Hrannar endaði í 2.-4. sæti á atskákmóti í Rogalandi

Hrannar Baldursson (2122) endaði í 2.-4. sæti í Atskákmeistaramóti Rogalands sem fram fór í dag.   Í smá pistli frá Hrannari segir:

Tók þátt í atskákmeistaramóti Rogalands í dag. Varð í 2.-4. sæti með 4.5 vinninga af 6, eftir að hafa leitt mótið fram að 5. umferð.

Gerði jafntefli við sigurvegara mótsins eftir að hafa platað af honum mann fyrir tvö peð, Vadim Dascevics (IM), en það er nánast hefð að hann vinni öll mót á svæðinu. Frekar öflugur IM þar á ferð. Honum tókst þó að byggja traust virki sem mér tókst ekki að brjótast í gegnum. Tapaði fyrir Petter Fossan (FM) eftir að hafa hrókfært á kóngsvæng þar sem öll spjót andstæðingsins stóðu gegn kóngi mínum. Hefði verið betra að hrókfæra í hina áttina. Honum tókst að fórna skiptamun og rústa vörninni.

Annars var þetta nokkuð jafnt og skemmtilegt dagsmót.

Mótstaflan

 

Alþjóðlegt unglingamót: Jón Trausti, Oliver Aron og Dagur efstir

Rimskælingarnir Jón Trausti Harðarson (1660), Oliver Aron Jóhannesson (1645) og Dagur Ragnarsson (1761) eru efstir og jafnir með fullt hús að lokinni 3. umferð alþjóðlegs unglingamóts TG sem fram fór í dag.   Tvær umferðir fara fram á morgun og hefst sú fyrri kl. 16.   Teflt er í félagsheimili TR.  

Úrslit, stöðu og pörun má nálgast á Chess-Results.  Skákir má nálgast á heimasíðu TG.   Myndir væntanlegar í myndaalbúm á Skák.is.

• Heimasíða TG
• Chess-Results

Sigurður Daði sigraði á Framsýnarmótinu

Sigurður Daði Sigfússon vann sigur á Framsýnarmótinu í skák sem lauk í dag. Sigurður gerði jafntefli í lokaumferðinni í hörkuskák við Andra Frey Björgvinsson sem Andri tefldi afar vel.Sigurður fékk 6,5 vinninga af 7 mögulegum. Einar Hjalti Jensson varð í öðru sæti með 6 vinninga, eftir sigur á Jakob Sævar í dag. Smári Sigurðsson varð í 3. sæti með 4,5 vinninga eftir jafntefli við Jón Kristinn Þorgeirsson. Jón Kristinn varð svo í 4. sæti með 4,5 vinninga en aðeins lægri á stigum heldur en Smári. Jón Kristinn varð efstur utanfélagsmanna og fékk eignarbikar að launum.

• Heimasíða mótsins
• Chess-Results

Alþjóðlegt unglingamót: Sex íslenskir skákmenn efstir og jafnir

Sex íslenskir skákmenn eru efstir og jafnir með 2 vinninga að lokinni 2. umferð alþjóðlegs unglingamóts TG sem hófst í dag.  Það eru þeir Dagur Ragnarsson (1761), Jón Trausti Harðarson (1660), Oliver Aron Jóhannesson (1645), Vignir Vatnar Stefánsson (1444), Baldur Teodór Petersson (1032) og Rafnar Friðriksson (1407).  Þriðja umferð hófst kl. 16.  Teflt er í félagsheimili TR. 

Úrslit, stöðu og pörun má nálgast á Chess-Results.  Skákir má nálgast á heimasíðu TG.   Myndir væntanlegar í myndaalbúm á Skák.is.

• Heimasíða TG
• Chess-Results

Íslandsmót kvenna hefst á föstudag

Íslandsmót kvenna 2011 fer fram dagana 4. - 18. nóvember nk. í húsnæði Skáksambands Íslands, Faxafeni 12, Reykjavík.  Að þessu sinni verður teflt í einum flokki, þ.e. opið öllum konum/stúlkum. 

Tímamörk:   90 mín. + 30 sek. á leik.

Dagskrá:        

• Föstud., 4. nóv. kl. 19, 1. umferð
• Sunnud. 6. nóv., kl. 18, 2. umferð
• Þriðjud., 8. nóv., kl. 19, 3. umferð
• Föstud., 11. nóv., kl. 19, 4. umferð
• Sunnud., 13. nóv., kl. 11, 5. umferð
• Þriðjud., 15. nóv., kl. 19, 6. umferð
• Föstud., 18. nóv., kl. 19, 7. umferð

Verðlaun:

• 1. 40.000.-
• 2. 25.000.-
• 3. 15.000.-

Tilkynna skal þátttöku til Skáksambands Íslands í síma 568 9141 eða email: [e-mail] fyrir 1. nóvember nk.

EM landsliða: Björn tekur sæti Stefáns

Enn eru breytingar á landsliði Íslands sem tekur þátt í EM landsliða sem fram fer í Porto Carras í Grikklandi 3.-11. nóvember.  Stefán Kristjánsson þarf að draga sig út úr liðinu vegna bakmeiðsla.  Sæti hans tekur Björn Þorfinnsson.  

Þetta er þriðja breytingin sem gerð er á liðinu en áður höfðu Hannes Hlífar Stefánsson og Héðinn Steingrímsson dregið sig úr liðinu, einnig vegna persónulegra ástæðna.   Aldrei fyrr hafa orðið álíka forföll hjá íslensku landsliði í skáksögunni.  

Íslenska liðið er eftir breytingar skráð það 32. sterkasta af 38 liðum með meðalskákstigin 2484. 

Lið Íslands:

1. SM Henrik Danielsen (2543)
2. FM Hjörvar Steinn Grétarsson (2442)
3. AM Bragi Þorfinnsson (2427)
4. AM Björn Þorfinnsson (2412)
5. SM Helgi Ólafsson (2523) - jafnframt liðsstjóri

• Heimasíða mótsins
• Chess-Results

VIII. Strandbergsmótið - Æskan og ellin: Bragi bestur

Það var þröng á þingi á skákmótinu ÆSKAN OG ELLIN sem fram fór í gær í Hásölum Strandbergs, safnaðarheimili Hafnarfjarðarkirkju á vegum RIDDARANS, skákklúbbs eldri borgara á Stór-Hafnarfjarðarsvæðinu, eins og þeir segja suður þar. 

 Einar S. Einarsson, formaður mótsstjórnar bauð hina  nærri 80 keppendur um 30 öldunga og 50 ungmenni ásamt fríðu fylgdarliði velkomin en Helgi Ólafsson, stórmeistari setti síðan mótið og lék fyrsta leikinn b3 (að eigin vild) fyrir Braga Halldórsson, sem síðan gerði sér lítið fyrir og vann mótið.  Páll Sigurðson var mótstjóri og fórst það vel úr hendi að vanda.  

Segja má að samfelld orrahríð hafi ríkt á hvítum reitum og svörtum á meðan á mótinu stóð, en tefldar voru 9 umferðir með 7 mínútna umhugsunartíma og margur gamlinginn mátti játa sig mátaðan af hinni uppvaxandi æsku.  Í raun ótrúlegt hvað 60-70 ára aldursmunur hefur stundum lítið að segja þegar hughvæmni og snilli á skákborðinu er annars vegar.

Aðalúrslit mótsins urðu þau að Bragi Halldórsson var sigur úr bítum með 8 vinninga af 9 möguleikum, Gunnar Kr. Gunnarsson varð í öðru sæti með 7.5 v. og Júlíus Friðjónsson þriðji með 7 v. , örlítið hærri á stigum en Jón Þ. Þór og Þór Valtýsson, sem voru jafnir honum að vinningum.  Í 6 sæti var svo fulltrú ungu kynslóðarinnar, Birgir Karls Sigurðsson með 6.5 v.  Jóhann Örn Sigurjónsson, sigurvegari 2ja síðustu móta forfallaðist á síðustu stundu og náðí því ekki þrennunni, þó ekkert sé gefið í þeim efnum.  Nánari úrslit skv. töflu.

Elstu keppendurmótsins voru þeir Sverrir Gunnarsson og Sigurberg H. Elentínusson, báðir 84 ára, en sá yngsti Joshua Davíðsson aðeins 6 ára að aldri.

Aldursflokkaverðlaun hlutu:

80 ára og eldri:  Björn Víkingur Þórðarson; 75-80 ára: Sigurður Herlufsen; 70-75 ára: Einar S. Einarsson; 60-70 ára: Jón Þ. Þór

15 ára og yngri: 1. Birkir Karl Sigurðsson; 2. Jón Trausti Harðarson; 3. Oliver Aron Jóhannesson (Dagur Ragnarsson var einnig með 6 vinninga en lægri á stigum)

12 ára og yngri: 1. Símon Þórhallsson; 2. Hilmar Freyr Heimisson; 3. Kristófer Jóel Jóhannesson (Sóley Lind Pálsdóttir, Gauti Páll Jónsson, Hildur Berglind Jóhansdóttir voru jöfn þeim að vinningum, en aðeins lægri á stigum)

 9 ára og yngri: 1. Nansý Davíðsdóttir; 2. Vignir Vatnar Stefánsson; Ásdís Birna Þórarinsdóttir

Aðalstuðningsaðilar mótsins auk Hafnarfjarðarkirkju voru: POINT á Íslandi sem gaf peningaverðlaun; JÓI ÚTHERJI sem gaf alla verðlaunagripi; HAMBORGARABÚLLAN og URÐUR bókafélag, sem gáfu gjafir í vinningahappdrætti.

• Chess-Results 
• Myndaalbúm (ESE)

Alþjóðlegt mót TG hófst í morgun

Alþjóðlegt mót TG hófst í morgun með fyrstu umferð.  Önnur umferð er nú í fullum gangi.  36 skákmenn taka þátt og var ekki mikið um óvænt úrslit. 

Úrslit fyrstu umferðar:

 

Bo.	Name	Result	Name
1	Ragnarsson Dagur	1 - 0	Roos Daniel
2	Jóhannsdóttir Hildur B	0 - 1	Harðarson Jón Trausti
3	Jóhannesson Oliver Aron	1 - 0	Sandberg Victor
4	Finnsson Jóhann Arnar	0 - 1	Jóhannesson Kristófer Jóel
5	Stefánsson Vignir Vatnar	1 - 0	Rikhardsdottir Svandis Ros
6	Ragnarsson Heimir Páll	0 - 1	Kristinsson Kristinn Andri
7	Friðriksson Rafnar	1 - 0	Jónsson Róbert Leó
8	Naess William	½ - ½	Eriksson Adam
9	Eriksson Carl	0 - 1	Steinþórsson Felix
10	Petersson Baldur Teodor	1 - 0	Kristinsdóttir Kristjana Ósk
11	Kolka Dawid	1 - 0	Sigurjónsson Jón Otti
12	Arnaldarson Bjarki	0 - 1	Pálsdóttir Sóley Lind
13	Jónsson Gauti Páll	1 - 0	Georgsson Ellert Kristján
14	Grétarsson Fannar Ingi	0 - 1	Heimisson Hilmir Freyr
15	Davíðsdóttir Nansý	1 - 0	Georgsson Kári
16	Finnsson Sigurður Fannar	0 - 1	Pantzar Milton
17	Sólmundarson Jóhannes Kári	1 - 0	Einarsson Ísak Logi
18	Jakobsson Þorsteinn Muni	1 - 0	Þorsteinsson Leifur

 

• Heimasíða TG
• Chess-Results

Alþjóðlegt unglingamót TG hefst í dag

Taflfélag Garðabæjar heldur í samráði við Taflfélag Reykjavíkur, Skákdeild Fjölnis og Taflfélagið Helli alþjóðlegt barna og unglingaskákmót dagana 30. október til 2. nóvember næstkomandi.

Mótið er boðsmót og er reiknað til bæði íslenskra og alþjóðlegra skákstiga.

Hvert félag hefur 7 sæti sem það getur boðið börnum og unglingum á þess vegum, en auk þess koma 6-7 útlendingar á mótið á fædd 1997 til 2002. þau koma flest gegnum 4Springere klúbbinn í Svíþjóð.

Umhugsunartími er 60 mínútur og 30 sek á leik.

Mótsstaður er í skákhöllinni Faxafeni 12.

