Bilbao-mótið hafið: Anand og Carlsen mætast

Ofurskákmótið kennt við Bilbao hófst í dag.  Fyrri hlutinn fer fram í Sao Paulo í Brasilíu en síðari hlutinn fer fram í Bilbao á Spáni.  Mótið er ægisterkt en þátt taka heimsmeistarinn Anand (2817), stigahæsti skákmaður heims, Magnus Carlsen (2823), Aronian (2807), Kramnik (2791), Ivanchuk (2765) og Vallejo Pons (2716).  Tefld er tvöföld umferð.  Anand og Carlsen mætast í fyrstu umferð sem hófst kl. 18.

• Heimasíða mótsins
• Beinar útsendingar (hefjast kl. 18)
  
• ChessBomb

 

Haustmót TV hefst á miðvikudagskvöld

Haustmót Taflfélags Vestmannaeyja hefst nk. miðvikudag kl. 19:30. Tefldar verða 7 umferðir eftir svissneska kerfinu. Umhugsunartími verður 90 mín + 30 sek. ´
Mótið verður reiknað til íslenskra og Fide stiga.

Dagskrá (gæti breyst)

1. umferð miðvikudaginn 28. september kl. 19:30
2. umferð miðvikudaginn 5. október kl. 19:30
3. umferð miðvikudaginn 12 október kl. 19:30
4. umferð miðvikudaginn 19 október kl. 19:30
5. umferð miðvikudaginn 26. október kl. 19:30
6. umferð miðvikudaginn 3. nóvember kl. 19:30
7. umferð miðvikudaginn 10. nóvember kl. 19:30

Skráðir

1. Nökkvi Sverrisson 1951
2. Sverrir Unnarsson 1901
3. Stefán Gíslason 1684
4. Daði Steinn Jónsson 1633
5. Þórarinn Ingi Ólafsson 1621
6. Kristófer Gautason 1580
7. Karl Gauti Hjaltason 1538
8. Róbert Aron Eysteinsson 1412
9. Sigurður Arnar Magnússon 1367
10. Hafdís Magnúsdóttir 1078

Heimasíða TV

Hellismenn í beinni frá Slóveníu

Viðureign Taflfélagsins Hellis og rússnesku ofursveitarinnar Tomsk-400 verður sýnd beint frá Rogaska Slatina þar sem EM taflfélaga er í gangi.  Viðureignin hefst kl. 13 að íslenskum tíma.  Á fyrsta borði mætast Ponomariov (2758) og Hannes Hlífar Stefánsson (2562).  Bolvíkingar mæta sterkri hvít-rússneskri sveit.   Hægt er að nálgast beina útsendingu hér (stilla á borð 37-42).

Pörun 2. umferðar:

 

2.7	Tomsk-400		-	Hellir Chess Club
1	Ponomariov Ruslan	2758	:	Stefansson Hannes	2562
2	Motylev Alexander	2690	:	Thorfinnsson Bjorn	2412
3	Areshchenko Alexander	2672	:	Gretarsson Hjorvar Steinn	2442
4	Bologan Viktor	2657	:	Bjornsson Sigurbjorn	2349
5	Kurnosov Igor	2648	:	Lagerman Robert	2325
6	Khismatullin Denis	2635	:	Kristinsson Bjarni Jens	2033

 

2.13	Vesnianka Gran		-	Bolungarvik Chess Club
1	Zhigalko Andrey	2555	:	Kristjansson Stefan	2485
2	Teterev Vitaly	2519	:	Thorfinnsson Bragi	2427
3	Podolchenko Evgeniy	2474	:	Gunnarsson Jon Viktor	2422
4	Tihonov Jurij	2448	:	Thorhallsson Throstur	2388
5	Mochalov Evgeny V	2379	:	Arngrimsson Dagur	2353
6	Stupak Kirill	2516	:	Gislason Gudmundur	2295

 

62 lið taka þátt í keppninni.   Bolvíkingar eru nr. 26 í styrkleikaröð liða (2395) en Hellismenn eru nr. 29 (2354). 

 

 

Heimasíða mótsins

Skákmenn heiðruðu minningu Fischers í Paradís: Vin sigraði Selfoss

Skákmenn úr Vin og Skákfélagi Selfoss háðu æsispennandi keppni þegar heimildarmyndin Bobby Fischer gegn heiminum var sýnd á RIFF, alþjóðlegu kvikmyndahátíðinni, í Bíó Paradís á sunnudaginn. Tefld var slembiskák (Fischer Random) en það er afbrigði skákarinnar sem Fischer heitinn þróaði og er við hann kennt. Skákakademía Reykjavíkur stóð að viðburðinum í samvinnu við RIFF.
 
