Boðsmót Árnamessu - Keppendalistinn tilbúinn - Ennþá er hægt að skrá sig á Skákmót Árnamessu nk. laugardag

Skákdeild Fjölnis efnir til skákviðburðar um helgina í Stykkishólmi þegar haldið verður Boðsmót Árnamessu í Lionshúsinu í Stykkishólmi dagana 29. og 30. mars. Mótið er lokaður flokkur 10 stigahæstu skákmanna Íslands, drengja og stúlkna, í flokki 20 ára. Í fararbroddi keppenda fer Hjörvar Steinn Grétarsson stórmeistari.

Flokkinn skipa einstaklega efnilegir og áhugasamir unglingar sem Skákdeild Fjölnis vill styðja við bakið á með mótinu. Boðsmót Árnamessu er hliðarviðburður við Skákmót Árnamessu sem haldið verður í Hólminum í 5. sinn. Mótin eru haldin á 100 ára fæðingarafmæli Árna Helgasonar heiðursborgara Stykkishólms og á 10 ára afmælisári Skákdeildar Fjölnis. Á boðsmóti Árnamessu tefla allir við alla, níu umferðir, 5 á laugardegi og 4 á sunnudegi með 20 mínútna umhugsunarfresti. Verðlaunin eru ekki af verri endanum því að þrír efstu menn mótsins fá flugfarseðil til einhvers af áfangastöðum Icelandair í Evrópu. Allir keppendur fá eignargrip til minningar um mótið sem gefnir eru af Svalþúfu ehf í Hafnarfirði og fæði og gistingu í boði Sæfells í Stykkishólmi. Þess má geta að ennþá er hægt að skrá sig á Skákmót Árnamessu laugardinn 29. mars á netfanginu [e-mail] og í síma 664 8320. Rútan leggur af stað með keppendur á Skákmót Árnamessu og Boðsmót Árnamessu kl. 10:00 frá Reykjavík, BSÍ og N1 Ártúnshöfða.

Verðlaun á Skákmóti Árnamessu:

• 12 stk. páskaegg,
• Skemmtisigling um Breiðafjörð
• 5 bolir sem vinningshafar velja sýnar eigin ljósmyndir á
• 5 bollar sem vinningshafar velja sýnar eigin ljósmyndir á
• 5 pítsugjafabréf
• 5 bíómiðar Laugarásbíó
• Húfur frá 66°N ofl.

Spennandi spurningakeppni skákfélaga í skákhléi. Þriggja manna lið. Eignargripur í verðlaun.

Þátttökugjald, rútuferð og veitingar kostar 2000 kr og ber að greiða í upphafi ferðar. Þeir sem koma sér beint á mótsstað greiða 500 kr. Skákstjórar verða að venju þeir Helgi Árnason og Páll Sigurðsson.

Keppendalistinn á Boðsmóti Árnaessu liggur nú fyrir og hefur Skákdeild Fjölnis boðið eftirfarandi skákmönnum þátttöku:

• Hjörvar Steinn Grétarsson - Víkingaklúbbnum, keppir sem gestur
• Dagur Ragnarsson - Fjölnir
• Oliver Aron Jóhannesson - Fjölnir
• Jón Trausti Harðarson - Fjölnir
• Mikael Jóhann Karlsson - SA
• Nökkvi Sverrisson  - TV
• Dagur Andri Friðgeirsson - Fjölnir
• Birkir Karl Sigurðsson - Skákfélagi Íslands
• Hrund Hauksdóttir - Fjölnir
• Veronika Magnúsdóttir  - TR

Björgvin efstur hjá Ásum í Stangarhyl

Það var hefðbundinn skákdagur í fyrradag hjá Ásum. Tuttugu og níu skákkempur mættu til leiks og tefldu tíu umferðir. Björgvin Víglundsson varð efstur með níu og hálfan vinning, Sæbjörn Larsen í öðru sæti með níu vinninga, síðan komu þrír kappar jafnir með sex og hálfan vinning það voru þeir Guðfinnur R Kjartansson,Ari Stefánsson og Valdimar Ásmundsson.

Björgvin og Sæbjörn voru dálítið afgerandi á toppnum í gær eins og þeir eru oft.

