Gelfand heimsbikarmeistari eftir sigur gegn Ponomariov

Gelfand (2758) sigraði Ponomariov (2739) í úrslitaeinvígi Heimsbikarmótsins í skák sem lauk í dag í  Khanty-Mansiysk í Síberíu.  Atskákunum lauk 2-2 og fyrsta hraðskákeinvíginu lauk 1-1..  Gelfand vann svo annað hraðskákeinvígið 2-0 og því samtals 7-5.

• Heimasíða mótsins
• Chessdom (skákirnar beint - hefjast kl. 10)

Skákþáttur Morgunblaðsins: Magnús Carlsen er óstöðvandi

Fyrirbyggjandi taflmennska átti ekki upp á pallorðið hjá skákunnendum fyrr á árum. Eins og að horfa á grasið gróa, sagði einn. Algerlega áunnið bragð, sagði annar. Helsti spámaður þeirrar deildar var Anatolí Karpov.

Fyrirbyggjandi taflmennska átti ekki upp á pallorðið hjá skákunnendum fyrr á árum. Eins og að horfa á grasið gróa, sagði einn. Algerlega áunnið bragð, sagði annar. Helsti spámaður þeirrar deildar var Anatolí Karpov. Leysti af hólmi Tigran Petrosjan sem var heimsmeistari óslitið í sex ár á sjöunda áratugnum. Petrosjan virtist skynja hættur betur en aðrir. Kannski var óttaskynið of þróað; Tigran virtist stundum alveg lafhræddur löngu áður en taflið hófst og jafnteflistilboðunum rigndi yfir mótstöðumanninn. Ekki alltaf með berum orðum heldur einnig með ýmsu látbragði; þegar Bobby Fischer háði einvígi sitt við Petrosjan í Buenos Aires haustið 1971 bað hann um vistaskipti því að hann kvaðst alltaf vera að rekast á Petrosjan í hótellyftunni með yfirþyrmandi vesældarsvip.

Karpov bætti þann ermska upp að flestu leyti þótt þeir væru líkir um margt. Skákstíll hann einkenndist af alls kyns smáspili, „raðtækni", endurtekningum og beinum en þó oftar óbeinum hótunum . Margir reyndu að líkja eftir Karpov en það var erfitt því stíll hans var persónulegri og útsmognari en menn hugðu, það var eins og einhver óljós ógn héngi yfir höfði mótstöðumanna hans; hann gat fyrirvaralaust breytt um tempó í leik sínum og var að mati endataflssérfræðingsins Averbakh „endurskoðunarsinni" - fyrir honum staðan á borðinu alltaf „ný".

Karpov má í dag muna sinn fífil fegurri en áhrif hans eru engu að síður gífurleg og auðsæ. Meistari dagsins, Magnús Carlsen, virðist t.d. hafa lært heilmikið af honum. Hann hefur nú unnið tvær fyrstu skákir sínar á London chess classic, sterkasta móti sem haldið hefur verið í London í 25 ár.

Töfluröðin er þessi: 1. Carlsen 2. McShane 3. Howell 4. Nakamura 5. Ni Hua 6. Short 7. Adams 8. Kramnik.

Ef viðureign Magnúsar Carlsen við Vladimir Kramnik úr 1. umferð er skoðuð má greina ýmsa þætti sem áður var getið um t.d. raðtækni og óbeinar hótanir. Hann lét aldrei beinlínis til skarar skriða og þegar Kramnik lagði niður vopnin gátu hinir ávallt sögufróðu Englendingar altént vitnað í nokkrar orrustur sem lauk án þess að skoti hefði verið hleypt af.

Kasparov mun hafa mælt með að Carlsen beitti enska leiknum, 1. c4 sem er athyglisvert því sjálfur brá hann aldrei á það ráð í einvígi sínu við Kramnik í London árið 2000. Fyrirbyggjandi leikir í þessari skák teljast t.d. 37. Hb4 og 39 Bf4 og 43. Re2. Raðtæknileikir eru nokkrir þ. á m. 40.Kf2.

London 2009; 1. umferð:

Magnús Carlsen - Vladimir Kramnik

Enskur leikur

1. c4 Rf6 2. Rc3 e5 3. Rf3 Rc6 4. g3 d5 5. cxd5 Rxd5 6. Bg2 Rb6 7. 0-0 Be7 8. a3 0-0 9. b4 Be6 10. Hb1 f6 11. d3 a5 12. b5 Rd4 13. Rd2 Dc8. 14. e3 Rf5 15. Dc2 Hd8 16. Bb2 a4 17. Hfc1 Rd6 18. Rde4 Re8 19. De2Bf8 20. f4 exf4 21. gxf4 Dd7 22. d4 c6 23. Rc5 Bxc5 24. dxc5 Rc4 25. Hd1 Dc7 26. Bc1Ra5 27. bxc6 bxc6 28. Rxa4 Hxd1+ 29. Dxd1 Hd8 30. Dc2 Df7 31. Rc3 Dh5 32. Re2 Bf5 33. e4 Bg4 34. Rg3 Df7 35. Bf1 Be6 36. Dc3 Ha8

37. Hb4 Dd7 38. f5 Bf7 39. Bf4 Dd1 40. Kf2 Rb3 41. Be2 Db1 42. Bc4 Hxa3 43. Re2

- og Kramnik gafst upp.

