Fréttaskeyti Skákakdemíunnar

Nýtt fréttaskeyti Skákakademíunnar er komið út. Meðal efnis er:

• Maraþon fyrir Barnaspítala Hringsins
• Ungu ljónin úr Vesturbænum fóru á kostum
• Kraftur í Þingeyingum
• Frá Birni Ívari Karlssyni skákkennara.

Fréttaskeytið má nálgast sem viðhengi.

Skrár tengdar þessari bloggfærslu:

• Fréttaskeytti Skákakademíunnar 30. nóvember

Sigurður sigurvegari sjötta móti TM-mótaraðarinnar

Í gærkvöldi lauk 6. og næstsíðustu umferðinni í Mótaröð Skákfélags Akureyrar. 14 kappar mættu til leiks og börðust drengilega á svörtum reitum og hvítum. Eftir umferðina munar aðeins 1,5 vinningum á fyrsta og öðru sæti.

Að venju voru tefldar hraðskákir, allir við alla eða 13 umferðir í það heila. Leikar fóru svo að Sigurður Arnarson varð efstur með 13 vinninga af 14 mögulegum. Hann tapaði aðeins fyrir Jóni Kristni sem heldur toppsætinu í heildarkeppninni. Annar í kvöld varð Áskell Örn hálfum vinningi á eftir Sigurði og í þriðja sæti varð Jón með 10 vinninga. Árangur einstakra keppenda má sjá hér að neðan.

1. Sigurður A. 13 vinningar
2. Áskell 12,5
3. Jón Kristinn 10
4. Sigurður E. 9
5. Smári 8
6. Sveinbjörn 7
7. Símon 6,5
8. Einar Garðar 6
9. Haki 5,5
10. Ari 5
11. Karl 4
12. Hreinn 3
13. Logi 3
14. Bragi 0,5

Alls hafa 24 keppendur tekið þátt í vetur og heildarstaða efstu manna er þessi:

1. Jón Kristinn 61 vinningur
2. Sigurður Arnarson 59.5
3. Sigurður Eiríksson 46,5
4. Áskell Örn Kárason    40
5. Smári Ólafsson 36,5
6. Sveinbjörn Sigurðsson 35
7. Einar Garðar Hjaltason 33,5
8. Haki Jóhannesson 31
9. Ólafur Kristjánsson 31

Skákmaraþonið í þágu Hringsins hefst á hádegi!

Skákmaraþon í þágu Barnaspítala Hringsins hefst í Kringlunni klukkan 12 í dag, föstudag. Mörg efnilegustu börn og ungmenni landsins taka þátt í maraþoninu og skora á gesti og gangandi í skák, gegn frjálsum framlögum sem renna óskipt til Hringsins. Yfirskrift maraþonsins er sótt í kjörorð skákhreyfingarinnar: Við erum ein fjölskylda.

Skákakademían stendur að maraþoninu, en liðsmenn hennar heimsækja leikstofu Hringsins vikulega og tefla við börnin sem eru til lækninga á barnaspítalanum.

Margir þjóðþekktir einstaklingar hafa tekið áskorun krakkanna um að mæta í maraþonið, og má nefna Hermann Gunnarsson, Jóhannes Kristjánsson, Ragnheiði Gröndal, Bjartmar Guðlaugsson og Geir Ólafs, auk þess sem stjórnmálamenn úr öllum flokkum hafa boðað komu sína. Þá munu Lalli töframaður, kumpánarnir Karíus og Baktus, og gleðigjafarnir Skoppa og Skrítla spreyta sig við taflborðið, jafnframt því að skemmta gestum í Kringlunni.

Þau sem ekki eiga heimangengt í maraþonið eða treysta sér alls ekki til að tefla geta gegn frjálsum framlögum fengið nokkra af sterkustu skákmönnum Íslands til að tefla fyrir sig, m.a. Friðrik Ólafsson, Jóhann Hjartarson, Helga Ólafsson, Jón L. Árnason og Hjörvar Stein Grétarsson.

Skákáhugamönnum sem ekki komast á staðinn býðst líka að tefla við krakkana á netinu á www.chess.com, og eru viðkomandi beðnir að senda póst á netfangið [e-mail].

Hægt er að leggja inn á söfnunarreikning 0101-26-083280, kt. 700608-3280.

Á síðasta ári efndi Skákakademían til maraþons í þágu Rauða krossins, og þá söfnuðust hátt í 2 milljónir sem runnu til hjálparstarfs í Sómalíu.

