Skák.is

Færsluflokkur: Íslendingar erlendis

8.8.2010 | 20:21

Daði vann alþjóðlegan meistara

Daði Ómarsson (2150) vann ungverska alþjóðlega meistarann Pal Petran (2372) í 2. umferð AM-flokks First Saturday-mótsins sem fram fór í dag. Daði hefur 1½ vinning og er efstur ásamt tveimur öðrum keppendum.

Í 3. umferð sem fram fer á morgun teflir Daði við ísraelska alþjóðlega meistarann Boris Maryasin (2339).

Alls tefla 10 skákmenn í flokki Daða og tefla þeir allir við alla. Meðalstig eru 2261 skákstig og til að ná áfanga að alþjóðlegum meistaratitli þarf 7 vinninga. Daði er næststigalægstur keppenda.

Heimasíða mótsins

Íslendingar erlendis | Slóð | Facebook | Athugasemdir (0)

8.8.2010 | 15:36

Henrik gerði jafntefli við Meier og endaði í 5.-16. sæti - Guðmundur vann

Stórmeistarinn Henrik Danielsen (2512) gerði jafntefli við þýska stórmeistarann Georg Meier (2648) í tíundu og síðustu umferð Politiken Cup sem fram fór í morgun. Henrik hlaut 7½ vinning, endaði í 5.-16. sæti og var taplaus á mótinu. Annað mót í röð hjá Henriki sem það gerist. Hann gerði m.a. jafntefli við 3 af 4 stigahæstu mönnum mótsins og hækkar um 6 stig fyrir frammistöðu sína.

Guðmundur Gíslason (2351) vann í lokaumferðinni, hlaut 6½ vinning og endaði í 33.-51. sæti. Bjarni Jens Kristinsson (2044) og Bragi Halldórsson (2253) töpuðu í lokaumferðinni. Bjarni hlaut 5½ vinning og endaði í 90.-125. sæti en Bragi hlaut 5 vinninga og endaði í 126.-165. sæti.

Bjarni hækkar um 19 stig fyrir frammistöðu sína. Guðmundur og Bragi lækka hins vegar á stigum. Guðmundur um 4 stig en Bragi um 49 stig.

Úkraínski stórmeistarinn Pavel Eljanov (2755) sigraði á mótinu en hann hlaut 8½ vinning. Í 2.-4. sæti með 8 vinninga urðu stórmeistararnir Maxim Rodshtein (2609), Ísrael, Konstantin Landa (2598), Rússland, og Bartlomiej Macieja (2639), Póllandi.

Allar skákir íslensku skákmannanna fylgja með fréttinni.

Alls tóku 292 skákmenn þátt í Politiken Cup. sem fram fór í Helsingör nærri Kaupmannahöfn. Þar af var 21 stórmeistari og 4 alþjóðlegir meistarar. Henrik var nr. 18 í stigaröð keppenda, Guðmundur nr. 29, Bragi nr. 45 og Bjarni Jens nr. 113. Stigahæstur keppenda var úkraínski stórmeistarinn Pavel Eljanov (2755).

Veljið skák (40 alls):

Íslendingar erlendis | Breytt s.d. kl. 15:38 | Slóð | Facebook | Athugasemdir (0)

8.8.2010 | 15:21

Lenka og Smári unnu í fjórðu umferð

Lenka Ptácníková (2262) og Smári Rafn Teitsson (2089) unnu bæði í fjórðu umferð opins flokks skákhátíðinnar í Olamouc sem fram fór í morgun. Lenka hefur 3½ og er í 4.-12. sæti en Smári hefur 2½ vinningo og er í 44.-77 sæti. Fimmta umferð fer einnig fram í dag.

