U-2000 mótið hefst á miðvikudagskvöldið

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en ½ vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2015 var Haraldur Baldursson.

Dagskrá
1. umferð: 26. október kl. 19.30
2. umferð: 2. nóvember kl. 19.30
3. umferð: 9. nóvember kl. 19.30
4. umferð: 16. nóvember kl.19.30
5. umferð: 23. nóvember kl. 19.30
6. umferð: 30. nóvember kl. 19.30
7. umferð: 7. desember kl. 19.30

Tímamörk
90 mín + 30 sek viðbót eftir hvern leik

Verðlaun
1. sæti kr. 30.000
2. sæti kr. 20.000
3. sæti kr. 10.000

Aukaverðlaun kr. 10.000 verða fyrir þann skákmann sem nær flestum samanlögðum vinningum úr bæði U-2000 mótinu og Skákþingi Garðabæjar (samanlögð Buchholz stig ráða ef jafnt á vinningum).

Þátttökugjöld
18 ára og eldri kr. 5.000, kr. 3.000 fyrir félagsmenn í TR
17 ára og yngri kr. 2.000, kr. 1.000 fyrir félagsmenn í TR

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

• u-2000 mótið 2015 – úrslit
• u-2000 mótið 2015 – lokapistill

Skákþáttur Morgunblaðsins: Ingvar Þór Jóhannesson efstur á haustmóti TR

Skoski leikurinn er valkostur sem hvítur hefur eftir tvo hefðbundna kóngspeðsleiki, 1. e4 e5 2. Rf3 Rc6 og nú kemur sá skoski, 3. d4. Lengi vel þótti þessi leikaðferð ekkert sérlega vænleg til árangurs eða þar til Kasparov tók af skarið í fimmta heimsmeistaraeinvígi sínu við Karpov í New York og Lyon árið 1990 og beitti skoska leiknum í fyrsta skipti á ferlinum. Sumir hafa haldið því fram að hann hafi þá verið búinn að kynna sér viðureignir helstu bréfskákmanna heims. Hann vann altént mikilvægan sigur og síðan einvígið. Síðan þá hafa margar hugmyndir komið fram og í efsta flokki haustmóts Taflfélags Reykjavíkur sem nú stendur yfir sást nýstárlegt bragð sprottið upp úr skoska leiknum:

Haustmót TR 2016; 2. umferð:

Þorvarður Ólafsson – Björgvin Víglundsson

Skoskur leikur

1. e4 e5 2. Rf3 Rc6 3. d4 exd4 4. Rxd4 Bc5 5. Be3 Df6 6. Rb5!?

Sjaldséður leikur og stórhættulegur ef svartur er ekki vel með á nótunum.

6. ... Bxe3 7. fxe3 Dh4+

Liggur beinast við en öruggast er 7. ... Dd8 8. Dg4 g6 o.s.frv.

8. g3 Dxe4 9. Rxc7+ Kd8 10. Rxa8 Dxh1 11. Dd6 Rf6 12. Rd2 Dd5

Liggur beinast við en 12. ... Re8 kom einnig til greina.

13. Dc7+ Ke7

14. O-O-O! Dxa2?

Tapleikurinn. Eftir 14. ... Dc5! getur svartur varist.

15. Rb3! He8 16. Dd6+ Kd8 17. Dc7+ Ke7 18. Dd6+ Kd8 19. Bb5 Re4 20. Dc7+ Ke7 21. Hd5!

 

 

 

 

Laglegur lokahnykkur. Björgvin gafst upp því hann sá fram á að 21. ... Kf8 er svarað með 22. Bxc6 bxc6 23. Ha5! og drottningin fellur.