Skákmaraþonið í Kringlunni stendur bæði föstudag og laugardag frá klukkan 12 til 18, og eru landsmenn hvattir til að taka þátt í söfnun krakkanna fyrir Barnaspítala Hringsins.

Krakkarnir skora á börn og fullorðna, pabba og mömmur, afa og ömmur, félög og fyrirtæki að taka þátt í skemmtilegum viðburði í þágu góðs málefnis.

Facebook-síða skákmaraþonsins, smellið hér.

Fáheyrðir yfirburðir Einars Hjalta - Bjarnsteinn og Páll efstir Garðbæinga

A-flokki Skákþings Garðabæjar lauk í kvöld. Einar Hjalti Jensson (2312) sigraði með fáheyrðum yfirburðum en hann vann alla sex andstæðinga sína. Í kvöld vann hann Omar Salama (2285). Kjartan Maack (2132), sem vann Jóhann H. Ragnarsson (2081) varð annar með 4 vinninga. Bjarnsteinn Þórsson (1335) og Páll Sigurðsson (1983) urðu efstir Garðbæinga með 3,5 vinninga. Þeir tefla einvígi til úrslita um titilinn.

Úrslit 6. og síðustu umferðar má nálgast hér. Lokastöðuna má nálgast hér.

Í b-flokki eru tefldar sjö umferðir og fer lokaumferðin fram eftir viku. Þar er Óskar Víkingur Davíðsson efstur með fullt hús en Bjarni Þór Guðmundsson er annar með 5 vinninga.

B-flokkinn má nálgast á Chess-Results.

Skákseglið Grímzó: Jón Þ. Þór varð hlutskarpastur

Kappteflinu um Skákseglið, minningarmót Gríms Ársælssonar, lauk í gær með sigri Jóns Þ. Þór eftir tvísýna baráttu meðal Riddara reitaða borðsins í kristilegu umhverfi Hafnarfjarðarkirkjusafnaðarheimilisvonarhafnarannararhæðarbakhliðarsamkomusals.

Fyrir lokaumferðina voru 3 hugsanlegir sigurvegarar jafnir með 18 stig (nettó), því aðeins þrjú bestu mót hvers og eins af fjórum reiknast með til sigurs.  Auk Jóns voru þetta hinir þrautreyndu vígamenn tafls í stöðum flóknum þeir Ingimar Halldórsson og Sigurður Herlufsen. Sigurður var handhafi hins silfraða segls fyrsta árið um um það var keppt en síðan hafa þeir Þór Valtýsson og Guðfinnur R. Kjartansson náð þeirri vegtyllu að fá nöfn á það greypt gullnu letri. 

Óheft ímyndunarafl og djúpur sköpunarkraftur settu mark sitt á lokaumferðina þrátt fyrir jafntefli milli helstu keppinautanna í fyrri hluta móts. Einar Ess náði óvænt að beisla hugaraflið sitt með árangursríkum hætti með því að vinna Ingimar í 5 umferð í biskupatafli og setja þannig afdrifaríkt strik í reikninginn og toppbaráttuna.   Nálgast nú ört 100 hausa markið á árinu, eftir að hafa bætt Gísla Gunnlaugssyni, Kristni Johnsen og  fleirum við í safnið í síðustu viku

Svo fór að Jón Þ. Þór vann lokamótið  sannfærandi með 9.5 vinningi af 11, Guðfinnur varð annar með 9 og síðan Ingimar með 8 og Sigurður með 7.5 sem var vonum hans minna.

Heildarúrslit urðu því þau að Jón Þ. Þór lauk keppni með 28 GrandPrix stig; Ingimar hlaut 24; Sigurður 23; Guðfinnur 18, Páll 12; Sigurður E. 10 og Össur 9, 5 aðrir hlutu færri stig.

Verndari klúbbsins Sr. Gunnþór Þ. Ingason heiðraði þátttakendur með nærveru sinni og gerðist auðmjúkur meðhjálpari við verðlaunaathöfnina í lok mótsins, eins og sjá má af meðf. myndum.  Á mótstöflunni hér á síðunni má greina nánari úrslit og stigagjöf  sem og á www. riddarinn.net um heim allan.

 

 

ESE-Skákþankar 29.11.12

Atskákmóti Skákklúbbs Icelandair - sveitakeppni frestað þar til 29.-30. desember.

