15 mínútna skákmót Hugins á föstudaginn

Hið árlega 15 mín skákmót Hugins á Húsavík verður haldið föstudagskvöldið 21. október í Framsýnarsalnum Garðarsbraut 26 á Húsavík og hefst mótið kl 20:00. Áætluð mótslok eru um kl 23:00. Tefldar verða 7 umferðir eftir sviss-manager kerfi og verður umhugsunartíminn 15 mín, eins og gefur að skilja. Umferðafjöldinn fer þó eftir fjölda keppenda. Mótið verður reiknað til Fide-atskákstiga.

Teflt verður í einum flokki en verðlaun veitt fyrir 3 efstu í fullorðinsflokki og flokki 16 ára og yngri. Veittur verður farandbikar fyrir sigurvegarann í báðum flokkum.

Þátttökugjald er kr 500 á alla keppendur.

Tómas Veigar Sigurðarson vann mótið 2014 og 2015 mun hann örugglega reyna að verja þann tiltil á föstudag. Takist honum það vinnur hann verðlaunabikarinn til eignar.

Mótið á chess-results 

Hermann tekur við skráningum í síma 4643187 og 8213187 og einnig á [e-mail]

Hraðskákmót TR fer fram í kvöld

Hraðskákmót Taflfélags Reykjavíkur verður haldið í húsnæði félagsins að Faxafeni 12 miðvikudaginn 19.október kl. 19:30. Tefldar verða 11 umferðir eftir svissnesku kerfi og er umhugsunartíminn 3 mínútur auk þess sem 2 sekúndur bætast við eftir hvern leik (3+2). Þessi tímamörk eru þau sömu og FIDE notar í heimsmeistaramótinu í hraðskák. Mótið verður jafnframt reiknað til alþjóðlegra skákstiga.

Þátttökugjald er 1000kr fyrir 16 ára og eldri, en 500kr fyrir 15 ára og yngri. Félagsmenn TR sem eru 15 ára og yngri fá frítt í mótið. Verðlaun verða veitt fyrir þrjú efstu sætin. Auk þess verður krýndur Hraðskákmeistari Taflfélags Reykjavíkur. Skráning í mótið fer fram á mótsstað á miðvikudag og lýkur henni um kl.19:25.

Yfirdómari mótsins verður Ólafur Ásgrímsson.

Í mótinu í fyrra sigraði Oliver Aron Jóhannesson með 11,5 vinning í 14 skákum. Hilmir Freyr Heimisson hlaut 10 vinninga í 2.sæti og Dagur Ragnarsson hreppti þriðja sætið með 9,5 vinning. Hilmir Freyr er núverandi Hraðskákmeistari Taflfélags Reykjavíkur. Nánari upplýsingar um mótið í fyrra má finna hér: Hraðskákmót TR 2015

Að loknu hraðskákmótinu fer fram verðlaunaafhending fyrir Haustmót Taflfélags Reykjavíkur.

Skákþing Garðabæjar - óvænt úrslit!

Skákþing Garðabæjar 2016 hófst í gær með 7 skákum. Mikið var af óvæntum úrslitum. Á fyrsta borði gerði Jón Þór Lemery jafntefli við Baldur Möller eftir að Baldur sem hafði þægilega stöðu lék af sér manni. Á öðru borði vann Ingvar Egill Vignisson skák sína gegn Lofti Baldvinssyni þar sem Loftur vildi ekki sættast á jafntefli og endaði á að tapa. Þeir Birkir Ísak, Alec og Bjarki Freyr gerðu svo góð jafntefli sem þeir voru ekki í öllum tilfellum sáttir við gegn mun stigahærri andstæðingum.

Páll Sigurðsson og Jón Eggert Hallsson voru einu stigahærri keppendurnir sem unnu.

Næsta umferð verður tefld næsta mánudag. Sjá má allar skákirnar á pgn formi, stöðu og pörun 2. umferðar á Chess-Results.

Heimasíða TG

Æskan og ellin fer fram á laugardaginn

Skákmótið ÆSKAN OG ELLIN, þar sem kynslóðirnar mætast, verður haldið í 13. sinn laugardaginn 22. október í Skákhöllinni í Faxafeni. 

TAFLFÉLAG REYKJAVÍKUR og RIDDARINN, skákklúbbur eldri borgara á höfuðborgarsvæðinu, með stuðningi TOPPFISKS ehf – leiðandi fyrirtækis í ferskum og frystum sjávarafurðum - standa saman að mótshaldinu sem hefur eflst mjög að öllu umfangi og vinsældum með árunum.  

