Verðlaunahafar N1 Reykjavíkursmótsins

Í gær fór fram verðlaunaafhending N1 Reykjavíkurskákmótsins. Óttarr Proppé borgarfulltrúi bauð fólk velkomið og lýsti yfir ánægju borgarinnar með mótshaldið. Það gerði einnig mennta- og menningarmálaráðherra, Katrín Jakobsdóttir, sem afhendi svo verðlaunin ásamt forystumönnum Skáksambandsins. Gunnar Björnsson, lokaði svo verðlaunaafhendingunni og sagðist hlakka til næsta árs en þá á Reykjavíkurskákmótið 50 ára afmæli.

Verðlaunahafar mótsins urðu sem hér segir:

Aðalverðlaun:

Peningaverðlaun skiptast eftir svokölluðu Hort-kerfi. Að hálfu skiptast verðlaun jafnt en öðru leyti eftir sæti. Eljanov var hæstur eftir stigaútreikning og fær því flestar evrunnar.

• 1. Pavel Eljanov 8 v. (€3. 875)
• 2. Wesley So 8 v. (€2.375)
• 3. Bassim Amin 8 v. (€2.000)
• 4. Anish Giri 7,5 v. (€603)
• 5. Ivan Cheparinov 7,5 v. (€503)
• 6. Wei Yi 7,5 v. (€428)
• 7. Marcin Dziuba 7,5 v. (€378)
• 8. Ding Liren 7,5 v. (€378)
• 9. Yaacov Norowich 7,5 v. (€378)
• 10. Gawain Jones 7,5 v. (€378)
• 11. Ivan Sokolov 7,5 v. (€203)

Aukaverðlaunahafar:

Kvennaverðlaun:

1. Sopiko Guramishvili 6,5 v.
2. Svetlana Cherednichenko 6 v.
3. Tan Zhongyi 6 v.

Fimm aðrar skákkonur fengu einnig sex vinninga en voru lægri á stigum.  Guðlaug Þorsteinsdóttir og Hallgerður Helga Þorsteinsdóttir urðu efstar íslenskra skákkvenna með 5 vinninga.

Unglingaverðlaun:

1. Wei Yi 7,5 v.
2. Tari Aryan 6,5 v.
3. Dinara Sadukassova 6 v.

Jón Kristinn Þorgeirsson hlaut einnig 6 vinninga en var lægri á stigum en Dinara.

Stigaverðlaun (2201-2400):

1. Svetlana Cherednichenko 6,5 v.
2. Tari Aryan 6,5 v.
3. Magnus Wahlbom 6,5 v.

Dagur Arngrímsson, Guðmundur Gíslason og Björn Þorfinnsson urðu efstir íslendinga með 6 vinninga.

Stigaverðlaun (2001-2200):

1. Richard Bjerke 6 v.
2. Jón Þór Bergþórsson 6 v.
3. Fredrik Palmqvist 5,5 v.

Magnús Pálmi Örnólfsson, Kjartan Maack og Gylfi Þórhallsson fengu einnig 5,5 vinning.

Undir 2000 skákstigum:

1. Jón Kristinn Þorgeirsson 6 v.
2. Kiaras Pretterhofer 5,5 v.
3. Nökkvi Sverrisson 5,5 v.

Mikael Jóhann Karlsson fékk einnig 5,5 vinning en var lægri á stigum.

Besti árangur miðað við eigin skákstig:

1. Nansý Davíðsdóttir (341)
2. Símon Þórhallsson (255)
3. Tinna Kristín Finnbogadóttir (252)

Bæti hér einnig við upplýsingum um þá sem hækka mest á alþjóðlegum stigum:

1. Jakob Alexander Petersen (47)
2. Símon Þórhallsson (43)
3. Richard Bjerke (42)
4. Dagur Ragnarsson (35)
5. Daði Ómarsson (34)
6. Jón Kristinn Þorgeirsson (32)
7. Dagur Kjartansson (31)
8. Gauti Páll Jónsson (30)
9. Mikael Helin (30)
10. Trond Jackobsen (29)

36 Íslendingar hækka á stigum en 35 lækka á stigum. Alls hækka Íslendingarnar um 214 skákstigum.

Myndir frá verðlaunaafhendingunni væntanlegar sem og frekari úttekt á mótinu.

