Skák.is

Færsluflokkur: Erlendar skákfréttir

3.5.2010 | 16:51

Enn jafntefli hjá Anand og Topalov - Anand leiðir 4-3

Enn varð jafntefli í einvígi Anand og Topalov, það þriðja í röð. Anand hafði hvítt og sem fyrr var tefld katólónsk vörn. Nú kom Topalov á óvart með skiptamunsfórn í 11. leik. Topalov tefld afar hratt og eyddi aðeins þremur mínútum á fyrstu 20 leikina.

Hvorugur náði verulegu frumkvæði og var jafntefli samið eftir 58 leiki.

Áttunda skák einvígisins fer fram á morgun og hefst kl. 12. Þá hefur Topalov hvítt.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu.

Heimasíða einvígisins
Chessdom (bein útsending með skýringum)
Skákhornið (íslenskir skákmenn skýra skákirnar)
Video frá skákstað

Erlendar skákfréttir | Breytt s.d. kl. 19:32 | Slóð | Facebook | Athugasemdir (0)

2.5.2010 | 12:38

Henrik gerði jafntefli við Westerinen

Stórmeistarinn Henrik Danielsen (2494) gerði jafntefli við finnska stórmeistarann Heikki Westerinen (2347) í áttundu og næstsíðustu umferð Copenhagen Chess Challange sem fram fór í morgun. Henrik hefur 5 vinninga og er í 10.-21. sæti.

Sænski stórmeistarinn Stellan Brynell (2479) er efstur með 6½ vinning.

Níunda og síðsta umferð hefst kl. 13. Henrik mætir þá danska alþjóðlega meistaranum Thorbjørn Bromann (2435). Skákin verður sýnd beint á vefsíðu mótsins.

Alls taka 58 skákmenn og þar af 5 stórmeistarar. Jonny Hector (2582) er stigahæstur keppenda en Henrik er sá þriðji stigahæsti. Þröstur Þórhallsson og Björn Þorfinnsson voru einnig skráðir til leiks en komust ekki til Kaupmannahafnar í tæka tíð vegna erfiðleika í flugsamgöngum.

Erlendar skákfréttir | Breytt s.d. kl. 14:11 | Slóð | Facebook | Athugasemdir (0)

28.4.2010 | 18:19

Anand sigraði Topalov í glæsilegri skák

Indverjinn Anand sigraði Topalov á glæsilegan hátt í fjórðu skák heimsmeistaraeinvígis þeirra sem fram fór í dag í Sofíu í Búlgaríu. Anand leiðir nú í einvíginu 2,5-1,5 en alls tefla þeir 12 skákir.

Anand hafði hvítt og tefld var Catalan-byrjun eins og í annarri skákinni. Anand fékk fljótlega betra og með glæsilegri mannsfórn í 23. leik, sem sterkar skáktölvur fundu ekki einu sinni, fékk hann fljótlega auðunnið tafl og mátti Búlgarinn viðurkenna sig sigraðan níu leikjum síðar.

Frídagur er á morgun en fimmta skákin fer fram á föstudag og hefst kl. 12. Topalov hefur þá hvítt.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu þar sem FIDE-meistarinn Ingvar Þór Jóhannesson fer mikinn í skýringum sínum.

Heimasíða einvígisins
Chessdom (bein útsending með skýringum)
Skákhornið (íslenskir skákmenn skýra skákirnar)

Erlendar skákfréttir | Slóð | Facebook | Athugasemdir (0)

27.4.2010 | 16:14

Jafntefli í þriðju skák

Jafntefli varð í þriðju skák heimsmeistaraeinvígis Topalov og Anand sem fram fór í dag. Topalov hafði hvítt og tefld var slavnesk vörn. Búlgarinn fékk örlítið betri stöðu en aldrei nóg til þess að hafa raunhæfa vinningssénsa. Þráteflt var í steindauðri jafnteflisstöðu eftir 46 leiki.

Fjórða skákin fer fram á morgun og hefst kl. 12. Anand hefur þá hvítt.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu.

Heimasíða einvígisins
Chessdom (bein útsending með skýringum)
Skákhornið (íslenskir skákmenn skýra skákirnar)

Erlendar skákfréttir | Slóð | Facebook | Athugasemdir (0)

26.4.2010 | 00:50

Mikael Jóhann, Jón Kristinn og Gunnar skákmeistarar Norðlendinga í yngri flokkum

Skákþing Norðlendinga í yngri flokkum fór fram á Akureyri í gær og bar Mikael Jóhann Karlsson sigur hlaut 6,5 vinning af 7 mögulegum. og þar með unglingameistari Norðlendinga annað árið í röð.