Fyrstu 9 árin var mótið haldið í Strandbergi, safnaðarheimili Hafnarfjarðarkirkju, þar sem Riddarinn hefur aðsetur sitt og eldri skákmenn hittast til tafls vikulega allan ársins hring, en nú síðustu 3 árin í samstarfi við TR- elsta og öflugasta taflfélag landins. Þessi mót - þar sem kynslóðirnar mætast - hafa jafnan verið fjölsótt jafnt af yngri sem eldri skákmönnum og velheppnuð. Yfir 80 ára aldursmunur hefur iðulega verið milli yngsta og elsta keppandans.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri, og roskna skákmenn, 60 ára og eldri. Mótið hefst kl.13 og verða tefldar 9 umferðir með 7 mínútna umhugsunartíma.

Vegleg verðlaun og viðurkenningar. Auk aðalverðlauna verða veitt aldursflokkaverðlaun í 3 flokkum ungmenna og öldunga.  Annars vegar fyrir þrjú efstu sæti í barna- og unglingaflokkum, 9 ára og yngri; 10-12 ára og 13-15 ára og hins vegar fyrir efstu menn í 3 öldungaflokkum, 60-69 ára; 70-79 ára og 80 ára og eldri. Auk þess fær sú telpa sem bestum árangri nær og yngsti og elsti keppandi mótsins heiðursverðlaun

Mótsnefnd skipa þeir Kjartan Maack, formaður TR, og Einar S. Einarsson,  formaður Riddarans. Skákstjóri verður Páll Sigurðsson, alþl. dómari.

Skráning til þátttöku fer fram á www.skak.is og www.taflfelag.is vikuna fyrir mót.  Hámarksfjöldi keppenda miðast við 100 og því mikilvægt að skrá sig sem fyrst og/eða mæta tímanlega á mótsstað. Ekkert þátttökugjald. 

Huginn hraðskákmeistari taflfélaga

Úrslit Íslandsmóts skákfélaga í hraðskák sl. laugardag. Skákfélagið Huginn varði Íslandsmeistaratitil sinn með því að sigra Taflfélag Reykjavíkur í hörkuskemmtilegri viðureign með 39 vinningum gegn 33. Lokatalan segir ekki alla söguna um baráttuna því að Huginn sigraði í 6 umferðum, TR í 5 og aðeins einni umferð lauk með jafntefli.

Flesta vinninga Huginsmanna hlutu Hjörvar Steinn Grétarsson og Hannes Stefansson, 10 vinninga af 12 mögulegum, en næstur kom Helgi Grétarsson með 6,5 af 12. Hlutskarpastir TR-inga voru Gudmundur Kjartansson og Arnar Gunnarsson með 7 vinninga af 12 hvor, en strax þar á eftir komu Jón Viktor Gunnarsson og Bjorn Thorfinnsson með 6,5 af 12.

Heildarúrslit má nálgast á Chess-Results.

Leikmönnum beggja liða er þökkuð vaskleg og drengilega framganga. Teflt var í vistlegum húsakynnum Kaffi Sólon enda við hæfi að slegið sé viðeigandi umgjörð um svo skemmtilegan menningarviðburð og verður þar vonandi framhald á.

Athygli vakti að við upphaf viðureignarinnar lögðu talsmenn TR og Hugins,Kjartan Maack og Jón Þorvaldsson, báðir áherslu á þá miklu möguleika sem fælust í framtíðarsamstarfi þessara tveggja stærstu skákfélaga landsins og hvatti Kjartan viðstadda til að leggja fram hugmyndir sem vinna mætti úr. Spennandi verður að sjá hvernig til tekst um þetta samstarf en víst er að vel fer á því að starfa saman og reyna með sér í bróðerni.

Skákstjórar voru Vigfús Ó. Vigfússon og Kjartan Maack. 

Skákþing Garðabæjar hefst í kvöld

Skákþing Garðabæjar hefst mánudaginn 17. október 2016. Tefldar verða 7 umferðir og verður mótið reiknað til íslenskra og alþjóðlegra stiga. 

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Umferðatafla:

• 1. umf. Mánudag 17. okt. kl. 19:30.
• 2. umf. Mánudag 24. okt. kl. 19:30 
• 3. umf. Mánudag 31. okt. kl. 19:30
• 4. umf. Mánudag  7. nóv. kl. 19:30
• 5. umf. Mánudag 14. nóv. kl. 19:30
• 6. umf. Mánudag 21. nóv. kl. 19:30
• 7. umf. Mánudag 28. nóv. kl. 19:30

Verðlaunaafhending og Hraðskákmót Garðabæjar mánudaginn 5. desember kl 20:00

Keppnisfyrirkomulag er svissneskt kerfi. Skákstjórar er Páll Sigurðsson. Sími 860 3120.

