Skákþáttur Morgunblaðsins: Dagur varð Norðurlandameistari í Klakksvík

Dagur Ragnarsson sigraði með glæsibrag í elsta aldursflokki Norðurlandamóts einstaklinga þar sem keppendur voru fæddir á árunum 1995-1997, og fram fór í Klakksvík í Færeyjum um síðustu helgi. Dagur haut 5 vinninga af sex mögulegum, tefldi betur em nokkru sinni fyrr og sýndi mikla keppnishörku. Dagskráin var þétt sex, kappskákir á þrem dögum og þar við bættist ferðalagið til Klakksvíkur og raunar ein kappskák frá kvöldinu fyrir ferðina til Færeyja. Með þessu móti, Skákþingi Reykjavíkur og Gestamóti Hugins og Skákdeildar Breiðabliks liggur fyrir að Dagur mun hækka meira á milli stigalista en dæmi er um af íslenskum skákmanni frá því að FIDE tók að birta stigin mánaðarlega. Hann verður með í kringum 2.315 elo-stig á listanum sem birtist í byrjun mars. Dagur var eini gullverðlaunahafi okkar í fimm aldurslokkum en til silfurverðlauna unnu Jón Kristinn Þorgeirsson í aldursflokki þeirra sem fæddir voru 1998 og 1999 og Óskar Víkingur Davíðsson vann til silfurverðlauna í aldursflokki E, yngsta aldursflokknum þar sem kependur eru fæddir 2003 og 2004. Íslendingar hafa unnið keppni Norðurlandaþjóðanna tvö síðustu árin þar sem vinningar allra þátttakenda hverrar þjóðar eru lagðir saman. Ekki tókst okkur að verja titilinn að þessu sinni, Danir hlutu 36½ vinning en stefnt verður að íslenskum sigri á næsta ári þegar keppnin fer fram í Svíþjóð.

Eldri keppendurnir stóðu sig vel en misjafnt var gengi þeirra yngri. Sumir þeirra hafa verið ansi drjúgir á þessum vettvangi tvö síðustu árin. Teflt var í fimm aldursflokkum, tveir keppendur frá hverju landi.

Dagur Ragnarsson vann þrjár fyrstu skákir sínar og svo kom erfitt jafntefli við Svíann Joar Olund, annað jafntefli í 5. umferð og loks sigur í síðustu umferð gegn Mikhael Jóhanni Karlssyni. Sigur hans yfir Norðmanninum Lobersli í 3. umferð er gott dæmi um kraftmikinn stíl hans:

Henrik Oie Lobersli – Dagur Ragnarsson

Hollensk vörn

1. d4 f5 2. c4 Rf6 3. Rf3 g6 4. g3 Bg7 5. Bg2 0-0 6. 0-0 d6 7. Rc3 De8

Dagur hafði rekist á bók um hollenska vörn heima hjá afa sínum, Hermanni Ragnarssyni en valið að leika 7.... Rc6 á Skákþingi Reykjavíkur á dögunum. 7..... De8 er margslungnari leikur runninn undan rifjum Úkraínumannsins Malanjúk.

8. d5 Ra6 9. Rd4 Bd7 10. b3 c5! 11. dxc6 bxc6 12. Bb2 Rc5 13. Dc2 e5 14. Rf3 e4

Það verður ekki annað sagt en að byrjunin hafi gengið vel upp. Frumkvæði er greinilega í höndum svarts.

15. Re1 g5 16. Dd2 Dh5!?

Það kom sterklega til greina að treysta varnir d6-peðsins en peðsfórnin býður upp á ýmsa möguleika.

17. Dxd6 Rb7 18. Dd2 Hfe8

Framrás e-peðsins í loftinu og hvítur reynir að sporna við henni. Það eru mistök.

19. e3?

Eftir 19. Had1! þarf hvítur ekki að óttast 19.... e3. Eftir 20. fxe3 Rg4 kemur einfaldlega 21. h3! og hvíta staðan er mun betri.

19.... Had8 20. De2 Dg6!

Nú er allt tilbúið fyrir framrás f-peðsins.

21. Ra4 f4 22. exf4 gxf4 23. gxf4 Bg4 24. De3 Rd6!

Riddarinn sem vék sér til hliðar um stundarsakir er kominn aftur og er á leiðinni til f5.

25. Dc5 Rf5 26. f3 exf3 27. Rxf3 Re4 28. Da5

Drottningin rekst úr einum stað í annan og svartur á nú einfalda vinningsleið.