Frá heimsbikarmóti FIDE í Khanty Maniysk í Síberíu berast þau tíðindi að úrslitaeinvígi muni heyja Ísraelsmaðurinn Boris Gelfand og Ruslan Ponomariov frá Úkraínu. Yfir 130 skákmenn hófu keppni.

Helgi Ólafsson [e-mail]

Carlsen vann Hua Ni - McShane lagði Nakamura

Magnus Carlsen (2801) vann Kínverjann Hua Ni (2665) í fimmtu umferð London Chess Classic sem fram fór í dag.  Carlsen er í miklu stuði, hefur unnið 3 skákir og leyft tvö jafntefli.  Enski stórmeistarinn  Luke McShane (2615) sigraði svo bandaríska stórmeistarann Hakaru Nakamura (2715) en öðrum skákum lauk með jafntefli.    Carlsen er efstur með 11 stig, Kramnik annar með 8 stig og McShane þriðji með 7 stig. 

Í sjöttu og næstsíðustu umferð, sem tefld verður á morgun, teflir Carlsen við Adams og Kramnik við Short.   

 
Úrslit 5. umferðar:

 

Howell, David W L	- Kramnik, Vladimir	½-½
Adams, Michael	- Short, Nigel D	½-½
Nakamura, Hikaru	- McShane, Luke J	0-1
Ni Hua	- Carlsen, Magnus	0-1

Staðan:

Gefin eru 3 stig fyrir sigur og 1 stig fyri jafntefli.

 

1	GM Carlsen, Magnus		11	22.5
2	GM Kramnik, Vladimir		8	15
3	GM McShane, Luke		7	10.5
4	GM Howell, David		5	17.5
	GM Adams, Michael		5	12
6	GM Nakamura, Hikaru		4	11.5
	GM Short, Nigel		4	8.5
8	GM Hua, Ni		3	6.5

 

 

Átta skákmenn taka þátt í þessa sterka alþjóðlega móti.  Meðalstigin eru 2696 skákstig.  Teflt er kl. 14 á daginn.

 

• London Chess Classic
• Skákirnar í beinni
• ChessBomb Arena

Enn jafnt hjá Pono og Gelfand

Jafntefli varð í 3. einvígisskák Ponomariov (2739) og Gelfand (2758) um sigurinn á Heimsbikarmótinu í skák sem fram fór í dag.   Staðan í einvíginu er 1,5-1,5.   Fjórða og síðasta einvígisskákin fer fram á morgun.  Verði einnig jafnt þá verður einvíginu framhaldið með styttri umhugsunartíma á mánudag.

Jafntefli varð í 2. umferð skák einvígis Ponomariov (2739) og Gelfand (2758) um sigurinn á Heimsbikarmótinu sem fram fór í dag í Khanty Mansiysk í Síberíu. Staðan í einvíginu er í 1-1.

 

• Heimasíða mótsins
• Chessdom (skákirnar beint - hefjast kl. 10)

 

Jafntefli hjá Gefland og Pono í skák 2

Jafntefli varð í 2. umferð skák einvígis Ponomariov (2739) og Gelfand (2758) um sigurinn á Heimsbikarmótinu sem fram fór í dag í Khanty Mansiysk í Síberíu. Staðan í einvíginu er í 1-1.

Þriðja skák af fjórum verður tefld á morgun. 

 

• Heimasíða mótsins
• Chessdom (skákirnar beint - hefjast kl. 10)

 

Carlsen með jafntefli við Howell - Kramnik vann McShane

Magnus Carlsen (2801) þurfti að sætta sgi við jafntefli við enska stórmeistarann David Howell (2597) í 3. umferð London Chess Classic sem fram fór í dag.  Vladimir Kramnik (2772) sigraði Luke McShane (2615) en öðrum skákum lauk með jafntefli.  Carlsen er efstur með 7 stig, en veitt er 3 stig fyrir sigur en 1 fyrir jafntefli, og Kramnik er annar með 6 stig.  

Frídagur er á morgun en á laugardag teflir Carlsen við Nakamura (2715), sem gert hefur 3 jafntefli, og Kramnik við Adams (2698), sem einnig hefur gert 3 jafntefli.