Vegna dræmrar skráningar og fjölda áskorana hefur verið ákveðið að freista þess að auka fjölda þátttakenda með því að halda mótið 29.-30. desember.

Ef ekki tekst að ná nógu mörgum sveitum verður haldið eins dags atskákmót  um umrædda helgi sem verður þá auglýst síðar ef af verður.

Er það von mótshaldara að þetta mælist vel fyrir og þetta muni ekki hafa áhrif á þátttöku í öðrum mótum sem eru í gangi á svipuðum tíma.

Engar aðrar breytingar verða á fyrirkomulagi mótsins og áfram verður miðað við nóvemberlista  FIDE og septemberlista  íslenska listans.

***

Varðandi salakynnin:

Það er gleðiefni að það eru meiri líkur en minni að hægt verði að vera í salnum uppi á þessum nýja tíma. Það er ekki réttlætanlegt Skákklúbburinn fái að vera í salnum uppi frítt ef það kemur stór borgandi ráðstefna og er það von mótshaldara að skákmenn sýni þessu skilning en eins og staðan er í dag verður mótið uppi.

***

Skráningu lýkur aðfaranótt fimmtudagsins 20. Desember

• Nánari upplýsingar um mótið má sjá hér.
• Skráning fer fram hér.
• Hægt er að fylgjast með skráningum hér.
• Á Facebook er hægt að skiptast á skoðunum og auglýsa sig eða eftir liðsmönnum  
• Einnig er hægt að auglýsa sig á skákhorninu

Sjáumst og kljáumst!

Óskar Long, formaður Skákklúbbs Icelandair.

Hlynur, Ari og Hafþór héraðsmeistarar HSÞ í skák

Héraðsmót HSÞ í skák fyrir 16 ára og yngri var haldið í Dalakofanum á Laugum í Reykjadal í gær. Góð þátttaka var í mótinu en 22 keppendur frá 6 félögum (innan HSÞ) tóku þátt í því. Hlynur Snær Viðarsson (Völsungi) vann allar sínar 7 skákir og stóð uppi sem sigurvegari í flokki 13-16 ára. Ari Rúnar Gunnarsson (Mývetningi) vann sigur í flokki 9-12 ára með 5 vinninga og Hafþór Höskuldsson (Bjarma) vann sigur í flokki 8 ára og yngri með 3 vinninga. 

 

Hluti keppenda á héraðsmóti HSÞ fyrir 16 ára og yngri.

Lokastaðan:

 1   Hlynur Snær Viðarsson,      Völ       1075 7   20.0  
 2   Valur Heiðar Einarsson,     Völ       1154 6   22.0  
 3   Ari Rúnar Gunnarsson,       Mýv       700  5   16.0  
4-5  Eyþór Kári Ingólfsson,      Ein       700  4.5 22.5  
     Bjarni Jón Kristjánsson,    Efl       800  4.5 19.5  
6-8  Ásgeir Ingi Unnsteinsson,   Efl       800  4   22.0  
     Jón Aðalsteinn Hermannsso,  Efl       800  4   21.0  
     Arnar Ólafsson,             GA        700  4   19.0  
9-13 Helgi Þorleifur Þórhallss,  Mýv       600  3.5 19.0  
     Helgi James Þórarinsson,    Mýv       700  3.5 18.0  
     Jakub Piotr Statkiewicz,    Efl       700  3.5 17.0  
     Bergþór Snær Birkisson,     Völ       400  3.5 16.5  
     Páll Svavarsson,            Völ       500  3.5 13.0  
14-17Pétur Smári Víðisson,       Efl       600  3   15.5  
     Björn Gunnar Jónsson,       Völ       500  3   15.0  
     Margrét Halla Höskuldsdót,  Völ       400  3   13.5  
     Hafþór Höskuldsson,         Bja       200  3   12.0  
18-19Stefán Bogi Aðalsteinsson,  Efl       500  2   17.0  
     Magnús Máni Sigurgeirsson,  Völ       200  2   14.5  
20-22Hilmar Örn Sævarsson,       Efl       400  1.5 16.0  
     Guðni Páll Jóhannesson,     Efl       400  1.5 14.5  
     Valdemar Hermannsson,       Efl       300  1.5 12.5  

Hlynur Snær Viðarsson héraðsmeistari HSÞ 2012 í flokki 13-16 ára.

 

Ari Rúnar Gunnarsson héraðsmeistari HSÞ í flokki 9-12 ára.

 

Hafþór Höskuldsson héraðsmeistari HSÞ í flokki 8 ára og yngri.

