Skákþáttur Morgunblaðsins: Heimsmeistarinn missti næstum því toppsætið á elo-listanum

Stigalistinn sem kenndur er við bandaríska eðlis- og tölfræðinginn Arpard Elo birtist fyrst á alþjóðavettvangi árið 1970 en á því tæplega 50 ára tímabili síðan FIDE tók upp kerfið hafa furðu fáir skákmenn skipað efsta sæti listans. Þaulsætnastir voru Anatolí Karpov og arftaki hans Garrí Kasparov sem sat á toppnum í samfellt í 20 ár eða þar til hann hætti taflmennslu og sneri sér að rússneskri pólitík.

Magnús Carlsen náði toppsætinu árið 2010, sló stigamet Kasparovs fljótlega upp úr því og komst hæst í 2882 elo stig. Undanfarin ár hefur enginn ógnað stöðu hans eða þar til Norska skákmótið hófst í Stavangri í síðustu viku. Af einhverjum ástæðum hefur Magnús reynst lítill spámaður í eigin föðurlandi og þegar hann tapaði fyrir Aronjan og síðan Kramnik í sjöunudu umferð var allt í einu komin upp sú staða að Vladimir Kramnik var aðeins 4,4 elo stigum frá heimsmeistaranum á hinum svokallaða „lifandi“ stigalista FIDE.

Skákirnar í áttundu og næstsíðustu umferð sem fram fóru fimmtudaginn gátu því leitt af sér sætaskipti. Þá mætti Magnús mótherja sínum frá heimsmeistaraeinvíginu í New York sl. haust, Sergei Karjakin og Kramnik tefldi við Vachier-Lagrave. Norðmönnum til óblandinnar ánægju náði Magnús að hrista af sér ólundina, sem var öllum ljós þegar hann mætti ekki á blaðamannafund degi fyrr, og vann glæsilega. Þeir grétu heldur ekki þegar Kramnik tapaði fyrir Vachier-Lagrave í sömu umferð og staðan á toppi elo-listans „róaðist“ heilmikið:

Magnús Carlsen – Sergei Karjakin

Nimzoindversk vörn

1. d4 Rf6 2. c4 e6 3. Rc3 Bb4 4. e3 O-O 5. Bd3 d5 6. cxd5 exd5 7. Re2 He8 8. Bd2 Bf8 9. O-O b6 10. Hc1 c5 11. Rf4 Bb7 12. Df3 Ra6 13. Hfd1 cxd4 14. exd4 Rc7 15. Bc2 Bd6 16. Be3 Re4 17. Ba4 He7 18. Bb3 Dd7 19. h3 Rxc3 20. bxc3 Bc6 21. Rh5!

Eftir byrjun sem telja má hefðbundna beinist athygli riddarans skyndilega að viðkvæmri kóngsstöðu svarts. Hótunin er 22. Bh6!

21. ... He6 22. Bc2 Ba4! 23. c4!

Skemmtileg barátta og vel teflt; hvítur missir sinn „betri“ biskup en nær að opna fyrir þann sem stendur á e3.

23. ... dxc4 24. d5 Hg6 25. Bd4 Bxc2 26. Hxc2 Da4 27. Hcc1 Dxa2

28. Rxg7!

Þessi fórn lá í loftinu en er á engan hátt einföld þar sem varnir svarts eru enn traustar þó að hrókar hvíts hafa heilmikið svæði til að vinna með.

28. ... Hxg7 29. Bxg7 Kxg7 30. Dg4+ Kf8 31. Dh4 Db2 32. Hxc4!?

Magnús var í tímahraki og gat fengið jafntefli með 32. Dh6+ Ke7 33. Dh4+ o.s.frv.

32. ... Re8 33. He1 Df6 34. Dxh7!

Vitaskuld ekki 34. He8+?? Hxe8 35. Dxf6 He1 mát!

34. ... Dg7 35. Dc2 Df6 36. Hg4 Bc5 37. He2 Dh6 38. g3 Rf6 39. Hh4 Dg7 40. Kg2 Dg5 41. Dc3 Bd6?

