Forsetamótið: Afmælismót Róberts Lagerman í Vin á þriðjudaginn!

Vinaskákfélagið og Hrókurinn efna til sumarskákmóts í Vin, Hverfisgötu 47, þriðjudaginn 29. júlí klukkan 13. Mótið er haldið til heiðurs Róbert Lagerman forseta Vinaskákfélagsins, sem á afmæli þennan dag.

Róbert hefur verið burðarás í starfi Vinaskákfélagsins frá upphafi. Hann og Hrafn Jökulsson annast auk þess vikulegar heimsóknir í Barnaspítala Hringsins, og eru í fararbroddi skáklandnámsins á Grænlandi. 

Tefldar verða 6 umferðir með sjö mínútna umhugsunartíma. Verðlaunin koma frá 12 tónum, bestu tónlistarbúð norðurslóða, og gómsætar veitingar frá Bakarí Sandholt.

Allir eru hjartanlega velkomnir, og er þátttaka ókeypis.

 

Facebook-síða Hróksins 

Facebook-síða Vinaskákfélagsins 

Ólympíufarinn: Þröstur Þórhallsson

Í dag er aðeins vika þar til Ólympíufararnir leggja af stað til Tromsö. Á laugardeginum hefst svo sjálft mótið. Í dag kynnum við stórmeistarann Þröst Þórhallsson til leiks.

Nafn

Þröstur Þórhallsson

Taflfélag

Huginn

Staða

4.borðsmaður í opnum flokki

Hvenær tókstu fyrst þátt á Ólympíuskákmót og hversu oft hefur þú tekið þátt?

Mitt fyrsta mót var árið 1988 í Thessaloniku á Grikklandi.

Minnisstæðasta skák á Ólympíuskákmóti og þá af hverju?

Skákin á móti á Dastan B. á síðasta móti Í Istanbúl var ágæt. Sjá hér.

Minnisstæðasta atvik á Ólympíuskákmóti?

Ólympíumótið í Manilla 1992 var eitt glæsilegasta ólympíumót sem ég hef verið þátttakandi í. Mótshaldarar áttu samt  í vandræðum með rafmagnið í keppnishöllinni og það kom fyrir með engum fyrirvara að ljósin slökknuðu og þá varð skyndilega svarta myrkur þar sem keppnishöllin var gluggalaus á neðri hæðinni þar sem skáksalurinn var.

Hverjar eru þínar væntingar/vonir um gengi íslensku liðanna?

Standa sig betur en stigin segja til um.

Hverju spáir þú fyrir um sigurvegara?

Í kvennaflokki spái ég Kínverjum sigri en í Karlaflokki Úkraínu.

Hver er/verður þinn undirbúningur fyrir Ól?

Stúdera byrjanir og tefla.

Hefurðu áður teflt fyrir norðan heimskautsbaug?

Nei ekki svo ég muni eftir.

Eitthvað að lokum?

Áfram Ísland

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

 

Hannes vann í gær og er í 8.-32. sæti - Björn og Bárður í 3.-5. sæti

Stórmeistarinn Hannes Hlífar Stefánsson (2536) vann sína aðra skák í röð þegar hann vann sænska FIDE-meistarann Jonathan Westerberg (2412) í sjöundu umferð Czech Open. Hannes hefur nú 5 vinninga og er í 8.-32. sæti.

Tómas Björnsson (2144) vann í gær og hefur 3 vinninga.

Sigurður Ingason (1868), sem teflir í b-flokki, gerði jafntefli og hefur 2,5 vinning.

Tvíburarnir, Björn Hólm (1607) og Bárður Örn (1542) Birkissynir, sem tefla í d-flokki, eru í miklu stuði. Þeir unnu báðir í gær og eru í 3.-5. sæti með 6 vinninga. Freyja, systir þeirra, hefur 2,5 vinning.

Alls taka 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

Hjörvar og Dagur í 2.-10. sæti í Andorra

Stórmeistarinn, Hjörvar Steinn Grétarsson (2535) og Dagur Arngrímsson (2366) eru í 2.-10. sæti á alþjóðlega mótinu í Andorra að lokinni sjöttu umferð sem fram fór í kvöld. Hjörvar gerði jafntefli við franska stórmeistarann Yannick Gozzoli (2529) en Dagur vann spænska stórmeistarann Mark Narciso (2523). Þeir mætast í sjöundu umferð sem fram fer á morgun. Skák þeirra verður sýnd beint (kl. 13:30).

Jón Trausti Harðarson (2045) tapaði sinni fyrstu skák í dag og hefur 3,5 vinning.

Franski alþjóðlegi meistarann Adrian Demuth (2488) er einn efstur með 5,5 vinning. 

Alls tekur 171 skákmaður frá 20 löndum þátt í mótinu. Þar af eru 11 stórmeistarar. Hjörvar er nr. 7 í stigaröð keppenda.

• Heimasíða mótsins
• Chess-Results
• Beinar útsendingar (Fjögur fyrstu borðin - hefjast kl. 13:30)

Íslenska liðið í kvennaflokki það 61. sterkasta

Íslenska liðið í kvennaflokki er það 61. sterkasta af 139 liðum. Það þýðir að kvennaliðið teflir við lakari þjóð í fyrri hlutanum en í gegnum tíðina hefur íslenska liðið verið í neðri hlutanum. 

