Sveit Finnlands:

		7	7	Finnland		2281		FIN
		1	114	Westerinen,Heikki	GM	2333		FIN
		2		Hurme,Harri M	FM	2343		FIN
		3		Havansi,Erkki E T.		2240		FIN
		4		Saren,Ilkka J	FM	2207		FIN

Meðalstig íslensku sveitarinnar eru 2094 skákstig og er hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231) 2½ v. af5
2. Gunnar Finnlaugsson (2121) 2 v. af 5
3. Magnús Gunnarsson (2107) 3 v. af 5
4. Ingimar Jónsson (1915) 3 v. af 5
5. Ingimar Halldórsson (2040) 2½ v. af4

Heimasíða mótsins

Þröstur tapaði í þriðju umferð í Cappelle

Stórmeistarinn Þröstur Þórhallsson (2426) tapaði fyrir belgíska FIDE-meistarann Etienne Bauduin (2245) í þriðju umferð opna mótsins í Cappelle la Grande sem fram fór í morgun.  Í fjórðu umferð, sem fram fer í síðar í dag, teflir Þröstur við skákkonuna Sonia Zepeda (2117) sem er alþjóðlegur meistari kvenna frá El Salvador.  

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

Þröstur sigraði í 2. umferð

Stórmeistarinn Þröstur Þórhallsson (2426) sigraði rúmensku skákkonuna Teodora Traistaru (2195) í 2. umferð alþjóðlega mótsins í Cappelle la Grande í Frakklandi sem fór í dag.  Þröstur hefur 1 vinning.  Í þriðju umferð, sem fram fer í fyrramálið, teflir Þröstur við belgíska FIDE-meistarann Etienne Bauduin (2245).

Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Heimasíða mótsins

Sigríður Björg í 2.-3. sæti á Noregsmóti stúlkna

Sigríður Björg Helgadóttir (1725) vann Ingrid Øen Carlsen (1508), sem er systir Magnúsar, í fimmtu og næstsíðustu umferð Noregsmóts stúlkna sem fram fór í dag.  Sigríður er í 2.-3. sæti með 3½ vinning og er í 2.-3. sæti.  Jóhanna Björg Jóhannsdóttir (1705) tapaði fyrir Elise Forså (1692) og hefur 2½ vinning og er í 6.-7. sæti.

Sigríður mætir í lokaumferðinni Katrine Tjølsen (2212), sem er FIDE-meistari kvenna, langstigahæst stúlknanna og efst með fullt hús.   Jóhanna Björg teflir við Lene Stephansen. 

 

• Heimasíða mótsins
• Tournament Services

Þröstur tapaði í fyrstu umferð í Cappelle

Stórmeistarinn Þröstur Þórhallsson (2426) tapaði í fyrstu umferð opna mótsins í Cappelle la Grande í Frakklandi fyrir frönsku skákkonunni Laurie Delorme (2219) sem er alþjóðlegur meistari kvenna.   Mótið er eitt stærsta opna skákmót hvers árs en alls taka um 650 skákmenn þátt og þar af um 60-70 stórmeistarar.    Þröstur er 107. stigahæsti keppandi mótsins en bosníski stórmeistarinn Ivan Sokolov (2649) er stigahæstur keppenda.  

Í 2. umferð, sem fram fer á morgun, heldur Þröstur sig við skákkonurnar en þá teflir hann við rúmensku skákkonuna Teodora Traistaru (2195).

Heimasíða mótsins

EM öldungasveita: Tap gegn Skotum

Íslenska sveitin á EM öldungasveita tapaði með minnsta mun fyrir skoskri sveit í 4. umferð EM öldungasveita sem fram fór í dag.   Gunnar Finnlaugsson, Magnús Gunnarsson og Ingimar Jónsson gerðu jafntefli en Gunnar Gunnarsson tapaði fyrir alþjóðlega meistaranum Craig Pritchett (2366).   Í fimmtu umferð, sem fram fer á morgun, teflir íslenska sveitin við finnsku sveitina TuTS.   

Úrslit 4. umferðar:

 

		15		22	Schottland 1	4		38	KR Reykjavik	4			2½ - 1½
		1		96	Pritchett,Craig	2½		169	Gunnarsson,Gunnar K	1			1 - 0
		2		97	Bonner,Gerald	2		170	Finnlaugsson,Gunnar	1			½ - ½
		3		98	White,Alastair F	2		171	Gunnarsson,Magnus	2			½ - ½
		4		99	Borwell,Alan P	2		172	Jonsson,Ingimar	1			½ - ½

 

Sveit TuTS

 

		66	66	TuTS		1944		FIN
		1		Morant,Paul		2194		FIN
		2		Suominen,Antti		1877
		3		Ketonen,Tapio		1914
		4		Almi,Olavi		1792

Meðalstig íslensku sveitarinnar eru 2094 skákstig og er hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231)
2. Gunnar Finnlaugsson (2121)
3. Magnús Gunnarsson (2107)
4. Ingimar Jónsson (1915)
5. Ingimar Halldórsson (2040)

Heimasíða mótsins

EM öldungasveita: Sigur gegn þýskri sveit

Íslenska sveitin á EM öldungasveita sigraði sveit frá Mecklenburg-Vorpommern í þriðju umferð EM öldungasveita sem fram fór í gær í Dresden.  Magnús Gunnarsson sigraði en Gunnar Finnlaugsson, og nafnarnir Ingimar Jónsson og Ingimar Halldórsson gerðu jafntefli.    Í fjórðu umferð, sem fram fer í dag, teflir íslenska sveitin við skoska sveit sem er sú 22. sterkasta.   

