Skákþáttur Morgunblaðsins: Vestmannaeyingar efstir á Íslandsmóti skákfélaga

Taflfélag Vestmannaeyja er með naumt forskot í fyrri umferð Íslandsmóts skákfélaga sem fram fór í fjórum deildum í Rimaskóla um síðustu helgi. Eyjamenn eru með 28½ vinning af 40 mögulegum en ný sameinuð sveit Hellis og Goðans-Máta sem heitir GM Hellir er ½ vinningi á eftir með 28 vinninga. Víkingasveitin er svo í 3. sæti með 27 vinninga. Baráttan um Íslandsmeistaratitilinn mun væntanlega standa milli þessara liða. Sveit Taflfélags Reykjavíkur er í 4. sæti með 24½ vinning og Bolvíkingar og Skákfélag Akureyrar í 5.-6. sæti með 24 vinninga. Allt getur gerst á lokasprettinum.

Nýjar reglur taka nú til keppninnar í 1. deild, fjölgað hefur verið úr átta í tíu sveitir og aðeins tveir erlendir skákmenn leyfðir í hverju liði. Sameining Hellis og Goðans-Máta korteri fyrir keppnina hefur sætt gagnrýni en greinarhöfundur ætlar að leiða þær deilur hjá sér. Staðreyndin er nefnilega sú, að ýtrustu túlkanir á ófullkomnum reglum hljóta að setja allt í bál og brand og ganga þvert á þann skemmtilega anda sem svífur yfir vötnum í keppni þar sem u.þ.b. 400 félagar hittast og tefla sjálfum sér og öðrum til ánægju.

Gleymdir meistarar hafa átt sína endurkomu um helgina; „Unglingameistari Íslands 1962", Sveinn Rúnar Hauksson, sneri sér að öðrum hugðarefnum eftir sigurinn fyrir meira en 50 árum en tefldi nú opinberlega í fyrsta sinn í langan tíma fyrir Vinaskákfélagið. Það virðist eiga betur við flesta að tefla í liði en að berjast þetta einir og sér. „Rimaskóla-strákarnir" í Fjölni, Dagur Ragnarsson, Oliver Aron Jóhannesson og Jón Trausti Harðarson, sem allir eru í 1. deildarliði Fjölnis, vöktu athygli fyrir góða frammistöðu. Þó að liðsmenn efstu sveitanna komi úr ýmsum áttum er samt ákveðinn kjarni „heimamanna" í flestum sveitum. Eyjamenn hafa innanborðs Björn Ívar Karlsson, Nökkva Sverrisson, Ingvar Þ. Jóhannesson og undirritaðan. Hjá Akureyringum hefur heiðursfélagi SÍ, Gylfi Þórhallsson, varla misst úr skák frá fyrstu viðureign „deildarkeppninnar" haustið 1974. Halldór Grétar Einarsson, Magnús Pálmi Örnólfsson, Guðmundur Daðason og Stefán Arnalds eru Bolvíkingar í húð og hár og ýmsir aðrir virðast vera að leita upprunans. Rúnar Sigurpálsson er aftur kominn í sveit Skákfélags Akureyrar og vann sannfærandi sigur yfir nýjasta meðlimi Víkingasveitarinnar:

Hjörvar Steinn Grétarsson - Rúnar Sigurpálsson

Kóngsindversk vörn

1. c4 Rf6 2. Rc3 g6 3. d4 Bg7 4. Rf3 O-O 5. Bf4 d6 6. h3 Rbd7 7. e3 b6 8. Be2 Bb7 9. O-O Re4 10. Rxe4 Bxe4 11. Rd2 Bb7 12. Bf3 Bxf3 13. Rxf3 e5 14. Bh2 De7 15. Dc2 Hfe8 16. Had1 a5 17. Da4 Hac8 18. dxe5 Rxe5 19. Rd4 Rd7 20. Rc6 De4 21. b3?

Fram að þessu allt tíðindalaust en þetta er ónákvæmur leikur. Staðan má heita í jafnvægi eftir 21. Hd2.

21. ... Rc5! 22. Db5 Dc2!

Skyndilega riða peð hvíts á drottningarvæng til falls.

23. Ra7 Hb8 24. Dc6 Re6 25. Rb5 Hbc8 26. e4?

Hann varð að reyna að ná jafntefli með 26. Ra7 og aftur 27. Rb5.