Viðureign liðsmanna Vinjar og Selfyssinga var æsispennandi og var staðan í hálfleik jöfn, 9-9. Vinjarmenn sigu fram úr í seinni hálfleik og tryggðu sér sigur, 20-16. Sigurliðið var skipað Hrafni Jökulssyni, Hrannari Jónssyni, Jorge Fonseca, Eymundi Eymundssyni, Sigurjóni Friðþjófssyni og Hjálmari Sigvaldasyni.
 
Selfyssingar tefldu fram Magnúsi Matthíassyni, Ingu Birgisdóttur, Þorvaldi Siggasyni og Erlingi Atla Pálmarssyni, auk lánsmannanna Jóni Birgi Einarssyni og Stefáni Þór Sigurjónssyni, sem sigraði í öllum 6 skákum sínum.
 
Eftir viðureignina brugðu skákmennirnir sér á myndina um Bobby Fischer, en þar notar leikstjórinn Liz Garbus heimildaefni og viðtöl til að segja sögu sem er skrýtnari en skáldskapur, og er fyllilega gefið til kynna að snilligáfa meistarans hafi tengst geðveiki hans órjúfanlegum böndum.
 
 Leikstjórinn Liz Garbus notar heimildaefni og viðtöl til að segja sögu sem er skrítnari en skáldskapur. Leyniþjónusta Bandaríkjanna FBI hélt skrár um einstæða, tilfinningakalda móður Fischer sem var gyðingur, og KGB, leyniþjónusta Sovétríkjanna, hélt skrár um hann. Enda einkenndi kaldastríðspólitík „einvígi aldarinnar" gegn Spassky í Reykjavík árið 1972. Sérkennileg hegðun hans á seinni árum, gyðingahatur og andúð á Bandaríkjunum speglast í falli fyrri stórmeistara og gefið í skyn að snilligáfa Fischers tengdist geðveiki hans órjúfanlegum böndum.
 
Myndin er sýnd í Bíó Paradís í dag, mánudag klukkan 16, og aftur nk. laugardag.

Skáktímar hefjast aftur í Stúkunni

Samvinnuverkefni Skákskóla Íslands og Skakakademíu Kópavogs fer aftur af stað í Stúkunni á Kópavogsvell og hefst næsta föstudag þann 30. september kl. 14.30 og stendur til kl. 16.30. Sem fyrr verður það Helgi Ólafsson stórmeistari og skólastjóri Skákskóla Íslands sem hefur umsjón með þessum tímum.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 26. september nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Bolvíkingar og Hellir unnu 4,5-1,5 í fyrstu umferð - Hellismenn mæta ofursveit í 2. umferð

Bæði Bolvíkingar og Hellismenn unnu 4,5-1,5 sigra í 1. umferð EM landsliða sem hófst í dag í Rogaska Slatina í Slóveníu.  Hjá Bolvíkingum unnu Stefán Kristjánsson, Jón Viktor Gunnarsson, Dagur Arngrímsson og Guðmundur Gíslason, Þröstur Þórhallsson gerði jafntefli en Bragi Þorfinnsson tapaði.  Hjá Helli unnu Hjörvar Steinn Grétarsson, Sigurbjörn Björnsson, Róbert Lagerman og Bjarni Jensson (hinir tveir síðarnefndu í ótefldum skákum), Björn Þorfinnsson gerði jafntefli en Hannes Hlífar Stefánsson tapaði.  Hellismenn mæta ofursveit Tomsk á morgun, þar sem Ponomariov nokkur teflir á fyrsta borði.

Úrslit 1. umferðar:

1.26	Bolungarvik Chess Club		4½ - 1½	Isek Aquamatch S.C.
1	Kristjansson Stefan	2485	1 : 0	Yurtseven Ahmet Can	2327
2	Thorfinnsson Bragi	2427	0 : 1	Demirel Tolga	2143
3	Gunnarsson Jon Viktor	2422	1 : 0	Gokerman Emin Ersan	2061
4	Thorhallsson Throstur	2388	½:½	Zeytinoglu Nasir Ekin	2002
5	Arngrimsson Dagur	2353	1 : 0	Kanli Kaan	1945
6	Gislason Gudmundur	2295	1 : 0	Kazdagli Benan	1913