Kínverjar (2544) hafa sterkasta kvennaliðið á pappírnum en sveit þeirra leiðir heimsmeistari kvenna, Hou Yifan (2629).

Rússar (2521), sem hafa í liði sínu Evrópumeistarann Valentina Gunina (2501) og Katharyna Lagno (2540), sem nýlega skipti yfir til Rússlands frá Úkraínu, koma næstir.

Í næstu sætum eru Lagno-lausar Úkraínukonur (2505), Georgía (2498), Indland (2420), Rúmenía (2410) og Bandaríkin (2402).

Svíar (2226) sem hafa Piu Cramling (2491) á fyrsta borði eru stigahæstir Norðurlandanna. Lið þeirra og Norðmanna eru áberandi sterkust. Rétt eins og í opnum er íslenska liðið það fjórða í stigaröð Norðurlandaliðanna.

Röð liða Norðurlandaliðanna er annar sem hér segir:

• 34. Svíþjóð (2226)
• 39. Noregur (2197)
• 56. Danmörk (2047)
• 61. Ísland (2017)
• 67. Noregur II (1979)
• 74. Finnland (1932) 
• 93. Noregur III (1813)

Færeyjar taka ekki þátt í kvennaflokki. Þriðja lið Noregs fær eingöngu að taka þátt standi annars á stöku.

Liðin má nálgast á Chess-Results.

Heimasíða Ólympíuskákmótsins.

Ólympíufarinn: Ingibjörg Edda Birgisdóttir

fyrr kynnum við Ólympíufarann. Að þessu sinni kynnum eina kvenkynsskákstjórann, Ingibjörgu Eddu Birgisdóttur til leiks.

Nafn

Ingibjörg Edda Birgisdóttir

Taflfélag

SSON

Staða

Skákstjóri

Hvenær tókstu fyrst þátt á Ólympíuskákmót og hversu oft hefur þú tekið þátt?

Fyrsta skiptið sem ég tek þátt í Ólympíuskákmóti. Vonandi verða þau fleiri í framtíðinni.

Hverjar eru þínar væntingar/vonir um gengi íslensku liðanna?

Ætla ekkert að spá um nein sæti en hef mjög góða trú á liðunum okkar. Er ánægð með nýju þjálfarana og treysti þeim 100% til þess að þjálfa og undirbúa liðin og held að góður liðsandi í báðum liðum muni skila árangri. 

Hverju spáir þú fyrir um sigurvegara?

Er nú ekki þekkt fyrir að vera sannspá. En spái Armenum í opnum flokki og mig grunar að rússnesku stúlkurnar mæti bandbrjálaðar til leiks og taki kvennaflokkinn.

Hver er/verður þinn undirbúningur fyrir Ól?

Hef verið að vinna við mörg af helstu skámótum á Íslandi undanfarið  og mun nýta þá reynslu sem ég hef fengið þaðan. Einnig fer ég á skákstjóranámskeið núna í lok júlí.

Hefurðu áður teflt fyrir norðan heimskautsbaug?

Já var svo heppin að fá að fara til Grænlands og tefla þar.

Eitthvað að lokum?

Liverpool verður enskur meistari.

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

Alþjóðlegt skákstjóranámskeið hefst í dag - enn opið fyrir skráningu

Skáksamband Íslands býður upp á skákstjóra námskeið í lok júlí. Þetta er í fyrsta skipti á Íslandi sem boðið er upp á slíkt námskeið. Kennari á námskeiðinu verður hinn virti egypski alþjóðlegi skákdómari Hassan Khalad en honum til aðstoðar verður Omar Salama. 

Nauðsynlegt er að sækja slík námskeið til að öðlast alþjóðlega dómaragráðu. Þeim sem vilja vera meðal skákdómara á EM landsliða á næsta ári eru sérstaklega hvattir til að taka þátt í námskeiðinu.

Skráning fer fram hér á Skák.is. Nánari upplýsingar veitir Omar Salama, [e-mail], 691 9804.

Þátttökugjöld eru aðeins 10.000 kr. en til samanburðar er hefðbundið gjald á slík námskeið erlendis um €120.