26. ... Dxa2 27. f4 Dxb3 28. f5 De3+ 29. Kh1 Dc5!

Hindrar allt mótspil.

30. Db7 Rg5 31. f6 Bf8 32. e5 dxe5 33. Hc1 Re6 34. Rc3 Rd4 35. De4 Hcd8 36. Rd5 b5 37. Re7+ Bxe7 38. fxe7 Dxe7 39. cxb5 Rb3!

Hótar hróknum og 40. ... Rd2 sem vinnur skiptamun. Hvítur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 20. október 2013

Skákþættir Morgunblaðsins

Bragi Halldórsson sigurvegari Æskunnar og ellinnar

 

 

ÆSKAN OG ELLIN X. - OLÍS STRANDBERGSMÓTIÐ Í SKÁK 2013 fór fram í gær með pomp og prakt í samstarfi TR-RIDDARANS OG TG Í skákhöllinni í Faxafeni. Hinn valinkunni skákmeistari BRAGI HALLDÓRSSON (63) varð efstur með 8 vinninga af 9 mögulegum, Oliver Aron Jóhannesson (15), sigurvegari mótsins frá í fyrra varð annar með 7.5 v. og Vignir Vatnar Stefánsson (10) þriðji með 7 en hærri á stigum en Þór Valtýsson og Gunnar Kr. Gunnarsson.

 

 

Bragi vann mótið líka fyrir 2 árum. Ekki verður annað sagt en vel hafi tekist til við að brúa kynslóðabilið. Innbyrðis var einnig keppt í þremur aldursflokkum ungmenna og gamalmenna og má sjá þau úrslit í meðf myndasafni, en ítarlegri pistill um mótið birtist fljótlega.

 

 

Svo má sjá öll nánari úrslit á Chess Results.

 

Barna- stúlkna- og unglingameistaramót TR fer fram í dag

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 27. október  í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2013.

Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2013.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri.

Mótið er opið öllum krökkum 15 ára og yngri (fædd 1998 og síðar). Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 27. október frá kl. 13.30- 13.45.

Aðgangur á mótið er ókeypis.

EM taflfélaga: Víkingar unnu - frábær frammistaða Hannesar og Hjörvars

EM taflfélaga lauk í dag en keppnin fór fram 20.-26. október á grísku eyjunni Rhodos. Víkingaklúbburinn vann sveit frá Lúxemborg 3½-2½ í lokaumferðinni. Stefán Þór Sigurjónsson, Gunnar Freyr Rúnarsson unnu sínar skákir. Frammistaða Hannesar Hlífars Stefánssonar, sem gerði jafntefli í lokaumferðinni var afar góð en hann náði þriðja besta árangri fyrsta borðs manna í keppninni.

Áður hefur komið að Hjörvar Steinn Grétarsson náði stórmeistaraáfanga með frábærum árangri en hann tefldi fyrir enska klúbbinn Jutes of Kent.

Úrslit Víkingaklúbbsins í lokaumferðinni:

Bo.	39	CE De Sprenger Echternach	Rtg	-	30	Viking Chess Club	Rtg	2½:3½
16.1	GM	David, Alberto	2574	-	GM	Stefansson, Hannes	2521	½ - ½
16.2	IM	Wiedenkeller, Michael	2479	-	IM	Thorfinnsson, Bjorn	2385	1 - 0
16.3		Gnichtel, Gerd	2123	-	FM	Kjartansson, David	2348	½ - ½
16.4		Wilger, Frank	2107	-		Sigurjonsson, Stefan Th.	2104	0 - 1
16.5		Drzasga, Michael	2019	-		Runarsson, Gunnar	2074	0 - 1
16.6		Sparwel, Oliver	0	-		Ingason, Sigurdur	1866	½ - ½

 
Frammistaða Hannesar samsvaraði 2665 skákstigum og hækkar hann um 13 stig fyrir hana. Hjörvar hækkar einnig umtalsvert á stigum eða um 10 skákstig. Það verður að teljast ánægjulegt að sjá þessa tvo landsliðsmenn í svo góðu formi en þeir verða í landsliði Íslands sem tekur þátt í EM landsliða sem fram fer í Varsjá 8.-17. nóvember nk.

• Heimasíða mótsins
• Chess-Results
• Chessbomb

Hjörvar Steinn stórmeistari í skák!