1.29	Veleciku		1½ - 4½	Hellir Chess Club
1	Shabanaj Saimir	2120	1 : 0	Stefansson Hannes	2562
2	Paci Aleksander	2150	½:½	Thorfinnsson Bjorn	2412
3	Guxho Clirim	2044	0 : 1	Gretarsson Hjorvar Steinn	2442
4	Zekaj Dritan	2068	0 : 1	Bjornsson Sigurbjorn	2349
5	Salihaj Ferit	0	- : +	Lagerman Robert	2325
6	Duli Mehdi	0	- : +	Kristinsson Bjarni Jens	2033

2. umferð:

Andstæðingar Hellis (Tomsk frá Rússlandi):

1	GM	Ponomariov Ruslan	2758	UKR
2	GM	Motylev Alexander	2690	RUS
3	GM	Inarkiev Ernesto	2692	RUS
4	GM	Areshchenko Alexander	2672	UKR
5	GM	Bologan Viktor	2657	MDA
6	GM	Kurnosov Igor	2648	RUS
	GM	Khismatullin Denis	2635	RUS

Andstæðingar Bolvíkinga:

1	GM	Zhigalko Andrey	2555	BLR
2	GM	Teterev Vitaly	2519	BLR
3	GM	Podolchenko Evgeniy	2474	BLR
4	GM	Tihonov Jurij	2448	BLR
5	IM	Mochalov Evgeny V	2379	BLR
6		Oblamski Vladimir	2157	BLR
	GM	Stupak Kirill	2516	BLR

Heimasíða mótsins

Kristján Örn efstur á Atskákmóti SR

Kristján Örn Elíasson (1906) er efstur með fullt hús loknum fjórum umferðum á Atskákmóti Reykjanesbæjar sem hófst í kvöld í Björginni. Jóhann Ingvason (2140) er annar með 3,5 vinning og Páll Sigurðsson (1943) er þriðji með 3 vinninga.  Mótinu lýkur á fimmtudag með þremur síðustu umferðunum.

Chess-Results

Skákþáttur Morgunblaðsins: Bragi og Friðrik í fararbroddi á NM öldunga

Þegar það spurðist út að Friðrik Ólafsson hygðist taka þátt í Norðurlandamóti öldunga urðu skipuleggjendur varir við stóraukinn áhuga á mótinu. Friðrik hefur ekki teflt á opinberu móti hér á landi síðan á minningarmótinu um Jóhann Þór Jónsson sem fram fór haustið 2001 og síðast tefldi hann á Skákþingi Norðurlanda fyrir 40 árum, sem fram fór í Norræna húsinu. Þar vann hann öruggan sigur.

Fyrir marga keppendur mótsins hefur það áreiðanlega verið gamall draumur að tefla við Friðrik. Nokkrir íslensku skákmannanna mættu honum margsinnis hér á árum áður, t.a.m. Magnús Sólmundarson og Gunnar Gunnarsson og í þeirra hópi er einn sem náði að leggja hann að velli í kappskák, Jóhann Örn Sigurjónsson vann það afrek á Skákþingi Reykjavíkur veturinn 1975 og þóttu mikil tíðindi. Hvað varðar erlendu gestina þurfum við gamlir aðdáendur Friðriks ekki annað en að slá upp í bókinni Við skákborðið í aldarfjórðung - 50 valdar sóknarskákir til að sjá að þeir skákmenn sem taldir eru ganga Friðrik næstir að styrkleika, Finnarnir Westerinen og Rantanen, riðu ekki feitum hesti frá viðureignum sínum við Friðrik um miðjan áttunda áratug síðustu aldar.

Friðrik hefur farið fremur rólega af stað en er engu að síður í námunda við efstu menn þegar fimm umferðir hafa verið tefldar. Staðan er þessi:

1.- 4. Bragi Halldórsson, Yrjo Rantanen, Jörn Sloth og Bent Sörensen 4v. 5. - 7. Friðrik Ólafsson, Heikki Esterinen og Gunnar Kr. Gunnarsson 3 ½ v.

Bragi Halldórsson getur rifjað upp Norðurlandamótið 1971 í Norræna húsinu með nokkru stolti því ef greinarhöfund misminnir ekki varð hann þar hraðskákmeistari Norðurlanda. Hann hefur teflt af mikilli hörku á öldungamótinu enda vel undirbúinn eftir þátttöku í afmælismóti Hellis á dögunum. Hann vann þrjár fyrstu skákirnar, lenti síðan í þekktri byrjanagildru gegn Jörn Sloth og tapaði. Fékk síðan að beita uppáhaldsbyrjun sinni, Caro-Kann vörninni, í fimmtu umferð:

NM öldunga 2011:

Jóhann Örn Sigurjónsson - Bragi Halldórsson

Caro-Kann vörn

1. e4 c6 2. Re2 d5 3. e5 c5

Hér ber að varast að leika 3. ... Bf5 vegna 4. Rd4! eins og Bent Larsen sýndi fram endur fyrir löngu.