 

Þrír efstu í flokki 8 ára og yngri. Valdemar, Hafþór og Magnús.

 

Hluti keppenda í Dalakofanum í dag. 

Að móti loknu bauð Goðinn-Mátar öllum keppendum á pizzu-hlaðborð í Dalakofanum. Hermann Aðalsteinsson formaður Goðans-Máta var mótsstjóri. 

Júlíus efstur öðlinga

Júlíus Friðjónsson (2187) er efstur með 4½ vinning að lokinni 5. umferð Vetrarmóts öðlinga sem fram fór í gærkveldi eftir sigur á Þorvarði Fannari Ólafssyni (2202). Sverrir Örn Björnsson (2154), sem gerði jafntefli við Halldór Pálsson (2064), og Sævar Bjarnason (2100), sem vann Vigni Bjarnason (1892) koma næstir með 4 vinninga.

Úrslit fimmtu umferðar má finna hér. Stöðu mótsins má finna hér. Röðun 6. og næstsíðustu umferðar, sem fram fer á miðvikudagskvöld má finna hér.

Þá mætast meðal annars: Sævar - Júlíus og Sverrir Örn - þór Már Valtýsson (2011)

• Heimasíða TR
• Chess-Results

UMFS Selfoss bestir!

Það voru fimm sveitir sem mættu til leiks í Selinu í gærkvöldi.  Tvær sveitir frá Selfossi, tvær frá ungmennafélaginu Dímon úr Rangárþingi og síðan sveit frá ungmennafélaginu Baldri í Hraungerðishreppi.

Tefldar voru 15 mínútna skákir allir við alla, aldagamalli venju samkvæmt.

Við harðri baráttu að búast enda sveitir skipaðar sterkum keppendum, þannig voru þeir Dímonarsveinar með engan annan en hraðskákmeistara SSON á fyrsta borði, Selfyssingar höfðu honum til höfuðs Pál Leó á meðan Baldursliðar stilltu upp skák-og atskákmeistara SSON á fyrsta borði engum öðrum en Laugardælingnum knáa Ingimundi Sigurmundarsyni.

Minni spámenn síðan á 2.-4 borði í sveitunum en margir öflugir skákmenn eigi að síður og ekki má gleyma því að vinningar þeirra eru jú jafnmikilvægir og þeir sem framverðir sveitanna ná í hús.

Því miður náði Þór Þorlákshöfn ekki að manna sveit í ár en þeir hafa oft á tíðum riðið vel feitum hestum frá þessari sveitakeppni.

Í fyrstu umferð mætti a sveit Selfyssinga Dímon þar sem Selfyssingar höfðu fullnaðarsigur eða ippon, 4-0.

Í annari umferð máttu Baldursmenn síðan sættast á jafnan hlut á móti Dímon b, nokkuð óvænt úrslit miðað við að Baldurmenn höfðu titil að verja.

Í þriðju umferð mættust síðan Dímon a og Baldur, þá viðureign unnu Baldursmenn örugglega 3-1, sem átti eftir að reynast mikilvægur sigur.

Í þeirri fjórðu hafði síðan a sveit Selfoss góðan sigur á Baldri, 3-1 og nokkuð ljóst að erfitt yrði að koma í veg fyrir sigur mjólkurbæinga sem unnu síðan Dímon b örugglega í síðustu umferð.

Niðurstaðan sú að a sveit Selfoss vann keppnina örugglega með 15 vinningum af 16.

Jafnar í öðru til þriðja urðu síðan sveitir Baldurs og Dímon með 8,5 vinninga, en Baldur fékk silfur á sigri í innbyrðis viðureign.

1.       Umf Selfoss-a

Páll Leó   4v
Magnús M  3v
Ingvar Örn  4v  
Grantas  4v 

2.       Umf Baldur

Ingimundur  3v

Úlfhéðinn   4 v

Þorvaldur S  0v

Skeggi Skeggjas.  1,5 v

3.       Umf Dímon

Björgvin Guðm.  2v

Björgvin Reynis.  2v

Jón Helgason  2,5

Anton Guðjónss.  2v

KR: Sigurður Herlufsen hrósaði sigri

Það er ekki tekið út með sitjandi sældinni að taka þátt í hraðskákmótum í KR-heimilinu á mánudagskvöldum.  Nærri 30 keppendur mættir til harks - 13 umferðir takk - hvorki meira né minna. Keppendur fá varla „hlandgrið" milli skáka,  eins og Högni Torfason sagði stundum,  svo hratt gengur hið gráa gaman og grimmi hráskinnaleikur fyrir sig.