Síðari hluti Íslandsmót skákfélaga fer fram um helgina í Hörpu

Síðari hluti Íslandsmóts skákfélaga hefst á morgun í Hörpu. Fimmta umferð fer fram annað kvöld og hefst kl. 20. Lokaumferðirnar fara fram á laugardag og hefjast kl. 11 og 17. Búast má við harðri baráttu en Bolvíkingar leiða í fyrstu deild en 3 lið koma skammt á eftir.

Staðan í efstu deild:

• 1 TB 22½ v.
• 2 Víkingaklúbburinn 22 v.
• 3 TR 21½ v.
• 4 TV 20½ v.
• 5 GM 17 v.
• 6 Hellir 13 v.
• 7 SA 7 v.
• 8 TB-b 4½ v.

Staðan í 2. deild:

• 1. GM-b 16 v.
• 2. TR-b 15½ v.
• 3.-4. Fjölnir 13 v.
• 3.-4. TV-b 13 v.
• 5. Haukar 11½ v.
• 6. Hellir-b 9½ v.
• 7. TG 9 v.
• 8. SR 8½ v.

 Staðan í 3. deild:

• 1. Víkingaklúbburinn-b 7 stig
• 2. Vin 6 stig (17 v.)
• 3. TA 6 stig (14½ v.)
• 4. SA-b 6 stig (14 v.)
• 5. SFÍ 6 stig 6 stig (13 v.)
• 6. KR 5 stig
• 7. Hellir-c 4 stig
• 8. SSON 4 stig
• 9. SAUST 4 stig
• 10. TR-c 4 stig
• 11. KR-b 4 stig
• 12. GM-c 2 stig
• 13. Sauðárkrókur 2 stig
• 14. TV-c 2 stig
• 15. TG-b 2 stig
• 16. GM-d 0 stig

 Staðan í 4. deild:

• 1. Briddsfjelagið 7 stig
• 2. SA-c 6 stig (16½ v.)
• 3. Hellir-d 6 stig (15½ v.)
• 4. UMSB 6 stig (15½ v.)
• 5. Víkingaklúbburinn-c 6 stig (14½ v.)
• 6. SR 6 stig (14 v.)
• 7. TV-d 5 stig
• 8. SSON-b 4 stig
• 9. TR-d 4 stig
• 10. TR ung-a 4 stig
• 11. Siglugjörður 4 stig
• 12. Fjölnir-b 4 stig
• 13. Haukar ung 3 stig
• 14. Hellir ung 2 stig
• 15. Vin-b 2 stig
• 16. TR ung-b 2 stig
• 17. TG-c 1 stig
• 18. Fjölnir c 0 stig

Vísað er á úttekt ritstjóra að loknum fyrri hluta mótsins um nánari stöðu mála.  Stöðu og einstök úrslit má finna á Chess-Results.

N1 Reykjavíkurskákmótið: Þrír sigurvegarar frá þremur heimsálfum

 

Úkraínumaðurinn Pavel Eljanov, Wesley So frá Filippseyjum og Egyptinn Bassem Amin urðu efstir og jafnir á N1 Reykjavíkurskákmótinu.

 

Það er þegar ljós þrátt fyrir að enn séu allmargar skákir í gangi. Eljanov og So gerðu jafntefli í örskák en Egyptinn vann Pólverjann Gajewski. 

 

 

Hinn 13 ára gamli Wei Yi var ósigraður á mótinu, náði þriðja og síðasta stórmeistaraáfanga sínum og telst nú yngsti stórmeistari í heimi. Hann endar meðal efstu manna, og aldrei í 49 ára sögu Reykjavíkurmótsins hefur svo ungur keppandi náð svo glæsilegum árangri.

Stórmeistararnir Hannes Hlífar Stefánsson, Þröstur Þórhallsson og Henrik Danielsen og alþjóðlegi meistarinn Guðmundur Kjartansson urðu eftir Íslendinga með 6,5 vinning.

Friðrik Ólafsson var meðal þeirra sem hlutu 6 vinninga eftir jafntefli við landsliðskonunni Turkan Mamedjarova, frá Azerbæjan. Margir kornungir íslenskir skákmenn tóku þátt í mótinu. Yngstur allra í hálfrar aldar sögu mótsins, var Óskar Vikingur Davíðsson, sem einmitt  vann sigur í síðustu umferð.

