Hannes með fullt hús í Berlín

Stórmeistarinn Hannes Hlífar Stefánsson (2571) hefur byrjað afar vel á opnu skákmóti í Berlín í Þýskalandi. Hannes hefur hlotið fullt hús eftir fjórar umferðir.  Í gær vann hann þó auðveldan sigur því andstæðingurinn hans mætti ekki þar sem hann missti af lestinni, þ.e. járnbrautalestinni!

Hannes er einn fjögurra keppenda sem hafa fullt hús. Hinir eru stórmeistararnir Aleksandr Karpatchev (2463), Boris Chatalbashev (2534) og Henrik Tesek (2482). Hannes teflir við þann síðast nefnda í dag. 

Skákir mótsins eru ekki sýndar beint og eldri skákir eru aðgengilegar í PGN.

Heimasíða mótsins

 

Haustmót Vinaskákfélagsins fer fram 7. nóvember

Haustmót Vinaskákfélagsins verður haldið mánudaginn 7 nóvember kl: 13, í Vin Fræðslu og Batasetur að Hverfisgötu 47. Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

U-2000 mótið hefst í kvöld

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en ½ vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2015 var Haraldur Baldursson.

Dagskrá
1. umferð: 26. október kl. 19.30
2. umferð: 2. nóvember kl. 19.30
3. umferð: 9. nóvember kl. 19.30
4. umferð: 16. nóvember kl.19.30
5. umferð: 23. nóvember kl. 19.30
6. umferð: 30. nóvember kl. 19.30
7. umferð: 7. desember kl. 19.30

Tímamörk
90 mín + 30 sek viðbót eftir hvern leik

Verðlaun
1. sæti kr. 30.000
2. sæti kr. 20.000
3. sæti kr. 10.000

Aukaverðlaun kr. 10.000 verða fyrir þann skákmann sem nær flestum samanlögðum vinningum úr bæði U-2000 mótinu og Skákþingi Garðabæjar (samanlögð Buchholz stig ráða ef jafnt á vinningum).

Þátttökugjöld
18 ára og eldri kr. 5.000, kr. 3.000 fyrir félagsmenn í TR
17 ára og yngri kr. 2.000, kr. 1.000 fyrir félagsmenn í TR

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

• u-2000 mótið 2015 – úrslit
• u-2000 mótið 2015 – lokapistill

Góður kafli Guðmundar í Sastamala

Eftir tap í fyrstu umferð Skákþings Norðurlanda hefur Guðmundur Kjartansson (2422) heldur betur hrokkið í gírinn. Í dag í fjórðu umferð vann hann norska alþjóðlega meistarann Johan Salomon (2498). Gummi hefur hlotið 2,5 vinning og er í 3.-6. sæti. Tíu keppendur taka þátt og tefla allir við alla.

Einar Hjalti Jensson (2378) hefur ekki jafnvel náð sér á strik og hefur hálfan vinning. Mótinu er framhaldið á morgun með fimmtu umferð og þá teflir Gummi við sænska stórmeistarann Axel Smith (2506) og Einar við danska FIDE-meistarann Martin Percivaldi (2373).

Í öldungaflokki mótsins hafa Gunnar Finnlaugsson (2024) og Sigurður H. Jónsson (1850) hlotið 1,5 vinning en þeir gerðu jafntefli í innbyrðis skák í dag.

Mótið er haldið í Sastamala í Finnlandi.

 

• Heimasíða mótsins
• Chess-Results
• Beinar útsendingar

Atskákmót Akureyrar hefst á fimmtudagskvöldið

Atskákmótið er klárlega eitt af höfuðmótum félagsins, enda bundið í lög. Mótið hefst fimmtudaginn 27.október og verður fram haldið sunnudaginn 30. október. Tefldar verða 25 mínútna skákir.

Dagskrá:

27. október kl. 18.00 1-4. umferð

30, október kl. 13.00 5.7. umferð

Að venju er öllum heimil þátttaka,ungum sem öldnum. Sérstaklega eru þeir hvattir til að mæta sem sækjast eftir rólegri tímamörkum en tíðkast á hraðskákmótum félagsins. 

Síðast en ekki síst: Mótið verður reiknað til alþjóðlegra atskákstiga!

Æskan & ellin - Vignir Vatnar vann!

Það var kátt í höllinni og mikið um dýrðir í skákmiðstöðTR í Faxafeni á laugardaginn var þegar skákhátíðin Æskan & Ellin fór þar fram. Yfir 60 keppendur mættir til tafls að brúa kynslóðabilið í hvítum reitum og svörtum.  Annars vegar um 26 eldri skákmenn  60 - 85 ára og hins vegar 36 uppvaxandi æskumenn, meistarar framtíðarinnar, 15 ára og yngri. 

Þetta var í fjórða sinn sem RIDDARINN, skákklúbbur eldri borgara og Taflfélag Reykjavíkur standa sameiginlega að mótshaldinu. Aðalstuðningsaðili mótsins nú er fiskútflutningsfyrirtækið TOPPFISKUR, en forstjóri þess er Jón Steinn Elíasson, fyrrv. Snæfellsness meistari í skák og KR-ingur góður.   

Að loknum inngangsorðum Einars Ess, formanns mótsnefndar, þar sem hann undirstrikaði uppeldislegt og þroskandi gildi skákarinnar yfir uppvaxandi æsku og félagslega þýðingu hennar til heilsueflingar fyrir hina eldri, setti Kjartan Maack, formaður TR mótið og þakkaði Toppfiski stuðninginn við það og sæmdi forstjórann gullpeningi. Skákstjóri mótsins hefur frá upphafi verið Páll Sigurðsson, alþjl. skákdómari,  formaður TG og svo var einnig nú.

Eftir að Páll hafði útskýrt reglur og keppnisfyrirkomulag mótsins og parað í fyrstu umferð lék Jón Steinn Elíasson fyrsta leikinn fyrir  Braga Halldórsson (66) í skák hans við Joshua Davíðsson (10), með aðstoð Magnúsar V. Péturssonar, elsta keppandans senn 85 ára og þess yngsta Jósefs Omarssonar 5 ára.  Þó á ýmsu gengi hjá yngstu keppendunum - sem og þeim eldri - var það samt gleðin og gamanið sem ríkti í skáksalnum á meðan á mótinu stóð.

Að lokinni tvísýnni keppni þar sem „hart var barist og hart var varist“  stóð ungstirnið undraverða, nýkrýndur skákmeistari TR, hinn aðeins 13 ára  VIGNIR VATNAR STEFÁNSSON uppi sem sigurvegari með 8.5 vinninga af 9 mögulegum. Var vel að sigri sínum kominn eftir að hafa m.a. lagt tvo fyrrv. sigurvegara mótsins þá Sævar Bjarnason (í fyrra) og Braga Halldórsson (þrefaldan) að velli. Sá ungi varð reyndar í 3. sæti árið 2013 aðeins 10 ára gamall og í 4.-6. sæti árið eftir. Í fyrra var hann að tefla fjarri fósturjarðar ströndum – en núna lá sigurinn allt að því í loftinu. Ögmundur Kristinsson varð annar með 7.5 v. og  Bragi Halldórsson í þriðja sæti jafn honum að vinningum en lægri að stigum.  Auk aldursverðlauna í mörgum flokkum fékk Nansý Davíðsdóttir sértök stúlknaverðlaun auk þess sem elsti keppandinn og sá yngsti voru sæmdir aukaverðlaunum.