Jón Kristinn Þorgeirsson varð annar með 6 vinninga og skákmeistari Norðlendinga í drengjaflokki og í þriðja sæti varð Hersteinn Heiðarsson með 5 vinninga.

Gunnar Arason, Akureyri varð sigurvegari í barnaflokki eftir einvígi við Sævar Gylfason, Svalbarðseyri.

Lokastaðan á mótinu varð þessi:


1.	Mikael Jóhann Karlsson	Akureyri	6,5 af 7.	unglingameistari
2.	Jón Kristinn Þorgeirsson	Akureyri	6	drengjameistari
3.	Hersteinn Heiðarsson	Akureyri	5	2. í unglingafl.
4.	Andri Freyr Björgvinsson	Akureyri	4 +24 st.	2. í drengjafl.
5.	Hjörtur Snær Jónsson	Akureyri	4 +23,5	3. í unglingafl.
6.	Samuel Chaen	Svalbarðseyri	4 +21,5
7.	Snorri Hallgrímsson	Húsavík	3,5	3. í drengjafl.
8.	Logi Rúnar Jónsson	Akureyri	3
9.	Kristján Guðmundur Sigurðss.	Svalbarðseyri	2
10.	Gunnar Arason	Akureyri	2 + 1 v.	barnameistari
11.	Sævar Gylfason	Svalbarðseyri	2 + 0	2. í barnaflokki
12.	Elís Freyr Jónsson	Akureyri	0	3. í barnaflokki.
	Tefldar voru 15. mínútna skákir.	7. umf. eftir	monrad	kerfi.

Skákstjórar: Gylfi Þórhallsson og Hjörleifur Halldórsson. Keppni í stúlknaflokki fer fram á Svalbarðseyri og er stefnt að það verði lokið fyrir næstu helgi.

Erlendar skákfréttir | Slóð | Facebook | Athugasemdir (0)

25.4.2010 | 16:10

Anand jafnaði metin gegn Topalov

Það er óhætt að segja að heimsmeistaraeinvígi Anand og Topalov byrji fjörlega í Sofíu. Anand vann öruggan sigur í 2. skák einvígisins, sem fram fór í dag og hefur nú jafnað metin. Anand hafði hvítt og lék drottningarpeðinu fram um tvo reiti, eitthvað sem hann hefur aldrei gert gegn Topalov. Tefld var Catalan-byrjun og byggði Indverjinn smá saman upp betri og betri stöðu og mátti áskorandinn viðurkenna sig sigraðan eftir 37 leiki.

Frídagur er á morgun en þriðja einvígisskákin fer fram á þriðjudag og hefst kl. 12. Þá hefur Topalov hvítt.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu.

Heimasíða einvígisins
Chessdom (bein útsending með skýringum)
Skákhornið (íslenskir skákmenn skýra skákirnar)

Erlendar skákfréttir | Breytt s.d. kl. 16:12 | Slóð | Facebook | Athugasemdir (0)

24.4.2010 | 16:46

Topalov vann öruggan sigur á Anand í fyrstu einvígisskák

Topalov vann öruggan sigur á heimsmeistaranum Anand í fyrstu einvígisskák þeirra sem fram fór í dag í Sofíu í Búlgaríu. Topalov hafði hvítt og tefldi heimsmeistarinn Grundfeld-vörn. Í 23. leik urðu honum á mikil mistök sem Topalov notfærði sér með snoturri mannsfórn og mátti Indverjann gefast upp sjö leikjum síðar. Skemmtileg skák sem sannarlega lofar góðu varðandi framhaldið. Önnur skák einvígisins fer fram á morgun og hefst kl. 12. Þá stjórnar Anand hvítu mönnunum.

Rétt er að benda skák- og skákáhugamönnum á fjörlegar umræður og skýringar um skákina á Skákhorninu.

Erlendar skákfréttir | Slóð | Facebook | Athugasemdir (0)

24.4.2010 | 11:28

Heimsmeistaraeinvígið í skák hefst í dag kl. 14

Heimsmeistaraeinvígi Indverjans Anand og Búlgarans Topalov hefst í dag í Sofíu í Búlgaríu. Anand hefur titil að verja.