 

 

Hjörvar Steinn Grétarsson (2505) var rétt að þessu að landa langþráðum stórmeistaratitli! Hann vann makedónska stórmeistarann Vasile Sanduleac (2423) í sjöundu og síðustu umferð EM taflfélaga sem fram fór í Rhodos í dag. Hjörvar hlaut 5 vinninga í 7 skákum og samsvaraði árangur hans 2607 skákstigum.

Hjörvar verður þar með þrettándi íslenski stórmeistarinn.

Áður hafði hann náð stórmeistaraáfanga á EM landsliða í Porto Carras 2011. Hjörvar verður  formlega útnefndur stórmeistari af hálfu FIDE á næstum vikum.

Til hamingju með þetta Hjörvar!

 

• Heimasíða mótsins
• Chess-Results
• Chessbomb

Klárar Hjörvar stórmeistaratitilinn í dag?

Lokaumferð EM taflfélaga fer fram á grísku eyjunni Rhodos í dag. Alþjóðlegi meistarinn Hjörvar Steinn Grétarsson (2505), sem teflir fyrri enska skákfélagið Jutes of Kent, hefur möguleika á að ná sér í lokaáfanga að stórmeistaratitli. Þá þarf hann nauðsynlega á sigri á að halda en hann mætir makedónska stórmeistaranum Vasile Sanduleac (2423) sem teflir á fyrsta borði fyrir írskt taflfélag.

Hægt verður að fylgjast með skákinni beint á Chessbomb en umferðin hefst kl. 12. 

Einnig er fróðlegt að fylgjast með Víkingaklúbbnum. Þeir tefla við skákfélag frá Lúxemborg. Þar hefur Hannes Hlífar Stefánsson farið mjög mikinn og hefur hlotið 5 vinninga í 6 skákum. Hannes er með næstbestan árangur allra fyrsta borðs manna í keppninni sem er frábært afrek.

• Heimasíða mótsins
• Chess-Results
• Chessbomb

Nýtt fréttabréf SÍ

Nýtt fréttabréf Skáksambands Íslands kom út í fyrradag en bréfið kemur út tvisvar sinnum á mánuði yfir vetrarmánuðina.

Hægt er að skrá sig fyrir fréttabréfinu hér.

Meðal efnis er:

• F3-klúbburinn - Vildarvinir skákarinnar - TAKTU ÞÁTT
• Hannes Hlífar í EM-liðið
• Taflfélag Vestmannaeyja efst á Íslandsmóti skákfélaga
• Íslandsmót í tveimur flokkum á Akureyri
• Úkraínskur sigur á Stórmeistaramóti TR
• Henrik í 3.-5. sæti á NM
• Vignir Vatnar í 12. sæti á EM ungmenna
• Víkingablúbburinn á EM taflfélaga
• Einar Hjalti sigurvegari Gagnaveitumótsins
• Sigurður Arnarson skákmeistari SA
• Niðurtalning N1 Reykjavíkurmótsins 2014
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Æskan og ellin fer fram í dag kl. 13

Skákmótið  "Æskan og Ellin", þar sem kynslóðirnar mætast, verður haldið í tíunda sinn laugardaginn 26.  október nk.  í Skákhöllinni í Faxafeni. 

RIDDARINN, skákklúbbur eldri borgara, Taflfélagi Reykjavíkur,  og OLÍS - Olíuverslun Íslands hafa gert með sér  3ja ára stuðnings- og samstarfssamning um framkvæmd mótsins, til að auka veg þess og tryggja það í sessi.   

Undanfarin 9 ár hefur mótið verið haldið að Strandbergi, safnaðarheimili Hafnarfjarðarkirkju þar sem Riddarinn hefur aðsetur.  Með því að ganga til samstarfs við TR, elsta og eitt öflugasta taflfélag landsins og með myndarlegri aðkomu OLÍS að mótinu er þess að vænta að þátttaka ungra og aldinna í því aukist enn til hags fyrir alla skákunnendur og uppvaxandi skákæsku alveg sérstaklega.

Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.  Á síðasta ári var yfir 80 ára aldursmunur milli yngsta og elsta keppandans.  Sigurvegari mótsins í fyrra var Oliver Aron Jóhannesson, 14 ára, sem vann mótið glæsilega eftir hafa lagt þrjá fyrrum sigurvegara þess úr öldungaflokki af velli.

