EM-farinn: Gunnar Björnsson - fararstjóri

Nafn

Gunnar Björnsson

Staða

Fararstjóri

Aldur 

46 ára

Félag

GM Hellir

Skákstig

Lækkandi

Hvenær teflt fyrst á EM landsliða og hversu oft hefur þú tekið þátt í EM landsliða:

Fór sem liðsstjóri árið 2007 á Krít þar sem Ísland náði mjög eftirtektarverðum árangri og var skákstjóri/fararstjóri árið 2011 á Porto Carras þar sem Ísland varð efst Norðurlanda.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Hef nú lítið verið þekktur fyrir taflmennsku í landskeppnum en tefldi þó fyrir Íslands hönd nýlega í landskeppni við Færeyja - við misjafnar undirtektir !

Minnistæðasta skák í mín í landskeppni er sennilega gegn Andrew Metrick í Collins-keppninni hérlendis sennilega árið 1982. Skák sem var skýrð í skákþætti Jóns Þ. Þórs í RÚV en er því miður týnd og tröllum gefin.

Spá þín um lokasæti Íslands?

Ég er bjartsýnn á gott gengi. Landsliðsmenn Íslands eru í góðum gír og hafa staðið sig vel undanfarið. Spái þremur-fimm sætum upp fyrir skákstig í báðum flokkum.

Hverjir verða sigurvegarar EM (báðir flokkar)

Rússar hafa verið í bölvuðu basli í landskeppnum lengi vel. Síðasti sigur þeirra var á EM 2007. Ég spái áframhaldandi vandræðagangi þeirra og spái Armenum sigri í opnum flokki og Úkraínukonum í kvennaflokki.

Hver hefur verið undirbúningur þinn fyrir EM?

Alls konar - verkefnaleysi í kringum landsliðsferðir hefur ekki verið vandamál!

Meðal verkefna er að skipuleggja ferðaáætlun, vera í sambandi við mótshaldara/liðsmenn/liðsstjóra/skákstjóra/landsliðsnefndarmenn, skipuleggja fréttaflutning, undirbúa þátttöku á ECU-fundi og að vera tilbúinn að svara fyrir EM 2015. Einnig legg ég mikla áherslu á kynningu á Reykjavíkurskákmótinu 2014.

Mjög skemmtilegur undirbúingur enda hafa bæði liðin á að skipa frábærum liðsmönnum.

Persónuleg markmið á mótinu.

Gera mitt besta. Mun leggja mikla áherslu á góða þjónustu við skákáhugamenn. Þá hef sérstaklega í huga góðan og stöðugan fréttaflutning af íslensku liðunum.

Eitthvað að lokum?

Jákvæðni er lykillinn að velgengi. Skák er skemmtileg(ust)!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman