Íslandsmót ungmenna hófst í dag - fjórir Íslandsmeistarar þegar ljósir!

Íslandsmót ungmenna hófst í dag í Rimaskóla. Teflt er um tíu Íslandsmeistaratitla og réðust úrslitin í baráttunni um fjóra þeirra í dag. 96 skákmenn taka þátt og þar af nánast öll sterkstu ungmenni landsins í skák. Úrsltin í þremur yngstu flokkunum ráðast á morgun. 

Flokkur 15-16 ára

Bárður Örn Birkisson varð Íslandsmeistari í flokki 15-16 ára en hann hlaut 4,5 vinning í 5 skákum. Annar varð tvíburabróðir hans Björn Hólm en hann hlauut 3 vinninga. Þriðji varð Dawid Kolka með jafnmarga vinninga en lægri á stigum.

Svava Þorsteinsdóttir varð Íslandsmeistari stúlkna í flokknum.

Lokastöðuna má nálgast á Chess-Results. 

Flokkur 13-14 ára

Stephan Briem varð Íslandsmeistari 13-14 ára en hann hlaut 6 vinninga í 7 skákum. Annar varð félagi hans úr Breiðablik Birkir Ísak Jóhannsson með 5 vinninga. Þriðji varð Alexander Oliver Mai en hann hlaut einnig 5 vinninga en varð lægri á stigum.

Nansý Davíðsdóttir varð Íslandsmeistari stúlkna í flokknum. Elín Edda Jóhannsdóttir varð önnur.

Flokkur 11-12 ára 

Fimm umferðum af níu er lokið. Fjórar síðustu umferðirnar eru tefldar á morgun.

Óskar Víkingur Davíðsson er efstur stráka með fullt hús vinninga. Róbert Luu og Ísak Orri Karlsson eru í 2.-3. sæti með 4 vinninga.

Ylfa Ýr Welding Hákonardóttir og Nadía Heiðrún Arthúrsdóttir eru efstar í stúlknaflokki. Rakel Björgvinsdóttir og Esther Lind Valdimarsson eru í 3.-4. sæti. 

Stöðuna má finna á Chess-Results. 

Flokkur 9-10 ára og yngri

Fimm umferðum af níu er lokið. Fjórar síðustu umferðirnar verða tefldar á morgun.

Óttar Örn Bergmann Sigfússon er efstur í strákaflokknum með 4,5 vinninga. Stefán Orri Davíðsson og Gunnar Erik Guðmundsson eru í 2.-3. sæti með 4 vinninga.

Stöðuna má finna á Chess-Results. 

Í stúlknaflokki eru Batel Goitom Haile og Freyja Birkisdóttir efstar með fullt hús vinninga. Svanhildur Röfn Róbertsdóttir er þriðja með 4 vinninga.

Stöðuna má nálgast á Chess-Results.

Flokkur 8 ára og yngri

Fjórum umferðum af sjö er lokið. Þrjár síðustu umferðirnar verða tefldar á morgun.

Jökull Bjarki er efstur með fullt hús vinninga. Tómas Möller, Bjarki Steinn Guðlaugsson, Einar Dagur Brynjarsson, Kristján Ingi Smárason og Bjartur Þórisson koma næstir með 3 vinninga.

Stöðuna má nálgast á Chess-Results.

Soffía Arndís Berndsen er efst með fullt hús vinninga í stúlknaflokki. Katrín María Jónsdóttir og Bergþóra Helga Gunnarsdóttir koma næstar með 3 vinninga. 

Stöðuna má nálgast á Chess-Results.

Myndir væntanlegar.