Skákstjóri er Páll Sigurðsson.

Í dag eru tefldar 3 umferðir.  Ein er nú gangi, önnur hefst kl. 12:30 og sú þriðja kl. 16.

• Heimasíða TG
• Chess-Results

Sigurður Daði efstur fyrir lokaumferð Framsýnarmótsins

Sigurður Daði Sigfússon vann Jón Kristinn Þorgeirsson í 6. umferð á Framsýnarmótinu sem lauk í gærkvöld. Einar Hjalti Jensson vann Sigurð Arnarson er sem stendur í öðru sæti með 5 vinninga og Smári Sigurðsson, sem vann Sigurð Ægisson kemur næstu með 4 vinninga ásamt Jóni Kr.

Úrslit 6. umferðar.

Bo.	No.		Name	Rtg	Pts.	Result	Pts.		Name	Rtg	No.
1	1		Sigfússon Sigurður Daði	2346	5	1 - 0	4		Þorgeirsson Jón Kristinn	1609	8
2	2		Jensson Einar Hjalti	2219	4	1 - 0	3		Arnarson Sigurður	1931	4
3	7		Sigurðsson Smári	1640	3	1 - 0	3		Ægisson Sigurður	1722	5
4	6		Sigurðsson Jakob Sævar	1713	2½	1 - 0	2½		Jablon Stephen	1965	3
5	10		Aðalsteinsson Hermann	1391	2½	0 - 1	2½		Björgvinsson Andri Freyr	1301	14
6	12		Jónsson Logi Rúnar	1343	2½	½ - ½	2½		Heiðarsson Hersteinn Bjarki	1230	15
7	11		Karlsson Sighvatur	1351	2	0 - 1	1½		Helgason Árni Garðar	0	18
8	16		Ásmundsson Sigurbjörn	1217	1½	0 - 1	1		Ákason Ævar	1525	9
9	13		Hallgrímsson Snorri	1332	1	1 - 0	1		Viðarsson Hlynur Snær	1047	17

 
Staðan í mótinu fyrir lokaumferðina:

Rk.		Name	FED	Rtg	Club/City	Pts.	TB1	TB2	TB3
1		Sigfússon Sigurður Daði	ISL	2346	Goðinn	6.0	22.0	14.5	22.00
2		Jensson Einar Hjalti	ISL	2219	Goðinn	5.0	22.0	14.0	16.00
3		Sigurðsson Smári	ISL	1640	Goðinn	4.0	22.0	14.5	11.00
4		Þorgeirsson Jón Kristinn	ISL	1609	SA	4.0	21.0	14.0	10.00
5		Sigurðsson Jakob Sævar	ISL	1713	Goðinn	3.5	20.5	12.5	9.00
6		Björgvinsson Andri Freyr	ISL	1301	SA	3.5	17.0	11.0	8.75
7		Arnarson Sigurður	ISL	1931	SA	3.0	21.5	13.5	6.50
8		Heiðarsson Hersteinn Bjarki	ISL	1230	SA	3.0	18.5	11.5	7.25
9		Ægisson Sigurður	ISL	1722	Siglufjörður	3.0	17.0	11.5	7.00
10		Jónsson Logi Rúnar	ISL	1343	SA	3.0	16.0	11.0	6.25
11		Aðalsteinsson Hermann	ISL	1391	Goðinn	2.5	20.0	12.0	6.50
12		Jablon Stephen	USA	1965	Goðinn	2.5	19.5	13.0	7.25
13		Helgason Árni Garðar	ISL	0	Goðinn	2.5	11.5	7.5	3.75
14		Karlsson Sighvatur	ISL	1351	Goðinn	2.0	16.5	10.5	2.50
15		Ákason Ævar	ISL	1525	Goðinn	2.0	14.5	10.0	4.00
16		Hallgrímsson Snorri	ISL	1332	Goðinn	2.0	13.5	9.5	3.50
17		Ásmundsson Sigurbjörn	ISL	1217	Goðinn	1.5	15.5	9.5	3.25
18		Viðarsson Hlynur Snær	ISL	1047	Goðinn	1.0	15.5	9.5	2.00

Lokaumferðin hefst kl. 11

• Heimasíða mótsins
• Chess-Results