Ingvar með jafntefli gegn stórmeistara - Sigurbjörn vann

Ingvar Þór Jóhannesson (2372) gerði jafntefli við pólska stórmeistarann Kamil Dragun (2586) í áttundu og næstsíðustu umferð minningarmótsins um Najdorf sem fram fór í Varsjá í dag. Ingvar hefur 4,5 vinning og er í 22.-37. sæti. Hann mætir úkraínsku goðsögninni Oleg Romanishin (2475) í lokaumferðinni á morgun.

Sigurbjörn Björnsson (2327) vann í dag í Lukasz Nowak (2116). Sigurbjörn hefur 3 vinninga og er í 62.-70. sæti.

Lettneski stórmeistarinn Igor Kovalenko (2682) hefur farið mikinn og er efstur með 7,5 vinning. 

Lokaumferðin fer fram í fyrramálið og hefst kl. 8. Tilvalið fyrir árrisula!

Vert er að benda á skákblogg Ingvars þar sem hann fjallar um mótið.

Alls tefla 83 skákmenn í efsta flokki og þar af eru 23 stórmeistarar. Ingvar er nr. 39 í stigaröð keppenda en Sigurbjörn er nr. 52.

• Heimasíða mótsins
• Úrslitaþjónusta
• Beinar útsendingar (hefjast almennt kl. 15)
• Chessbomb

Ingvar á sigurbraut

Ingvar Þór Jóhannesson (2372) vann sína aðra skák í röð þegar hann lagði Pólverjann Piotr Åšnihur (2124= að velli í sjöundu umferð minningarmótins um Najdorf sem fram fór í gær.

Ingvar hefur 4 vinninga og er í 18.-37. sæti. Sigurbjörn Björnsson (2327) vann einnig í gær. Sigurbjörn hefur 2 vinninga og er í 72.-78. sæti.

Áttunda og næstsíðasta umferð fer fram í dag. Þá teflir Ingvar við ungan og efnilegan stórmeistara Kamil Dragun (2586) sem er aðeins tvítugur. Sigurbjörn tefli við Pólverjann Łukasz Nowak (2116).

Vert er að benda á skákblogg Ingvars þar sem hann fjallar um mótið.

Alls tefla 83 skákmenn í efsta flokki og þar af eru 23 stórmeistarar. Ingvar er nr. 39 í stigaröð keppenda en Sigurbjörn er nr. 52.

• Heimasíða mótsins
• Úrslitaþjónusta
• Beinar útsendingar (hefjast almennt kl. 15)
• Chessbomb

Guðmundur með 2 vinninga í Sankti Pétursborg

Alþjóðlegi meistarinn Guðmundur Kjartansson (2452) situr þessa dagana að tafli á alþjóðlegu móti í St. Pétursborg. Eftir 6 umferðir hefur Guðmundur 2 vinninga. Guðmundur er ekki bara að sækja mót í St. Pétursborg heldur er hann jafnfram að sækja þar skákbúðir þar sem Khalifman er meðal kennara.

• Heimasíða mótsins
• Chess-Results

Grand Prix skákmót í Lundi 7.-9. ágúst

Alþjóðlegt mót verður haldið í Lundi dagana 7.-9. ágúst nk. Það er haldið af skákklúbbnum þar. 

Nánari upplýsingar um mótið má finna á heimasíðu þess. 

Á heimasíðu mótsins má meira að segja finna kynningu á íslensku sem fylgir með sem viðhengi.

Skráningarfrestur er til 24. júlí nk.

 

Ingvar vann í dag í Varsjá

Ingvar Þór Jóhannesson (2372) vann pólska úkraínska alþjóðlega meistarann Vladimir Grabinsky (2265) í sjöttu umferð minningarmótsins um Najdorf sem fram fer í Varsjá í Póllandi. Ingvar hefur 3 vinninga og 35.-50. sæti.

Sigurbirni Björnssyni (2327) hefur ekki náð sér á strik og hefur 1 vinning.

Vert er að benda á skákblogg Ingvars þar sem hann fjallar um mótið.

Alls tefla 83 skákmenn í efsta flokki og þar af eru 23 stórmeistarar. Ingvar er nr. 39 í stigaröð keppenda en Sigurbjörn er nr. 52.

• Heimasíða mótsins
• Úrslitaþjónusta
• Beinar útsendingar (hefjast almennt kl. 15)
• Chessbomb

Páll Agnar gerði jafntefli við stórmeistara

Páll Agnar Þórarinsson (2208) er meðal keppenda á opna skoska meistaramótinu sem nú er í gangi í Edenborg. Í dag gerði hann jafntefli við stórmeistarann Keteven Arakhamia-Grant (2374) í hörkuskák. Páll Agnar hefur 3,5 vinning og er í 12.-19. sæti.

Heimasíða mótsins

 

Skráning hafin í Hraðskákkeppni tallfélaga

Hraðskákkeppni taflfélaga, hefst venju samkvæmt nú eftir verslunarmannahelgi. Þetta er í 21. skipti sem keppnin fer fram en Taflfélag Reykjavíkur er núverandi meistari. Í fyrra tóku 16 lið þátt keppninni.

Þátttökugjöld eru kr. 7.500 kr. á hverja sveit sem greiðist inn á reikning 327-26-6514, kt. 650214-0640.

Teflt er eftir útsláttarfyrirkomulagi.

Dagskrá mótsins er sem hér segir:

1. umferð (16 liða úrslit): Skuli vera lokið eigi síðar en 15. ágúst
2. umferð (8 liða úrslit): Skuli vera lokið eigi síðar en 30. ágúst
3. umferð (undanúrslit): Skulu fara fram laugardaginn, 5. september
4. umferð (úrslit): Skulu fara fram fram laugardaginn, 12. september

Umsjónaraðili getur heimilað breytingar við sérstakar aðstæður. Breyta má dagsetningum á úrslitum og/eða undanúrslitum með samþykki allra viðkomandi taflfélaga.