Tímamörk eru 90 mínútur og 30 sek sem bætist við hvern leik. Mótið er opið öllum.

Leyfilegt er í mótinu í umferðum 1-5 að taka einu sinni hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir.

Verðlaun auk verðlaunagripa:

Heildarverðlaun uþb. 60% af aðgangseyri í hvorum flokki skipt eftir Hort-kerfinu.

Verðlaun skiptast (50/30/20). Lágmarks-heildarverðlaun eru 20.000.

Mótið er um leið skákþing Taflfélags Garðabæjar. (keppt er um titilinn ef jafnt).

Aukaverðlaun verða fyrir þann skákmann sem nær flestum samanlögðum vinningum úr bæði Skákþingi Garðabæjar og U2000 móti Taflfélags Reykjavíkur. (samanlögð Buchholz stig ráða ef jafnt á vinningum) Kr. 10.000.-

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 3000 kr. 17 ára og yngri ókeypis.

Utanfélagsmenn. Fullorðnir 4000 kr. Unglingar 17 ára og yngri 2000 kr

Skráning í mótið fer fram á heimasíðu TG. www.tgchessclub.com og á skak.is

Skákmeistari Garðabæjar 2015 er Jóhann H. Ragnarsson.

Ingvar Þór sigurvegari Haustmóts TR - Vignir Vatnar skákmeistari TR

Ingvar Þór Jóhannesson vann skák sína gegn Gauta Páli Jónssyni í 9.umferð Haustmótsins og um leið tryggði hann sér sigur í A-flokki. Dagur Ragnarsson varð annar og Vignir Vatnar Stefánsson lauk keppni í þriðja sæti. Vignir Vatnar er jafnframt nýr skákmeistari Taflfélags Reykjavíkur.

 

Lokastaða A-flokks:

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1	FM	Johannesson Ingvar Thor	2367	ISL	*	½	1	½	1	½	1	½	1	1	7,0	28,25	0,0	5
2	FM	Ragnarsson Dagur	2272	ISL	½	*	0	1	½	½	1	1	1	1	6,5	24,25	0,0	5
3		Stefansson Vignir Vatnar	2129	ISL	0	1	*	½	½	½	½	1	1	1	6,0	22,50	0,0	4
4		Olafsson Thorvardur	2184	ISL	½	0	½	*	½	0	1	½	1	1	5,0	18,25	0,0	3
5		Hardarson Jon Trausti	2100	ISL	0	½	½	½	*	1	0	½	1	1	5,0	18,00	0,0	3
6	FM	Johannesson Oliver	2255	ISL	½	½	½	1	0	*	½	½	0	1	4,5	19,75	0,0	2
7		Viglundsson Bjorgvin	2185	ISL	0	0	½	0	1	½	*	½	1	1	4,5	15,00	0,0	3
8		Loftsson Hrafn	2192	ISL	½	0	0	½	½	½	½	*	½	½	3,5	14,50	0,0	0
9		Jonsson Gauti Pall	2082	ISL	0	0	0	0	0	1	0	½	*	½	2,0	6,75	0,0	1
10		Sigurdsson Birkir Karl	1900	ISL	0	0	0	0	0	0	0	½	½	*	1,0	2,75	0,0	0

 

Aron Þór Mai vann B-flokkinn með miklum yfirburðum. Aron Þór vann bróður sinn, Alexander Oliver Mai, í lokaumferðinni og hefur um leið tryggt sér sæti í A-flokki Haustmótsins árið 2017. Hörður Aron Hauksson varð annar og Veronika Steinunn Magnúsdóttir lenti í þriðja sæti.

