Sigur gegn fötluðum

Íslenska liðið í opnum flokki sigraði lið fatlaðra 2½-1½ í níundu umferð Ólympíuskákmótsins, sem fram fór í dag.  Héðinn Steingrímsson og Stefán Kristjánsson sigruðu, en sá síðarnefndi hefur fengið  3½ í síðustu fjórum skákum.  Hannes Hlífar Stefánsson gerði jafntefli en Henrik Danielsen tapaði.  Eins og er staðan 2-1 fyrir kvennaliðinu. 

Úrslit níundu umferðar:

 

Bo.	76	IPCA (IPCA)	Rtg	-	45	Iceland (ISL)	Rtg	1½-2½
72.1	IM	Obodchuk Andrei	2434	-	GM	Stefansson Hannes	2575	½-½
72.2	IM	Mikheev Stanislav	2329	-	GM	Steingrimsson Hedinn	2540	0-1
72.3	IM	Yarmonov Igor	2322	-	GM	Danielsen Henrik	2492	1-0
72.4	IM	Bondarets Vadim	2345	-	IM	Kristjansson Stefan	2474	0-1

 

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson)
  

Dagur með stórmeistaraáfanga!

Dagur Arngrímsson (2392) gerði jafntefli kúbverska alþjóðlega meistarann Fidel Corrales Jimenez (2552) í níundu og síðustu umferð alþjóðlegs móts í Harkany í Ungverjalandi.  Með því tryggði Dagur sér sinn fyrsta áfanga að stórmeistaratitli!  

Dagur hefur reyndar teflt aðeins við tvo stórmeistara en andstæðingur hans í lokaumferðinni verður útefndur væntanlega stórmeistara í Dresden næstu daga svo formsatriðin ættu vonandi ekki vera til trafala!

Ritstjóri vill nota tækifærið og óska Degi kærlega til hamingju!  Reyndar eru það ánægjulegt að sjá þennan stóra hóp ungra skákmanna vera að tefla svo mikið erlendis.  Skákmenn sem eru líklegir til að vera jafnvel í næsta landsliðshópi landans! 

Nánari fréttir verða sagðar af mótinu síðar í dag.

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Ól í skák: Viðureignir dagsins

Þá liggja fyrir lið dagsins.  Hjá strákunum hvílir Þröstur Þórhallsson  en hjá stelpunum hvílir Guðlaug Þorsteinsdóttir.  Viðureignirnar hófust kl. 14 en hægt er ná í tengil hjá neðar á síðunni til að fylgjast með þeim.   

Strákarnir mæta fötluðum en stelpurnar tefla við Nýja Sjáland.  Báðar sveitirnar tefla niður fyrir sigur, sérstaklega strákarnir, svo vonandi náum við góðum úrslitum í dag.

Íslenska liðið í opnum flokki er í 63. sæti og í fimmta sæti norðurlandanna.  Staða efstu liða og norðurlandanna:

• 1. Armenía 15 stig
• 2. Ísrael 14 stig
• 3. Rússland 13 stig
• 4. Úkraína 13 stig
• 18. Noregur 11 stig
• 21. Svíþjóð 11 stig
• 40. Danmörk 10 stig
• 62. Finnland 8 stig
• 63. Ísland 8 stig
• 74. Færeyjar 8 stig.

Íslenska liðið í kvennaflokki er í  70. sæti og í fjórða sæti norðurlandanna.  Staða efstu liða og norðurlandanna:

• 1. Kína 14 stig
• 2. Bandaríkin 13 stig
• 3. Úkraína 13 stig
• 4. Pólland 13 stig
• 5. Serbía 13 stig
• 30. Svíþjóð 10 stig
• 52. Noregur 8 stig
• 64. Danmörk  8 stig
• 70. Íslands 7 stig
• 71. Finnland 7 stig

 

 Viðureignir dagsins:

Bo.	76	IPCA (IPCA)	Rtg	-	45	Iceland (ISL)	Rtg	0 : 0
72.1	IM	Obodchuk Andrei	2434	-	GM	Stefansson Hannes	2575
72.2	IM	Mikheev Stanislav	2329	-	GM	Steingrimsson Hedinn	2540
72.3	IM	Yarmonov Igor	2322	-	GM	Danielsen Henrik	2492
72.4	IM	Bondarets Vadim	2345	-	IM	Kristjansson Stefan	2474

Bo.	65	Iceland (ISL)	Rtg	-	76	New Zealand (NZL)	Rtg	0 : 0
36.1	WGM	Ptacnikova Lenka	2237	-	WFM	Milligan Helen	1957
36.2		Thorsteinsdottir Hallgerdur	1915	-	WFM	Maroroa Sue	1938
36.3		Fridthjofsdottir Sigurl Regin	1806	-	WCM	Smith Vivian J	1858
36.4		Kristinardottir Elsa Maria	1776	-	WFM	Fairley Natasha	1803

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson)
  

Benedikt öruggur sigurvegari á fimmtudagsmóti

Benedikt Jónasson sigraði með yfirburðum á fimmtudagsmóti gærkvöldsins þegar hann hlaut 8,5 vinning í níu skákum, 2,5 vinningi meira en næstu menn sem voru Helgi Brynjarsson og Kristján Örn Elíasson.  Það var aðeins hinn ungi Páll Andrason sem náði að skáka Benedikt og hala inn jafntefli eftir að sá síðarnefndi hafði lengi reynt að innbyrða sigur í endatafli með peð á mann og samlitum biskupum.