Í A-riðli haustmótsins vekur frammistaða hins 13 ára Vignis Vatnars mesta athygli en hann er í 2. sæti eftir þrjá sigra í röð, á inni myndarlega stigahækkun og verður væntanlega með í kringum 2300 elo-stig á næsta lista FIDE. Hann tekur þátt í opnu alþjóðlegu móti í Uppsala í Svíþjóð í lok mánaðarins ásamt þeim Degi Ragnarssyni og Oliver Aron Jóhannessyni. Telja má afar líklegt að Vignir Vatnar verði skákmeistari TR í ár þar sem helstu keppinautar hans eru í öðrum skákfélögum. Staðan þegar tvær umferðir eru eftir:

1. Ingvar Þór Jóhannesson 5 ½ v. (af 7) 2. Vignir Vatnar Stefánsson 5 v. 3. Dagur Ragnarsson 4 v. 4. – 6. Oliver Aron Jóhannesson, Jón Trausti Harðarson og Björgvin Víglundsson 4 v. 7. Þorvarður Óafsson 3 ½ v. 8. Hrafn Loftsson 2 ½ v. 9. – 10. Gauti Páll Jónsson og Birkir Karl Sigurðsson 1 v.

Í B-riðli er Aron Þór Mai efstur með 5 ½ v. af sjö mögulegum og í opna flokknum er Ólafur Evert Úlfsson efstur með fullt hús, 7 vinninga af sjö mögulegum. 

Nepo vann Tal-mótið

Rússneski stórmeistarinn Jan Nepomniachtchi sigraði á minningarmótinu um Mikhail Tal sem lauk í Moskvu á dögunum. Hann náði snemma forystunni og hélt henni út allt mótið. Lokaniðurstaðan varð þessi: 

1. Nepomniachtchi 6 v. ( af 9) 2. Girki 5 ½ v. 3. – 4. Aronjan og Anand 5 v. 5. – 8. Svidler, Li Chao, Kramnik og Mamedyarov 4 ½ v. 9. Tomashevsky 3 ½ v. 10. Gelfand 2 v.

TR og Huginn eigast við á Sólon í dag

Úrslitaviðureign Íslandsmóts skákfélaga í hraðskák fer fram í dag og eins og við mátti búast mætast sveitir Taflfélags Reykjavíkur og Hugins í úrslitaviðureigninni. Teflt er á sex borðum, tvöföld umferð. Keppnin fer fram á 2. hæð veitingstaðarins Sólon við Bankastræti og hefst kl. 14 í dag.

Helgi Ólafsson [e-mail]

Grein þessi birtist í Morgunblaðinu 15. október 2016

Skákþættir Morgunblaðsins

Bragi haustmeistari Ása

Æsir í Ásgarði tefldu sitt Haustskákmót síðasta þriðjudag. Metþátttaka var á þessu móti en það mættu 35 skákvíkingar til leiks og margir fyrna sterkir skákmenn.

Það var ljóst þegar í upphafi að hart yrði barist á öllum vígstöðvum, enda fór það svo að þrír urðu efstir og jafnir í fyrsta til þriðja sæti með sjö og hálfan vinning af tíu mögulegum, það voru þeir

1. Bragi Halldórsson,      7,5     51,0   62     
2. Eyjólfur Bergþórsson    7,5     51,0   61     
3. Ólafur Bjarnason        7,5     49,5   60,5

Það munaði sem sagt mjóu á stigum.

Fast á hæla þessara komu svo Stefán Þormar og Kristján Stefánsson með 7 vinninga.

Það er alltaf að fjölga þátttakendum á skákdögum eldri borgara og þeir eru alltaf að verða sterkari og sterkari, enda er varla hægt að finna skemmtilegri dægradvöl fyrir okkur þessa fullorðnu karla, enda fullyrt af fróðum mönnum að þetta fyrir byggi heilahrörnun, seinkar henni örugglega.

Margir af þessum heiðursmönnum tefla flesta daga vikunnar enda eru þeir erfiðir viðureignar.

Það er ennþá nóg pláss í Stangarhylnum og ég hvet þá sem hafa gaman af skák og eru orðnir 60 ára að kíkja við hjá okkur.