Alls taka 192 skákmenn þátt í opna flokknum og þar á meðal eru einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íslendingar erlendis | Slóð | Facebook | Athugasemdir (0)

7.8.2010 | 21:11

Daði með jafntefli í fyrstu umferð í Búdapest

Daði Ómarsson (2150) gerði jafntefli við Kínverjann Yanqjao Qu (2149) í 1. umferð First Saturday-móts sem hófst í Búdapest í dag. Daði teflir í AM-flokki og eru meðalstig 2261 skákstig. Í 2. umferð sem fram fer á morgun teflir Daði við ungverska alþjóðlega meistarann Pal Petran (2372).

Alls tefla 10 skákmenn í flokki Daða og tefla þeir allir við alla. Daði er næststigalægstur keppenda.

Heimasíða mótsins

Íslendingar erlendis | Breytt s.d. kl. 21:39 | Slóð | Facebook | Athugasemdir (0)

7.8.2010 | 21:07

Lenka og Smári Rafn með jafntefli í þriðju umferð

Lenka Ptácníková (2262) og Smári Rafn Teitsson (2089) gerðu bæði jafntefli við stigalægri andstæðinga í 3. umferð opins flokks skákhátíðinnar í Olamouc sem fram fór í dag. Lenka hefur 2½ en Smári hefur 1½ vinning.

Alls taka 192 skákmenn þátt í opna flokknum og þar á meðal eru einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íslendingar erlendis | Slóð | Facebook | Athugasemdir (0)

7.8.2010 | 17:14

Henrik vann í níundu umferð - Bjarni Jens með jafntefli

Stórmeistarinn Henrik Danielsen (2512) vann Norðmanninn Odd Martin Guttulsrud (2073) í níundu og næstsíðustu umferð Politiken Cup sem fram fór í dag. Bjarni Jens Kristinsson (2044) gerði jafntefli við Norðmanninn Levi André Tallaksen (2177) en Guðmundur Gíslason (2351) og Bragi Halldórsson (2253) töpuðu fyrir sér stigalægri andstæðingum. Henrik hefur 7 vinninga, hálfum vinningi minna en efstu menn, og er í 6.-11. sæti. Hann mætir þýska stórmeistaranum George Meier (2648) í lokaumferðinni sem hefst kl. 8 í fyrramálið

Guðmundur og Bjarni Jens hafa 5½ vinning og eru í 51.-81. sæti og Bragi hefur 5 vinninga og er í 82.-127. sæti. Bjarni Jens er efstur skákmanna með 1901-2050 skákstig ásamt Dana.

Skákir íslensku skákmannanna úr 1-9. umferð fylgja með fréttinni.

Alls taka 292 skákmenn þátt í Politiken Cup. sem fram fer í Helsingör nærri Kaupmannahöfn. Þar af er 21 stórmeistari og 4 alþjóðlegir meistarar. Henrik er nr. 18 í stigaröð keppenda, Guðmundur nr. 29, Bragi nr. 45 og Bjarni Jens nr. 113. Stigahæstur keppenda er úkraínski stórmeistarinn Pavel Eljanov (2755).

Heimasíða mótsins
Beinar útsendingar (4.-9. umf. kl. 11 og 10. umf. kl. 8)

Veljið skák (36 alls):

Íslendingar erlendis | Breytt s.d. kl. 17:20 | Slóð | Facebook | Athugasemdir (0)

6.8.2010 | 21:56

Lenka vann í 2. umferð í Olomouc

Lenka Ptácníková (2262) vann Tékkann Vitezlav (2013) í 2. umferð opna flokksins í Olomouc sem fram fór í dag. Smári Rafn Teitsson tapaði í sinni skák. Lenka hefur 2 vinninga en Smári hefur 1 vinning.