Afleikur, 41. ... Dg7 var eina vörnin.

42. Hh8+ Rg8 43. He4 Dg7 44. Hxg8+!

Lokahnykkurinn. Eftir 44. ... Dxg8 45. Df6 Bc5 46. d6 er öllu lokið. Svartur gafst upp. Hrókurinn á a8 hreyfði sig aldrei.

Þrátt fyrir þennan sigur er frammistaða Magnúsar undir væntingum og svo virðist sem hann hafi enn ekki jafnað sig fyllilega eftir heimsmeistaraeinvígið sl. haust. Staðan fyrir lokaumferðina var þessi:

1. Aronjan 5 ½ v. ( af 8) 2. Nakamura 5 v. 3. Giri 4 ½ v. 4. – 5. So og Kramnik 4 v. 6. – 9. Carlsen, Caruana, Anand og Vachier-Lagrave 3 ½ v. 10. Karjakin 3 v.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 17. júní 2017

Skákþættir Morgunblaðsins

[Event "Altibox Norway"] [Site "Stavanger NOR"] [Date "2017.06.15"] [EventDate "2017.06.06"] [Round "8.2"] [Result "1-0"] [White "Magnus Carlsen"] [Black "Sergey Karjakin"] [ECO "E48"] [WhiteElo "2832"] [BlackElo "2781"] [PlyCount "87"] 1. d4 Nf6 2. c4 e6 3. Nc3 Bb4 4. e3 O-O 5. Bd3 d5 6. cxd5 exd5 7. Ne2 Re8 8. Bd2 Bf8 9. O-O b6 10. Rc1 c5 11. Nf4 Bb7 12. Qf3 Na6 13. Rfd1 cxd4 14. exd4 Nc7 15. Bc2 Bd6 16. Be3 Ne4 17. Ba4 Re7 18. Bb3 Qd7 19. h3 Nxc3 20. bxc3 Bc6 21. Nh5 Re6 22. Bc2 Ba4 23. c4 dxc4 24. d5 Rg6 25. Bd4 Bxc2 26. Rxc2 Qa4 27. Rcc1 Qxa2 28. Nxg7 Rxg7 29. Bxg7 Kxg7 30. Qg4+ Kf8 31. Qh4 Qb2 32. Rxc4 Ne8 33. Re1 Qf6 34. Qxh7 Qg7 35. Qc2 Qf6 36. Rg4 Bc5 37. Re2 Qh6 38. g3 Nf6 39. Rh4 Qg7 40. Kg2 Qg5 41. Qc3 Bd6 42. Rh8+ Ng8 43. Re4 Qg7 44. Rxg8+ 1-0

Magnus Carlsen efstur í hálfleik í París

Heimsmeistarinn Magnus Carlsen (2851) er efstur í hálfleik í París. Í gær lauk atskákhluta mótsins og þar hlaut Magnus 7 vinninga (14 stig) í 9 skákum. Alexander Grischuk (2779) varð annar með 6,5 vinninga (13 stig) og Hikaru Nakamura (2792) þriðji með 6 vinninga (12 stig). 

Staðan:

Í dag og á morgun tefla þeir hraðskák - tvöfalda umferð - allir við alla. Þar telur vinningurinn eitt stig og gildir því hraðskákhlutinn jafn mikið og atskákhlutinn. Taflmennskan hefst kl. 12. Tímamörkin er 5+3 (Bronstein). 

Í gær vakti mikla athygli smá snerra á milli heimsmeistarans og skákskýrendans, Maurice Ashley. Hana má sjá hér:

 

Nánar á Chess24. 

Myndir: Lennart Ootes (af Chess24). 