28.... Bxf3! 29. Hxf3 Hd2!

– og hvítur gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 21. febrúar

Skákþættir Morgunblaðsins

Ný alþjóðleg skákstig

Ný alþjóðleg skákstig komu út í dag og eru miðuð við morgundaginn, þ.e. 1. mars. Miklar sveiflur eru á listanum enda voru mörg stór mótuð reiknuð. Má þar nefna Skákþing Reykjavíkur, Nóa Síríus mótið, Norðurorkumótið og NM í skólaskák í Færeyjum. Jóhann Hjartarson er sem fyrr stigahæstur íslenskra skákmanna. Dagur Ragnarsson slær Íslandsmet í stigahækkun íslensks skákmanns og Haki Jóhannesson er stigahæstur nýliða.

Topp 25

Að þessu sinni er listanum breytt í topp 25 úr topp 20.

Jóhann Hjartarson (2576) er stigahæstur íslenskra skákmanna. Í næstum sætum eru Hannes Hlífar Stefánsson (2560) og Hjörvar Steinn Grétarsson (2554).

Athygli er vakin á því að Dagur Ragnarsson (2347)stekkur alla leiðina upp í 24. sæti úr því 122.

Heildarlistinn fylgir með sem viðhengi.

No.	Name	Tit	Rtng	Gms	Diff
1	Hjartarson, Johann	GM	2576	0	0
2	Stefansson, Hannes	GM	2560	9	-13
3	Gretarsson, Hjorvar Steinn	GM	2554	0	0
4	Olafsson, Helgi	GM	2547	0	0
5	Petursson, Margeir	GM	2536	0	0
6	Steingrimsson, Hedinn	GM	2530	0	0
7	Danielsen, Henrik	GM	2514	0	0
8	Arnason, Jon L	GM	2502	0	0
9	Kjartansson, Gudmundur	IM	2491	10	7
10	Kristjansson, Stefan	GM	2482	9	-10
11	Gretarsson, Helgi Ass	GM	2458	0	0
12	Thorsteins, Karl	IM	2451	8	-5
13	Gunnarsson, Jon Viktor	IM	2443	17	10
14	Thorfinnsson, Bragi	IM	2429	9	-3
15	Thorhallsson, Throstur	GM	2428	8	-5
16	Gunnarsson, Arnar	IM	2416	0	0
17	Thorfinnsson, Bjorn	IM	2403	18	30
18	Olafsson, Fridrik	GM	2397	0	0
19	Jensson, Einar Hjalti	FM	2390	0	0
20	Ulfarsson, Magnus Orn	FM	2377	0	0
21	Johannesson, Ingvar Thor	FM	2368	0	0
22	Arngrimsson, Dagur	IM	2366	9	-2
23	Kjartansson, David	FM	2364	0	0
24	Ragnarsson, Dagur		2347	22	288
25	Jonsson, Bjorgvin	IM	2338	8	-15

Nýliðar

Sjö nýliðar eru á listanum. Stigahæstur þeirra er Haki Jóhannesson (1757) en í næstum sætum eru Eymundur Eymundsson (1724) og Arnór Ólafsson (1349).

No.	Name	Tit	Rtng	Gms	Diff
1	Johannesson, Haki		1757	9	1757
2	Eymundsson, Eymundur		1724	10	1724
3	Olafsson, Arnor		1349	8	1349
4	Lemery, Jon Thor		1273	12	1273
5	Mai, Alexander Oliver		1235	8	1235
6	Heidarsson, Arnar		1119	7	1119
7	Bjarnthorsson, Gabriel Saer		1083	5	1083

Mestu hækkanir

Dagur Ragnarsson hækkar langmest allra eða um 288 stig! Í næstum sætum eru Jón Kristinn Þorgeirsson (118) og Jón Trausti Harðarson (103).

Að þessu sinni birtum við topp 20 yfir breytingar enda margir sem hækkuðu mjög mikið á stigum.