Lesendur geta spáð hvor sigrar í könnun hér á vinstri hluta síðunnar og virðist sem íslenskum skákáhugamönnum þyki Anand líklegri.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma. Dagskrá einvígisins er sem hér segir (UTC jafngildir íslenskum tíma):

April 24 – 17.00 EEST (14.00 UTC) - Game 1
April 25 – 15.00 EEST (12.00 UTC) - Game 2
April 26 – Rest Day
April 27 – 15.00 EEST (12.00 UTC) - Game 3
April 28 – 15.00 EEST (12.00 UTC) - Game 4
April 29 – Rest Day
April 30 – 15.00 EEST (12.00 UTC) - Game 5
May 1 – 15.00 EEST (12.00 UTC) - Game 6
May 2 – Rest Day
May 3 – 15.00 EEST (12.00 UTC) - Game 7
May 4 – 15.00 EEST (12.00 UTC) - Game 8
May 5 – Rest Day
May 6 – 15.00 EEST (12.00 UTC) - Game 9
May 7 – 15.00 EEST (12.00 UTC) - Game 10
May 8 – Rest Day
May 9 – 15.00 EEST (12.00 UTC) - Game 11
May 10 – Rest Day
May 11 – 15.00 EEST (12.00 UTC) - Game 12
May 12 – Rest Day
May 13 – Tie breaks

Heimasíða einvígisins

Erlendar skákfréttir | Slóð | Facebook | Athugasemdir (0)

23.4.2010 | 16:34

Heimsmeistaraeinvígi Anand og Topalov hefst á morgun

Heimsmeistaraeinvígi Indverjans Anand og Búlgarans Topalov hefst á morgun í Sofíu í Búlgaríu. Anand hefur titil að verja. Einvígið átti að hefjast í dag en Eyjafjallajökull hafði þar áhrif á og var einvíginu frestað um einn dag en Anand þurfti að leggja á sig 40 klukkustunda akstur frá Þýskalandi til Búlgaríu þar sem ekki var hægt að fljúga.

Lesendur geta spáð hvor sigrar í könnun hér á vinstri hluta síðunnar og virðist sem íslenskum skákáhugamönnum þyki Anand líklegri.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma. Dagskrá einvígisins er sem hér segir (UTC jafngildir íslenskum tíma):

April 24 – 17.00 EEST (14.00 UTC) - Game 1
April 25 – 15.00 EEST (12.00 UTC) - Game 2
April 26 – Rest Day
April 27 – 15.00 EEST (12.00 UTC) - Game 3
April 28 – 15.00 EEST (12.00 UTC) - Game 4
April 29 – Rest Day
April 30 – 15.00 EEST (12.00 UTC) - Game 5
May 1 – 15.00 EEST (12.00 UTC) - Game 6
May 2 – Rest Day
May 3 – 15.00 EEST (12.00 UTC) - Game 7
May 4 – 15.00 EEST (12.00 UTC) - Game 8
May 5 – Rest Day
May 6 – 15.00 EEST (12.00 UTC) - Game 9
May 7 – 15.00 EEST (12.00 UTC) - Game 10
May 8 – Rest Day
May 9 – 15.00 EEST (12.00 UTC) - Game 11
May 10 – Rest Day
May 11 – 15.00 EEST (12.00 UTC) - Game 12
May 12 – Rest Day
May 13 – Tie breaks

Heimasíða einvígisins

Erlendar skákfréttir | Slóð | Facebook | Athugasemdir (0)

22.4.2010 | 11:27

Heimsmeistaraeinvígi Anand og Topalov hefst á laugardag

Heimsmeistaraeinvígi Indverjans Anand og Búlgarans Topalov hefst á laugardag í Sofíu í Búlgaríu. Anand hefur titil að verja. Einvígið átti að hefjast á morgun en Eyjafjallajökull hafði þar áhrif á og var einvíginu frestað um einn dag en Anand þurfti að leggja á sig 40 klukkustunda akstur frá Þýskalandi til Búlgaríu þar sem ekki var hægt að fljúga. Á meðan ferðalaginu stóð horfði Indverjinn á Lord of the Rings-seríuna eins og lesa má um í afar skemmtilegri grein á ChessBase.

Lesendur geta spáð hvor sigrar í könnun hér á vinstri hluta síðunnar.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma. Dagskrá einvígisins er sem hér segir (UTC jafngildir íslenskum tíma):