EM-farinn: Hjörvar Steinn Grétarsson - þriðja borð í opnum flokki

Umfjöllun um EM-faranna heldur áfram! Nú er nýjasti stórmeistari okkar Íslendinga, Hjörvar Steinn Grétarsson kynntur til sögunnar.

Nafn:

Hjörvar Steinn Grétarsson.

Staða í liðinu:

Þriðja borð í opnum flokki.

Aldur:

Tvítugur

Félag:

Víkingaklúbburinn

Skákstig

2511

Hvenær teflt fyrst á EM landsliða og hversu oft hefur þú tekið þátt í EM landsliða:

Ég tók þátt í fyrsta skipti árið 2011 í Grikklandi. Þetta mun semsagt verða mitt annað mót.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Skák mín gegn Shirov árið 2011 sem ég vann. Hún byrjaði hálf illa fyrir mig og fékk ég aðeins verri stöðu en náði síðan óvænt að flækja skákina og tímahrakið gerði Shirov erfitt fyrir. Ég endaði á því að vinna hana nokkuð örugglega eftir að Shirov hafði leikið 2-3 illa af sér.

Spá þín um lokasæti Íslands?

Við munum lenda sirka 5-7 sætum ofar en okkur er spáð.

Hverjir verða sigurvegarar EM (báðir flokkar)

Ætla að giska á Rússana, þeir eru einfaldlega langsterkastir í báðum flokkum.

Hver hefur verið undirbúningur þinn fyrir EM?

Jafnar og þéttar stúderingar ásamt því að hafa teflt í Evrópukeppni klúbba á Rhodos þar sem ég náði mínum loka stórmeistaraáfanga.

Persónuleg markmið á mótinu.

Engin persónuleg markmið fyrir þetta mót, upphaflega hafði markmiðið verið að ná áfanga en þar sem ég náði því fyrir stuttu þá vil ég bara standa mig eins vel og ég get fyrir liðið. Það sem er gott fyrir liðið er gott fyrir mig!

Eitthvað að lokum?

Ég er gríðarlega spenntur fyrir mótinu. Við erum með flottan hóp skákmanna og er ég sérstaklega ánægður að sjá að flestir af okkur skákmönnum sáu sér fært að mæta. Við misstum flottan skákmann stuttu fyrir mót, hann Braga, en ég tel að Guðmundur eigi eftir að standa sig vel enda sýnt það seinustu mánuði hversu góður hann er.

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "European Team Championship"] [Site "Porto Carras GRE"] [Date "2011.11.03"] [EventDate "2011.11.03"] [Round "1.13.2"] [Result "1-0"] [White "H S Gretarsson"] [Black "Alexey Shirov"] [ECO "E32"] [WhiteElo "2452"] [BlackElo "2705"] [PlyCount "85"] 1. d4 Nf6 2. c4 e6 3. Nc3 Bb4 4. Qc2 O-O 5. Nf3 c5 6. dxc5 Na6 7. c6 d5 8. Bd2 d4 9. Nb5 bxc6 10. Nbxd4 Bxd2+ 11. Qxd2 Qb6 12. e3 Rd8 13. c5 Nxc5 14. Bc4 e5 15. Bxf7+ Kxf7 16. Nxe5+ Kf8 17. Nc4 Qc7 18. Qb4 Rd5 19. O-O Rb8 20. Qa3 Kg8 21. Rac1 Nce4 22. f3 Rh5 23. f4 c5 24. Ne5 Qb7 25. Ndc6 Ra8 26. b4 Be6 27. bxc5 Bd5 28. Nd4 Qe7 29. Qa5 Qd8 30. Qxd8+ Rxd8 31. Rfd1 Rc8 32. g4 Rh3 33. Nf5 Kf8 34. g5 Bxa2 35. gxf6 gxf6 36. Nd7+ Kf7 37. Nd6+ Nxd6 38. Rxd6 Rg8+ 39. Kh1 Rxe3 40. Nxf6 Rb8 41. Ng4 Re4 42. Ne5+ Ke8 43. Nd7 1-0