Lokastaða B-flokks:

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1		Mai Aron Thor	1845	ISL	*	½	1	1	1	½	1	1	½	1	7,5	30,75	0,0	6
2		Hauksson Hordur Aron	1867	ISL	½	*	0	0	+	1	1	½	1	1	6,0	23,50	0,0	5
3		Magnusdottir Veronika Steinun	1777	ISL	0	1	*	½	0	½	1	½	1	1	5,5	19,75	0,0	4
4		Mai Alexander Oliver	1656	ISL	0	1	½	*	+	½	0	½	1	½	5,0	20,75	0,0	3
5		Briem Stephan	1569	ISL	0	–	1	–	*	0	1	1	1	1	5,0	17,00	0,0	5
6		Lemery Jon Thor	1591	ISL	½	0	½	½	1	*	½	0	½	1	4,5	19,25	0,0	2
7		Luu Robert	1672	ISL	0	0	0	1	0	½	*	1	½	+	4,0	15,50	0,0	3
8		Kristinsson Magnus	1833	ISL	0	½	½	½	0	1	0	*	0	1	3,5	13,25	0,0	2
9		Fridthjofsdottir Sigurl. Regi	1802	ISL	½	0	0	0	0	½	½	1	*	1	3,5	12,25	0,0	2
10		Kristjansson Halldor	1649	ISL	0	0	0	½	0	0	–	0	0	*	0,5	2,25	0,0	0

 

Ólafur Evert Úlfsson vann Hörð Jónasson í lokaumferðinni og tryggði sér sigur í Opnum flokki með fullu húsi. Ólafur Evert hefur þar með tryggt sér þátttökurétt í neðsta lokaða flokki Haustmótsins árið 2017. Ingvar Egill Vignisson varð annar með 7,5 vinning. Hörður Jónasson varð í 3.sæti.

Lokastaða Opna flokksins:

Rk.	SNo		Name	FED	Rtg	Club/City	Pts.	TB1	TB2	TB3
1	6		Ulfsson Olafur Evert	ISL	1464	Hrókar alls fagnadar	9,0	47,00	0,0	9
2	3		Vignisson Ingvar Egill	ISL	1554	Huginn	7,5	34,00	0,0	7
3	4		Jonasson Hordur	ISL	1532	Vinaskakfelagid	5,5	26,25	0,0	4
4	15		Baldursson Atli Mar	ISL	1167	Breidablik	5,5	23,50	0,0	5
5	12		Hakonarson Sverrir	ISL	1338	Breidablik	5,5	23,25	0,0	4
6	9		Magnusson Thorsteinn	ISL	1415	TR	5,5	23,00	0,0	5
7	5		Sigurvaldason Hjalmar	ISL	1485	Vinaskakfelagid	5,5	22,75	0,0	5
8	8		Kristjansson Halldor Atli	ISL	1417	Breidablik	5,0	21,00	0,0	4
9	18		Briem Benedikt	ISL	1093	Breidablik	5,0	20,75	0,0	2
10	22		Moller Tomas	ISL	1028	Breidablik	5,0	18,25	0,0	4
11	19		Gudmundsson Gunnar Erik	ISL	1082	Breidablik	5,0	17,75	0,0	3
12	2		Briem Hedinn	ISL	1563	Vinaskakfelagid	4,5	19,75	0,0	3
13	11		Heidarsson Arnar	ISL	1340	TR	4,5	16,00	0,0	4
14	10		Davidsson Stefan Orri	ISL	1386	Huginn	4,0	17,50	0,0	2
15	17		Karlsson Isak Orri	ISL	1148	Breidablik	4,0	14,50	0,0	3
16	7		Thrastarson Tryggvi K	ISL	1450		4,0	14,00	0,0	3
17	20		Kristbergsson Bjorgvin	ISL	1081	TR	4,0	10,00	0,0	3
18	16		Olafsson Arni	ISL	1156	TR	3,5	12,00	0,0	2
19	21		Omarsson Adam	ISL	1065	Huginn	3,5	11,25	0,0	2
20	13		Alexandersson Orn	ISL	1217		3,0	7,50	0,0	3
21	24		Hakonarson Oskar	ISL	0	Breidablik	3,0	5,50	0,0	2
22	14		Thorisson Benedikt	ISL	1169	TR	2,5	5,25	0,0	2
23	1		Bjarnason Arnaldur	ISL	1647		2,0	9,00	0,0	1
24	23		Haile Batel Goitom	ISL	0	TR	1,0	3,50	0,0	0
25	25		Olafsson Emil	ISL	0		0,5	2,25	0,0	0

 

Nánari upplýsingar um mótið má nálgast á chess-results. Skákir Haustmótsins eru aðgengilegar hér (pgn):#1, #2, #3, #4, #5, #6, #7-8, #9.

Nánar verður fjallað um mótið í pistli innan örfárra daga.

Næstkomandi miðvikudagskvöld fer fram verðlaunaafhending fyrir Haustmótið. Sama kvöld verður haldið hraðskákmót Taflfélags Reykjavíkur og hefst taflið klukkan 19:30.