No.	Name	Tit	Rtng	Gms	Diff
1	Ragnarsson, Dagur		2347	22	288
2	Thorgeirsson, Jon Kristinn		2177	13	118
3	Hardarson, Jon Trausti		2170	16	103
4	Jonsson, Gauti Pall		1968	15	97
5	Kristjansson, Halldor Atli		1335	8	68
6	Karlsson, Mikael Johann		2138	22	61
7	Johannsson, Orn Leo		2107	16	59
8	Mai, Aron Thor		1320	8	58
9	Moller, Agnar T		1806	8	57
10	Davidsson, Oskar Vikingur		1454	10	56
11	Jonsson, Logi Runar		1607	5	52
12	Hrafnsson, Hreinn		1552	5	50
13	Thorhallsson, Simon		2009	6	48
14	Kolka, Dawid		1875	8	46
15	Johannesson, Oliver		2212	23	42
16	Magnusson, Audbergur		1678	8	31
17	Thorfinnsson, Bjorn	IM	2403	18	30
18	Gasanova, Ulker		1645	4	29
19	Jonsson, Olafur Gisli		1899	8	28
20	Eliasson, Kristjan Orn		1858	8	27

Stigahæstu ungmenni landsins

Dagur Ragnarsson (2347) er stigahæsta ungmenni landsins. Í næstum sætum eru Oliver Aron Jóhannesson (2212) og Jón Kristinn Þorgeirsson (2177) en allir þessir strákar hafa verið á mikilli siglingu síðustu misseri.

Dawid Kolka (1875) kemst nú fyrsta skipti inn á topp 10.

No.	Name	Rtng	Gms	B-day	Diff
1	Ragnarsson, Dagur	2347	22	1997	288
2	Johannesson, Oliver	2212	23	1998	42
3	Thorgeirsson, Jon Kristinn	2177	13	1999	118
4	Hardarson, Jon Trausti	2170	16	1997	103
5	Karlsson, Mikael Johann	2138	22	1995	61
6	Thorhallsson, Simon	2009	6	1999	48
7	Jonsson, Gauti Pall	1968	15	1999	97
8	Sigurdarson, Emil	1922	0	1996	0
9	Stefansson, Vignir Vatnar	1909	22	2003	-50
10	Kolka, Dawid	1875	8	2000	46

Stigahæstu skákkonur landsins

Lenka Ptácníková (2242) er sem fyrr langstigahæsta skákkona landsins. Í næstum sætum eru Hallgerður Helga Þorsteinsdóttir (2014) og Guðlaug Þorsteinsdóttir (1956).

No.	Name	Tit	Rtng	Gms	Diff
1	Ptacnikova, Lenka	WGM	2242	8	-28
2	Thorsteinsdottir, Hallgerdur		2014	13	22
3	Thorsteinsdottir, Gudlaug	WFM	1956	7	-20
4	Finnbogadottir, Tinna Kristin		1950	7	12
5	Kristinardottir, Elsa Maria		1875	4	14
6	Johannsdottir, Johanna Bjorg		1862	0	0
7	Fridthjofsdottir, Sigurl. Regina		1789	0	0
8	Birgisdottir, Ingibjorg		1779	0	0
9	Helgadottir, Sigridur Bjorg		1776	0	0
10	Hauksdottir, Hrund		1692	0	0

Reiknuð mót

• Skákþing Reykjavíkur
• Nóa Síríus-mótið
• Skákþing Akureyrar
• Bikarsyrpa TR nr. 3

Skrár tengdar þessari bloggfærslu:

• Alþjóðleg skákstig, 1. mars 2015

Skákhátíð í Rimaskóla í dag

Rótarýklúbbur Grafravogs í samstarfi við Skákdeild Fjölnis efnir til mikillar skákhátíðar fyrir alla grunnskólanemendur. Mótið verður haldið í Rimaskóla næsta laugardag, 28. febrúar frá kl. 13:00 – 15:15. Auk skákmóts sem hefst kl. 13:00 verður boðið upp á pítsur og allir þátttakendur á skákmótinu fá ókeypis bíómiða. Verðmæti verðlauna eru 50.000 kr og eru það gjafabréf í Kringlunni. Tefldar verða sex umferðir með 7 mínútna umhugsunartíma.

Skráning á mótsstað og eru þátttakendur beðnir um að mæta tímanlega til þess. Stórrmeistarinn Jón L. Árnason leikur fyrsta leikinn og skákstjórar eru þeir Helgi Árnason formaður skákdeildar Fjölnis og Páll Sigurðsson formaður Taflfélags Garðabæjar. Skákhátíðin fer fram á Rótarýdaginn 28. febrúar og vill klúbburinn á þeim degi vekja áhuga á heimahverfi sínu og öflugu skákstarfi í hverfinu.

Sjá nánar í meðfylgjandi PDF-viðhengi.