Alls taka 192 skákmenn þátt í opna flokknum og þar á meðal eru einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íslendingar erlendis | Slóð | Facebook | Athugasemdir (0)

6.8.2010 | 17:47

Bragi vann í áttundu umferð - Henrik með jafntefli

Bragi Halldórsson (2253) sigraði í sinni skák í áttundu umferð Politiken Cup sem fram fór í dag. Henrik Danielsen (2512) gerði jafntefli við danska FIDE-meistaranum Jackob Aabling-Thomsen (2314). Guðmundur Gíslason (2351) tapaði fyrir ungversku goðsögninni Lajos Portisch (2539) og Bjarni Jens Kristinsson (2044) tapaði fyrir pólska stórmeistaranum Michal Krasenkov (2628)

Henrik hefur 6 vinninga og er í 11.-24. sæti, Guðmundur hefur 5½ vinning og er í 25.-43. sæti og Bjarni Jens og Bragi hafa 5 vinninga og eru í 44-.84. sæti. Bjarni er efstur í flokki skákmanna með 1901-2050 skákstig ásamt fimm öðrum.

Efstir með 7 vinninga eru stórmeistararnir Maxim Rodshtein (2609), Ísrael, og Surya Shekhar Ganguly (2655), Indlandi.

Skák Henriks gegn Norðmanninum Odd Martin Guttulsrud (2073) í níundu og næstsíðustu umferð verður sýnd beint á vefsíðu mótsins á morgun. Umferðin hefst kl. 11.

Heimasíða mótsins
Beinar útsendingar (4.-9. umf. kl. 11 og 10. umf. kl. 8)

Íslendingar erlendis | Slóð | Facebook | Athugasemdir (1)

5.8.2010 | 22:00

Lenka og Smári unnu í fyrstu umferð í Olomouc

Lenka Ptácníková (2262) og Smári Rafn Teitsson (2089) unnu bæði í fyrstu umferð c-flokks opin flokks skákhátíðinnar í Olomouc sem fram fór í dag. Bæði tefldu þau við umtalsvert stigalægri andstæðinga.

Alls taka 192 skákmenn þátt í opna flokknum og þar á meðal eru einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íslendingar erlendis | Slóð | Facebook | Athugasemdir (0)

5.8.2010 | 16:22

Guðmundur, Bjarni Jens og Bragi unnu - Henrik með jafntefli við Macieja (uppfært)

Guðmundur Gíslason sigurvegari Stigamótsins

Guðmundur Gíslason (2351), Bjarni Jens Kristinsson (2044) og Bragi Halldórsson (2253) unnu allir í sjöundu umferð Politiken Cup sem fram fór í dag. Henrik Danielsen (2512) gerði jafntefli við pólska stórmeistarann Bartlomiej Macieja (2639). Henrik og Guðmundur eru hálfum vinningi á eftir efstu mönnum.

Röng úrslit hjá Bjarna Jens voru birt á heimasíðu mótsins í dag og þ.a.l. á Skák.is einnig en hafa nú verið leiðrétt.

Henrik og Guðmundur hafa 5½ vinning og eru í 9.-20. sæti, Bjarni Jens hefur 5 vinninga og er í 21.-45. sæti og er efstur í sínum stigaflokki og Bragi hefur 4 vinninga og er í 72.-126. sæti.

Umfjöllun um umferðina má finna á Skákhorninu.

Átta skákmenn eru efstir og jafnir með 6 vinninga. Það eru stórmeistararnir Maxim Rodshtein (2609) og Evgeny Postny (2577), Ísrael, Konstantin Landa (2598), Rússlandi, Georg Meier (2648), Þýskalandi, Allan Stig Rasmussen (2510), Danmörku, Pavel Eljanov (2755), Úkraínu,Jonny Hector (2584), Svíþjóð, og Surya Shekhar Ganguly (2655), Indlandi.

Skákir Henriks og Guðmundar á morgun verða sýndar báðar beint á vefsíðu mótsins. Henrik mætir danska FIDE-meistaranum Jackob Aabling-Thomsen (2314), Guðmundur ungversku goðsögninni Lajos Portisch (2539). Bjarni Jens verður ekki í beinni en mætir pólska stórmeistaranum Michal Krasenkov (2628). Umferðin hefst kl. 11.

Skákir íslensku skákmannanna úr 1.-7. umferð fylgja með fréttinni.