Við teflum alla þriðjudaga frá kl. 13.00 til 17.00.

Áfram Æsir.

Finnur Kr

Æskan og ellin fer fram í dag

Skákmótið ÆSKAN OG ELLIN, þar sem kynslóðirnar mætast, verður haldið í 13. sinn laugardaginn 22. október í Skákhöllinni í Faxafeni. 

TAFLFÉLAG REYKJAVÍKUR og RIDDARINN, skákklúbbur eldri borgara á höfuðborgarsvæðinu, með stuðningi TOPPFISKS ehf – leiðandi fyrirtækis í ferskum og frystum sjávarafurðum - standa saman að mótshaldinu sem hefur eflst mjög að öllu umfangi og vinsældum með árunum.  

Fyrstu 9 árin var mótið haldið í Strandbergi, safnaðarheimili Hafnarfjarðarkirkju, þar sem Riddarinn hefur aðsetur sitt og eldri skákmenn hittast til tafls vikulega allan ársins hring, en nú síðustu 3 árin í samstarfi við TR- elsta og öflugasta taflfélag landins. Þessi mót - þar sem kynslóðirnar mætast - hafa jafnan verið fjölsótt jafnt af yngri sem eldri skákmönnum og velheppnuð. Yfir 80 ára aldursmunur hefur iðulega verið milli yngsta og elsta keppandans.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri, og roskna skákmenn, 60 ára og eldri. Mótið hefst kl.13 og verða tefldar 9 umferðir með 7 mínútna umhugsunartíma.

Vegleg verðlaun og viðurkenningar. Auk aðalverðlauna verða veitt aldursflokkaverðlaun í 3 flokkum ungmenna og öldunga.  Annars vegar fyrir þrjú efstu sæti í barna- og unglingaflokkum, 9 ára og yngri; 10-12 ára og 13-15 ára og hins vegar fyrir efstu menn í 3 öldungaflokkum, 60-69 ára; 70-79 ára og 80 ára og eldri. Auk þess fær sú telpa sem bestum árangri nær og yngsti og elsti keppandi mótsins heiðursverðlaun

Mótsnefnd skipa þeir Kjartan Maack, formaður TR, og Einar S. Einarsson,  formaður Riddarans. Skákstjóri verður Páll Sigurðsson, alþl. dómari.

Skráning til þátttöku fer fram á www.skak.is og www.taflfelag.is vikuna fyrir mót.  Hámarksfjöldi keppenda miðast við 100 og því mikilvægt að skrá sig sem fyrst og/eða mæta tímanlega á mótsstað. Ekkert þátttökugjald. 

Omar Salama kom, sá og sigraði á Hraðskákmóti TR

Þeir 38 galvösku skákmenn sem mættu í Faxafenið til þess að tefla á Hraðskákmóti TR létu varnaðarorð fjölmiðla um allmikið hvassviðri ekki stöðva sig. Það var handagangur í öskjunni í öllum umferðunum ellefu því nýju tímamörkin, 3+2, reyndust mörgum erfið viðureignar. Hraðinn var mikill og darraðardansinn sem stiginn var í tímahrakinu var hin besta skemmtun fyrir áhorfendur. Þó einhverjum þættu tímamörkin of knöpp þá voru flestir sammála um að það sé skákinni til heilla er sigur vinnst á taflborðinu, en ekki á klukkunni. Að því leyti er viðbótartími í skák af hinu góða.

