Helgi og Hjörvar Steinn efstir á kynslóðamóti Skákskólans

Helgi Ólafsson og Hjövar Steinn Grétarsson urðu efstir á kynslóðamóti Skákskóla Íslands sem fram fór seinni part sunnudagsins 17. apríl. Til mótsins var boðið nokkrum valinkunum köppum og voru tefldar níu umferðir eftir svissneska kerfinu. Margir þátttakenda höfðu verið í eldlínunni á Íslandsmóti grunnskólasveita fyrr um daginn en létu sig ekki muna um að tefla meira.

Niðurstaðan varð sú sú að Helgi og Hjörvar Steinn hlutu 7 vinninga af níu mögulegum en i 3.–4. sæti komu stórmeistaranir Jóhann Hjartarson og Jón L. Árnason en þeir hlutu báðir 6½ vinning. Hugmyndin með kynslóðamótunum hefur frá upphafi verið sú að gefa ungum og efnilegum skákmönnum kost á að spreyta sig gegn þekktum meisturum.  Helgi Ólafsson og Stefán Bergsson voru jafnframt mótsstjórar.

Úrslit mótsins