Nú síðdegis verður verðlaunaafhending í Ráðhúsi Reykjavíkur, undir stjórn Þóru Arnþórsdóttur. Þar flytja ávörp Óttarr Proppé borgarfulltrúi, Katrín Jakobsdóttir menntamálaráðherra og Gunnar Björnsson forseti Skáksambandsins. Þá mun Bjartmar Guðlaugsson flytja lög, en lag hans er nú í efsta sæti vinsældalista Rásar 2.

Veislan í íslensku skáklífi heldur áfram: Íslandsmót skákfélaga verður í Hörpu, föstudag og laugardag. Þar er keppt í fjórum deildum, og er um að ræða fjölmennasta skákmót ársins á Íslandi og uppskeruhátíð íslenskra skákmanna. 

Alls voru keppendur á mótinu 227 frá 37 löndum. Í þeim hópi voru 35 stórmeistarar og 11 stórmeistarar kvenna. Aldrei hafa svo margir teflt á hinu sögufræga og vinsæla Reykjurvíkurmóti.

Á næsta ári verður haldið upp á 50 ára afmæli Reykjavíkurmótsins, og liggur fyrir að N1, Reykjavíkurborg og fleiri verða bakhjarlar afmælismótsins. 

• Heimasíða mótsins
• Chess-Results
• Beinar útsendingar

Lokaumferð N1 Reykjavíkurskákmótsins: Mjög spennandi viðureignir í dag!

 

Lokaumferð N1 Reykjavíkurskákmótsins hefst nú kl. 12.

 

Margar spennandi viðureignir fara fram í kvöld. Á efsta borði mætast forystusauðirnir Pavel Eljanov og Wesley So.

Einnig mætast innbyrðis þeir skákmenn sem hafa 7 vinninga. Það eru: Jones-Giri, Wei Yi-Cheparinov og Amin-Gajewski.

Efstu Íslendingarnir fá allir verulega erfiða andstæðinga: Þröstur Þórhallsson teflir við Ding Liren, Hannes Hlífar Stefánsson mætir Ivani Sokolov, Stefán Kristjánsson mætir næststigahæsta keppenda mótsins Vachier-Lagrave, Friðrik mætir asersku landsliðskonunni Turkan Mamedjarova, Guðmundur Kjartansson teflir við Grikkjann Stelios Halkias. Hjörvar Steinn Grétarsson fær tækifæri til að ná sínum lokaáfanga að stórmeistaratitli en fær sannarlega erfiðan andstæðing eða David Navara, þriðja stigahæsta keppenda mótsins.

Skákskýringar í boði Helga Ólafssonar og Ingvars Þór Jóhannessonar hefjast um kl. 13:30.

 

• Heimasíða mótsins
• Chess-Results
• Beinar útsendingar

Baráttan um verðlaunin - lokaumferðin hefst kl. 12 - fimm áfangar komnir í hús!

 

Tíunda og síðasta umferð N1 Reykjavíkurskákmótsins fer fram í dag og hefst kl. 12. Eljanov og So eru efstir með 7,5 vinning. Sem fyrr er áhugavert að velta því fyrir sér hvernig €15.000 verðlaunin skiptast á milli manna. Aðalverðlaunin skiptast að hálfu jafnt en hinum helmingum er skipt eftir lokasæti (Hort-kerfið). Þar sem fyrstu verðlaunin er mun hærri en önnur er mjög mikilvægt að vera hár á Buchols-stigum, sem skera úr um röð séu menn jafnir af vinningum. 

Verði niðurstaðan eins og hún er nú myndi Eljanov fá €4.250 en Wesley So þyrfti að sætta sig við €2.750. Jafntefli er því Eljanov miklu meira í vil, sem hefur mun hærri Buchols-stig heldur en So auk þess sem líklegt er að það fjölgi á toppnum.

Sex skákmenn eru hálfum vinningi á eftir þeim félögum með 7 vinninga. Hæst verðlaun þeirra fær Gajewski (€942) eins og staðan er nú en Bassem og Jones fá minnst (€492). Með vinningi geta sexmenningarnir komist í skipt efsta sæti og hér verður því án efa barist. Hér mætast: Jones-Giri, Wei Yi-Cheparinov og Amin-Gajewski.