Omar Salama mætti til leiks grár fyrir járnum og knésetti hvern andstæðinginn á fætur öðrum í upphafi móts. Einn mikilvægasti sigur Omars kom í 5.umferð er hann vann sinn helsta keppinaut, Dag Ragnarsson. Það var ekki fyrr en í 6.umferð sem Omar varð að játa sig sigraðan í fyrsta skipti, gegn Daða Ómarssyni. Í næstu umferð tapaði Omar aftur, þá gegn Erni Leó Jóhannssyni. Dagur hrifsaði þá til sín efsta sætið með agaðri taflmennsku, því líkt og alkunna er þá tekur einn Dagur annars björg burt. En enginn Dagur er til enda tryggður og nýjasti FIDE meistari okkar Íslendinga og nýkrýndur skákmeistari TR, Vignir Vatnar Stefánsson, skellti Degi í 10.umferð. Omar færði sér það í nyt, náði Degi að vinningum, og að lokum sátu þeir jafnir á toppnum með 9 vinninga. Stigaútreikningur setti Omar í efsta sæti, en Dagur varð að sætta sig við 2.sætið. Í 3.sæti varð Daði Ómarsson með 8 vinninga.

Omar Salama er því Hraðskákmeistari Taflfélags Reykjavíkur árið 2016.

Að loknu hraðskákmóti fór fram verðlaunaafhending fyrir Haustmót TR. Það var glatt á hjalla í félagsheimilinu er verðlaunin voru afhent og brugðu nokkrir verðlaunahafar á leik svo úr varð hin ágætasta skemmtun.

Þó svo hraustlega væri tekist á við taflborðin þá var andrúmsloftið í skáksalnum einstaklega létt og skemmtilegt, og kvöldstundin eftir því góð. Taflfélag Reykjavíkur þakkar öllum keppendum fyrir þátttökuna og vonast eftir að sjá alla sem fyrst aftur á einhverjum af þeim fjölmörgu skákviðburðum sem framundan eru í Faxafeninu.

Nánari upplýsingar um mótið má nálgast á chess-results.

15 mínútna skákmót Hugins fer fram á Húsavík í kvöld

Hið árlega 15 mín skákmót Hugins á Húsavík verður haldið föstudagskvöldið 21. október í Framsýnarsalnum Garðarsbraut 26 á Húsavík og hefst mótið kl 20:00. Áætluð mótslok eru um kl 23:00. Tefldar verða 7 umferðir eftir sviss-manager kerfi og verður umhugsunartíminn 15 mín, eins og gefur að skilja. Umferðafjöldinn fer þó eftir fjölda keppenda. Mótið verður reiknað til Fide-atskákstiga.

Teflt verður í einum flokki en verðlaun veitt fyrir 3 efstu í fullorðinsflokki og flokki 16 ára og yngri. Veittur verður farandbikar fyrir sigurvegarann í báðum flokkum.

Þátttökugjald er kr 500 á alla keppendur.

Tómas Veigar Sigurðarson vann mótið 2014 og 2015 mun hann örugglega reyna að verja þann tiltil á föstudag. Takist honum það vinnur hann verðlaunabikarinn til eignar.

Mótið á chess-results 

Hermann tekur við skráningum í síma 4643187 og 8213187 og einnig á [e-mail]

Bragi Þorfinnsson: Pistill frá Dresden

Fór nýverið, eða þann 29. júlí s.l.,  á alþjóðlegt skákmót í hinni sögufrægu borg Dresden í Þýskalandi. Með í för var hinn geðþekki en stundum stríðni stórmeistari Hannes Hlífar Stefánsson. Við flugum beint til Berlín en þaðan var síðan tveggja tíma lestarferð til Dresden.

Um var að ræða nokkuð sterkt og opið flokkaskipt mót. Aðstæður voru allar mjög góðar, hótelið fínt og morgunmaturinn afskaplega góður. Þjóðverjarnir klikka ekki í þeim efnum. Gæti vel hugsað mér að tefla á þessu móti aftur og fleiri íslenskir skákmenn ættu einnig að gefa þessu móti gaum. 

Það var lærdómsríkt fyrir mig að fara yfir skákirnar í mótinu með Hannesi að loknum umferðum, en stöðuskilningur hans er gríðarlega góður. Ég gat í raun sparað mér það vesen að setja skákirnar í tölvu að þeim loknum, og spurt Hannes í staðinn hvernig þetta var og fengið hlutlaust mat.  Viðurnefni hans Róbótinn, er ekki komið til út af engu.  