Sjá nánar í meðfylgjandi töflu

 

 

Nói Síríus Páskaeggjasyrpan hefst á sunnudag

Löng hefð er fyrir því að halda páskaeggjamót og æfingar hjá taflfélögunum í borginni í aðdraganda páska.  Í ár ætla Taflfélag Reykjavíkur og Nói Síríus að gera sérstaklega vel við yngstu skákiðkendurna og bjóða öllum krökkum á grunnskólaaldri að taka þátt í Páskaeggjasyrpunni 2014!

Með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Algjör sprenging hefur orðið í fjölda iðkenda hjá félaginu og til dæmis um það má nefna að á sama tíma og tvær unglingasveitir frá T.R. tefldu á Íslandsmóti skákfélaga voru 45 krakkar (!) á félagsæfingu í skákhöll félagsins.

Síðastliðinn laugardag mættu svo 63 krakkar á æfingar félagsins sem er algjört met og eflaust þarf að leita langt aftur til að finna viðlíka fjölda á barnaæfingum félagsins!  Það ber svo sannarlega  markvissu barnastarfi félagsins fagurt vitni að sífellt stærri hópur krakka mætir á æfingar þess.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 30. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 06. apríl kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 13. apríl kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy Polgar skákklukka handa heppnum skákkrakka á hverju páskaeggjamóti!

Skráning fer fram á heimasíðu Taflfélags Reykjavíkur.

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2014!

WOW air mótið: Skráning í gangi - Hannes Hlífar verður með

Glænýtt og stórglæsilegt skákmót bætist nú við í mjög svo metnaðarfulla mótadagskrá Taflfélags Reykjavíkur því þann 31. mars næstkomandi hefst Wow air Vormót Taflfélags Reykjavíkur í skákhöll félagsins að Faxafeni 12.

Meðal keppenda verður stórmeistarinn og margfaldur Íslandsmeistari, Hannes Hlífar Stefánsson (2541).

Tefldar verða sjö umferðir eftir svissneska kerfinu og er umhugsunartíminn 90 mínútur á fyrstu 40 leikina en eftir það bætast við 15 mínútur.  30 sekúndur bætast við eftir hvern leik alla skákina.  Teflt verður einu sinni í viku á mánudagskvöldum og hefjast umferðirnar kl. 19.30  Tvær yfirsetur (bye) verða leyfðar í umferðum 1-5.

Mótið er fyrst og fremst hugsað fyrir sterkari skákmenn og er frábær upphitun fyrir Skákþing Íslands sem hefst fljótlega að móti loknu. Keppt verður í tveimur lokuðum flokkum. 

Í A - meistaraflokk hafa allir skákmenn með GM/IM/FM/WGM titil þátttökurétt, auk allra skákmanna með yfir 2200 Elo skákstig.

Í B - áskorendaflokk hafa allir skákmenn með yfir 2000 Elo skákstig þátttökurétt.

Skákmenn sem munu uppfylla stigalágmörkin á 1. mars eða 1. apríl stigalistum Fide eru gjaldgengir í mótið.

Tveimur skákmönnum á stigabilinu 2000 - 2199 verður boðið sæti í A flokki.  Þau sæti eru fyrst og fremst hugsuð fyrir unga og upprennandi skákmenn á öllum aldri í mikilli framför. 

Allt að fjórum skákmönnum sem ekki hafa tilskilin stig fyrir B flokkinnverður boðin þátttaka þar.  Þau sæti eru fyrst og fremst ætluð efnilegustu skákkrökkunum og unglingunum okkar, en allir geta sótt um.

Hægt er að sækja um þessi 6 sæti með því að senda póst á[e-mail] eða hafa samband við formann félagsins Björn Jónsson í síma 8999268 eigi síðar en 21. mars.

Glæsileg verðlaun eru í mótinu í boði Taflfélags Reykjavíkur og vina okkar hjá Wow air.

A - Meistaraflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 40.000 krónur

2. 40.000 krónur

3. 20.000 krónur

 

B - Áskorendaflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 20.000 krónur

2. 20.000 krónur

3. 10.000 krónur

 

Auk þess verða veittir bikarar fyrir efsta sætið í hvorum flokki auk farandbikars fyrir sigurvegara A flokks.  Verðlaunapeningar fyrir annað og þriðja sætið í báðum flokkum.