 

Jón Viktor öruggur sigurvegari Nóa Síríus-mótsins

Jón Viktor Gunnarsson (2433) kom sá og sigraði á Nóa Síríus mótinu – Gestamóti Hugins og Breiðabliks sem lauk í gærkveldi. Jón hlaut 7 vinninga í 8 skákum. Annar sigur Jóns á örfáum vikum en hann vann einnig Skákþing Reykjavíkur fyrir skemmstu.

Karl Þorsteins (2456) varð annar með 6 vinninga en Karl sem er afar fátíður gestur á skákmótum, lætur sig aldrei vanta á Gestamótið.

Sex keppendur urðu jafnir í 3.-8. sæti með 5,5 vinning og hlaut Dagur Ragnarsson (2059) bronsið eftir stigaútreikning. Enn ein rósin í hnappagat þessa unga og efnilega skákmanns sem hefur raðað inn skákstigunum síðustu mánuði.

 

 

Jafnir Degi en lægri á stigum urðu Þröstur Þórhallsson (2433), Guðmundur Gíslason(2315), Jón Trausti Harðarson (2067), Jóhann Ingvason (2126) og Björgvin Jónsson(2353).

Lenka Ptácníková hlaut kvennaverðlaunin

Ýmiss aukaverðlaun voru veitt. Lenka Ptácníková(2270) hlaut kvennaverðlaunin, Karl hlaut viskuverðlaunin (50+), Dagur hlaut verðlaun unglinga á menntaskólaaldri og Gauti Páll Jónsson(1871), hlaut verðlaun grunnskólanemenda.

Guðmundur Halldórsson (2219) og Halldór Grétar Einarsson (2187) urðu hnífjafnir eftir þrefaldan stigaútreikning hvor yrði skákmeistari Breiðabliks. Var þá gripið til hlutkestis og þar hafði Guðmundur vinninginn – dró hvíta peðið!

Gauti Páll Jónsson hlaut verðlaun grunnskólanemenda og vann 100 stig! 

Gestamótið tókst afar vel. Ungu mennirnir sem fengu boð í mótið nýtt tækifæri sitt vel. Dagur þá manna best því hann hækkar um 115 stig! Gauti Páll hækkar um 100 stig, Jón Trauti um 65 stig og Agnar Tómas Möller, einn lykilstarfsmanna GAMMA, helsta stuðningsaðila Reykjavíkurskákmótsins, um 57 stig.

Dagur Ragnarsson (t.v.) hækkaði mest – 115 stig!

Mótsstjórar voru Jón Þorvaldsson og Halldór Grétar Einarsson en skákstjórar voruVigfús Ó. Vigfússon og Gunnar Björnsson.

Mótsstjórnin. Frá vinstri: Jón Þorvaldsson, Gunnar Björnsson, Halldór Grétar Einarsson og Vigfús Vigfússon

 

Hannes með góð úrslit á EM einstaklinga

Hannes Hlífar Stefánsson (2573) byrjar vel á EM einstaklinga en hann hefur 3 vinninga eftir fjórar umferðir. Í gær vann hann afar góðan og öruggan sigur á armenska stórmeistaranum Hrant Melkumyan (2673) og í morgun gerði hann stutt jafntefli við króatíska stórmeistarann Zdenko Kozul (2630).

Það var framhjá ritstjóranum og mörgum íslenskum skákáhugamanninum að umferðin í morgun hófst mun fyrr en vanalega eða kl. 9 í stað kl. 13. Teflt er í Jerúsalem og taka heimamenn hvíldardaginn þar heilagan. Frídagur verður jafnframt á morgun vegna þess.

Guðmundur Kjartansson vann í gær Ísraelsmanninn Michael Hasidovsky (2187) en tapaði í dag fyrir rússneska stórmeistaranum Ildar Khairullin (2629). Gummi hefur 2 vinninga.

Fimmta umferð fer fram á sunnudag og þá verður teflt á hefðbundnum eða kl. 13. Þá teflir Hannes við rússneska stórmeistarann Ivan Popov (2629) en Guðmundur við heimamanninn Sam Drori (2173).

Úkraínski stórmeistarinn Anton Korobov (2687) er einn efstur með fullt hús.

Alls taka 250 skákmenn frá 33 löndum þátt í mótinu. Þar af eru 113 stórmeistarar. Hannes er nr. 84 í stigaröð keppenda en Guðmundur er nr. 116.