Ég tefldi ágætlega heilt yfir í mótinu, en stríðsgæfan var ekki með mér á þann hátt að ég næði að gera atlögu að stórmeistaratitli að þessu sinni. 5,5 af 9 var lokaniðurstaðan og ég lenti í 14. sæti í mótinu.  Hannes var sólid , en gerði helst til of mikið af jafnteflum til að blanda sér almennilega í baráttuna um efstu sætin.

Eftirfarandi skák tefldi ég í 6. umferð gegn þýska Fide-meistaranum Norbert Heck. Í henni setti ég strax mikla pressu á andstæðinginn sem bara tilætlaðan árangur.

[Event "ZMDI Open 2016"] [Site "?"] [Date "????.??.04"] [Round "6"] [White "Thorfinnsson, Bragi"] [Black "Heck, Norbert"] [Result "1-0"] [WhiteElo "2433"] [BlackElo "2242"] [PlyCount "63"] 1. e4 g6 2. d4 Bg7 3. Nc3 d6 4. h4 $5 {Thessa framrás h-peðsins, sem er í anda geðthekka stórmeistarans Simon Williams, hafði ég undirbúið fyrir skákina.} h5 5. Be3 a6 6. f3 b5 7. Nh3 Bxh3 $2 {Thessi uppskipti eru ekki góð, sérstaklega í ljósi thess að svartur hefur veikt hvítu reitina með b7-b5.} 8. Rxh3 Nf6 9. e5 $1 Nfd7 10. f4 e6 11. d5 exd5 $2 {Svartur gerir mistök undir pressu. Erfitt er thó að ráðleggja honum eitthvað vænlegra á thessu stigi skákarinnar. Eftir thetta vinnur hvítur peð og hefur auk thess alla stöðuna.} 12. Qxd5 {Skákinni er í raun lokið. Restin er tæknileg úrvinnsla.} c6 13. Qxd6 Bf8 14. Qd3 Nc5 15. Qxd8+ Kxd8 16. O-O-O+ Kc7 17. Bxc5 Bxc5 18. Rhd3 Be7 19. g3 Rd8 20. Rxd8 Bxd8 21. Bh3 $1 Ra7 22. Ne4 Be7 23. Ng5 Bxg5 24. hxg5 c5 25. Bg2 Nc6 26. Bxc6 Kxc6 27. Rd6+ Kc7 28. Rf6 Kd8 29. e6 fxe6 30. Rxg6 Rh7 31. Rxe6 h4 32. g6 1-0

Æskan og ellin fer fram á laugardaginn

Skákmótið ÆSKAN OG ELLIN, þar sem kynslóðirnar mætast, verður haldið í 13. sinn laugardaginn 22. október í Skákhöllinni í Faxafeni. 

TAFLFÉLAG REYKJAVÍKUR og RIDDARINN, skákklúbbur eldri borgara á höfuðborgarsvæðinu, með stuðningi TOPPFISKS ehf – leiðandi fyrirtækis í ferskum og frystum sjávarafurðum - standa saman að mótshaldinu sem hefur eflst mjög að öllu umfangi og vinsældum með árunum.  

Fyrstu 9 árin var mótið haldið í Strandbergi, safnaðarheimili Hafnarfjarðarkirkju, þar sem Riddarinn hefur aðsetur sitt og eldri skákmenn hittast til tafls vikulega allan ársins hring, en nú síðustu 3 árin í samstarfi við TR- elsta og öflugasta taflfélag landins. Þessi mót - þar sem kynslóðirnar mætast - hafa jafnan verið fjölsótt jafnt af yngri sem eldri skákmönnum og velheppnuð. Yfir 80 ára aldursmunur hefur iðulega verið milli yngsta og elsta keppandans.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri, og roskna skákmenn, 60 ára og eldri. Mótið hefst kl.13 og verða tefldar 9 umferðir með 7 mínútna umhugsunartíma.