Heimasíða mótsins

Heimsmeistarinn efstur í París

Þrátt fyrir að yfirburðir heimsmeistarans í hefðbundinni kappskák hafi minnkað virðist það sama ekki eiga um at- og hraðskákir. Þar virðist Magnus Carlsen (2851) einfaldlega vera bestur. Eftir sex umferðir í París er heimsmeistarinn efstur með 10 stig (2 stig fyrir sigur, 1 fyrir jafntefli). Bandaríkjamaðurinn Hikaru Nakamura er annar með 9 stig (4,5 v.) og Aserinn Shahkriyar Mamedyarov (2784) er þriðji með 8 stig (4 vinninga). Shahk hefur verið sjóðheitur síðustu misseri og ekki sér fyrir endann á góðu gengi hans. 

Fabiano Caruana (2782) hefur heldur betur ekki náð vopnum sínum og hefur aðeins 1 stig (0,5 v.) Caruana hefur oft verið slakur í styttri tímamörkunum.

Atskákmótinu lýkur í dag með umferðum 7-9. Á morgun byrja þeir að tefla hraðskákir. 

Hikaru Nakamura (2792) og Veselin Topalov (2725) koma næstir með 4 stig (2 vinninga). 

Staðan:

 

Nánar á Chess24. 

Myndir: Lennart Ootes (af Chess24). 

Heimasíða mótsins

Aðalfundur TR fer fram á miðvikudagskvöldið

Stjórn Taflfélags Reykjavíkur boðar til aðalfundar í samræmi við 10.gr laga félagsins. Fundurinn verður haldinn miðvikudaginn 28.júní og hefst kl.20:00 í húsnæði félagsins að Faxafeni 12.

Dagskrá: Venjuleg aðalfundarstörf.

Virðingarfyllst, Stjórn Taflfélags Reykjavíkur

Boðsmóti Taflfélags Reykjavíkur frestað

Boðsmóti Taflfélags Reykjavíkur, sem fyrirhugað var um næstu helgi, hefur verið frestað um óákveðinn tíma vegna dræmrar skráningar.

Dræm skráning í Boðsmótið bendir til þess að á meðal skákmanna sé lítil eftirspurn eftir skákmóti sem þessu á höfuðborgarsvæðinu á þessum árstíma. Eitt af keppikeflum Taflfélags Reykjavíkur er að koma til móts við óskir skákmanna og því verður að teljast líklegt að Boðsmótið verði endurvakið síðar með öðru fyrirkomulagi. Nánari útfærsla liggur þó ekki fyrir að svo stöddu.

Nýtt fréttabréf SÍ kom út í dag

Nýtt fréttabréf SÍ kom út í dag eftir alllangt hlé á útgáfunni. Meðal efnis í fréttabréfinu er:

• Fjórir íslenskir skákmenn taka þátt í Norðurlandamótinu
• Guðmundur Íslandsmeistari í skák
• Anish Giri sigurvegari GAMMA Reykjavíkurskákmótsins
• Norðurljósamótið haldið í nóvember
• Ný stjórn SÍ og verkaskipting hennar
• Hilmir Freyr skákmeistari Skákskóla Íslands
• GAMMA Reykjavíkurskákmótið 2018 - niðurtalning
• Mót á döfinni

Fréttabréfið má í heild sinni finna hér.

Hægt er að skrá sig fyrir fréttabréfinu á Skák.is - ofarlega til vinstri. 

Eldri fréttabréf SÍ má finna hér.

 

 

Wesley So og Magnus Carlsen efstir í París

Heimsmeistarinn Magnus Carlsen (2851) og Wesley So (2789) eru efstir með eftir 3 fyrstu umferðir ofuratskákmótsins í París sem hófst í gær. Þeir fengu 2,5 vinning í umferðunum þremur sem gefur þeim 5 stig. Það er gert til þess að atskákmótið gildi jafnmikið og hraðskákmótið þrátt fyrir tvöfalt færri umferðir. 

Hikaru Nakamura (2792) og Veselin Topalov (2725) koma næstir með 4 stig (2 vinninga). 

Veislen heldur áfram í dag þegar umferðir 4-6 eru tefldar. Garry Kasparov lætur sig ekki vanta á staðinn enda eru þessi Grand Chess Tour mót á vegum stuðningsmanna hans með Rex Sinquefield fremstan í flokki. 

