Meistaramót Hellis hefst á mánudag

Meistaramót Hellis 2009 hefst mánudaginn 2. febrúar klukkan 19:30. Mótið er 7 umferða opið kappskákmót sem lýkur 23. febrúar.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning fer fram á heimasíðu Hellis.   Hægt er að fylgjast með skráningu hér.   Nú þegar eru 16 keppendur skráðir til leiks og gera má ráð fyrir mikilli fjölgun um helgina.  Meðal skráðra keppenda má nefna nýkrýndan skákmeistara Reykjavíkur, Hjörvar Stein Grétarsson, Davíð Ólafsson, Sævar Bjarnason, Gunnar Björnsson og Stefán Frey Guðmundsson.

Teflt er á mánu-, miðviku- og föstudögum.  Umferðir hefjast kl. 19:30.  Hlé verður á mótinu þegar Norðurlandamótið í skólaskák fer fram í Færeyjum.

Núverandi skákmeistari Hellis er Bjarni Jens Kristinsson en hann er jafnframt yngsti meistari félagsins frá upphafi.  Björn Þorfinnsson er sigursælastur allra Hellismanna en hann er sjöfaldur meistari.   Andri Áss Grétarsson og Þröstur Þórhallsson koma næstir með tvo meistaratitla.   

Aðalverðlaun:

1. 25.000
2. 15.000
3. 10.000

Aukaverðlaun:

• Skákmeistari Hellis: Deep Rybka 3 Aquarium. http://chessok.com/?page_id=20333 (80 evrur)
• Besti árangur undir 2200 skákstigum:  Rybka 3 Aquarium. http://chessok.com/?page_id=38 (50 evrur)
• Besti árangur undir 1800 skákstigum:  ChessOK Aquarium Standard. http://chessok.com/?page_id=20342 (35 evrur)
• Besti árangur undir 1600 skákstigum: 5.000 kr.
• Besti árangur stigalausra:  ChessOK Aquarium Basic. http://chessok.com/?page_id=20339
• Unglingaverðlaun (15 ára og yngri):  Þrenn bókaverðlaun
• Kvennaverðlaun:  Þrenn aukaverðlaun

 Hver keppandi getur aðeins fengið ein aukaverðlaun.  Stigaverðlaun miðast við íslensk skákstig. 

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn,2. febrúar, kl. 19:30
• 2. umferð, miðvikudaginn, 4. febrúar, kl. 19:30
• 3. umferð, föstudaginn, 6. febrúar, kl. 19:30
• 4. umferð, mánudaginn, 9. febrúar, kl. 19:30
• 5. umferð, mánudaginn, 16. febrúar, kl. 19:30
• 6. umferð, miðvikudaginn, 18. febrúar, kl. 19:30
• 7. umferð, mánudaginn, 23. febrúar, kl. 19:30

 Tenglar

• Heimasíða Hellis
• Facebook
• Skráðir keppendur