Þeir sem haldnir eru svokallaðri „skákáráttupersónuleikastreituröskun" eða skákdellu öðru nafni  eru sí og æ að brjóta heilann yfir flækjum manntaflsins. Þungt þjakaðir af sífelldum heilabrotum um skákbyrjanir, varnir og varíanta. Því er kannski ekki alveg út í hött (Hróa hött eða Tóka munk)  að skilgreina þá sem eins konar „síbrotamenn"  á sínu sviði. Þekkt hugtak úr lögregluskýrslum sem lagatæknar  kannast líka mæta vel við um óforbetranlega smákrimma.   KriSt hrl.,  formaður skákdeildarinnar,  þekkir vel til margra slíkra síbrotamanna úr starfi sínu sem landsfrægur verjandi. Þeir fá oftast milda refsingu því þeim er ekki alveg sjálfrátt.  Það sama gildir um skákfíklana, þeim er ekki alveg sjálfrátt heldur, sífellt að brjóta heilann.  

Nú hópast hér að honum sægur „síbrotamanna" með skákbakteríu sem engin bönd fá hamið, nema þeir fái að tefla og máta hvern annan sleitulaust.  Kristján tekur þeim öllum fagnandi með bros á vör og setur mótið.  Segja má að „einbeittur brotavilji"  auk sterks sigurvilja, einkenni fas þeirra og framkomu alla þegar þeir reyna að brjótast gegnum varnir mótherja sinna og freista þessa að gera brotaþolum sínum allt til miska.  Hörkunaglar og skáktöffarar sem engu eira. Láta ekki einu sinni vesælt peð úr hendi sleppa - nema baneitrað sé.  Gangast upp í því  að valda eins miklum óskunda og mannfalli í liði mótherja sinna og möguleg er,  áður en þeir ná að máta andstæðinginn  eða kála kóngi hans. Stundum snýst taflið óvænt  við og fallhættan er alltaf fyrir hendi. Því betra að hafa vaðið fyrir neðan sig - skákin er ekki búin fyrr en hún er búin.

Mótið sl. mánudag bar merki þessa alls. Þó Gunnararnir væru fjarri  góðu gamni var skáksalurinn troðfullur af fantagóðum skákgeggjurum. Þar af einum af erlendu bergi, Jorge Fonseca, Spánverja sem búsettur hefur verið hérlendis um árabil. Tölvunarfræðingur sem er væntanlega vel að sér í Houdini og Fritz og  hulduheimum skákfræðanna. Öflugur skákmaður úr VIN sem náði m.a. að vinna stórmeistarann frænka Jóhann Hjartarson óvænt í Íslandsmóti taflfélaga fyrr á árinu.  Enda fór hann vel af stað í mótinu og vann 6-7 fyrstu skákirnar þangað til að úthaldið fór etv. að segja til sín og einhverjir varnarjaxlar úr KR náðu að stoppa hann af.

En hinn eitilharði og sigursæli Sigurður A. Herlufsen (76) reyndist hins vegar óstöðvandi. Var öryggið uppmálað,  fór taplaus í gegnum mótið og gerði  aðeins 3 jafntefli  og stóð svo að endingu uppi sem glæstur sigurvegari  eina ferðina enn með 10.5 vinninga af þrettán. Glæsilegt hjá honum.   Jón Þ. Þór sem hafði orðið fremstur meðal jafningja vikuna áður varð nú að sætta sig við 2. sætið með 9.5 vinning og var eðlilega ósáttur við það eftir atvikum.    Þriðji í röðinni varð svo áður nefndur Jorge með 9v, en félagar hans þeir Birgir Berndsen og Ingi Tandri Traustason, ásamt Dr. Ingimar komu svo næstir allir með 8.5v.  Aðrir með minna, en einn er hver einn, sögðu skakkarlarnir í gamladaga á handfærunum og undu glaðir við sitt.

Lauk svo skemmtilegu og velheppnuðu hörkumóti að sögn þátttakenda og menn fóru  að koma sér heim í háttinn enda kvöldi tekið vel að halla.   En það kemur dagur eftir þennan.  

Nánari úrslit má sjá á  meðf. mótstöflu  hér á síðunni og á  www. kr.is (skák)

 

 

ESE-skákþankar 27.11.2012