• Heimasíða mótsins
• Beinar útsendingar (hefjast kl. 13)
• Chess-Results

Þrír ofurstórmeistarar á Reykjavíkurskákmótinu

Í gær birtist frétt um Reykjavíkurskákmótinu í Fréttablaðinu. Fréttin var svo endurbirt í á Vísi í gær. Þar segir meðal annars:

Þrír skákmenn sem hafa skráð sig til leiks á þrítugasta Reykjavíkurskákmótið sem hefst 10. mars næstkomandi geta með réttu talist til ofurstórmeistara. Tveir íslenskir alþjóðlegir meistarar, Guðmundur Kjartansson og Björn Þorfinnsson, geta tryggt sinn þriðja og síðasta áfanga að stórmeistaratitli en þeir hafa báðir unnið stóra sigra að undanförnu.

Gunnar Björnsson, forseti Skáksambands Íslands (SÍ), segir ekki ólíklegt að met í fjölda keppenda frá því í fyrra verði slegið og ljóst að mótið verður sterkara en í fyrra. Munar þar helst um þrjá ofurstórmeistara. Fyrstan skal telja Aserann Shakhriyar Mamedyarov (2.756) sem þegar þetta er skrifað er þrettándi á lista yfir stigahæstu skákmeistara heims. David Navara (2.753) frá Tékklandi er aðeins sex sætum neðar og Pavel Eljanov (2.727) frá Úkraínu situr í 26. sæti listans en hann sigraði á Reykjavíkurskákmótinu 2013. Til viðbótar eru ellefu stórmeistarar sem hafa yfir 2.600 skákstig, og eru ógnarsterkir.

Fréttina má lesa í heild sinni hér eða með því að tvíklikka á myndina.

Afmælishátíð tileinkuð Friðriki á Fischersetri á sunnudag

Friðrik Ólafsson varð fyrstur Íslendinga til að hljóta útnefningu sem stórmeistari í skák og sá skákmaður íslenskur sem einna lengst hefur náð á alþjóðavettvangi.  Hann var um árabil talinn einn af tíu bestu skákmönnum heims.  Friðrik afrekaði það m.a. að leggja Bobby Fischer í tvígang.  Friðrik varð að loknum farsælum skákferli forseti alþjóðaskáksambandsins FIDE og síðar skrifstofustjóri Alþingis.

Fischersetur býður til afmælisveislu þar sem Friðrik mun halda fyrirlestur um skákferil sinn með sérstakri áherslu á þemað: „Að fórna skiptamun í skák.“

Að loknum fyrirlestri Friðriks verður afhjúpað olíumálverk af heimsmeistaranum Bobby Fischer sem Sigurður Kr. Árnason hefur nýverið lokið við að mála.  Verkið er gjöf höfundar og þeirra Guðmundar G. Þórarinssonar og Einars. S. Einarssonar til Fischerseturs.  Málverkið afhent að viðstöddum listamanninum.  Þess má geta að listamaðurinn málaði frægt verk af Fischer og Spassky sem uppi hangir í safninu.

Sigurður Árnason við verk sitt.

Afmælisfagnaðurinn er öllum opinn, kaffiveitingar í boði og létt hraðskákmót að lokinni dagskrá.

Félagaskiptaglugginn lokar á miðnætti

Síðari hluti Íslandsmóts skákfélaga fer fram 19.-21. mars nk. í Rimskóla. Aðeins er teflt í fyrstu deild þann nítjánda (fimmtudag) en teflt í öllum deildum 20. og 21. mars (föstudag og laugardag).

Félagaskiptagluggi fyrir þá sem ekki tefldu í fyrri glugganum er opinn fram á föstudaginn 27. febrúar. Þá lokar hann á miðnætti.  

Rétt er að ítreka að aðeins þeir sem ekki tefldu í fyrri hlutanum geta skipt um eða gengið í nýtt félag í þessum glugga. Rétt er einnig að fram að þessi gluggi nær aðeins til Íslendinga eða erlendra skákmanna sem búsettir eru hérlendis.

 

 

Undanrásir fyrir Barna-Blitz

Sjöunda árið í röð stendur Skákakademía Reykjavíkur í samvinnu við taflfélög borgarinnar fyrir Reykjavik Open Barna-Blitz.

Undanrásir fara fram hjá taflfélögum borgarinnar. Undanrásir hjá Víkingaklúbbnum eru þegar búnar og komust þar áfram ungmennalandsliðsmennirnir Óskar Víkingur Davíðsson Huginn og Misha Kravchuk Taflfélagi Reykjavíkur. Um það mót má lesa hér.

Þrjár undanrásir eru eftir:

Skákdeild Fjölnis

4. mars klukkan 17:00 í Rimaskóla.