Skákþáttur Morgunblaðsins: Huginn og TR berjast um sigurinn á Íslandsmóti skákfélaga

Huginn hefur forystu eftir fyrri hluta Íslandsmóts skákfélaga sem fram fór í Rimaskóla um síðustu helgi. Tíu lið eru í efstu deild og er staðan á toppnum þessi: 1.Huginn 30 ½ v.(af 40) 2. TR 28 v. 3. Fjölnir 22 v. 4. Víkingaklúbbur 21 v. 5. TB 19 v.

Taflfélag Garðabæjar og b-sveit Skákfélags Akureyrar leiða 2. deild, í 3. deild er Skákfélag Selfoss í efsta sæti og í 4. deild leiðir b-sveit Víkingaklúbbsins.

Nokkrir kunnir meistarar náðu frábærum árangri um helgina, t.d. félagarnir úr TR, Bragi Þorfinnsson sem skilaði 4½ vinningi á 1. borði og Guðmundur Kjartansson á 2. borði með 4 vinninga. Hrannar Baldursson vann fjórar skákir fyrir skákdeild KR og Halldór Brynjar Halldórsson náði góðum úrslitum gegn stigahærri andstæðingum. Greinargott yfirlit og tölfræði ýmsa má finna á skak.is. 

Viðburðarík keppni Hugins og Fjölnis

Skákdeild Fjölnis er á hraðri uppleið þessi misserin. „Rimaskóladrengirnir“ Dagur Ragnarsson, Oliver Aron Jóhannesson og Jón Trausti Harðarson, fengu 2½ vinning í sögulegri viðureign Fjölnis og Hugins í fimmtu umferð. Dagur, var hvergi banginn þegar Hannes bauð honum jafntefli á 4. borði, hafnaði og lagði síðan stómeistarann með eftirfarandi fléttu: 

Hannes Hlífar – Dagur

26. ... Rf4+! 27. gxf4 exf4

– og Hannes gafst upp, 28. Hxe8 er svarað með 28. .. f3+!

Í þessari sömu umferð samdi Jón L. Árnason fljótlega jafntefli fyrir Bolvíkinga á 2. borði, gerði stuttan stans í skáksalnum og sá í sviphendingu að allt stefndi í söguleg úrslit milli Fjölnis og Hugins; Hannes Hlífar var búinn að tapa, greinarhöfundur var með tapað tafl gegn Hollendingnum Ris og Hjörvar í basli með Oliver Aron. Jón fylgdist svo með einstökum úrslitum á netinu heima hjá sér. Og þá birtist á skjánum að sá hollenski hefði beðið lægri hlut. Jón var ekki trúaður á að slíkt gæti hafa gerst og að hætti Njáls á Bergþórshvoli endurræsti i hann heimasíðu mótsins eigi sjaldnar en þrisvar sinnum: alltaf sama niðurstaðan og ekkert annað í stöðunni en að hringja í greinarhöfund og spyrja tíðinda. Á afmælismóti TV á dögunum gekk mér bærilega að fást við vígreifar drottningar. Það sama varð uppá teningnum í þessari viðureign:

Helgi Ólafsson (Huginn) – Robert Ris (Fjölnir)

Slavnesk vörn

1. c4 e6 2. Rc3 d5 3. d4 c6 4. e3 Rf6 5. Rf3 Rbd7 6. Be2 Bd6 7. b3 O-O 8. O-O b6 9. Bb2 Bb7 10. Dc2 Hc8 11. Hac1 c5 12. cxd5 cxd4 13. Rxd4 Rxd5 14. Dd2 Rxc3 15. Bxc3 Rf6 16. Bb2 Re4 17. Hxc8?

Morgunumferðir virðast kalla á svona yfirsjónir. Ég vildi forðast 17. Dd3 Hxc1 18. Bxc1 – en ekki 18. Hxc1 Bxh2+. Samt féll ég í þennan pytt! 

17. ... Bxh2+! 18. Kxh2 Dh4+ 19. Kg1 Rxd2 20. Hxf8+ Kxf8 21. Hc1

Hvíta staðan er auðvitað gjörtöpuð en með því að halda nokkrum trompum geta opnast óvæntir möguleikar.

21. ... Re4 22. f3 Df2+ 23. Kh2 Dg3+ 24. Kg1 Rg5 25. Kf1 h5 26. Hd1 h4?

Tapleikurinn. 

27. Rf5!

Hvað er þetta?