Úrslit urðu eftirfarandi:

• 1. Benedikt Jónasson 8,5 v af 9
• 2.-3. Helgi Brynjarsson, Kristján Örn Elíasson 6 v
• 4. Páll Andrason 5,5 v
• 5.-8. Ingi Tandri Traustason, Jón Gunnar Jónsson, Dagur Kjartanson, Þórir Benediktsson 5 v
• 9. Rafn Jónsson 4,5 v
• 10.-13. Brynjar Níelsson, Magnús Matthíasson, Jon Olav Fivelstad, Helgi Hauksson 4 v
• 14.-15. Benjamín Gísli Einarsson, Tjörvi Schiöth 2,5 v
• 16. Jóhannes Guðmundsson 0,5 v

Næsta mót fer fram fimmtudaginn 27. nóvember og hefst kl. 19.30.

   

Ólympíumótið í Dresden, 9. pistill

Gærdagurinn var mikill sorgardagur hjá íslensku liðunum og sennilega einn sá versti í íslenskri Ólympíusögu.  Tap hjá karlaliðinu gegn Sameinuðu Arabísku Furstadæmunum er eitthvað sem við megum ekki sætta okkur við.  Það borgar sig ekki að segja meira um þetta tap í bili, en eftir mótið þarf að setjast niður og skoða stöðuna.  Kvennaliðið tapaði líka illa gegn Luxemborg 0,5-3,5 sem er eitthvað sem gat gerst miðað við stigamuninn en er samt erfitt að kyngja. 

Á eftir mætir karlaliðið athyglisverðri sveit, þe sveit fatlaðra.  Þó að nafnið hljómi ekki traustvekjandi þá eru þetta ágætis skákmenn, 4 alþjóðlegir meistarar allir frá Rússlandi og Útefla í dag, en krafan er samt að sjálfsögðu sigur.  Kvennaliðið mætir Nýja Sjálandi og ætti að hafa sigur, en það er samt ekki hægt að bóka neitt í þessu.  Ætli ég láti þetta ekki nægja í þetta skiptið.

kveðja, Sigurbjörn

Tap gegn Sameinuðum Aröbum

Íslenska liðið í opnum flokki tapaði 1,5-2,5 fyrir Sameinaða arabíska furstadæminu í áttundu umferð Ólympíuskákmótsins.  Henrik Danielsen sigraði, Stefán Kristjánsson gerði jafntefli en Hannes Hlífar Stefánsson og Þröstur Þórhallsson töpuðu. 

Úrslit áttundu umferðar:

Bo.	45	Iceland (ISL)	Rtg	-	81	United Arab Emirates (UAE)	Rtg	1½-2½
30.1	GM	Stefansson Hannes	2575	-	IM	Salem A R Saleh	2476	0-1
30.2	GM	Danielsen Henrik	2492	-		Ali Abdulkhaleq	2176	1-0
30.3	IM	Kristjansson Stefan	2474	-	IM	Hassan Abdullah	2287	½-½
30.4	GM	Thorhallsson Throstur	2455	-	FM	AlHuwar Jasem	2230	0-1

 

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson)
  

Guðmundur með AM-áfanga - Dagur með góða möguleika á SM-áfanga

 

 

 

Guðmundur Kjartansson (2284) hefur tryggt sér áfanga að alþjóðlegum meistaratitli þegar einni umferð er ólokið á alþjóðlegu skákmóti í Harkany í Ungverjalandi.   Dagur Arngrímsson (2392) hefur möguleika á stórmeistaraáfanga geri hann jafntefli í lokaumferðinni.   

Í áttundu og næstsíðustu umferð, sem fram fór í dag, sigruðu Dagur, Guðmundur og Bragi Þorfinnsson (2383) en Jón Viktor Gunnarsson (2430) tapaði.  Dagur vann franska alþjóðlega meistarann Thal Abergal (2509), Guðmundur sigraði ungverska alþjóðlega meistarann Tamas Banusz (2498) og Bragi lagði Ungverjann Adam Feher (2229).  Jón Viktor tapaði fyrir úkraínska stórmeistaranum Adam Shiskin (2502). 

Dagur hefur 6,5 vinning, Guðmundur hefur 6 vinninga, Bragi 5 vinninga og Jón Viktor 4,5 vinning.  

Alls tekur 121 skákmaður þátt í a-flokknum og þar á meðal sjö stórmeistarar.  