Tíu skákmenn hafa 6,5 vinning. Þar á meðal eru Hannes Hlífar Stefánsson og Þröstur Þórhallsson. Eins og staðan er fá viðkomandi €35-€210 í verðlaun. Í þessum viðureignum verður án efa allt lagt undir.

Þrenn aukaverðlaun eru veitt í sex flokkum. Þar skiptast verðlaun ekki jafnt eftir vinningum heldur er þeim eingöngu skipt eftir Buchols-stigum. Skoðum baráttuna í hverjum aukaverðlaunaflokki.

 

Skákstig 2201-2400:

Þar hefur norski strákurinn Aryan Tari náð forystunni hefur 6 vinninga. Sjö skákmenn hafa 5½ vinning en enginn þeirra íslenskur.

Skákstig 2001-2200:

Þar er baráttan einnig mjög hörð. Þjóðverjinn Frank Drill og Jón Þór Bergþórsson er efstir með 5½ vinning. Sex skákmenn hafa 5 vinninga og þar á meðal eru Jóhann H. Ragnarsson, Magnús Pálmi Örnólfsson og Guðlaug Þorsteinsdóttir.

Undir 2000 skákstigum:

Þar eru þrír skákmenn efstir og jafnir með 5 vinninga. Það er Hallgerður Helga Þorsteinsdóttir, Jón Kristinn Þorgeirsson og austurríkismaðurinn Kiaras Pretterhofer.

Stigahæstu ungmenni

Veitt eru verðlaun efstu manna fædda 1997 og síðar. Wei Yi hefur þegar tryggt sér efsta sætið, með 7 vinninga, Annar er Tari með 6 vinninga og þriðji er Wang Yiye með 5½ vinning. Jón Kristinn Þorgeirsson er efstur Íslendinga með 5 vinninga.

Kvennaverðlaun:

Þar eru fjórar skákkonur efstar og jafnar með 6 vinninga. Það eru kínversku stúlkurnar Tan Zhongyi, Gui Qi, Huang Qian og svo hin georgíska Sopiko Guramishvili. Guðlaug Þorsteinsdóttir og Hallgerður Helga Þorsteinsdóttir eru efstar íslenskra kvenna með 5 vinninga.

Bestur árangur miðað við eigin skákstig

Í þessum útreikningi er reiknaður stigaárangur (Rating performance) alþjóðlega skákstiga að frádregnum alþjóðlegum skákstigum viðkomandi.

Þar er Nansý Davíðsdóttir (384) efst en í næstum sætum koma Tinna Kristín Finnbogadóttir (298), Jakob Alexander Petersen (262), Dagur Kjartansson (248) og Jón Kristinn Þorgeirsson (2444).

Áfangar

Nú þegar hafa fimm áfangar komist í hús. Eins og áður hefur komið fram náði Wei Yi sínum lokaáfanga að stórmeistaratitli. 

Auk hans hafa 4 skákmenn náð áfanga að alþjóðlegum meistaratitli. Það eru kínversku stúlkurnar Huang Qian, Tan Zhongyi og Wang Jue og svo bandríski skákmaðurinn Yaacov Norowitz.

Án efa munu fleiri áfangar detta í hús að lokinni 10. umferðinni í dag.

• Heimasíða mótsins
• Chess-Results
• Beinar útsendingar

Eljanov og So efstir á N1 Reykjavíkurskákmótinu - spennandi lokaumferð framundan

Úkraínumaðurinn Pavel Eljanov og Wesley So frá Filippseyjum eru efstir með 7,5 vinningi að lokinni níundu og næstsíðustu umferð N1 Reykjavíkurskákmótsins sem fram fór í kvöld. Eljanov vann Kínverjann Ding Liren en So vann pólska stórmeistarann Marcin Dziuba. Sex skákmenn hafa 7 vinninga þar á meðal eru Anish Giri, stigahæsti keppandi mótsins og Wei Yi, sem í dag varð yngsti stórmeistari heims en hann er aðeins 13 ára.

Þröstur Þórhallsson vann mikinn seigluseigur á tyrkneska stórmeistaranum Dragan Solak og er efstur Íslendinga í 9.-17. sæti með 6,5 vinning ásamt Hannes Hlífari Stefánsson sem sýndi ekki síðri seiglu þegar hann hélt jafntefli gegn Kínverjanum sterka Yu Yanguyi í 92 leikjum. 