27. ... exf5

Ekki 27. ... Dc7 28. Be5! Dc8 29. Bxg7+ og drottningin fellur. Eini leikurinn var 27. ... Db8 þó hvítur eigi betri færi eftir 28. Be5! Da8 29. Bxg7+ Kg8 30. Bf6! o.s.frv.

28. Ba3+ Kg8 29. Bd6!

Drottningin á engan reit!

29. .. Bxf3 30. Bxf3

– og Ris gafst upp. Það sá undir iljar hans á leið út úr skáksalnum.

Helgi Ólafsson [e-mail]

Grein þessi birtist í Morgunblaðinu 8. október 2016

Skákþættir Morgunblaðsins

FM Vignir Vatnar Stefánsson hélt sjó í erfiðri stöðu

Faxafenið lék á reiðiskjálfi í gærkvöldi er 8.umferð Haustmótsins var tefld. Ólafur Evert Úlfsson tryggði sér sigur í Opnum flokki og þeir Ingvar Þór Jóhannesson og Aron Þór Mai eru í kjörstöðu í sínum flokkum fyrir lokaumferð mótsins. Þá gerði Vignir Vatnar Stefánsson sér lítið fyrir og fór yfir 2300 stiga múrinn og tryggði sér um leið langþráðan FM titilinn.

A-flokkur

Ingvar Þór Jóhannesson fór sér að engu óðslega með svörtu gegn Þorvarði Fannari Ólafssyni og sömdu þeir félagarnir jafntefli eftir ellefu spennuþrungna upphafsleiki. Á sama tíma varði Vignir Vatnar Stefánsson afar erfiða stöðu með kjafti og klóm gegn Björgvin Víglundssyni. Það var mikið í húfi fyrir Vigni Vatnar í þessari skák því hann gat með sigri tryggt sér titilinn Skákmeistari Taflfélags Reykjavíkur. Ekki nóg með það því samkvæmt talnaglöggum skákáhugamönnum sem staddir voru í Faxafeninu í kvöld þá myndi jafntefli duga Vigni Vatnari til þess að ná sléttum 2300 skákstigum og þar með tryggja sér FM titilinn. Björgvin kærði sig þó kollóttan um þessar vangaveltur og tefldi af festu gegn undrabarninu. Björgvin var óhemju nálægt því að vinna skákina en á einhvern óskiljanlegan hátt tókst Vigni Vatnari að hanga á jafnteflinu. Vignir Vatnar hefur því náð 2300 skákstigum og er orðinn Fíde-meistari! Þó er rétt að hafa í huga að afrekið á enn eftir að staðfesta með formlegum hætti af til þess bærum embættismanni. Af öðrum úrslitum bar hæst sigur Gauta Páls Jónssonar á Oliver Aroni Jóhannessyni eftir slæman fingurbrjót Olivers í 76.leik. Þá vann Dagur Ragnarsson skák sína gegn Birki Karli Sigurðssyni.

Ingvar Þór hefur hlotið 6 vinninga, hálfum vinningi umfram Vigni Vatnar og Dag. Það kemur í ljós á sunnudag hvort leikáætlun Ingvars Þórs heppnast, en þá stýrir hann hvítu mönnunum gegn Gauta Páli. Á sama tíma hefur Vignir Vatnar svart gegn Jóni Trausta og Dagur hefur svart gegn Björgvin. Vignir Vatnar hefur vinningsforskot á Björgvin í kapphlaupinu um titilinn Skákmeistari Taflfélags Reykjavíkur.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1	FM	Johannesson Ingvar Thor	2367	ISL	*	1	½	1	1	½	½	½		1	6,0	23,75	0,0	4
2		Stefansson Vignir Vatnar	2129	ISL	0	*	1	½		½	½	1	1	1	5,5	17,75	0,0	4
3	FM	Ragnarsson Dagur	2272	ISL	½	0	*		½	1	½	1	1	1	5,5	17,25	0,0	4
4		Viglundsson Bjorgvin	2185	ISL	0	½		*	1	0	½	½	1	1	4,5	13,75	0,0	3
5		Hardarson Jon Trausti	2100	ISL	0		½	0	*	½	1	½	1	1	4,5	13,25	0,0	3
6		Olafsson Thorvardur	2184	ISL	½	½	0	1	½	*	0	½	1		4,0	16,00	0,0	2
7	FM	Johannesson Oliver	2255	ISL	½	½	½	½	0	1	*		0	1	4,0	15,75	0,0	2
8		Loftsson Hrafn	2192	ISL	½	0	0	½	½	½		*	½	½	3,0	11,00	0,0	0
9		Jonsson Gauti Pall	2082	ISL		0	0	0	0	0	1	½	*	½	2,0	6,00	0,0	1
10		Sigurdsson Birkir Karl	1900	ISL	0	0	0	0	0		0	½	½	*	1,0	2,50	0,0	0