Skráning til þátttöku rennur út 31. júlí nk. Skráning fer fram á www.skak.is (guli kassinn efst). Hægt er að skrá b-sveitir til leiks en a-sveitir njóta forgangs varðandi þátttöku komi til þess að fleiri en 16 lið skrái sig til leiks.

1. Sex manns eru í hvoru liði og tefld er tvöföld umferð, þ.e. allir í öðru liðinu tefla við alla í hinu liðinu. Samtals 12 umferðir, eða 72 skákir.
2. Heimalið sér um dómgæslu. Komi til deiluatriða er Ólafur S. Ásgrímsson yfirdómari keppninnar. Mótshaldari leggur fram dómara í undanúrslit og úrslit.
3. Undanúrslit og úrslit keppninnar verða reiknuð til alþjóðlegra hraðskákstiga.
4. Varamenn mega koma alls staðar inn. Þó skal gæta þess að menn tefli ekki oftar en tvívegis gegn sama andstæðingi og hafi ekki sama lit í báðum skákunum.
5. Ætlast er til þess að þeir sem tefli séu fullgildir meðlimir síns félags (á Keppendaskrá SÍ). Aðeins má tefla með einu taflfélagi í keppninni.
6. Liðsstjórar koma sér saman um hvenær er teflt og innan tímaáætlunar. Komi liðsstjórar sér ekki saman um dagsetningu innan tímaramma getur umsjónaraðili ákvarðað tímasetningu.
7. Verði jafnt verður tefldur bráðabani. Það er tefld er einföld umferð þar sem dregið er um liti á fyrsta borði og svo hvítt og svart til skiptist. Verði enn jafnt verður áfram teflt áfram með skiptum litum þar til úrslit fást. 
8. Heimalið bjóði upp á léttar veitingar, t.d. kaffi, gos, kökur. Mótshaldari sér um veitingar í undanúrslitum og úrslitum.
9. Meðlimir b-sveita skula ávallt vera stigalægri en meðlimir a-sveitar (FIDE-stig) sömu umferðar. Skákmaður sem hefur teflt með a-sveit getur ekki teflt með b-sveit síðar í keppninni.
10. Viðureignirnar skulu fara fram innan 100 km. radíus (max 1-1,5 klst.ferðalag) frá Reykjavík nema að félög komi sér saman um annað.
11. Úrslitum skal koma til umsjónarmann eins fljótt og auðið er í netfangið [e-mail] og eigi síðar en 12 klukkustundum eftir að keppni lýkur.
12. Úrslit keppninnar verða ávallt aðgengileg á heimasíðu Hugins, www.skakhuginn.is sem er heimasíða keppninnar, og á www.skak.is.
13. Mótshaldið er í höndum Skákfélagsins Hugins sem sér um framkvæmd mótsins og mun útvega verðlaunagripi.

Upplýsingar um þegar skráðar sveitir má finna hér. 

Heimasíða mótsins

Staðfest: Magnus Carlsen teflir á EM landsliða í nóvember

Það er staðfest. Heimsmeistarinn í skák, Magnus Carlsen, mun leiða norsku sveitina sem teflir á Evrópumóti landsliða í Laugardalshöllinni í nóvember nk. Norska skáksambandið tilkynnti lið sitt í dag. Þetta er í fyrsta skipti sem Magnus teflir á EM síðan á Krít 2007. 

Þetta er í fyrsta skipti í ríflega aldarfjórðung að ríkjandi heimsmeistari tefli hérlendis á kappskákmótinu. Það gerðist síðast árið 1988 þegar Garry Kasparov tefldi á Heimsbikarmóti Stöðvar 2 í Borgarleikhúsinu.

Gríðarlega gaman fyrir íslenska skákhreyfingu og hinn íslenska skákáhugamann.

Norska liðið skipa:

1. Magnus Carlsen (2853)
2. Jon Ludvig Hammer (2677)
3. Simen Agdestein (2606)
4. Aryan Tari (2499)
5. Frode Urkedal (2512)

Sjá nánar frá á Skakkbloggen.

Flugfélagsmót í Vin kl. 13.

Vinaskákfélagið og Hrókurinn standa fyrir Flugfélagsmóti í Vin á mánudaginn kl. 13. Sex umferðir, 7 mínútna umhugsunartími. Komið fagnandi

Ingvar gerði jafntefli í annarri umferð gegn stórmeistara

Ingvar Þór Jóhannesson (2372) gerði jafntefli við pólska stórmeistarann Jacek Tomsczak (2579) í 2. umferð minningarmótsins um Najdorf sem fram fór í gær í Varsjá. Sigurbjörn Björnsson tapaði hins vegar fyrir búlgarska stórmeistaranum Ivan Cheparinov (2683), stigahæsta keppenda mótsins. Ingvar hefur 1½ en Sigurbjörn hefur ½ vinning. 

Ingvar teflir í dag við pólska stórmeistarann Tomasz Markowski (2566) en Sigurbjörn mætir pólsku skákkonunni Krystyna Dabrowska (2208) sem er stórmeistari kvenna. Umferðin hefst kl. 15 og verða þeir félagarnir báðir í beinni. 

Vert er að benda á skákblogg Ingvars þar sem hann fjallar um mótið.

Alls tefla 83 skákmenn í efsta flokki og þar af eru 23 stórmeistarar. Ingvar er nr. 39 í stigaröð keppenda en Sigurbjörn er nr. 52..

• Heimasíða mótsins
• Úrslitaþjónusta
• Beinar útsendingar (hefjast almennt kl. 15)
• Chessbomb