Hjörvar Steinn Grétarsson, sem vann Björn Þorfinnsson, Stefán Kristjánsson og Guðmundur Kjartansson koma næstir Íslendinga með 6 vinninga.

Tíunda og síðasta umferð fer fram á morgun og fer fram miklu fyrr en venjulega eða kl. 12.

Í lokaumferðinni eru margar mjög athyglisverðar viðureignir. Toppmennirnir Eljanov og So mætast.

Þröstur mætir Ding Liren, Hannes Hlífar Stefánsson teflir við Ivan Sokolov, Stefán Kristjánsson fær næststigahæsta keppenda mótsins Vachier-Lagrave og Hjörvar Steinn Grétarsson fær engan annan en David Navara. Vinni Hjörvar fær sinn lokaáfanga að stórmeistaratitli en tékkneski andstæðingurinn er þriðji stigahæsti keppandi mótsins. Friðrik Ólafsson teflir svo við asersku landsliðskonuna Turkan Mamedjarova.

• Heimasíða mótsins
• Chess-Results
• Beinar útsendingar
• Myndaalbúm 8. umferðar

Wei Yi yngsti stórmeistari heims

 

Eftir tölfræðigrúsk og útreikninga helstu skákstiga- og titlasérfræðinga er það staðfest. Kínverski undradrengurinn, Wei Yi, sem er aðeins 13 ára (ekki 14 - er fæddur 2. júní 1999) verður í dag um leið og skák dagsins gegn pólska stórmeistaranum Grzegorz Gajewski hefst stórmeistari í skák. Breyta þar úrslit skákarinnar engu. Wei Yi verður jafnframt fjórði yngsti stórmeistari allra tíma. Aðeins Karjakin, Negi og Carlsen hafa verið yngri.

Viðtal sem Peter Doggers tók við hann með aðstoð Davíðs Hallssonar (föður Nansýar) má finna hér að neðan. Þar kemur m.a. fram að hann er mikill aðdáandi Magnusar Carlsen.

Jafnframt er það staðfest að kínverska skákkonan Wang Jue hefur náð áfanga að alþjóðlegum meistaratitli og það er einnig ljóst að fleiri áfangar eiga eftir að detta í hús að loknum 9. og 10. umferðum.

 

 

Íslandsmót skákfélaga fer fram næstu helgi í Hörpu

Það er lítil hvíld fyrir íslenska skákmenn því dagana 1. og 2.  mars nk. fer fram seinni hluti Íslandsmóts skákfélaga 2012-2013. Teflt verður í Hörpu.

Dagskrá:

• Föstudagur 1. mars, kl. 20.00, 5. umferð
• Laugardagur 2. mars, kl. 11.00, 6. umferð
• Laugardagur 2. mars, kl. 17.00, 7. umferð

 

Chess-Results

Baráttan um verðlaunin á N1 Reykjavíkurskákmótinu

 

Nú þegar átta umferðir af tíu eru búnar á N1 Reykjavíkurskákmótinu er baráttan heldur betur farin að harðna. Sex skákmenn eru efstir og jafnir með 6 vinninga. Þar á meðal Kínverjinn Wei Yi, sem ku víst vera nýlega orðinn 14 og gæti orðið yngsti stórmeistari heims að móti loknu. Hart er barast um heildarverðlaunin sem nema €15.000.

Því var breytt í ár að verðlaun N1 Reykjavíkurskakmótinu skiptist jafnt heldur er þeim skákmönnum sem hafa fleiri Buchols-stig og hafa þ.a.l. verður lengur í toppbaráttunni umbunað sérstaklega. Helmingur verðlauna skiptist jafnt en hinum helmingum er raðað eftir lokasæti á mótinu (Hort-kerfið). Eljanov sem er hæstur á Buchols-stigum fengi ef mótinu lyki nú €3.342 í verðlaun en Ding Liren, sem er neðstur sexmenninganna fengi aðeins €1.067. Það má því gera ráð fyrir að menn muni berjast hart áfram í lokaumferðunum, sér í lagi af þeirra hálfu sem komu seint inn í toppbaráttuna.