Úrslit 3. umferðar:

 

		27		58	Mecklenburg-Vorp 2	2		38	KR Reykjavik	2			1½ - 2½
		1		264	Pamperin,Gerhard	1		170	Finnlaugsson,Gunnar	½			½ - ½
		2		265	Oldach,Ehrenfried	1		171	Gunnarsson,Magnus	1			0 - 1
		3		266	Kühn,Peter	½		172	Jonsson,Ingimar	½			½ - ½
		4		267	Segebarth,Bernd	1		173	Halldorsson,Ingimar	0			½ - ½

 

 

Sveit Skotlands:

 

		22	22	Schottland 1		2172		SCO
		1	96	Pritchett,Craig	IM	2366		SCO
		2		Bonner,Gerald		2179		SCO
		3		White,Alastair F		2123		SCO
		4		Borwell,Alan P		2018		SCO

 

Meðalstig íslensku sveitarinnar eru 2094 skákstig og er hún sú 38 stigahæsta af  78 liðum.

Íslenska sveitin:

1. Gunnar Gunnarsson (2231)
2. Gunnar Finnlaugsson (2121)
3. Magnús Gunnarsson (2107)
4. Ingimar Jónsson (1915)
5. Ingimar Halldórsson (2040)

Heimasíða mótsins

Hjallaskóli Íslandsmeistari grunnskólasveita stúlkna

Skáksveit Hjallaskóla sigraði á Íslandsmóti grunnskólasveita - stúlknaflokki sem fram fór í Salaskóli í Kópavogi í dag.  Í 2. sæti varð skáksveit Engjaskóla og í þriðja sæti varð b-sveit sama skóla.  Engjaskóli sigraði í keppni b-liða og Salaskóli í keppni c-liða.  Það voru mættar 13 sveitir. 7 úr 4 skólum í Kópavogi. 1 utan höfuðb.svæðis - Eyjaskvísur.  Edda Sveinsdóttir og Magnús Pálmi Örnólfsson stóðu fyrir mótinu og önnuðust skákstjórn.   

Tvær sveitir (Digranesskóla og Snælandsskóla) voru með stelpur á 3 borðum og allar mjög ungar og nýbyrjaðar að tefla. Áttu erfitt uppdráttar en stóðu sig eins og hetjur.

Skáksveit Hjallaskóla:

• 1.       Ásta Sóley Júlíusdóttir
• 2.       Sonja María Friðriksdóttir
• 3.       Ásta Sonja Ólafsdóttir
• 4.       Tara Sóley Mobee

Liðsstjóri Smári Rafn Teitsson

 

Borðaverðlaun:

• 1.       Borð  Hrund Hauksdóttir með 7/7  Rimaskóla
• 2.       Borð Honey Grace 5,5/7 Engjaskóla B
• 3.       Borð Rósa Róbertsdóttir 7/7 Engjaskóla B
• 4.       Borð Tara Sóley Mobee 7/7 Hjallaskóla

Efsta sveit

• A.      Sveit  Hjallaskóla
• B.      Sveit Engjaskóla
• C.      Sveit Salaskóla

Úrslit urðu:

• 1.       Hjallaskóli A  22v
• 2.       Engjaskóli A 19,5 v
• 3.       Samsett sveit Rimaskóli B og Hólabrekkuskóli - vann ekki til verðlauna  19v
• 4.       Engjaskóli B 18v
• 5.       Salaskóli A 17,5v
• 6.       Rimaskóli A 17v
• 7.       Flataskóli 17v
• 8.       Grunnskóli Vestmannaeyja 16v.
• 9.       Hjallaskóli B 14v
• 10.   Salaskóli C 11v
• 11.   Salaskóli B 10v
• 12.   Snælandsskóli 10v  
• 13.   Digranesskóli 4v

 

• Myndaalbúm mótsins
• Fréttasíða Smára (enn fleiri myndir)

Henrik með jafntefli í síðustu umferð

Stórmeistarinn Henrik Danielsen (2495) gerði jafntefli við pólska stórmeistarann Miroslaq Grabarczyk (2475) í níundu og síðustu umferð Marienbad Open sem fram fór í dag.   Henrik hlaut 5 vinninga og endaði í 4.-5. sæti.    Árangur Henriks samsvarar 2465 skákstigum og lækkar hann um 4 stig.  

Pólski alþjóðlegi meistarinn Dominik Orzech (2411) sigraði á mótinu en hann hlaut 6½ vinning.  

Alls tóku 10 skákmenn þátt í a-flokknum og var Henrik næststigahæstur.  Meðalstigin í flokknum voru 2429 skákstig.

• Heimasíða mótsins
• Chess-Results