Dagskrá námskeiðsins:

 

No	Day		Period	Articles
1	Thursday	24/7/2014	18:00  - 19:00	Introduction - Arbiter´s Duties - Titles for Arbiters
2		24/7/2014	19:00 - 19:45	Organizng Tournaments - Tournament Rules  - Time Systems
3		24/7/2014	19:45 - 20:00	Rest
4		24/7/2014	20:00 - 21:00	Tournaments´ formats - Round Robin - Swiss System
5		24/7/2014	21:00 - 22:00	Tie break Systems - prizes and Hort
6	Friday	25/7/2014	18:00  - 19:00	Rating System for Rated and Unrated players
7		25/7/2014	19:00 - 19:45	Players´ Titles - Chess Clocks - Equipments
8		25/7/2014	19:45 - 20:00	Rest
9		25/7/2014	20:00 - 21:00	Swiss Manager - Part 1
10		25/7/2014	21:00 - 22:00	Swiss Manager - Part 2
11	Saturday	26/7/2014	13:00  - 14:00	Laws of Chess - Part 1
12		26/7/2014	14:00 - 14:45	Laws of Chess - Part 2
13		26/7/2014	14:45 - 15:00	Rest
14		26/7/2014	15:00 - 16:00	Laws of Chess - Part 3
15		26/7/2014	16:00 - 17:00	Laws of Chess - Part 4
16	Sunday	27/7/2014	13:00  - 17:00	Laws of Chess - Part 5
17		27/7/2014	14:00 - 14:45	Laws of Chess - Part 6
18		27/7/2014	14:45 - 15:00	Rest
19		27/7/2014	15:00 - 16:00	Laws of Chess - Examples and Quistions - Part 1
20		27/7/2014	16:00 - 17:00	Laws of Chess - Examples and Quistions - Part 2
21	Monday	28/7/2014	17:00  - 18:45	Changes of Laws of Chess + what should professional players know
22		28/7/2014	18:45 - 19:45	Rest
23		28/7/2014	19:15 - 21:15	Test
24		28/7/2014	21:15	Closing Ceremony and Certificates

Hjörvar í 2.-5. sæti í Andorra - Dagur og Jón Trausti einnig með góð úrslit

Stórmeistarinn, Hjörvar Steinn Grétarsson (2535), vann norska FIDE-meistarann, Joachim Birger Nilsen (2346), í fimmtu umferð Andorra Open sem fram fór í dag. Hjörvar hefur 4,5 vinning og er í 2.-5. sæti.

Dagur Arngrímsson (2366) vann sína aðra skák í röð og hefur 4 vinninga og er í 6.-10. sæti.

Jón Trausti Harðarson (2045) gerði í dag jafntefli við spænska FIDE-meistarann Aljeandro Alvarado Diaz (2354) og hefur 3 vinninga þrátt fyrir að hafa teflt töluvert upp fyrir sig nema í fyrstu umferð.

Hjörvar teflir við franska stórmeistarann Yannick Gozzoli (2529) í sjöttu umferð sem fram fer á morgun.

Alls tekur 171 skákmaður frá 20 löndum þátt í mótinu. Þar af eru 11 stórmeistarar. Hjörvar er nr. 7 í stigaröð keppenda.

• Heimasíða mótsins
• Chess-Results
• Beinar útsendingar (Fjögur fyrstu borðin - hefjast kl. 13:30)

Hannes vann í dag - Björn og Bárður í 4.-10. sæti!

Stórmeistarinn Hannes Hlífar Stefánsson (2536) vann danska FIDE-meistarann Jacob Sylvan (2356) í sjöttu umferð Czech Open sem fram fór í dag. Hannes hefur 4 vinninga og er í 25.-61. sæti.

Tómas Björnsson (2144) tapaði í dag og hefur 2 vinninga. Indverski stórmeistarinn Prasad Arun (2472) er efstur með 5,5 vinning.

Sigurður Ingason (1868), sem teflir í b-flokki, hefur 2 vinninga.

Tvíburarnir, Björn Hólm (1607) og Bárður Örn (1542) Birkissynir, sem tefla í d-flokki, eru í miklu stuði. Þeir unnu báðir í dag og eru í 4.-10. sæti með 5 vinninga. Freyja, systir þeirra, hefur 1,5 vinning.

Alls taka 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

Íslenska liðið í opnum flokki það 45. sterkasta

Keppendalistar Ólympíumótsins liggja nú fyrir. Íslenska liðinu í opnum flokki er raðað nr. 45 af 176 liðum en íslenska kvennaliðinu er raðað nr. 61 af 139 liðum.

Í dag förum við yfir röðina í opnum flokki en á morgun fjöllum við um kvennaflokkinn.

Opinn flokkur

Rússar (2777) er með langstigahæsta liðið en liðið skipa Kramnik, Grischuk, Karjakin, Svidler og Nepomniachtchi. 

Í næstum sætum eru Úkraínumenn (2722), Frakkar (2718), Ólympíumeistarar Armena (2705), Bandaríkjamenn (2704) og Ungverjar (2702). Aðrar þjóðir ná ekki meðalstigunum 2700.

Norðmenn (2668) eru með langstigahæsta lið Norðurlandaþjóðanna en liðið þeirra er nr. 13 á heildarlistanum. Ísland er með á pappírunum fjórða sterkasta liðið.

Röð Norðurlandaliðanna er annars sem hér segir:

• 13. Noregur I (2668)
• 33. Svíþjóð (2575)
• 41. Danmörk (2537)
• 45. Ísland (2521)
• 55. Finnland (2480)
• 59. Noregur II (2459)
• 71. Noregur III (2378)
• 72. Færeyjar (2378)

Þriðja lið Noregs fær eingöngu að taka þátt standi annars á stöku.

Liðin má nálgast á Chess-Results.

Heimasíða Ólympíuskákmótsins.