Að lokum eiga allir keppendur möguleika á að vinna glæsilegar DGT Easy Polgar skákklukkur frá skákversluninni Bobbý en tvær slíkar verða dregnar út í happdrætti við verðlaunaafhendingu.

Tvö efstu sætin í B - flokki veita þátttökurétt í A flokki að ári. 

 

Umferðatafla:

1. umferð mánudag 31. mars kl. 19.30

2. umferð mánudag 07. apríl  kl. 19.30

3. umferð mánudag 14. apríl  kl. 19.30

Páskahlé

4. umferð mánudag 28. apríl  kl. 19.30

5. umferð mánudag 05. maí   kl. 19.30

6. umferð mánudag 12. maí   kl. 19.30

7. umferð mánudag 19. maí   kl. 19.30

 

Verðlaunaafhending mun fara fram föstudagskvöldið 23. maí, en þá mun fara fram skemmtikvöld hjá TR. 

Tekið skal fram að 25% af verðlaunafé úr Wow air mótinu verður haldið eftir ef verðlaunahafar mæta ekki á verðlaunaafhendinguna til að taka við verðlaunum sínum án gildra ástæðna.

Ef fresta þarf skákum verða þær viðureignir tefldar á miðvikudagskvöldum kl. 19.30 (samhliða skákmóti öðlinga).

 

Þátttökugjald er kr. 5000 fyrir félagsmenn Taflfélags Reykjavíkur en kr. 10.000 fyrir aðra. 

Þeir skákmenn sem skrá sig fyrir 24. mars fá 50% afslátt af þátttökugjaldinu.  Frítt er fyrir titilhafa á mótið skrái þeir sig fyrir 24. mars, annars kr. 5000. 

 

Skráning fer fram á www.taflfelag.is og, þegar nær dregur,www.skak.is og lýkur á miðnætti 30. mars.

Skákþing Norðlendinga hefst á föstudagskvöld

Skákþing Norðlendinga hefst föstudaginn 28. mars 2014 Tefldar verða 7 umferðir og verður mótið reiknað til íslenskra og alþjóðlegra stiga (umferðir 5-7). 

Mótsstaður: Árbót í Aðaldal. (Skammt sunnan Aðaldalsflugvallar)
Umferðatafla: ATH BREYTT DAGSKRÁ ! 

• 1. umf. Föstudagur 28 mars kl 20:00 atskák 25 mín
• 2. umf. ------------------------ kl 21:00 -----------------
• 3. umf. ------------------------ kl 22:00 -------------------
• 4. umf.------------------------- kl 23:00 -------------------
• 5. umf.Laugardagur 29. mars kl 11:00 90 mín + 30 sek/leik
• 6. umf.-------------------------- kl 17:00 ------------------------
• 7. umf.Sunnudagur 30. mars kl 11:00  ----------------------- 

Nánar um mótið hér.  

ATHugið að skráningarferstur rennur út kl 22:00 á fimmtudagskvöldið 27. mars !! 

Skrá sig til leiks hér 

Skráðir keppendur hér 

Anand með vinningsforskot - Svidler vann Kramnik

Anand (2770) er áfram með vinningsforskot á áskorendamótinu sem er í gangi í Khanty Mansiesk í Síberíu. Í dag gerði hann jafntefli við Mamedyarov (2757). Aronian (2830) er í öðru sæti. Svidler (2758) vann Kramnik (2787) eftir ljótan fingurbrjót þess síðarnefnda. Kramnik er algjörlega úr leik í baráttunni um sigur á mótinu.

Staðan:

Rank	Name	Rtg	FED	Pts	Res.	vict	SB
1	Anand Viswanathan	2770	IND	6½	0	3	31,25
2	Aronian Levon	2830	ARM	5½	0	3	26,75
3	Karjakin Sergey	2766	RUS	5	2	2	24,25
4	Mamedyarov Shakhriyar	2757	AZE	5	1½	3	24,75
5	Svidler Peter	2758	RUS	5	½	3	23,25
6	Kramnik Vladimir	2787	RUS	4½	1	2	23,00
7	Andreikin Dmitry	2709	RUS	4½	1	1	22,00
8	Topalov Veselin	2785	BUL	4	0	1	20,75

• Heimasíða mótsins
• Beinar útsendingar

 

Skákæfing hjá Skákdeild Breiðabliks í kvöld

Skákæfing hjá Skákdeild Breiðabliks í kvöld Mæting  kl 19:45 og hraðskákmótið byrjar stundvíslega kl 20:00!