Heimasíða mótsins

Tap gegn Lúxemborg

Íslenska liðið í kvennaflokki tapaði 0,5-,3,5 fyrir sveit í Lúxemborg í áttundu umferð, sem fram fór í dag.  Lenka Ptácníková gerði jafntefli en Guðlaug Þorsteinsdóttir, Hallgerður Helga Þorsteinsdóttir og Elsa María Þorfinnsdóttir töpuðu.

Úrslit áttundu mferðar:

Bo.	41	Luxembourg (LUX)	Rtg	-	65	Iceland (ISL)	Rtg	3½-½
31.1	WGM	Berend Elvira	2328	-	WGM	Ptacnikova Lenka	2237	½-½
31.2	WGM	Wagener Anna	2246	-	WFM	Thorsteinsdottir Gudlaug	2156	1-0
31.3	WFM	Steil-Antoni Fiona	2166	-		Thorsteinsdottir Hallgerdur	1915	1-0
31.4	WFM	Bakalarz Grazyna	2001	-		Kristinardottir Elsa Maria	1776	1-0

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson)
  

Hraðskákmót TR fer fram nk. sunnudag

Hraðskákmót Taflfélags Reykjavíkur verður haldið sunnudaginn 23. nóvember kl. 14 í Félagsheimili TR að Faxafeni 12.  Tefldar verða 2x 7 umferðir með 5 mínútna umhugsunartíma.  Verðlaun verða veitt fyrir þrjú efstu sætin.

Þátttökugjald er 500 kr fyrir 16 ára og eldri en frítt fyrir 15 ára og yngri.

Jafnframt fer fram verðlaunaafhending fyrir Haustmót TR 2008.

Ólympíumótið í Dresden, 8. pistill

Bæði liðin gerðu jafntefli í gær í miklum baráttuviðureignum.  Karlaliðið var á tímabili nálægt sigri gegn Kólumbíu en í lokin máttum við þakka fyrir jafnteflið því Stefán lagði allt undir gegn andstæðing sínum og uppskar sigur, en Kólumbíumaðurinn hefði getað teflt lokin á skákinni betur, td með því að drepa á d6 og leika Dg6-h5-e5 eftir að Stefán lék hinum mjög svo ögrandi d6 leik sem miðaði að því að sleppa við þráteflið.  Bæði Héðinn og Hannes komust lítið áleiðis gegn sínum andstæðingum og Þröstur féll á tíma á ótrúlegan hátt í jafnteflisstöðu þannig að í staðinn fyrir að Stefán myndi berjast fyrir sigri í viðureigninni þá var hann að berjast fyrir jafnteflinu. 

Ekki er auðvelt að útskýra hvað gerðist hjá Þresti, hann bara ruglaðist eitthvað á þessu öllu saman og féll á tíma í stöðu sem andstæðingur hans myndi sjálfsagt aldrei ná að vinna, en það þýðir lítið að velta sér upp úr því heldur bara einbeita sér að næstu viðureign sem er á eftir gegn Sameinuðu Arabísku Furstadæmunum.  Þar hvílir Héðinn vegna þess að hann er með einhverja kvefpest og treystir sér ekki til að tefla.  Vonandi verður hann búinn að ná sér fyrir lokasprettinn, en hér eftir verður hvert stig mjög dýrmætt.

Stelpurnar gerðu jafntefli við Mexíkó í gær þar sem Lenka og Guðlaug unnu og Sigurlaug og Elsa María töpuðu.  Á eftir tefla þær svo gegn þéttu liði Luxemborgar þar sem stig væri fínt.   

Armenar unnu gríðarlega góðan sigur gegn Rússum í gær og stigu með því stórt skref í átt að því að verja Ólympíutitilinn.  Sargissian vann Grischuk í mjög áhugaverðri skák og gerðist það sama fyrir tveimur árum þegar Armenar unnu Rússana með sama mun, 2,5-1,5.  Á eftir mæta Armenarnir svo Frökkum og með sigri þar myndu þeir nálgast gullið verulega.  Reyndar eiga þeir eftir að mæta heimamönnum í Þýskalandi sem hafa staðið sig vel og mæta gríðarlega vel undirbúnir til leiks.  Þjóðverjarnir fá Ísraela og Rússar mæta Bandaríkjamönnum, en Þjóðverjar, Ísraelar og Frakkar eru allir með 12 stig, stigi minna en Armenar.

Þá má geta þess að Víetnamar sem lögðu okkur í 6. umferð unnu Hollendinga í gær og eru þar með komnir með 11 stig og mæta Kínverjum í 8. umferð! Aftur reyndust 2 efstu borðin vel fyrir Víetnama því þeir unnu þá Loek Van Wely og Jan Smeets. 

En þar sem frekar lítið merkilegt gerðist í gær, utan skákborðsins, þá læt ég þetta bara nægja í bili.

kveðja, Sigurbjörn