Stuðst er við URS-stigakerfið (Universal Rating System) sem eru ekki hin hefðbundnu opinberu FIDE-stig. Þar er blandað saman árangri á kapp-, at- og hraðskákstigum. 

Nánar á Chess24. 

Myndir: Lennart Ootes (af Chess24). 

Heimasíða mótsins

Ofuratskákmót hefst í París kl. 12 í dag

Í dag kl. 12 hefst ofuratskákmót í París. Mótið er hluti af Grand Chess Tour. Tíu skákmenn tefla og þar af flestir sterkustu skákmenn heims. Dagana 21.-23. júní tefla þeir atskák (25+10) - allir við alla - þrjár skákir á dag. Dagana 24. og 25. tefla þeir svo hraðskák (5+3) - tvöfalda umferð - alls 18 umferðir.

Meðal keppenda í París eru Magnus Carlsen, Hikaru Nakamura, Wesley So, Shakhriyar Mamediarov og Fabiano Caruana.

Nánar á Chess24. 

Mynd: Lennart Ootes.

Heimasíða mótsins

Mjóddarmót Hugins fer fram 1. júlí

Mjóddarmótið fer fram laugardaginn 1. júlí í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Subway í Mjódd en fyrir þá tefldi Dagur Ragnarsson.  Tefldar verða sjö umferðir með umhugsunartímanum 5 mínútur + 2 sekúndur á hvern leik.  Skráning fer fram í síma 866-0116 og hér á Skák.is (guli kassinn efst). Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 20.000
• 2. 15.000
• 3. 10.000

Upplýsingar um þegar skráða keppendur má finna hér.

Boðsmót TR hefst á föstudaginn

Boðsmót Taflfélags Reykjavíkur á sér yfir 40 ára langa sögu en mótið hefur legið í dvala síðasta áratuginn. Nú hefur stjórn T.R. ákveðið að endurlífga Boðsmótið í formi helgarskákmóts. Boðsmót T.R. hefur því göngu sína á ný föstudaginn 23. júní kl. 19:30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og verða tefldar atskákir í bland við kappskákir samkvæmt dagskrá hér að neðan. Venju samkvæmt verður mótið reiknað til skákstiga.

Keppt er um stórglæsilegan farandbikar, en auk hans eru peningaverðlaun fyrir þrjú efstu sætin. Þá verða veitt bókaverðlaun fyrir bestu frammistöðu miðað við eigin stig. Verði keppendur jafnir að vinningum mun stigaútreikningur (tiebreaks) skera úr um lokaröð. Peningaverðlaunum verður skipt eftir Hort kerfinu.

Skráningu lýkur föstudaginn 23.júní kl.19:15.

Dagskrá:
1. umferð (atskák) föstudaginn 23. júní kl. 19:30
2. umferð (atskák) föstudaginn 23. júní kl. 20:45
3. umferð (atskák) föstudaginn 23. júní kl. 22:00
4. umferð (kappskák) laugardaginn 24. júní kl. 11:00
5. umferð (kappskák) laugardaginn 24. júní kl. 17:00
6. umferð (kappskák) sunnudaginn 25. júní kl. 11:00
7. umferð (kappskák) sunnudaginn 25. júní kl. 17:00

Tímamörk:
Atskákir: 20 mínútur + 10 sekúndna viðbót eftir hvern leik.
Kappskákir: 90 mínútur + 30 sekúndna viðbót eftir hvern leik.

Verðlaun:
1. sæti kr. 20.000
2. sæti kr. 10.000
3. sæti kr. 5.000

Bókaverðlaun fyrir bestu frammistöðu miðað við eigin kappskákstig (“performance” mínus “eigin kappskákstig”).

Þátttökugjald:
Fyrir fullgilda meðlimi T.R. er gjaldið 2.500kr en aðrir greiða 4.000kr. Þátttökugjöld greiðast með reiðufé við upphaf móts. Fyrrum sigurvegarar Boðsmótsins fá frítt í mótið. Titilhafar fá auk þess frítt í mótið.

Skráningarform

Skráðir keppendur