Átta umferða hraðskákmótið (5mín + 2sek) verður reiknað til FIDE hraðskákstiga eins og öll þriðjudagsmótin í vetur!

Allir velkomnir ókeypis í einn glæsilegasta skáksal landsins óháð því í hvaða taflfélagi þeir eru.

Æfingin er í Stúkunni við Kópavogsvöll (3ju hæð). Gengið inn um kjallarahæð bakatil.

Íslandsmót grunnskólasveita fer fram 5. apríl í Þingeyjarsveit

Íslandsmót grunnskólasveita 2014 fer fram í Stórutjarnaskóla laugardaginn 5. apríl nk.  Stórutjarnaskóli er í Ljósavatnsskarði í Þingeyjarsveit í um 30 mín. akstursfjarlægð frá Akureyri.  

Hægt er að fá gistingu í skólanum á heimavistarherbergi (án baðs) fyrir kr. 6.000.- herbergið. Það eru tvö rúm í hverju herbergi og hægt að bæta við dýnu, þannig að þrír geta gist í hverju herbergi, án aukagjalds.  Það miðast við svefnpoka en hægt að fá dýnu á staðnum.  Morgunverður kostar kr. 1.000.á mann- Herbergjapöntun er í síma 464 3220 Ólafur Arngrímsson á virkum dögum. 

Tefldar verða 7 umferðir  - umhugsunartími 15 mín. á skák fyrir hvern keppenda.   Í hverri sveit er teflt á fjórum borðum og leyfilegt að hafa allt að fjóra varamenn.

Hver skóli getur sent fleiri en eina sveit - nemendur geta verið í öllum bekkjum grunnskólans.

Þátttökugjöld kr. 5.000.- á sveit.  Þó ekki hærri en kr. 10.000.- fyrir hvern skóla.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Noregi í september næstkomandi.  

Skráning fer fram hér. Hægt er að fylgjast með þegar skráðum sveitum hér.

Skákþing Norðlendinga hefst á föstudaginn

Skákþing Norðlendinga hefst föstudaginn 28. mars 2014 Tefldar verða 7 umferðir og verður mótið reiknað til íslenskra og alþjóðlegra stiga (umferðir 5-7). 

Mótsstaður: Árbót í Aðaldal. (Skammt sunnan Aðaldalsflugvallar)
Umferðatafla: ATH BREYTT DAGSKRÁ ! 

• 1. umf. Föstudagur 28 mars kl 20:00 atskák 25 mín
• 2. umf. ------------------------ kl 21:00 -----------------
• 3. umf. ------------------------ kl 22:00 -------------------
• 4. umf.------------------------- kl 23:00 -------------------
• 5. umf.Laugardagur 29. mars kl 11:00 90 mín + 30 sek/leik
• 6. umf.-------------------------- kl 17:00 ------------------------
• 7. umf.Sunnudagur 30. mars kl 11:00  ----------------------- 

Nánar um mótið hér.  

ATHugið að skráningarferstur rennur út kl 22:00 á fimmtudagskvöldið 27 mars !! 

Skrá sig til leiks hér 

Skráðir keppendur hér 

Íslandsmót grunnskólasveita - möguleg rútuferð

Skáksambandið er nú að skoða með að skipuleggja rútuferð á Íslandsmót grunnskólasveita sem haldið verður í Stórutjarnaskóla laugardaginn 5. apríl nk.  Farið yrði frá Reykjavík á föstudeginum 4. april og komið til baka á laugardagskvöld eftir mót.

Áætlaður kostnaður vegna rútunar er á bilinu 7.500 til 10.000 per sæti háð hversu stóra rútu við myndum taka.

Í því skyni að leggja mat á hvort þetta er raunhæft þá biðjum við áhugasama um að senda tölvupóst sem fyrst á [e-mail] þar sem fram kæmi nafn skóla, tengiliðar og símanúmer og fjölda mögulegra sæta. Það er síðan hugmyndin að taka lokaákvörðun um hvort ráðist verður í þetta um miðja þessa viku og þá yrðu aðilar beðnir að skuldbinda sig fyrir tilteknum fjölda sæta.