Kasparov leiðir 2-0 gegn Karpov

Kasparov sigraði í tveimur fyrstu einvígisskákum hans og Karpovs sem fram fór í Valencia í dag.  Í fyrri skákinni féll Karpov á tíma í athyglisverðri stöðu eftir aðeins 24 leiki og í þeirri síðari vann Kasparov öruggan sigur í 28 leikjum.  Þriðja og fjórða skák einvígisins verða tefldar á morgun og sem fyrr verða tefldar atskákir.

Alls tefla þeir 12 skákir.  Fyrstu tvo dagana tefla þeir 4 atskákir og svo lokadaginn 8 hraðskákir. 

Einvígið fer fram í tilefni 25 ára afmælis fyrsta einvígis þeirra sem fram fór í Moskvu 1984-85.    Þeir mættust svo reglulega í einvígum þar sem Kasparov hafði ætíð betur en síðast mættust þeir í Lyon árið 1990.

Heimasíða einvígisins

 

Geðveikir dagar í Reykjanesbær

Hressir Hrókar og Skákfélag Reykjanesbæjar héldu í dag skákmót í tilefni af Geðveikum dögum sem eru í dag og á morgun. Þetta er í annað skipti sem það er haldið skákmót í sambandi við Geðveika daga en það var haldið í fyrra líka og tókst svo vel að það er orðin árlegur viðburður.

Það voru 12 þátttakendur í dag og heppnaðist mótið mjög vel og voru tefldar 6 umferðir með 7 mínútna umhugsunartíma eftir monrad kerfi.

Úrslit :

Magnús Aronsson og Pálmar Breiðfjörð voru efstir með 5 vinninga af 6 mögulegum og mættust í úrslitaskák sem Magnús vann.

Loftur Jónsson, Emil Ólafsson og Guðmundur Valdimar Guðmundsson voru í 3-5 sæti með 4 vinninga af 6 og tefldu bráðabana um 3 sætið.

Loftur Jónsson vann síðan bráðabana við Guðmund Valdimar og Emil Ólafsson og náði 3 sæti.

Emil og Guðmundur voru í 4-5 sæti með 4 vinninga

Arnar Valgeirsson, Björgólfur Stefánsson og Jón Sigurðsson voru síðan í
6-8 sæti með 3 vinninga

Gunnar Björnsson [ekki ritstjórinn!] og Þorvaldur í 9-10 sæti með 2 vinninga

Gerður Gunnarsdóttir í 11 sæti með 1 vinning

Jón Ólafsson var í 12 sæti með 0 vinninga

Styrktaraðili var Georg Hannah úrsmiður sem gaf verðlaunagripi fyrir mótið og kunnum við honum bestu þakkir fyrir.

Gunnar vann í fjórðu umferð og er í 1.-4. sæti

Gunnar Finnlaugsson (2104) vann Norðmanninn Petter Thorvaldsen (1048) í fjórðu umferð NM öldunga sem fram fór í Fredriksstad í dag.  Sigurður E. Kristjánsson (1935) gerði jafntefli við Svíann Kenneth Wiman (2008).  Gunnar hefur 3,5 vinning og er í 1.-4. sæti en Sigurður hefur 2,5 vinning og er í 7.-20. sæti.

Efstir ásamt Gunnari eru finnski stórmeistarinn Heikki Westerinen (2315), Svíarnir Nils-Ake Malmdin (2282) og Leif Svensson (2192). 

Fimmta umferð fer fram á morgun og þá teflir við Gunnar við Malmdin.  Skákin verður sýnd beint á vef mótsins.  Sigurður teflir við Thorvaldsen.

Alls taka 40 skákmenn þátt í mótinu. 

Heimasíða mótsins