Verðlaunasjóður mótsins er kr. 100.000 auk þess sem veitt verða aldurflokkaverðlaun í 3 flokkum ungmenna og öldunga. Gjafabréf frá Icelandair fyrir flugmiðum á mót erlendis fyrir sigurvegara í barna og unglingaflokkum, 9 ára og yngri; 19-12 ára og 13-15 ára.  Úttektarkort hjá OLÍS  fyrir benzíni eða öðru fyrir kr. 10.000 handar efstu mönnum í 3 öldungaflokkum, 60-69 ára; 70-79 ára og 80 ára og eldri.   Bókaverðlaun verða einnig veitt í öllum flokkum. Veglegt vinningahappdrætti  í mótslok að lokinni verðlaunaafhendingu.  Sportvörubúðin JÓI ÚTHERJI gefur alla verðlaunagripi/peninga.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri. Mótið hefst kl. 13 og tefldar verða 9 umferðir með 7 mínútna umhugsunartíma á skákina. 

Mótsnefnd skipa þeir Björn Jónsson, formaður TR, Einar S. Einarsson, formaður Riddarans og Páll Sigurðsson, skákstjóri. 

Hægt verður  að skrá sig til þátttöku  með nafni,  kennitölu og félagi  á  www.skak.is  daganna fyrir mót.  Hámarkfjöldi þátttakenda miðast við 100.

Því er æskilegt að skrá sig fyrirfram eða mæta tímanlega á mótsstað.

Víkingar með jafntefli - Hannes og Hjörvar unnu

Víkingaklúbburinn gerði 3-3 jafntefli við finnsku sveitina Tammer-Shakki í sjöttu og næstsíðustu umferð EM taflfélaga sem fram fór í dag. Hannes Hlífar Stefánsson (2521) vann enn einn sigurinn. Hann hefur 5 vinninga og er með næstbestan árangur fyrsta borðs manna. Hjörvar Steinn Grétarsson (2505), sem teflir fyrir enska klúbbinn Jutes of Kents, hefur einnig farið mikinn og vann í dag. Hann hefur hlotið 4 vinninga.

Í sjöundu umferð, sem fram fer á morgun, teflir Víkingaklúbburinn við sveit frá Lúxemborg. Hjörvar og félagar tefla við írska sveit.

Úrslit Víkingaklúbbsins í 6. umferð:

Bo.	26	Tammer-Shakki	Rtg	-	30	Viking Chess Club	Rtg	3 : 3
17.1	IM	Karttunen, Mika	2445	-	GM	Stefansson, Hannes	2521	0 - 1
17.2	IM	Maki, Veijo	2379	-	IM	Thorfinnsson, Bjorn	2385	½ - ½
17.3	FM	Mertanen, Janne	2350	-	FM	Kjartansson, David	2348	½ - ½
17.4		Koykka, Pekka	2302	-		Sigurjonsson, Stefan Th.	2104	½ - ½
17.5		Ahvenjarvi, Jani	2241	-		Runarsson, Gunnar	2074	1 - 0
17.6	FM	Kytoniemi, Jyrki	2263	-		Ingason, Sigurdur	1866	½ - ½

 

• Heimasíða mótsins
• Chess-Results
• Chessbomb

Hilmir Freyr sigraði á Kynslóðakvöldi Skákskólans

Í gær fór fram Kynslóðakvöld Skákskóla Íslands. Þar tefldu í senn margir af sterkustu skákmönnum þjóðarinnar, landsliðskonur sem og úrvalsnemendur Skákskólans. Sérstakir gestir í gær voru Smámeistarar sem er klúbbur sem nýlega hélt upp á hálfrar aldar afmæli sitt.

Hilmir Freyr Heimisson, sem tefldi í gegnum netið frá Patreksfirði, fór mikinn og vann fyrstu sjö skákirnar. Meðal fórnarlamba hans voru Friðrik Ólafsson og Karl Þorsteins. Hann tapaði hins vegar tveimur síðustu skákunum fyrir Helga Ólafssyni og Guðmundi Kjartanssyni.

Þar með náði Helgi honum af vinningum og kom jafn Hilmi í mark. Friðrik, Karl, Guðmundur og Oliver Aron Jóhannesson urðu í 3.-6. sæti með 6 vinninga. Bragi Halldórsson var efstur Smámeistara en hann hlaut 4½ vinning.

Mótið tókst í alla staði afar vel.

Mótstöflu má finna á Chess-Results.