Taflfélag Reykjavíkur

7. mars klukkan 14:00 að Faxafeni 12.

Skákfélagið Huginn

9. mars klukkan 17:15 að Álfabakka 14a, 3. hæð.

Tveir skákmenn úr hverri undanrás komast áfram í úrslitin.

Úrslitin verða tefld á sviðinu í Hörpu laugardaginn 15. mars klukkan 12:00. Teflt verður með útsláttarfyrirkomulagi með tímamörkunum 4 02.

 

Við erum ein fjölskylda. Hrafn Jökulsson skrifar um skákævintýrið í Grafarvogi í tilefni af Skákhátíð Rótarý og Fjölnis í Rimaskóla 28. febrúar n.k.

Við erum ein fjölskylda. Hrafn Jökulsson skrifar um skákævintýrið í Grafarvogi í tilefni af Skákhátíð Rótarý og Fjölnis í Rimaskóla 28. febrúar nk.

Kjörorð skákhreyfingarinnar -- Við erum ein fjölskylda, gætu sem best verið komin úr smiðju Paul Harris, stofnanda Rótarý-hreyfingarinnar. Rótarý er öllum opið, burtséð frá kynþætti, hörundslit, trú, kyni eða pólitískum skoðunum. Á sama hátt eru allir jafnir við taflborðið, líkamsburðir eða aldur, uppruni eða bakgrunnur, skipta engu máli þegar skákklukkan fer af stað. 

Það er eitt af ævintýrum íslenskrar skáksögu að skólastjóri í Grafarvogi skyldi tileinka sér þessa hugmyndafræði, og með endalausri elju og dugnaði gera Rimaskóla og síðar Skákdeild Fjölnis að stórveldi í skák. Allt í einu byrjuðum við að lesa um krakkana í Grafarvogi sem sópuðu til sín verðlaunum, ekki bara á Íslandi heldur gjörvöllum Norðurlöndum. 

Frumbyggjar Ameríku eiga sér orðskvið: Til að draumur rætist þarf maður fyrst að láta sig dreyma. Og það gerði Helgi Árnason í Rimaskóla. En hann lét sig ekki bara dreyma. Hann virkjaði börnin, foreldrana, samstarfsfólk sitt, skákhreyfinguna og ótal marga aðra með undraverðum árangri. Starfið í Rimaskóla snýst ekki bara -- og ekki fyrst og fremst -- um að skapa afreksfólk, þótt enginn hörgull sé á ungum snillingum sem sprottið hafa upp í Grafarvogi. Skákin þjálfar rökhugsun jafnt sem sköpunargáfu, hún kennir okkur að hugsa fram í tímann, hún kennir okkur að leita að besta leiknum, hvort heldur er á taflborðinu eða í lífinu sjálfu. Skákin kennir okkur að bera virðingu fyrir mótherjanum, hún kennir okkur að stundum vinnum við og stundum töpum við. Og að við getum lært jafn mikið af því að tapa en vinna.  Og síðast en ekki síst: Skák er skemmtileg.

Kraftaverkið í Grafarvogi hefur ekki gerst af sjálfu sér. Árangur Rimaskóla, skákdeildar Fjölnis og ungu snillinganna er afrakstur af þrotlausu starfi. Þar hefur Helgi Árnason, með góðra manna hjálp, dregið vagninn. Ég hef frá upphafi verið þeirrar gæfu aðnjótandi að fylgjast með blómlegu og gefandi starfi, og veit að þar hafa margir lagt hönd á plóg. Þar eiga Rótarý-menn drjúgan hlut að máli með stuðningi sínum. Það er svo sannarlega í anda þessarar merkilegu mannræktar- og mannúðarhreyfingar og fyrir það á Rótarý-hreyfingin á Íslandi djúpar þakkir skilið. Svo aftur sé vitnað í spakmælabanka Rótarý-manna: ,,Sá uppsker mest, sem þjónar best." 

Fyrir hönd okkar í skákhreyfingunni færi ég íslenskum Rótarý-mönnum djúpar þakkir fyrir ómetanlegan stuðning við uppbyggilegt æskulýðsstarf, um leið og ég óska Skákdeild Fjölnis og Rótarý-mönnum til hamingju með glæsilega hátíð. Ég vil hvetja alla grunnskólanemendur, hvort sem þeir eru byrjendur eða lengra komnir til að taka þátt í Skákhátíðinni -glæsilegri veislu sem framundan er þann 28. febrúar.

Grein þessi birtist í Grafarvogsblaðinu fyrir skemmstu.