Þrenn aukaverðlaun eru veitt í sex flokkum. Þar skiptast verðlaun ekki jafnt eftir vinningum heldur er þeim eingöngu skipt eftir Buchols-stigum. Skoðum baráttuna í hverjum aukaverðlaunaflokki.

Skákstig 2201-2400:

Þar baráttan afar hörð. Tvær stúlkur eru efstar og jafnar. Það eru kínverska stúlkan Wang Jue (2375) og úkraínska stúlkan Svetlana Cherednichenko (2307) efstar með 5,5 vinning. Sex skákmenn koma næstir með 5 vinninga og þeirra á meðal eru Dagur Arngrímsson (2375) og Guðmundur Gíslason (2329).

Skákstig 2001-2200:

Þar er baráttan einnig mjög hörð. Norski FIDE-meistarinn Richard Bjerke (2131) og Jóhann Ragnarsson (2046) eru efstir með 5 vinninga. Jón Þór Bergþórsson (2125) er meðal þriggja sem hafa 4,5 vinning.

Undir 2000 skákstigum:

Þar eru fjórir skákmenn efstir og jafnir með 4,5 vinning. Tinna Kristín Finnbogadóttir (1871) er efst allra eftir stigaútreikning en Nökkvi Sverrisson (1990), Volker Kuehnast (1936) og Bjarni Sæmundsson (1935) eru jöfn henni að vinningum.

Stigahæstu ungmenni

Veitt eru verðlaun efstu manna fædda 1997 og síðar. Það kemur ekki á óvart að þar er Wei Yi langefstur og mun væntanlega hirða efstu verðlaunin. Í 2.-4. sæti með 5 vinninga eru Dinara Saduakassova frá Kasakstan, Aryan Tari, Noregi og Wang Yiye, Kína.

Efstir Íslendinga eru Dagur Ragnarsson, Jón Trausti Harðarson og Jón Kristinn Þorgeirsson með 4 vinninga.

Kvennaverðlaun:

Þar er hin georgíska Sopiko Guramishvili efst með 6 vinninga. Í 2.-3. sæti með 5,5 vinning eru Wang Jue (2375) og úkraínska stúlkan Svetlana Cherednichenko (2307) sem þar með gætu krækt sér í tvenn aukaverðlaun.

Bestur árangur miðað við eigin skákstig

Í þessum útreikningi er reiknaður stigaárangur (Rating performance) alþjóðlega skákstiga að frádregnum alþjóðlegum skákstigum viðkomandi.

Þar er Nansý Davíðsdóttir (384) efst en í næstum sætum koma Tinna Kristín (331), Mikael Helin (291), Dagur Kjartansson (280) og Jakob Alexander Petersen (264).

• Heimasíða mótsins
• Chess-Results
• Beinar útsendingar
• Myndaalbúm 8. umferðar

Fimm stórmeistarar og eitt undrabarn leiða N1 Reykjavíkurskákmótið

Fimm stórmeistarar og eitt undrabarn leiða með 6,5 vinning að lokinni áttundu umferð N1 Reykjavíkurskákmótsins sem fram fór í kvöld í Hörpu. Stórmeistararnir er þeir Eljanov, Úkraínu, Wesley So frá Filippseyjum, Pólverjarnir Gajewski og Dziuba og og Kínverjinn Ding Liren. Undrabarnið er svo hinn 13 ára Kínverji Wei Yi sem lagði næststigahæsta keppenda mótsins Vachier-Lagrave. Wei Yi gæti orðið yngsti stórmeistari heims á morgun.

Hannes Hlífar Stefánsson er meðal 11 skákmanna sem hafa 6 vinninga eftir góðan sigur á pólska stórmeistaranum Bartosz Socko. Þröstur Þórhallsson og Henrik Danielsen koma næstir Íslendinga með 5,5 vinning.

Bæði Hjörvar Steinn Grétarsson og Friðrik Ólafsson máttu sætta sig við tap í kvöld.

Níunda og næstsíðasta umferð fer fram á morgun og hefst kl.16:30. Skákskýringar í umsjón Jóhanns Hjartarsonar hefjast um kl. 18.

• Heimasíða mótsins
• Chess-Results
• Beinar útsendingar
• Myndaalbúm 8. umferðar