 

B-flokkur

Aron Þór Mai tefldi fallega sóknarskák gegn Veroniku Steinunni Magnúsdóttur í toppslag B-flokks. Aron Þór vann skákina í 29 leikjum og hefur vinningsforskot á toppnum fyrir síðustu umferðina. Í lokaumferðinni mætir hann bróður sínum, Alexander Oliver Mai, sem í kvöld gerði jafntefli við Jón Þór Lemery. Alexander Oliver er í 3.sæti með 5 vinninga. Hörður Aron Hauksson, sem vann Sigurlaugu R. Friðþjófsdóttur, er í 2.sæti með 5,5 vinning. Stephan Briem heldur uppteknum hætti við að hrella sér stigahærri skákmenn því hann vann með svörtu gegn Magnúsi Kristinssyni. Stephan, sem er stigalægstur í flokknum, hefur unnið fjórar skákir og er sem stendur að hækka um tæplega 100 skákstig.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1		Mai Aron Thor	1845	ISL	*	½		1	½	1	1	½	1	1	6,5	22,75	0,0	5
2		Hauksson Hordur Aron	1867	ISL	½	*	0	0	1	+	1	1		1	5,5	19,75	0,0	5
3		Mai Alexander Oliver	1656	ISL		1	*	½	½	+	0	1	½	½	5,0	19,25	0,0	3
4		Magnusdottir Veronika Steinun	1777	ISL	0	1	½	*	½	0	1		½	1	4,5	14,75	0,0	3
5		Lemery Jon Thor	1591	ISL	½	0	½	½	*	1		½	0	1	4,0	15,50	0,0	2
6		Briem Stephan	1569	ISL	0	–	–	1	0	*	1	1	1		4,0	14,00	0,0	4
7		Luu Robert	1672	ISL	0	0	1	0		0	*	½	1	+	3,5	12,25	0,0	3
8		Fridthjofsdottir Sigurl. Regi	1802	ISL	½	0	0		½	0	½	*	1	1	3,5	10,75	0,0	2
9		Kristinsson Magnus	1833	ISL	0		½	½	1	0	0	0	*	1	3,0	9,50	0,0	2
10		Kristjansson Halldor	1649	ISL	0	0	½	0	0		–	0	0	*	0,5	2,25	0,0	0

 

Opinn flokkur

Ólafur Evert Úlfsson tryggði sér í kvöld sigur í Opnum flokki Haustmótsins er hann vann Sverri Hákonarson eftir miklar sviptingar. Ólafur Evert stóð höllum fæti lengi vel en Sverrir lék nokkrum ónákvæmum leikjum í hróksendatafli sem reyndust honum dýrkeyptir. Ólafur Evert hefur því unnið allar skákir sínar til þessa og með sigri í lokaumferðinni vinnur hann mótið með fullu húsi. Það eitt og sér yrði mikið afrek, en það magnaða er að ef Ólafur Evert vinnur flokkinn með fullu húsi, þá er hann að endurtaka leikinn frá árinu 2014 er hann vann D-flokk Haustmótsins með 9 vinningum í 9 skákum. En til þess að svo verði þá þarf hann að vinna varaforseta Vinaskákfélagsins, Hörð Jónasson, og það leikur sér engin að því.

Af öðrum úrslitum má nefna að Ingvar Egill Vignisson vann Héðinn Briem og hefur 5,5 vinning í 2.sæti. Þá vann Arnar Milutin Heiðarsson góðan sigur á nýkrýndum Íslandsmeistara, Stefáni Orra Davíðssyni. Adam Omarsson lagði svo gamla brýnið Björgvin Kristbergsson með svörtu eftir snarpa sókn á drottningarvæng.