Vegleg verðlaun og viðurkenningar. Auk aðalverðlauna verða veitt aldursflokkaverðlaun í 3 flokkum ungmenna og öldunga.  Annars vegar fyrir þrjú efstu sæti í barna- og unglingaflokkum, 9 ára og yngri; 10-12 ára og 13-15 ára og hins vegar fyrir efstu menn í 3 öldungaflokkum, 60-69 ára; 70-79 ára og 80 ára og eldri. Auk þess fær sú telpa sem bestum árangri nær og yngsti og elsti keppandi mótsins heiðursverðlaun

Mótsnefnd skipa þeir Kjartan Maack, formaður TR, og Einar S. Einarsson,  formaður Riddarans. Skákstjóri verður Páll Sigurðsson, alþl. dómari.

Skráning til þátttöku fer fram á www.skak.is og www.taflfelag.is vikuna fyrir mót.  Hámarksfjöldi keppenda miðast við 100 og því mikilvægt að skrá sig sem fyrst og/eða mæta tímanlega á mótsstað. Ekkert þátttökugjald. 

Teflt í Laugardalslaug

 

Í tilefni af vetrarfríi grunnskólanna stendur Skákakademía Reykjavíkur fyrir tveimur skákviðburðum næstu daga. Klukkan tvö á morgun fimmtudag munu Íslandsmeistarabræðurnir í skáksveit Ölduselsskóla Stefán Orri Davíðsson (Íslandsmeistari u10) og Óskar Víkingur Davíðsson (Íslandsmeistari u12) tefla við gesti Laugardalslaugar. Viðburðurinn er hluti af fjölskylduhátíð félagsmiðstöðarinnar Kringlumýrar. 

Laugardalslaug hefur endurnýjað taflsettakost sinn og nú er á ný hægt að tefla í pottunum.

Á laugardaginn milli eitt og þrjú verður svo Stefán Bergsson með skákkynningu og létta skákkennslu í útibúi Borgarbókasafns í Spönginni.

Skákkennsla er að fullu hafin í skólum borgarinnar. Rétt eins og síðustu árin kennir Björn Ívar Karlsson í flestum skólum eða átta talsins. Stefán Bergsson kennir í sex skólum og meðal annarra kennara má nefna Gunnar Finnsson, Einar Ólafsson, Siguringa Sigurjónsson, Hrund Jörundsdóttur og Bjarna Jóhannsson. Samtals er skákkennsla í rúmlega tuttugu skólum borgarinnar.

 

U-2000 mót TR hefst eftir viku

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en ½ vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2015 var Haraldur Baldursson.

Dagskrá
1. umferð: 26. október kl. 19.30
2. umferð: 2. nóvember kl. 19.30
3. umferð: 9. nóvember kl. 19.30
4. umferð: 16. nóvember kl.19.30
5. umferð: 23. nóvember kl. 19.30
6. umferð: 30. nóvember kl. 19.30
7. umferð: 7. desember kl. 19.30

Tímamörk
90 mín + 30 sek viðbót eftir hvern leik

Verðlaun
1. sæti kr. 30.000
2. sæti kr. 20.000
3. sæti kr. 10.000

Aukaverðlaun kr. 10.000 verða fyrir þann skákmann sem nær flestum samanlögðum vinningum úr bæði U-2000 mótinu og Skákþingi Garðabæjar (samanlögð Buchholz stig ráða ef jafnt á vinningum).

Þátttökugjöld
18 ára og eldri kr. 5.000, kr. 3.000 fyrir félagsmenn í TR
17 ára og yngri kr. 2.000, kr. 1.000 fyrir félagsmenn í TR

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

• u-2000 mótið 2015 – úrslit
• u-2000 mótið 2015 – lokapistill