Aðra grein um mótið má sjá á heimasíðu TR, þar segir m.a. á þess leið:

 Í 2. umferð mættust elsti keppandinn og yngsti keppandinn í hörkuskák. Á þeim munar hvorki fleiri né færri en 80 árum. Magnús V. Pétursson, fyrrum milliríkjadómari í knattspyrnu, sem er á 85. aldursári stýrði þá svörtu mönnunum gegn hinum 5 ára gamla Jósef Omarssyni. Jósef hafnaði fjölmörgum jafnteflisboðum í verri stöðu en þegar hann sá ekki fram á að geta mátað milliríkjadómarann, og átti jafnvel á hættu að verða sjálfur mát, þá sættist Jósef á skiptan hlut. Þessi skák og úrslit hennar er lýsandi fyrir þann anda sem svífur yfir vötnum á þessu skákmóti þegar kynslóðirnar mætast.  http://taflfelag.is/mikid-um-dyrdir-er-aeskan-og-ellin-var-haldin-i-13-sinn/

Myndaalbúm (ESE)

Nánari upplýsingar um mótið fá finna á Chess-Results

Heimasíða TR (mun fleiri myndir)

U-2000 mótið hefst á morgun

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en ½ vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2015 var Haraldur Baldursson.

Dagskrá
1. umferð: 26. október kl. 19.30
2. umferð: 2. nóvember kl. 19.30
3. umferð: 9. nóvember kl. 19.30
4. umferð: 16. nóvember kl.19.30
5. umferð: 23. nóvember kl. 19.30
6. umferð: 30. nóvember kl. 19.30
7. umferð: 7. desember kl. 19.30

Tímamörk
90 mín + 30 sek viðbót eftir hvern leik

Verðlaun
1. sæti kr. 30.000
2. sæti kr. 20.000
3. sæti kr. 10.000

Aukaverðlaun kr. 10.000 verða fyrir þann skákmann sem nær flestum samanlögðum vinningum úr bæði U-2000 mótinu og Skákþingi Garðabæjar (samanlögð Buchholz stig ráða ef jafnt á vinningum).

Þátttökugjöld
18 ára og eldri kr. 5.000, kr. 3.000 fyrir félagsmenn í TR
17 ára og yngri kr. 2.000, kr. 1.000 fyrir félagsmenn í TR

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

• u-2000 mótið 2015 – úrslit
• u-2000 mótið 2015 – lokapistill

Guðmundur Kjartansson og Einar Hjalti tefla á Skákþingi Norðurlanda

Skákþing Norðurlanda hófst í fyrradag í Sastamala í Finnlandi. Alþjóðlegu meistararnir Guðmundur Kjartansson (2427) og Einar Hjalti Jensson (2379) tefla í landsliðsflokki mótsins. Eftir tvær umferðir hefur Guðmundur einn vinning en Einar hefur hálfan vinning. Guðmundur vann herbergisfélaga sinn, Einar, í innbyrðisskák þeirra í gær.

Þriðja umferð hófst kl. 12. Einar teflir við sænska stórmeistarann Axel Smith (2506) og Guðmundur við danska alþjóðlega meistarann Björn Möller Oscsner (2428).

Samhliða fer fram Norðurlandamót öldunga. Eftir tvær umferðir hafa Gunnar Finnlaugsson (2024) og Sigurður H. Jónsson (1850) einn vinning.

• Heimasíða mótsins
• Beinar útsendingar

Tómas Veigar 15 mínútna meistari þriðja árið í röð

Tómas Veigar Sigurðarson sigraði mjög örugglega á 15 mínútna móti Hugins (N) sem fram fór á Húsavík á föstudagskvöld. Tómas lagði alla andstæðinga sína að velli, mis örugglega þó, og var með árangursstig uppá 2521 stig.

Smári Sigurðsson varð í öðru sæti með 4,5 vinninga og Rúnar Ísleifsson í þriðja sæti með 4 vinninga.

Sverrir hraðskákmeistari Austurlands

Hraðskákmeistaramót Austurlands 2016 fór fram á Eskifirði, laugard. 22. okt. 2016. Þátttakendur voru 7. Tefldar voru tvær umferðir með 5 mín. umhugsunartíma. Hraðskákmeistari Austurlands 2016 varð Sverrir Gestsson með 10 vinninga af 12 mögulegum. Í öðru sæti varð Albert Geirsson með 9½ vinning og í þriðja sæti varð Magnús Valgeirsson með 7 vinninga. Teflt var í Melbæ, Eskifirði. 

Nánar á Facebook-síðu SAUST.