 

Rk.	SNo		Name	FED	Rtg	Club/City	Pts.	TB1	TB2	TB3
1	6		Ulfsson Olafur Evert	ISL	1464	Hrókar alls fagnadar	8,0	37,50	0,0	8
2	3		Vignisson Ingvar Egill	ISL	1554	Huginn	6,5	26,50	0,0	6
3	4		Jonasson Hordur	ISL	1532	Vinaskakfelagid	5,5	23,50	0,0	4
4	5		Sigurvaldason Hjalmar	ISL	1485	Vinaskakfelagid	5,5	19,75	0,0	5
5	8		Kristjansson Halldor Atli	ISL	1417	Breidablik	5,0	18,50	0,0	4
6	2		Briem Hedinn	ISL	1563	Vinaskakfelagid	4,5	18,00	0,0	3
7	9		Magnusson Thorsteinn	ISL	1415	TR	4,5	17,25	0,0	4
8	15		Baldursson Atli Mar	ISL	1167	Breidablik	4,5	16,75	0,0	4
9	12		Hakonarson Sverrir	ISL	1338	Breidablik	4,5	16,75	0,0	3
10	11		Heidarsson Arnar	ISL	1340	TR	4,5	13,50	0,0	4
11	18		Briem Benedikt	ISL	1093	Breidablik	4,0	16,00	0,0	1
12	22		Moller Tomas	ISL	1028	Breidablik	4,0	12,75	0,0	3
13	17		Karlsson Isak Orri	ISL	1148	Breidablik	4,0	12,50	0,0	3
14	7		Thrastarson Tryggvi K	ISL	1450		4,0	12,25	0,0	3
15	19		Gudmundsson Gunnar Erik	ISL	1082	Breidablik	4,0	10,50	0,0	2
16	10		Davidsson Stefan Orri	ISL	1386	Huginn	3,5	13,50	0,0	2
17	21		Omarsson Adam	ISL	1065	Huginn	3,5	9,25	0,0	2
18	13		Alexandersson Orn	ISL	1217		3,0	7,50	0,0	3
19	16		Olafsson Arni	ISL	1156	TR	3,0	7,25	0,0	2
20	20		Kristbergsson Bjorgvin	ISL	1081	TR	3,0	5,50	0,0	2
21	14		Thorisson Benedikt	ISL	1169	TR	2,5	4,75	0,0	2
22	1		Bjarnason Arnaldur	ISL	1647		2,0	7,50	0,0	1
23	24		Hakonarson Oskar	ISL	0	Breidablik	2,0	2,00	0,0	1
24	23		Haile Batel Goitom	ISL	0	TR	1,0	3,00	0,0	0

 

9.umferð mótsins, sem jafnframt er sú síðasta, verður tefld á sunnudag klukkan 14. Skákáhugamenn eru hvattir til þess að líta við og fylgjast með fjörugum endasprettinum. Nær Gauti Páll að stríða Ingvari Þór? Verður Vignir Vatnar krýndur Skákmeistari TR í fyrsta sinn? Hvað gera Mai-bræður í lokaumferðinni? Endurtekur Ólafur Evert leikinn frá því árið 2014 og vinnur sinn flokk með fullu húsi? Mun Birna bjóða upp á þeyttan rjóma eða sprauturjóma?

Hið margrómaða og ómissandi Birnukaffi verður vitaskuld opið sem fyrr fyrir skákmenn og gesti þar sem brosandi Birna stendur vaktina með ilmandi kaffi og kærleiksríkar vöfflur.

Nánari upplýsingar um mótið má nálgast á chess-results. Skákir 1-8 umferðar Haustmótsins eru aðgengilegar hér (pgn): #1, #2, #3, #4, #5, #6, #7-8, #9.

• Heimasíða TR
• Chess-Results

Úrslit Hraðskákkeppni taflfélaga fara fram í dag í Sólon

Næstkomandi laugardag, 15.október, fer fram úrslitaviðureign hraðskákkeppni taflfélaga, milli Skákfélagsins Hugins og Taflfélags Reykjavíkur. Óhætt er að fullyrða að þar eru á ferðinni tvö sterkustu taflfélög landsins og því má búast við mikilli baráttu og fjöri. Viðureignin fer fram á efri hæð veitingastaðarins Sólon í hjarta borgarinnar og hefst viðureignin kl.14.00. Svokölluð hamingjustund (happy hour) verður í boði á staðnum og því mun ekki væsa um skákáhugamenn.

Skákirnar verða ekki í beinni útsendingu, aðallega af því að taflmennirnir á slíkum borðum eru alltof léttir fyrir hinn óhjákvæmilega klukkubarning. Það er því best að mæta niður eftir og eiga skemmtilega stund.

Þó er stefnan að uppfæra chess-results.com af alúð á meðan viðureigninni stendur fyrir þá sem ekki eiga heimangengt. 

Skákáhugamenn eru hvattir til að fjölmenna í Sólon til að fylgjast með flestum af bestum skákmönnum landsins tefla hraðskák.