Úrslit 3. umferðar:

 

1		GM	McShane, Luke J	ENG			GM	Kramnik, Vladimir	RUS		0-1
2		GM	Howell, David W L	ENG			GM	Carlsen, Magnus	NOR		1/2
3		GM	Nakamura, Hikaru	USA			GM	Short, Nigel D	ENG		1/2
4		GM	Ni, Hua	CHN			GM	Adams, Michael	ENG		1/2

 

 

Staðan:

 

1			GM	Carlsen, Magnus	2801	NOR	7			2	1	0	2934
2			GM	Kramnik, Vladimir	2772	RUS	6			2	0	1	2819
3			GM	McShane, Luke J	2615	ENG	3			1	0	2	2635
4			GM	Nakamura, Hikaru	2715	USA	3			0	3	0	2690
4			GM	Adams, Michael	2698	ENG	3			0	3	0	2659
4			GM	Howell, David W L	2597	ENG	3			0	3	0	2735
7			GM	Short, Nigel D	2707	ENG	2			0	2	1	2517
7			GM	Ni, Hua	2665	CHN	2			0	2	1	2603

Átta skákmenn taka þátt í þessa sterka alþjóðlega móti.  Meðalstigin eru 2696 skákstig.  Teflt er kl. 14 á daginn.

 

• London Chess Classic
• Skákirnar í beinni
• ChessBomb Arena

Jafntefli í fyrstu einvígisskák Pono og Gelfand

Jafntefli varð í fyrstu skák einvígis Ponomariov (2739) og Gelfand (2758) um sigurinn á Heimsbikarmótinu sem fram fór í dag í Khanty Mansiysk í Síberíu.

Önnur skák af fjórum verður tefld á morgun. 

 

• Heimasíða mótsins
• Chessdom (skákirnar beint - hefjast kl. 10)

 

Carlsen vann McShane og hefur vinnings forskot

Magnus Carlsen (2801) vann enska stórmeistarann Luke McShane (2615) í 2. umferð London Chess Classic sem fram fór í dag,  Kramnik (2772) vann Kínverjann Ni Hua (2665) en öðrum skákum lauk með jafntefli.  Carlsen er efstur með fullt hús en fimm skákmenn hafa 1 vinning.  Í þriðju umferð, sem fram fer á morgun, teflir Carlsen við enska stórmeistarann David Howell (2597).    Kramnik mætir McShane. 

Úrslit 2. umferðar:

 

Round 2, Wed Dec 9th, 14:00
Vladimir Kramnik	1-0	Ni Hua
Michael Adams	½-½	Hikaru Nakamura
Nigel Short	½-½	David Howell
Magnus Carlsen	1-0	Luke McShane

Staðan:

 

1.	Carlsen, Magnus	g	NOR	2801	*	.	.	.	1	1	.	.	2
2.	Adams, Michael	g	ENG	2698	.	*	½	½	.	.	.	.	1	2656
3.	Howell, David W L	g	ENG	2597	.	½	*	.	.	.	½	.	1	2702
4.	Nakamura, Hikaru	g	USA	2715	.	½	.	*	.	.	.	½	1	2681
5.	Kramnik, Vladimir	g	RUS	2772	0	.	.	.	*	.	.	1	1	2733
6.	McShane, Luke J	g	ENG	2615	0	.	.	.	.	*	1	.	1	2754
7.	Short, Nigel D	g	ENG	2707	.	.	½	.	.	0	*	.	½	2413
8.	Ni Hua	g	CHN	2665	.	.	.	½	0	.	.	*	½	2550

 

Pörun 3. umferðar:

Luke McShane	-	Vladimir Kramnik
David Howell	-	Magnus Carlsen
Hikaru Nakamura	-	Nigel Short
Ni Hua	-	Michael Adams

 

Átta skákmenn taka þátt í þessa sterka alþjóðlega móti.  Meðalstigin eru 2696 skákstig.  Teflt er kl. 14 á daginn.

 

• London Chess Classic
• Skákirnar í beinni
• ChessBomb Arena

Ponomariov í úrslit

Ponomariov (2706) sigraði Malakhov (2706) 4-2 í undanúrslitum Heimsbikarmótsins í skák.  Malakhov vann fyrsta atskákina en svo vann Pono þær þrjár næstu en jafntefli varð í báðum kappskákunum.  

Pono mætir því Gelfand í úrslitum Heimsbikarmótsins.  Einvígið hefst á fimmtudag en alls tefla þeir 4 skákir.

 

Heimasíða mótsins
Chessdom (skákirnar beint - hefjast kl. 10)

 

Carlsen og Kramnik mætast í dag.

Í dag hefst London Chess Classic skákmótið í London.  Átta sterkir skákmenn tefla í efsta flokki og þar helst nefna Carlsen (2801) og Kramnik (2772).  Þeir munu einmitt mætast í fyrstu umferð mótsins sem hefst kl. 14.  Meðalstig mótsins eru 2696 skákstig.

Samhliða mótinu fer fram fer opið skákmót.  Þar taka m.a þátt Róbert Lagerman og Jorge Fonseca.

Keppendalisti mótsins

No	Name	NAT	Nov Elo
1	Magnus Carlsen	Norway	2801
2	Vladimir Kramnik	Russia	2772
3	Hikaru Nakamura	USA	2715
4	Nigel Short	England	2707
5	Michael Adams	England	2698
6	Ni Hua	China	2665
7	Luke McShane	England	2615
8	David Howell	England	2597

Allir skákir a-flokksins verða sýndar beint.

• London Chess Classic
• Skákirnar í beinni
• ChessBomb Arena