4. d4 Rc6 5. c3 Bg4 6. f3 Bf5 7. a3 e6 8. Be3 c4 9. b4 f6

Gott var einnig 9. ... cxb3 19. Dxb3 Dd7 en Bragi kýs að halda stöðunni lokaðri.

10. exf6 gxf6 11. Rf4 Dd7 12. Kf2 Bd6 13. Ha2 Dc7 14. g3 O-O-O 15. Bh3 Bxh3 16. Rxh3 Rge7

Svartur hefur komið mönnum sínum á framfæri á þann hátt sem best verður á kosið. Það sama verður hinsvegar ekki sagt um liðsafla hvíts.

17. He2 Rf5 18. f4?

Reynir að sporna við framrás e-peðsins en veikir um of hvítu reitina.

18. ... h5! 19. Bd2 e5 20. b5 Rce7 21. fxe5 fxe5 22. dxe5 Bxe5 23. Bf4 Bxf4 24. Rxf4 h4 25. Re6 Db6+ 26. Kf3 Hd6 27. Hhe1 hxg3 28. hxg3

(STÖÐUMYND)

28. ... Hh3!

(Eftir þennan leik fær hvítur ekki neitt við ráðið. Lok þessara skákar teflir Bragi af miklum krafti.)

29. Rd4 Hxg3+ 30. Kf2 Hd3 31. Hd2 Rxd4 32. Hxd3 Hf6+ 33. Kg2 cxd3

og hvítur gafst upp. Framhaldið gæti orðið 34. cxd4 Dxd4! 35. Hxe7 Df2+ 36. Kh3 Hh6+ 37. Kg4 Hh4+ og mátar.

Norðurlandamótinu lýkur um helgina.

Helgi Ólafsson [e-mail]

-------------------------------

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum 18. september 2011.

Skákþættir Morgunblaðsins

[Event "NMoldunga2011"] [Site "Reykjavik"] [Date "2011/9/14"] [Round "r5"] [White "Jóhann Örn Sigurjónsson ISL"] [Black "Bragi Halldórsson ISL"] [Result "0-1"] [Board "r5g4"] [Input "DGT1468"] [Owner "Icelandic Chess Federation"] 1. e4 c6 2. Ne2 d5 3. e5 c5 4. d4 Nc6 5. c3 Bg4 6. f3 Bf5 7. a3 e6 8. Be3 c4 9. b4 f6 10. exf6 gxf6 11. Nf4 Qd7 12. Kf2 Bd6 13. Ra2 Qc7 14. g3 O-O-O 15. Bh3 Bxh3 16. Nxh3 Nge7 17. Re2 Nf5 18. f4 h5 19. Bd2 e5 20. b5 Nce7 21. fxe5 fxe5 22. dxe5 Bxe5 23. Bf4 Bxf4 24. Nxf4 h4 25. Ne6 Qb6+ 26. Kf3 Rd6 27. Rhe1 hxg3 28. hxg3 Rh3 29. Nd4 Rxg3+ 30. Kf2 Rd3 31. Rd2 Nxd4 32. Rxd3 Rf6+ 33. Kg2 cxd3 0-1

Haustmót TR: Tómas vann Davíð

Fyrsta umferð Haustmóts TR fór fram í dag.  51 skákmaður tekur þátt.  Teflt er í 3 tíu manna flokkum og svo einum opnum flokki.   Tómas Björnsson (2162) tók snemmbúna forystu í a-flokki þegar hann vann Davíð Kjartansson (2291) í fyrstu umferð.  Öðrum skákum lauk með jafntefli nema að skák Guðmundar Kjartanssonar (2291) og Stefans Bergssonar (2135) var frestað fram til morguns.  Önnur umferð verður tefld á miðvikudagskvöld og hefst kl. 19:30.

A-flokkur:

Úrslit 1. umferðar:

 

Bo.	Name	Result	Name
1	Kjartansson Gudmundur	fr.	Bergsson Stefan
2	Baldursson Haraldur	½ - ½	Bjornsson Sverrir Orn
3	Kjartansson David	0 - 1	Bjornsson Tomas
4	Olafsson Thorvardur	½ - ½	Ragnarsson Johann
5	Valtysson Thor	½ - ½	Jonsson Bjor

Úrslit, pörun og stöðu í b-flokki má finna hér.

Úrslit, pörun og stöðu í c-flokki má finna hér.

Úrslit, pörun og stöðu í d-flokki má finna hér. 

 

• Heimasíða mótsins
• Beinar útsendingar
• Chess-Results